ಮಾರ್ಕ 11
11
ಯೇಸು ರಾಜಾನಾಯಿತ್ ಯೆರೂಸಲೇಮ್‌ಕ್ ಪ್ರವೇಶ ಮಾಡ್‍ನದ್
(ಮತ್ತಾಯ 21.1–11; ಲೂಕ 19.29–40; ಯೋಹಾನ 12.12–19)
1ಯೇಸು ಪಿಂಞ ಅಂವೊಂಡ ಶಿಷ್ಯಂಗ ಯೆರೂಸಲೇಮ್‍ರ ಆಲಿವ್ ಕುಂದ್‌ರ ಪಕ್ಕತ್‍ಲ್ ಇಂಜ ಬೇತ್ಫಗೆ ಪಿಂಞ ಬೇಥಾನ್ಯ ಊರ್‌ರ ಪಕ್ಕ ಬಪ್ಪಕ, ಯೇಸು ತಾಂಡ ದಂಡ್ ಶಿಷ್ಯಂಗಳ ಕಾಕಿತ್: 2ನಿಂಗಕ್ ಎದ್‍ರ್‌ಲ್ ಉಳ್ಳ ಊರ್‌ಕ್ ಪೋಯಿತ್ ನಿಂಗ ಅಲ್ಲಿ ಎತ್ತ್‌ವಕ, ಅಲ್ಲಿ ದಾರೂ ಸವಾರಿ ಮಾಡತ ಒರ್ ಕತ್ತೆ ಕುಟ್ಟಿನ ಕೆಟ್ಟಿತ್‌ ಉಳ್ಳಾನ ಕಾಂಬಿರ. ಅದ್‍ನ ಉತ್ತಿಯಂಡ್ ಇಲ್ಲಿಕ್ ಆಟಿಯಂಡ್ ಬಾರಿ. 3ದಾರೇಂಗಿ ಎನ್ನಂಗ್ ಈ ಕತ್ತೆ ಕುಟ್ಟಿನ ಉತ್ತಿಯಂಡುಳ್ಳಿರಾಂದ್ ಕ್‍ೕಟತೇಂಗಿ, ಅದ್ ಒಡೆಯಂಗ್ ಬೋಂಡೂಂದ್ ಎಣ್ಣಿ. ಅಕ್ಕ, ಕತ್ತೆ ಕುಟ್ಟಿನ ಬೆರಿಯ ಅಯಿಚಿತ್ ತಂದ್‌ರ್‌ವಾಂದ್ ಎಣ್ಣಿತ್ ಅಯಿಚತ್. 4ಯೇಸು ಎಣ್ಣ್‌ನನೆಕೆ ಕತ್ತೆ ಕುಟ್ಟಿನ ಬೀದಿಲ್ ಒರ್ ಮನೆರ ಮಿಂಞತ್‍ಲ್ ಕೆಟ್ಟಿತ್ಂಜಾನ ಕಂಡತ್. ಅಯಿಂಗ ಕೆಟ್ಟಿತ್ಂಜ ಕತ್ತೆ ಕುಟ್ಟಿನ ಉತ್ತುವಕಾಪಕ 5ಅಲ್ಲಿ ನಿಂದಂಡಿಂಜ ಚೆನ್ನ ಜನ ಎನ್ನಂಗ್ ಕತ್ತೆ ಕುಟ್ಟಿನ ಉತ್ತ್‌ವಿರಾಂದ್ ಕ್‍ೕಟತ್? 6ಶಿಷ್ಯಂಗ ಯೇಸು ಎಣ್ಣ್‌ನನೆಕೆ ಎಣ್ಣ್‌ಚಿ. ಆ ಮನುಷ್ಯಂಗ ಮುಂಡತೆ ಪೋಪಕ್ ಬುಟ್ಟತ್. 7ಅಯಿಂಗ ಆ ಕತ್ತೆ ಕುಟ್ಟಿನ ಯೇಸುರ ಪಕ್ಕ ಕೂಟಿಯಂಡ್ ಬಾತ್. ಅಯಿಂಗಯಿಂಗಡ ಬಟ್ಟೇನ ಕತ್ತೆರ ಮೇಲೆ ಇಟ್ಟತ್. ಅಂವೊ ಅದ್ಂಡಮೇಲೆ ಪತ್ತಿತ್ ಅಳ್‌ತತ್. 8ಅಕ್ಕ ದುಂಬ ಜನ ಅಯಿಂಗಯಿಂಗಡ ವಸ್ತ್ರತ್‍ನ ನಡ್‍ಪ ಬಟ್ಟೇಲ್ ಬಿರಿಚತ್. ಚೆನ್ನ ಜನ ಮರತ್‍ರ ಕೊಂಬ್‍ನ ಕೆತ್ತುವಂಜಿ ಬಟ್ಟೇಲ್ ಇಟ್ಟತ್. 9ಯೇಸುರ ಮಿಂಞತ್‍ಲ್ ಬಯ್ಯತ್‌ಲ್ ಇಂಜ ಜನ
ಹೊಸನ್ನ!#11.9 ಹೊಸನ್ನ ಎಣ್ಣ್‌ಚೇಂಗಿ ದಯಬೆಚ್ಚಿತ್ ನಂಗಳ ರಕ್ಷಣೆ ಮಾಡ್‍ೕಂದ್ ಅರ್ಥ.
