LALAKOGI 17
17
I Bol tona Saelas rom vano Tesalonaeka
1Bol tona Saelas, rom dige rom vano turu na togagi venue lalawua gairue Amvibolis ko Abolonia, siu rom vano rom dadari lo qatui venue lawua Tesalonaeka. A valei soneana nora duvi Israel mo eno aie hi. 2Ko i Bol mo vano lo valei soneana mwere hi mo vai gesegi vena huduhudu goro, mo soro lolo valei soneana hi ko ingeie u toga lo qatui venue hi a wik gaitolu, siu lolo Rani Mangaana gaitolu hi, ko i Bol meire tangaloi u sao ram vui garogi lo Reve reve Gogona. 3Nge mo veve sere lawera, ve a Reve reve Gogona u veve beno tomue ve i Ratahigi Vurei vin rongo gagarasi ko vin mate. Siu vin maraga taligu dena mateana. Ko vin matamwasaragi varugegi na Reve reve Gogona hi, i Bol mo veve vena, “I Jisas hineu nam mata-mwasaraginie lawe gimiu, ingeie hi i Ratahigi Vurei.” 4Lavasigi denire ram rongo hogosi na leoi Bol ve u garea, siu ingere ram bulu mei Bol tona Saelas. A sinobu ta Kris u sao ram huduhudu goro God gina lado mava, ko a vavine u sao ingere a tomtomuegi nora vavine, ingere vage ram bulu mei Bol tona Saelas.
5Siu ingere a duvi Israel ram leo ve a tangaloi u sao ram bulu mei Bol tona Saelas, a lolora mo gagasi. Ram ware buluteginire tangaloi ingere hi ram digedige vurogi lo turegi lawua ram tau na leo huri na bulubuluesi lawera huri na lalakogi hi. Ram vai na tangaloi lo qatui venue hi a lolora mo gagasi, ram tala na valei Jeson ram vai leo ve ran haqe Bol tona Saelas huri ve ran laire tavarea lawera sinobu. 6Lune ingere rahe haqera tea, ram wiribibi Jeson meire tangaloi ladohogo lavasigi vage, ram reveire ram vano meire lo nagora tangaloi lalawua talo vanue hi. Ram ulo gina dilogi u lawua vena, “A tangaloi gairue hi, i Bol tona Saelas ingere rom toga rom vai na gineu esi vataha na ute. Ko siserigi ngaha ingere ru dadari beno lolo noda togagi venue lawua hano. 7Siu i Jeson mo laire hi, ram vano lo valena. Nge a tangaloi gairue hi ru vei utu na tamwata noi Sisa, a muei noda ratahigi. Ngere rom veve huri ve a ratahigi wagineu mo toga a henana i Jisas.” 8Lune ira duvi Israel ram veve na leo ingere ngaha ram vai na sinobu doluegi ko a muei tangaloi talolo vanue hi, ram vuigarogi mo lawua. 9Ko a nora muei tangaloi hi ram garogi Jeson meire lavasigi vage, ram bete na mane lawera mwere hi a muei tangaloi hi ram taranie. Ngehi mo haharagi huri ve i Jeson meire rain toga rorongo. Siu lo tagugi hi a muei tangaloi hi ram sireginire ram vano.
