LALAKOGI 12
12
I Herod mo vaivei na warelue noi Jisas
1Lo taro hi a ratahigi lawua i Herod mo tauvuigi mo vaivei na tangaloi noi Jisas lavasigi. 2Mo lai Jemis tuei Jon, ram tai vagamatea gena buei vuro. 3Lune mo leo ve a sinobu a duvi Israel ram havuhevu lune nge mo hora ve rain wiribibi Bita lo taroi gaganie lawua ngehi ram gani na bereti ngehi hatie isi lolona. 4Lune ram wiribibi Bita siu ram taue lolo valei veuveu. Ingeie Herod mo tau na burigi gaivesi ve rain leo goroe, a tangaloi vuro gaivesi lo burigi gatagale. I Herod mo domigi ve a taroi Hinagai Halegagaliu ngaha vin rovo nge vin lei Bita vin veilehe lo nagora tangaloi. 5Lune i Bita mo toga lolo valei veuveu, nge a sinobu talolo warelue ram tataro siaga gesegi hurie.
A engsel noi God mo lai vohogi Bita dena valei veuveu
6Lolo bongi i Herod mo domigi ve vin lei Bita tavarea lo nagora tangaloi, i Bita mo maturu lo livugara leogoro gairue. Rau veu bibie gina garo vatu gairue, a gai leogorogi tuegi vage mo leogoro na matai valei veuveu. 7Siserigi a engsel nona Huqe lo eulu mo labe tahi mo varavara lolo valei veuveu hi. A engsel hi mo gilugi Bita lo siqana mo ragasie mo veve vena, “Gon maraga! Siseri!” Ko a seni hi ram soi vohogi dena limana vagatagale. 8Siu a engsel hi mo veve vena, “Gon wasigi na wasimu, ko gon saru na nomu butu.” I Bita mo vai mwerehi. Siu a engsel hi mo veve lawea vena, “Gon luqeluqe vunu gon hurieu.” 9I Bita mo hurie mo mwalue dena valei veuveu. Ingeie he ilo tea ve a engsel mo vaie hi a hogo, ingeie mo lado ve a hueri. 10Rom liu na leogoroi matai ara muegi, ko a leogoroi matai ara tuegi, ko rom dadari vagasigi lo matai ara vatu ngehi mo waga sulolo togagi venue lawua. A matai ara u tavalanga lawera sibona ko ingere rom mwalue. Rom dige mo hivo lo turegi lawua, ko siserigi a engsel mo siregi Bita.
11Siu i Bita mobei leo hogosi na gineu hi u vei lawea, ko mo veve vena, “Siseri ngaha nam ilo vurugegi ve a hogo. A Huqe u hora na nona engsel mo lai luau dena limei Herod, ko dena gineu sao ngerehi a sinobu a duvi Israel rau lado rarai ve rain veire.”
12Ko i Bita mo leo vurugegi na gineu hi, siu ingeie mo vano lo tanoi Meri, i ratahi Jon Mak. A sinobu u sao rau sone bubugi ram tataro aiehi. 13Ko i Bita mo dingdingi lo matai vale varea, a taqalugu a henana i Roda mo vomai vena roa na matai vale. 14Ingeie mo rong hogosi na diloi Bita ko mo havuhevu mo toa mo vano taligu, he roa na matai vale tea, ingeie mo veve sere huri ve i Bita mo labe varea.
15Ko ingere ram veve lawea vena, “Iniko gom lenga!” Ko ingeie mo garogi huri ve a hogo.” Siu ingere ram duvi vena, “ngehi a tamatena.”
16He ribi tea i Bita mo dingdingi taligu. Ingere ram roa na matai vale ko lune ingere ram lehe ram garigi garagara. 17Siu ingeie mo toqetoqe bibire gina limana huri ve ran toga rorongo, ko mo mata-mwasaraginie lawera ve a Huqe u veie mo mwalue dena valei veuveu mwere hilogo. Siu mo veve lawera vena, “Nein veve sere lawe Jemis ko i retueku doluegi huri na roro ngaha.” Ingeie mo veve mwere ngaha, siu mo siregi mo vano lo vanue dolue.
18Lolo robongi siaga a tangaloi vuro ram rong lelengaginie, huri ve a havagineu u vei Bita. 19Siu i Herod mo hora na leo ve ran hikesie, nge ingere rahe haqea tea. Ingeie mo lai na tangaloi vuro lo kot ko ingeie mo ue vagamatera. Lo tagugi hi i Herod mo hivo den Judia ko mo toga huri mahoi bongi lo vanue Sisaria.
Herod u mate
20I Herod u mero garagara gina sinobu ta Taea ko Saedon, siu ingere ram vano tabulutegi ve ran lehe. Gitomuegi ingere rau lei Blastas mo bulu meire, ingeie hi u leogoro na valei Herod. Siu ingere ram vano lobena ram navu na tauleo denie, a vevenagi a sinobu lolo vanue hi ram lai na gara hinaga dena vanuei ratahigi hi.
21Siu i Herod mo leo wahe na rani gatagale mo lai na luqei ratahigi mo luqeginie, siu mo toga lo tanoi togatoga ratahigi ko mo laqa lawe na sinobu. 22A sinobu ram ulo vena, “A tangaloi he laqa tea, nge a god.” 23Ko siserigi a engsel noi God mo wehi Herod mo soi, a vevenagi he ladomava tea gi God. Siu a siloti ram ganie mo mate.
24Siu a leo noi God mo mwaso ko mo gao lategi. 25Siu i Banabas tona Sol a taroi nora sirosiro u rovo rom vano taligu den Jerusalem, rom lai Jon Mak mo hurire.