ಒಡೆಯನಾನ ದೇವಡ ಪೆದತ್‍ಲ್ ಬಪ್ಪಂವೊಂಗ್ ಆಶೀರ್ವಾದಾಂದ್ ತುದಿಪಕ್ ಸುರ್ ಮಾಡ್‍ಚಿ.#11.9 ದೇವಡ ಪಾಟ್ 118.25,26
10ದೇವಡ ಪೆದತ್‍ಲ್ ಬಪ್ಪ ನಂಗಡ ಅಪ್ಪನಾನ ದಾವೀದಂಡ ರಾಜ್ಯಕ್ ಆಶೀರ್ವಾದ ಕ್‍ಟ್ಟಡ್;
ಪರಲೋಕತ್‍ಲ್ ಹೊಸನ್ನಾಂದ್ ಕೂತ್ ಕೊಡ್‍ತತ್. 11ಯೇಸು ಯೆರೂಸಲೇಮ್‌ಕ್ ಬಂತ್, ದೇವಾಲಯಕ್ ಪೋಯಿತ್ ಅಲ್ಲಿ ಎಲ್ಲಾನ ಸುತ್ತ್‌ಮುತ್ತ್ ನೋಟ್‌ಚಿ. ಬಯಿಟಾಯಿ ಬಂದಗುಂಡ್ ಅಂವೊಂಡ ಪನ್ನೆರಂಡ್ ಶಿಷ್ಯಂಗಳ ಕಾಕಿಯಂಡ್ ಬೇಥಾನ್ಯ ಎಣ್ಣುವಲ್ಲಿಕ್ ಪೋಚಿ. 12ಪಿತ್ಯಾಂದ್ ಬೇಥಾನ್ಯಯಿಂಜ ಬಯ್ಯಕ್ ಬಪ್ಪಕ ಯೇಸುಕ್ ಕೆಲಪಯಿಪಕ್ ಸುರ್ ಆಚಿ.
ಯೇಸು ಅತ್ತಿಪಣ್ಣ್ ಮರಕ್ ಶಾಪ ಇಡ್‍ವದ್
(ಮತ್ತಾಯ 21.18,19)
13ಯೇಸು ದೂರತ್‍ಲ್ ಒರ್ ಎಲೆ ದುಂಬ್‍ನ ಅತ್ತಿಪಣ್ಣ್ ಮರತ್‍ನ ಕಂಡಿತ್, ಮರತ್‍ರ ಪಕ್ಕ ಪೋಯಿತ್ ಅತ್ತಿಪಣ್ಣ್ ಉಂಡಾಂದ್ ನೋಟ್‌ಚಿ. ಬರಿ, ಎಲೆನ ಮಾತ್ರ ಕಂಡತ್, ಎನ್ನಂಗೆಣ್ಣ್‌ಚೇಂಗಿ ಅಕ್ಕ ಅತ್ತಿಪಣ್ಣ್ ಆಪ ಸಮಯ ಆಯಿತ್ಂಜಿಲೆ. 14ಇಂಞು ಮಿಂಞಕ್ ದಾರೂ ಈ ಮರತ್‍ರ ಪಣ್ಣ್‌ನ ತಿಂಬಕ್ಕಾಗ ಎಣ್ಣಿಯಂಡ್ ಯೇಸು ಆ ಮರಕ್ ಎಣ್ಣ್‌ಚಿ. ಇದ್‍ನ ಅಂವೊಂಡ ಶಿಷ್ಯಂಗ ಕ್‍ೕಟತ್.