Bol tona Saelas rom vano Berea
10Lo tarogi u dodo beno, a tangaloi ladohogo talo vanue hi ram hora Bol tona Saelas, rom hage lo qatui venue gatagale, Berea. Lune ingere rom hage dadari lo vanue hi, rom vano lolo valei soneana. 11Lo vanue hi, a sinobu a domire u matawahi u liu denire ta Tesalonaeka. Ram tarani garagara ve ran rongo na leora ko vataha bongi, ram valu vurugegi na Reve reve Gogona huri ve rai ilo vurugegi ve i Bol mo veve na gineu ingere ngaha a hogo sige hatie. 12Siu a tangaloi u sao ram ladohogo gi Jisas. Ko a vavine ta Kris u sao, ingere hi ram tomueginire vavine, ko a mwera ta Kris u sao vage ram ladohogo ginie. 13Nge lune ingere a duvi Israel lo vanue Tesalonaeka ram rongo ve i Bol mo veve sere na leo noi God lo vanue Berea vage, ram hage lo vanue hi, ram vai na sinobu talo vanue Berea ram maraga gorora, ram vaiveire. 14Ko siserigi ira tangaloi ladohogo ram hora Bol mo hivo lo tahi, nge i Saelas tona Timoti, rom toga mo sigei lo vanue Berea. 15A tangaloi hi rau lei Bol rau hurie lo aka ram vano lo qatui venue lawua Atens. Siu ram mule taligu lo vanue Berea mena Leo hora den Bol huri ve i Saelas tona Timoti roin vanai vin siseri, huri roin bulu meie taligu.
I Bol u toga lo vanue Atens
16Lune i Bol mo toga rarai Saelas tona Timoti lo qatui venue lawua Atens u rongesi u liu huri mo lehi na vanue hi mo horo gina nora nunui tarabesi gineu hi ram bolo sibora. 17Siu giniehi, lolo valei soneana mo laqa siaga meire duvi Israel, ko vage meire tangaloi wagiwegineu hi ram huduhudu goro God. Ko vage mo vano vataha rani lo sarai volivoli mo laqa meire tangaloi haro hi ram vomai aie. 18A tangaloi lavasigi hi ta Kris ingere a huhui rau matai sao liu lo halai nora leo. Ingere hi vage ram laqalaqa meie. Lavasigi denire ram veve vena, “A tangaloi hi mo laqa haro. ?Mo veve na havagineu?”
A tangaloi lavasigi ram veve vena, “Igamai gam rongoe huri ve mo laqagi huri na god talo vanue wagineu.” Ram veve mwerehi huri i Bol mo laqagi huri Jisas, ko a nona maraga taligu. 19Siu ingere ram lai Bol, ram vano meie lo nagora kansel hi, ram wareginire vei ingere a Ereobakas. Ram veve vena, “Igamai gam tarani ve gan ilo vurugegi na leo huhui garaqa hi gom laqaginire. 20A gineu lavasigi ingere hi gom vevera, igamai gam rongora rau wegineu vohogi. Tau igamai gam tarani ve gan ilo na iloiloi nom leo ingere hi.” 21Ram veve mwerehi huri ngehi a doridorire tangaloi talo qatui venue hi Atens meire hala vano hi ram toga aie. Ingere gesegi ram tarani ve ran toga bubugi huri ve ran rongo na leo garaqa, ko ve ran laqalaqa vurugegi lo gineu mwere hi.
22I Bol mo labe lo nagora kansel mo veve vena, “Ranetui Atens, ineu nau lehi na doridorimiu huri ve nem huduhudu goro na god u sao. 23Huri nam dige lategi lolo qatui vanuemiu lawua hi, nam lehi na nunui tarabesi gineu u sao hi nem huduhudu gorora. Nam haqe na voda vage a uliuli mo eno lune mo veve vena, ‘Lawe na huqe hi dahe lehe tea.’ Io, nehe lehe tea nge nen huduhudu goroe ko nen lado mava ginie. Siu siseri ngaha ineu nai matamwasara ginie lawe gimiu. 24A huqe hi ingeie u teu na ure ko a gineu doluegi lolona. Ingeie a Huqe ta eulu ko lo vavagi, ingeie he toga tea lolo valei tataro hi a tangaloi rau hako gena limara. 25Ingeie he mahogi tea huri na gineu gatagale, ve igide tangaloi dai betea lawea, huri ingeie u vei gide doluegi dam mwaso ko mo bete na gineu lawe gide doluegi. 26U teu vuigi lo tangaloi gatagale hogosie, siu mo tau na tangaloi doluegi lolo ureure. Ingeie sibona u vagatai na taro gitomue beno u tatarise, mena mahoi ute hi ve rai toga aie. 27U veie mwere hi huri ve igide doluegi dai vei leo ve dai hikesie. Nge i God he vagahao tea dei gide gatagale. 28Huri a tangaloi gatagale mo veve vena,
‘Huri dai bulu mei God hogosie,
dain mwaso, dam dige lategi,
ko dam vai na gineu doluegi.’