ទើបបានជ្រើសរើសហើយ៖
LALAKOGI 12: HNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific, 2013
LALAKOGI 12
12
I Herod mo vaivei na warelue noi Jisas
1Lo taro hi a ratahigi lawua i Herod mo tauvuigi mo vaivei na tangaloi noi Jisas lavasigi. 2Mo lai Jemis tuei Jon, ram tai vagamatea gena buei vuro. 3Lune mo leo ve a sinobu a duvi Israel ram havuhevu lune nge mo hora ve rain wiribibi Bita lo taroi gaganie lawua ngehi ram gani na bereti ngehi hatie isi lolona. 4Lune ram wiribibi Bita siu ram taue lolo valei veuveu. Ingeie Herod mo tau na burigi gaivesi ve rain leo goroe, a tangaloi vuro gaivesi lo burigi gatagale. I Herod mo domigi ve a taroi Hinagai Halegagaliu ngaha vin rovo nge vin lei Bita vin veilehe lo nagora tangaloi. 5Lune i Bita mo toga lolo valei veuveu, nge a sinobu talolo warelue ram tataro siaga gesegi hurie.
A engsel noi God mo lai vohogi Bita dena valei veuveu
6Lolo bongi i Herod mo domigi ve vin lei Bita tavarea lo nagora tangaloi, i Bita mo maturu lo livugara leogoro gairue. Rau veu bibie gina garo vatu gairue, a gai leogorogi tuegi vage mo leogoro na matai valei veuveu. 7Siserigi a engsel nona Huqe lo eulu mo labe tahi mo varavara lolo valei veuveu hi. A engsel hi mo gilugi Bita lo siqana mo ragasie mo veve vena, “Gon maraga! Siseri!” Ko a seni hi ram soi vohogi dena limana vagatagale. 8Siu a engsel hi mo veve vena, “Gon wasigi na wasimu, ko gon saru na nomu butu.” I Bita mo vai mwerehi. Siu a engsel hi mo veve lawea vena, “Gon luqeluqe vunu gon hurieu.” 9I Bita mo hurie mo mwalue dena valei veuveu. Ingeie he ilo tea ve a engsel mo vaie hi a hogo, ingeie mo lado ve a hueri. 10Rom liu na leogoroi matai ara muegi, ko a leogoroi matai ara tuegi, ko rom dadari vagasigi lo matai ara vatu ngehi mo waga sulolo togagi venue lawua. A matai ara u tavalanga lawera sibona ko ingere rom mwalue. Rom dige mo hivo lo turegi lawua, ko siserigi a engsel mo siregi Bita.
11Siu i Bita mobei leo hogosi na gineu hi u vei lawea, ko mo veve vena, “Siseri ngaha nam ilo vurugegi ve a hogo. A Huqe u hora na nona engsel mo lai luau dena limei Herod, ko dena gineu sao ngerehi a sinobu a duvi Israel rau lado rarai ve rain veire.”
12Ko i Bita mo leo vurugegi na gineu hi, siu ingeie mo vano lo tanoi Meri, i ratahi Jon Mak. A sinobu u sao rau sone bubugi ram tataro aiehi. 13Ko i Bita mo dingdingi lo matai vale varea, a taqalugu a henana i Roda mo vomai vena roa na matai vale. 14Ingeie mo rong hogosi na diloi Bita ko mo havuhevu mo toa mo vano taligu, he roa na matai vale tea, ingeie mo veve sere huri ve i Bita mo labe varea.
15Ko ingere ram veve lawea vena, “Iniko gom lenga!” Ko ingeie mo garogi huri ve a hogo.” Siu ingere ram duvi vena, “ngehi a tamatena.”
16He ribi tea i Bita mo dingdingi taligu. Ingere ram roa na matai vale ko lune ingere ram lehe ram garigi garagara. 17Siu ingeie mo toqetoqe bibire gina limana huri ve ran toga rorongo, ko mo mata-mwasaraginie lawera ve a Huqe u veie mo mwalue dena valei veuveu mwere hilogo. Siu mo veve lawera vena, “Nein veve sere lawe Jemis ko i retueku doluegi huri na roro ngaha.” Ingeie mo veve mwere ngaha, siu mo siregi mo vano lo vanue dolue.
18Lolo robongi siaga a tangaloi vuro ram rong lelengaginie, huri ve a havagineu u vei Bita. 19Siu i Herod mo hora na leo ve ran hikesie, nge ingere rahe haqea tea. Ingeie mo lai na tangaloi vuro lo kot ko ingeie mo ue vagamatera. Lo tagugi hi i Herod mo hivo den Judia ko mo toga huri mahoi bongi lo vanue Sisaria.
Herod u mate
20I Herod u mero garagara gina sinobu ta Taea ko Saedon, siu ingere ram vano tabulutegi ve ran lehe. Gitomuegi ingere rau lei Blastas mo bulu meire, ingeie hi u leogoro na valei Herod. Siu ingere ram vano lobena ram navu na tauleo denie, a vevenagi a sinobu lolo vanue hi ram lai na gara hinaga dena vanuei ratahigi hi.
21Siu i Herod mo leo wahe na rani gatagale mo lai na luqei ratahigi mo luqeginie, siu mo toga lo tanoi togatoga ratahigi ko mo laqa lawe na sinobu. 22A sinobu ram ulo vena, “A tangaloi he laqa tea, nge a god.” 23Ko siserigi a engsel noi God mo wehi Herod mo soi, a vevenagi he ladomava tea gi God. Siu a siloti ram ganie mo mate.
24Siu a leo noi God mo mwaso ko mo gao lategi. 25Siu i Banabas tona Sol a taroi nora sirosiro u rovo rom vano taligu den Jerusalem, rom lai Jon Mak mo hurire.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific, 2013