ಯೇಸು ದೇವಾಲಯಕ್ ಪೋಪದ್
(ಮತ್ತಾಯ 21.18–19; ಲೂಕ 19.45–48; ಯೋಹಾನ 2.13–22)
15ಅಯಿಂಗ ಯೆರೂಸಲೇಮ್‌ಕ್ ಬಾತ್. ಯೇಸು ದೇವಾಲಯತ್‍ರ ಒಳ್‍ಕ್ ಪೋಯಿತ್, ಅಲ್ಲಿ ವ್ಯಾಪಾರ ಮಾಡಿಯಂಡಿಂಜ ಜನಳ ದೌತ್‌ಚಿ. ದುಡ್ಡ್‌ನ ಬದ್‍ಲ್ ಮಾಡಿಯಂಡಿಂಜ ಜನತ್‍ರ ಮೇಜಿನ ಪಿಂಞ ಪಾರಿವಾಳ ಪಕ್ಷಿನ ಮಾರ್‌ವಯಿಂಗಡ ಕುರ್ಚಿನ ಮುರ್‌ಚಿತ್ ಇಟ್ಟತ್. 16ದಾರೂ ದೇವಾಲಯತ್‍ರ ಒಳ್‍ಕ್ ಏದ್ ಸಮಾನತ್‍ನ ಎಡ್‌ತ ಪೋಪಕ್ ಬುಟ್ಟಿತ್‌ಲ್ಲೆ.
17ನಾಡ ಮನೆ ಎಲ್ಲಾ ದೇಶತ್‍ರ ಜನಕ್
ಪ್ರಾರ್ಥನೆರ ಮನೆಯಾಯಿತ್ ಇಪ್ಪಾಂದ್ ದೇವಡ ವಾಕ್ಯತ್‍ಲ್ ಒಳ್‌ದಿತ್‌ಲ್ಲೆಯಾ?#11.17 ಯೆಶಾಯ 56.7
ಆಚೇಂಗಿ ನಿಂಗ ಅದ್‍ನ ಕಳ್ಳಂಗಡ ಗುಹೆರನೆಕೆ ಮಾಡಿತುಳ್ಳಿರಾಂದ್ ಅಯಿಂಗಕ್ ಪಡಿಪ್‌ಚಿಟ್ಟತ್.#11.17 ಯೆರೆಮೀಯ 7.11 18ಮುಕ್ಯ ಯಾಜಕಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಯೇಸು ತಕ್ಕ್ ಪರಿವಾನ ಕ್‍ೕಟತ್. ಅಂದಕ ಅಯಿಂಗ ಎಂತಾಚೇಂಗಿಯು ಮಾಡಿತ್ ಯೇಸುನ ಕೊಲ್ಲುವಕ್ ನೋಟಿಯಂಡ್ ಇಂಜತ್. ಆಚೇಂಗಿ ಜನಕೆಲ್ಲಾ ಯೇಸುರ ಬೋದನೆ ಕ್‍ೕಟಿತ್ ದುಂಬ ಆಶ್ಚರ್ಯ ಆನಗುಂಡ್ ಅಯಿಂಗ ಯೇಸುನ ಕಂಡಿತ್ ಬೊತ್ತ್‌ವಯಿಂಜತ್.
ಅತ್ತಿಪಣ್ಣ್ ಮರತ್ಂಜ ಒರ್ ಪಾಠ
(ಮತ್ತಾಯ 21.20–22)
19ಬೈಟಾಪಕ ಯೇಸು ಪಿಂಞ ಅಂವೊಂಡ ಶಿಷ್ಯಂಗ ಯೆರೂಸಲೇಮ್‍ನ ಬುಟ್ಟಿತ್ ಪೋಯಿರ್‌ತ್. 20ಪಿತ್ಯಾಂದ್ ಪೊಲಾಕ ನೇರತೆ ಅಯಿಂಗ ಬಟ್ಟೇಲ್ ನಡ್ಂದ್ ಪೋಯಂಡಿಪ್ಪಕ ಅತ್ತಿಪಣ್ಣ್ ಮರ ಬೇರೋಡೆ ಒಣಂಗಿ ಚತ್ತ್ ಪೋಯಿತ್ಂಜಾನ ಕಂಡತ್. 21ಪೇತ್ರಂಗ್ ಗೇನ ಆಯಿತ್: ಉಪಾದ್ಯನೇ: ನೀನ್ ಈ ಅತ್ತಿಪಣ್ಣ್ ಮರಕ್ ಶಾಪ ಇಟ್ಟನೆಕೆ ಮರ ಚತ್ತ್ ಪೋಚೀಂದ್ ಎಣ್ಣ್‌ಚಿ.