Huri a nomiu tangaloi tauteu hi rau veve beno,
‘Igide vage i rerenetune.’
29Igide ira netui God, dain he veve tea ve ingeie u mwere na gineu hi a tangaloi ram kea ginie gina limara lo kol, a silva, sige a vatu. !I God hatie gineu mwere ve a tangaloi vin keaginie gina limana, sige gina nona mataisao! !Hatie! 30Lo taro hi tuei, a tangaloi rahe ilo God tea, ingeie u leo gagaliu na taro hi. Nge siseri ngaha, i God mo veve lawe gide doluegi ve da tau vohogi na noda domiana hi rau esi, siu da vano sulo mwaso. 31I God u leo wahe na rani gatagale beno huri ve vin veveginire tangaloi doluegi talo ure. Vin veveginire lo matahala u vovohoi. I God u leo wahe na tangaloi hi beno. Ko u haharigi beno huri ve vin mwere hi, huri u ragasi na tangaloi hi dena mateana.”
32Siu a tangaloi ram rongo huri ve i Bol mo veve huri ve i God u ragasi na tangaloi gatagale dena mateana, a tangaloi lavasigi ram mana ginie. Nge a tangaloi lavasigi ram veve vena, “Gamai gam tarani ve gan rongo na leomu taligu huri na gineu hi.” 33Siu i Bol mo mwalue mo dige denire. 34Siu a tangaloi lavasigi ram bulu meie, ram ladohogogi Jisas. A tangaloi ingere hi gatagale denire a henana i Daionisias ingeie dena burigi lo Kansel talo Ereobakas ko a vavine gatagale a henana i Damaris, ko a tangaloi lavasigi vage.
ទើបបានជ្រើសរើសហើយ៖
LALAKOGI 17: HNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific, 2013
LALAKOGI 17
17
I Bol tona Saelas rom vano Tesalonaeka
1Bol tona Saelas, rom dige rom vano turu na togagi venue lalawua gairue Amvibolis ko Abolonia, siu rom vano rom dadari lo qatui venue lawua Tesalonaeka. A valei soneana nora duvi Israel mo eno aie hi. 2Ko i Bol mo vano lo valei soneana mwere hi mo vai gesegi vena huduhudu goro, mo soro lolo valei soneana hi ko ingeie u toga lo qatui venue hi a wik gaitolu, siu lolo Rani Mangaana gaitolu hi, ko i Bol meire tangaloi u sao ram vui garogi lo Reve reve Gogona. 3Nge mo veve sere lawera, ve a Reve reve Gogona u veve beno tomue ve i Ratahigi Vurei vin rongo gagarasi ko vin mate. Siu vin maraga taligu dena mateana. Ko vin matamwasaragi varugegi na Reve reve Gogona hi, i Bol mo veve vena, “I Jisas hineu nam mata-mwasaraginie lawe gimiu, ingeie hi i Ratahigi Vurei.” 4Lavasigi denire ram rongo hogosi na leoi Bol ve u garea, siu ingere ram bulu mei Bol tona Saelas. A sinobu ta Kris u sao ram huduhudu goro God gina lado mava, ko a vavine u sao ingere a tomtomuegi nora vavine, ingere vage ram bulu mei Bol tona Saelas.