22ಅದ್ಂಗ್ ಯೇಸು: ದೇವಡ ಮೇಲೆ ನಂಬಿಕೆ ಬೆಚ್ಚೊಳಿ, 23ದಾರಾಚೇಂಗಿಯು ಈ ಕುಂದ್‌ಕ್ ಏಳ್, ನೀನ್ ಆ ಸಮುದ್ರಕ್ ಬುದ್ದ್‌ಪೋಂದ್ ಎಣ್ಣಿತ್, ಅಂವೊಂಡ ಮನಸ್ಸ್‌ಲ್ ಅಂವೊ ಎಣ್ಣ್‌ನ ಪ್ರಕಾರ ನಡ್‌ಪಾಂದ್ ಅನುಮಾನ ಇಲ್ಲತೆ ನಂಬ್‍ಚೇಂಗಿ ಅದ್ ಅನ್ನನೆ ಆಪಾಂದ್ ನಾನ್ ನಿಂಗಕ್ ನೇರಾಯಿತು ಎಣ್ಣ್‌ವಿ. 24ಅದ್ಂಗಾಯಿತ್, ಪ್ರಾರ್ಥನೆ ಮಾಡ್‌ವಕ, ನಿಂಗ ಎಂತ ಕ್‍ೕಪಿರ ಅದ್ ನಂಗಕ್ ಕ್‍ಟ್ಟ್‌ಚೀಂದ್ ನಂಬಿತ್ ಪ್ರಾರ್ಥನೆ ಮಾಡಿ. ಅಕ್ಕ ಅದ್ ನಿಂಗಕ್ ಆಪಾಂದ್ ನಾನ್ ನಿಂಗಕ್ ಎಣ್ಣ್‌ವಿ. 25ನಿಂಗ ನಿಂದಂಡ್ ಪ್ರಾರ್ಥನೆ ಮಾಡ್‌ವಕ ನಿಂಗಕ್ ದಾರಾಚೇಂಗಿಯು ಪಾಪ ಮಾಡಿತುಂಡೇಂಗಿ ಅಯಿಂಗಳ ಮನ್ನಿಚಿಡಿ, ಅಕ್ಕ ಪರಲೋಕತ್‍ಲ್ ಉಳ್ಳ ನಿಂಗಡ ದೇವನಾನ ಅಪ್ಪ ನಿಂಗ ಮಾಡ್‍ನ ಪಾಪತ್‍ನ ಸಹ ಮನ್ನಿಚಿಡುವ. 26ನಿಂಗ ಅಯಿಂಗಳ ಮನ್ನಿಚಿಡತ ಪೋಚೇಂಗಿ, ಪರಲೋಕತ್‌ಲುಳ್ಳ ನಿಂಗಡ ದೇವನಾನ ಅಪ್ಪ ನಿಂಗ ಮಾಡ್‍ನ ಪಾಪತ್‍ನ ಮನ್ನಿಚಿಡುಲೇಂದ್ ಎಣ್ಣ್‌ಚಿ.
ಯೇಸುರ ಅದಿಕಾರತ್‍ರ ವಿಷಯತ್ ಪ್ರಶ್ನೆ ಮಾಡ್‍ನದ್
(ಮತ್ತಾಯ 21.23–27; ಲೂಕ 20.1–8)
27ಪುನಃ ಅಯಿಂಗ ಯೆರೂಸಲೇಮ್‌ಕ್ ಬಾತ್. ಯೇಸು ದೇವಾಲಯತ್‍ಲ್ ನಡ್ಂದ್ ಪೋಯಂಡಿಪ್ಪಕ, ಮುಕ್ಯ ಯಾಜಕಂಗಳು ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳು ಪಿಂಞ ಪೆರಿಯಯಿಂಗಳು ಯೇಸುರ ಪಕ್ಕ ಬಂದಿತ್: 28ಇದ್‍ನೆಲ್ಲ ನೀನ್ ಏದ್ ಅದಿಕಾರತ್‍ಲ್ ಮಾಡಿಯಂಡುಳ್ಳಿಯಾ? ದಾರ್ ನೀಕ್ ಇನ್ನನೆಲ್ಲಾ ಮಾಡ್‌ವಕ್ ಅದಿಕಾರತ್‍ನ ಕೊಡ್‌ತತ್‍ೕಂದ್ ಕ್‍ೕಟತ್.
29ಯೇಸು: ನಾನ್ ನಿಂಗಳ ಒರ್ ಪ್ರಶ್ನೆ ಕ್‍ೕಪಿ. ನಿಂಗ ಅದ್ಂಗ್ ಉತ್ತರ ಕೊಡ್‍ತತೇಂಗಿ, ನಾನ್ ಏದ್ ಅದಿಕಾರತ್‍ಲ್ ಈ ಕ್ರಿಯೇಯೆಲ್ಲಾ ಮಾಡಿಯಂಡುಂಡ್‍ೕಂದ್ ನಿಂಗಕ್ ನಾನ್ ಎಣ್ಣಿ ತಪ್ಪಿ. 30ನಿಂಗಕ್ ದೀಕ್ಷಾಸ್ನಾನ ತಪ್ಪ ಅದಿಕಾರ ಯೋಹಾನಂಗ್ ಪರಲೋಕತ್ಂಜ ಕ್‍ಟ್ಟ್‌ನದಾ? ಅಥವ ಮನುಷ್ಯಡಿಂಜ ಕ್‍ಟ್ಟನದಾಂದ್ ನಿಂಗ ಇಕ್ಕ ಎಣ್ಣಿ.
31ಅಕ್ಕ ಅಯಿಂಗಯಿಂಗಳೇ ಚರ್ಚೆ ಮಾಡ್‌ವಕ್ ಸುರು ಮಾಡ್‍ಚಿ: ನಂಗ ಎಂತ ಎಣ್ಣುವ? ನಂಗ ಇಕ್ಕ ಪರಲೋಕತ್ಂಜ ಬಾತ್‍ೕಂದ್ ಎಣ್ಣ್‌ಚೇಂಗಿ ನಿಂಗ ಎನ್ನಂಗ್ ಯೋಹಾನನ ನಂಬುಲೇಂದ್ ಕ್‍ೕಪ. 32ಆಚೇಂಗಿ ಇದ್ ಮನುಷ್ಯಂಡಲ್ಲಿಂಜ ಬಾತ್‍ೕಂದ್ ಎಣ್ಣ್‌ಚೇಂಗಿ, ನಂಗ ಮನುಷ್ಯಂಗಕ್ ಬೊತ್ತ್‌ಚಿಟ್ಟನೆಕೆ ಅಯಿಂಗಕ್ ಆಪ. ಎನ್ನಂಗೆಣ್ಣ್‌ಚೇಂಗಿ ಯೋಹಾನ ಎಣ್ಣ್‌ವಂವೊ ನೇರಾಯಿತು ಪ್ರವಾದೀಂದ್ ಜನ ಗೇನ ಮಾಡಿಯಂಡಿಂಜತ್. 33ಇದ್‍ನಗುಂಡು ಅಯಿಂಗ ಯೇಸುನ ನೋಟಿತ್, ನಂಗಕ್ ಗೊತ್ತ್‌ಲ್ಲೇಂದ್ ಎಣ್ಣಿರ್‌ತ್.
ಅದ್ಂಗ್ ಯೇಸು: ಅನ್ನನಾಚೇಂಗಿ ನಾನು ಇದ್‍ನೆಲ್ಲ ಏದ್ ಅದಿಕಾರತ್‍ಲ್ ಮಾಡಿಯಂಡುಂಡ್‍ೕಂದ್ ನಿಂಗಕ್ ಎಣ್ಣುಲೇಂದ್ ಎಣ್ಣ್‌ಚಿ.