5Siu ingere a duvi Israel ram leo ve a tangaloi u sao ram bulu mei Bol tona Saelas, a lolora mo gagasi. Ram ware buluteginire tangaloi ingere hi ram digedige vurogi lo turegi lawua ram tau na leo huri na bulubuluesi lawera huri na lalakogi hi. Ram vai na tangaloi lo qatui venue hi a lolora mo gagasi, ram tala na valei Jeson ram vai leo ve ran haqe Bol tona Saelas huri ve ran laire tavarea lawera sinobu. 6Lune ingere rahe haqera tea, ram wiribibi Jeson meire tangaloi ladohogo lavasigi vage, ram reveire ram vano meire lo nagora tangaloi lalawua talo vanue hi. Ram ulo gina dilogi u lawua vena, “A tangaloi gairue hi, i Bol tona Saelas ingere rom toga rom vai na gineu esi vataha na ute. Ko siserigi ngaha ingere ru dadari beno lolo noda togagi venue lawua hano. 7Siu i Jeson mo laire hi, ram vano lo valena. Nge a tangaloi gairue hi ru vei utu na tamwata noi Sisa, a muei noda ratahigi. Ngere rom veve huri ve a ratahigi wagineu mo toga a henana i Jisas.” 8Lune ira duvi Israel ram veve na leo ingere ngaha ram vai na sinobu doluegi ko a muei tangaloi talolo vanue hi, ram vuigarogi mo lawua. 9Ko a nora muei tangaloi hi ram garogi Jeson meire lavasigi vage, ram bete na mane lawera mwere hi a muei tangaloi hi ram taranie. Ngehi mo haharagi huri ve i Jeson meire rain toga rorongo. Siu lo tagugi hi a muei tangaloi hi ram sireginire ram vano.
Bol tona Saelas rom vano Berea
10Lo tarogi u dodo beno, a tangaloi ladohogo talo vanue hi ram hora Bol tona Saelas, rom hage lo qatui venue gatagale, Berea. Lune ingere rom hage dadari lo vanue hi, rom vano lolo valei soneana. 11Lo vanue hi, a sinobu a domire u matawahi u liu denire ta Tesalonaeka. Ram tarani garagara ve ran rongo na leora ko vataha bongi, ram valu vurugegi na Reve reve Gogona huri ve rai ilo vurugegi ve i Bol mo veve na gineu ingere ngaha a hogo sige hatie. 12Siu a tangaloi u sao ram ladohogo gi Jisas. Ko a vavine ta Kris u sao, ingere hi ram tomueginire vavine, ko a mwera ta Kris u sao vage ram ladohogo ginie. 13Nge lune ingere a duvi Israel lo vanue Tesalonaeka ram rongo ve i Bol mo veve sere na leo noi God lo vanue Berea vage, ram hage lo vanue hi, ram vai na sinobu talo vanue Berea ram maraga gorora, ram vaiveire. 14Ko siserigi ira tangaloi ladohogo ram hora Bol mo hivo lo tahi, nge i Saelas tona Timoti, rom toga mo sigei lo vanue Berea. 15A tangaloi hi rau lei Bol rau hurie lo aka ram vano lo qatui venue lawua Atens. Siu ram mule taligu lo vanue Berea mena Leo hora den Bol huri ve i Saelas tona Timoti roin vanai vin siseri, huri roin bulu meie taligu.
I Bol u toga lo vanue Atens
16Lune i Bol mo toga rarai Saelas tona Timoti lo qatui venue lawua Atens u rongesi u liu huri mo lehi na vanue hi mo horo gina nora nunui tarabesi gineu hi ram bolo sibora. 17Siu giniehi, lolo valei soneana mo laqa siaga meire duvi Israel, ko vage meire tangaloi wagiwegineu hi ram huduhudu goro God. Ko vage mo vano vataha rani lo sarai volivoli mo laqa meire tangaloi haro hi ram vomai aie. 18A tangaloi lavasigi hi ta Kris ingere a huhui rau matai sao liu lo halai nora leo. Ingere hi vage ram laqalaqa meie. Lavasigi denire ram veve vena, “A tangaloi hi mo laqa haro. ?Mo veve na havagineu?”
A tangaloi lavasigi ram veve vena, “Igamai gam rongoe huri ve mo laqagi huri na god talo vanue wagineu.” Ram veve mwerehi huri i Bol mo laqagi huri Jisas, ko a nona maraga taligu. 19Siu ingere ram lai Bol, ram vano meie lo nagora kansel hi, ram wareginire vei ingere a Ereobakas. Ram veve vena, “Igamai gam tarani ve gan ilo vurugegi na leo huhui garaqa hi gom laqaginire. 20A gineu lavasigi ingere hi gom vevera, igamai gam rongora rau wegineu vohogi. Tau igamai gam tarani ve gan ilo na iloiloi nom leo ingere hi.” 21Ram veve mwerehi huri ngehi a doridorire tangaloi talo qatui venue hi Atens meire hala vano hi ram toga aie. Ingere gesegi ram tarani ve ran toga bubugi huri ve ran rongo na leo garaqa, ko ve ran laqalaqa vurugegi lo gineu mwere hi.
22I Bol mo labe lo nagora kansel mo veve vena, “Ranetui Atens, ineu nau lehi na doridorimiu huri ve nem huduhudu goro na god u sao. 23Huri nam dige lategi lolo qatui vanuemiu lawua hi, nam lehi na nunui tarabesi gineu u sao hi nem huduhudu gorora. Nam haqe na voda vage a uliuli mo eno lune mo veve vena, ‘Lawe na huqe hi dahe lehe tea.’ Io, nehe lehe tea nge nen huduhudu goroe ko nen lado mava ginie. Siu siseri ngaha ineu nai matamwasara ginie lawe gimiu. 24A huqe hi ingeie u teu na ure ko a gineu doluegi lolona. Ingeie a Huqe ta eulu ko lo vavagi, ingeie he toga tea lolo valei tataro hi a tangaloi rau hako gena limara. 25Ingeie he mahogi tea huri na gineu gatagale, ve igide tangaloi dai betea lawea, huri ingeie u vei gide doluegi dam mwaso ko mo bete na gineu lawe gide doluegi. 26U teu vuigi lo tangaloi gatagale hogosie, siu mo tau na tangaloi doluegi lolo ureure. Ingeie sibona u vagatai na taro gitomue beno u tatarise, mena mahoi ute hi ve rai toga aie. 27U veie mwere hi huri ve igide doluegi dai vei leo ve dai hikesie. Nge i God he vagahao tea dei gide gatagale. 28Huri a tangaloi gatagale mo veve vena,
‘Huri dai bulu mei God hogosie,
dain mwaso, dam dige lategi,
ko dam vai na gineu doluegi.’
Huri a nomiu tangaloi tauteu hi rau veve beno,
‘Igide vage i rerenetune.’
29Igide ira netui God, dain he veve tea ve ingeie u mwere na gineu hi a tangaloi ram kea ginie gina limara lo kol, a silva, sige a vatu. !I God hatie gineu mwere ve a tangaloi vin keaginie gina limana, sige gina nona mataisao! !Hatie! 30Lo taro hi tuei, a tangaloi rahe ilo God tea, ingeie u leo gagaliu na taro hi. Nge siseri ngaha, i God mo veve lawe gide doluegi ve da tau vohogi na noda domiana hi rau esi, siu da vano sulo mwaso. 31I God u leo wahe na rani gatagale beno huri ve vin veveginire tangaloi doluegi talo ure. Vin veveginire lo matahala u vovohoi. I God u leo wahe na tangaloi hi beno. Ko u haharigi beno huri ve vin mwere hi, huri u ragasi na tangaloi hi dena mateana.”
32Siu a tangaloi ram rongo huri ve i Bol mo veve huri ve i God u ragasi na tangaloi gatagale dena mateana, a tangaloi lavasigi ram mana ginie. Nge a tangaloi lavasigi ram veve vena, “Gamai gam tarani ve gan rongo na leomu taligu huri na gineu hi.” 33Siu i Bol mo mwalue mo dige denire. 34Siu a tangaloi lavasigi ram bulu meie, ram ladohogogi Jisas. A tangaloi ingere hi gatagale denire a henana i Daionisias ingeie dena burigi lo Kansel talo Ereobakas ko a vavine gatagale a henana i Damaris, ko a tangaloi lavasigi vage.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific, 2013