ទើបបានជ្រើសរើសហើយ៖
ಮಾರ್ಕ 11: ಕೊಡವ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017, New Life Literature (NLL)
ಮಾರ್ಕ 11
11
ಯೇಸು ರಾಜಾನಾಯಿತ್ ಯೆರೂಸಲೇಮ್‌ಕ್ ಪ್ರವೇಶ ಮಾಡ್‍ನದ್
(ಮತ್ತಾಯ 21.1–11; ಲೂಕ 19.29–40; ಯೋಹಾನ 12.12–19)
1ಯೇಸು ಪಿಂಞ ಅಂವೊಂಡ ಶಿಷ್ಯಂಗ ಯೆರೂಸಲೇಮ್‍ರ ಆಲಿವ್ ಕುಂದ್‌ರ ಪಕ್ಕತ್‍ಲ್ ಇಂಜ ಬೇತ್ಫಗೆ ಪಿಂಞ ಬೇಥಾನ್ಯ ಊರ್‌ರ ಪಕ್ಕ ಬಪ್ಪಕ, ಯೇಸು ತಾಂಡ ದಂಡ್ ಶಿಷ್ಯಂಗಳ ಕಾಕಿತ್: 2ನಿಂಗಕ್ ಎದ್‍ರ್‌ಲ್ ಉಳ್ಳ ಊರ್‌ಕ್ ಪೋಯಿತ್ ನಿಂಗ ಅಲ್ಲಿ ಎತ್ತ್‌ವಕ, ಅಲ್ಲಿ ದಾರೂ ಸವಾರಿ ಮಾಡತ ಒರ್ ಕತ್ತೆ ಕುಟ್ಟಿನ ಕೆಟ್ಟಿತ್‌ ಉಳ್ಳಾನ ಕಾಂಬಿರ. ಅದ್‍ನ ಉತ್ತಿಯಂಡ್ ಇಲ್ಲಿಕ್ ಆಟಿಯಂಡ್ ಬಾರಿ. 3ದಾರೇಂಗಿ ಎನ್ನಂಗ್ ಈ ಕತ್ತೆ ಕುಟ್ಟಿನ ಉತ್ತಿಯಂಡುಳ್ಳಿರಾಂದ್ ಕ್‍ೕಟತೇಂಗಿ, ಅದ್ ಒಡೆಯಂಗ್ ಬೋಂಡೂಂದ್ ಎಣ್ಣಿ. ಅಕ್ಕ, ಕತ್ತೆ ಕುಟ್ಟಿನ ಬೆರಿಯ ಅಯಿಚಿತ್ ತಂದ್‌ರ್‌ವಾಂದ್ ಎಣ್ಣಿತ್ ಅಯಿಚತ್. 4ಯೇಸು ಎಣ್ಣ್‌ನನೆಕೆ ಕತ್ತೆ ಕುಟ್ಟಿನ ಬೀದಿಲ್ ಒರ್ ಮನೆರ ಮಿಂಞತ್‍ಲ್ ಕೆಟ್ಟಿತ್ಂಜಾನ ಕಂಡತ್. ಅಯಿಂಗ ಕೆಟ್ಟಿತ್ಂಜ ಕತ್ತೆ ಕುಟ್ಟಿನ ಉತ್ತುವಕಾಪಕ 5ಅಲ್ಲಿ ನಿಂದಂಡಿಂಜ ಚೆನ್ನ ಜನ ಎನ್ನಂಗ್ ಕತ್ತೆ ಕುಟ್ಟಿನ ಉತ್ತ್‌ವಿರಾಂದ್ ಕ್‍ೕಟತ್? 6ಶಿಷ್ಯಂಗ ಯೇಸು ಎಣ್ಣ್‌ನನೆಕೆ ಎಣ್ಣ್‌ಚಿ. ಆ ಮನುಷ್ಯಂಗ ಮುಂಡತೆ ಪೋಪಕ್ ಬುಟ್ಟತ್. 7ಅಯಿಂಗ ಆ ಕತ್ತೆ ಕುಟ್ಟಿನ ಯೇಸುರ ಪಕ್ಕ ಕೂಟಿಯಂಡ್ ಬಾತ್. ಅಯಿಂಗಯಿಂಗಡ ಬಟ್ಟೇನ ಕತ್ತೆರ ಮೇಲೆ ಇಟ್ಟತ್. ಅಂವೊ ಅದ್ಂಡಮೇಲೆ ಪತ್ತಿತ್ ಅಳ್‌ತತ್. 8ಅಕ್ಕ ದುಂಬ ಜನ ಅಯಿಂಗಯಿಂಗಡ ವಸ್ತ್ರತ್‍ನ ನಡ್‍ಪ ಬಟ್ಟೇಲ್ ಬಿರಿಚತ್. ಚೆನ್ನ ಜನ ಮರತ್‍ರ ಕೊಂಬ್‍ನ ಕೆತ್ತುವಂಜಿ ಬಟ್ಟೇಲ್ ಇಟ್ಟತ್. 9ಯೇಸುರ ಮಿಂಞತ್‍ಲ್ ಬಯ್ಯತ್‌ಲ್ ಇಂಜ ಜನ
ಹೊಸನ್ನ!#11.9 ಹೊಸನ್ನ ಎಣ್ಣ್‌ಚೇಂಗಿ ದಯಬೆಚ್ಚಿತ್ ನಂಗಳ ರಕ್ಷಣೆ ಮಾಡ್‍ೕಂದ್ ಅರ್ಥ.
ಒಡೆಯನಾನ ದೇವಡ ಪೆದತ್‍ಲ್ ಬಪ್ಪಂವೊಂಗ್ ಆಶೀರ್ವಾದಾಂದ್ ತುದಿಪಕ್ ಸುರ್ ಮಾಡ್‍ಚಿ.#11.9 ದೇವಡ ಪಾಟ್ 118.25,26
10ದೇವಡ ಪೆದತ್‍ಲ್ ಬಪ್ಪ ನಂಗಡ ಅಪ್ಪನಾನ ದಾವೀದಂಡ ರಾಜ್ಯಕ್ ಆಶೀರ್ವಾದ ಕ್‍ಟ್ಟಡ್;
ಪರಲೋಕತ್‍ಲ್ ಹೊಸನ್ನಾಂದ್ ಕೂತ್ ಕೊಡ್‍ತತ್. 11ಯೇಸು ಯೆರೂಸಲೇಮ್‌ಕ್ ಬಂತ್, ದೇವಾಲಯಕ್ ಪೋಯಿತ್ ಅಲ್ಲಿ ಎಲ್ಲಾನ ಸುತ್ತ್‌ಮುತ್ತ್ ನೋಟ್‌ಚಿ. ಬಯಿಟಾಯಿ ಬಂದಗುಂಡ್ ಅಂವೊಂಡ ಪನ್ನೆರಂಡ್ ಶಿಷ್ಯಂಗಳ ಕಾಕಿಯಂಡ್ ಬೇಥಾನ್ಯ ಎಣ್ಣುವಲ್ಲಿಕ್ ಪೋಚಿ. 12ಪಿತ್ಯಾಂದ್ ಬೇಥಾನ್ಯಯಿಂಜ ಬಯ್ಯಕ್ ಬಪ್ಪಕ ಯೇಸುಕ್ ಕೆಲಪಯಿಪಕ್ ಸುರ್ ಆಚಿ.
ಯೇಸು ಅತ್ತಿಪಣ್ಣ್ ಮರಕ್ ಶಾಪ ಇಡ್‍ವದ್
(ಮತ್ತಾಯ 21.18,19)
13ಯೇಸು ದೂರತ್‍ಲ್ ಒರ್ ಎಲೆ ದುಂಬ್‍ನ ಅತ್ತಿಪಣ್ಣ್ ಮರತ್‍ನ ಕಂಡಿತ್, ಮರತ್‍ರ ಪಕ್ಕ ಪೋಯಿತ್ ಅತ್ತಿಪಣ್ಣ್ ಉಂಡಾಂದ್ ನೋಟ್‌ಚಿ. ಬರಿ, ಎಲೆನ ಮಾತ್ರ ಕಂಡತ್, ಎನ್ನಂಗೆಣ್ಣ್‌ಚೇಂಗಿ ಅಕ್ಕ ಅತ್ತಿಪಣ್ಣ್ ಆಪ ಸಮಯ ಆಯಿತ್ಂಜಿಲೆ. 14ಇಂಞು ಮಿಂಞಕ್ ದಾರೂ ಈ ಮರತ್‍ರ ಪಣ್ಣ್‌ನ ತಿಂಬಕ್ಕಾಗ ಎಣ್ಣಿಯಂಡ್ ಯೇಸು ಆ ಮರಕ್ ಎಣ್ಣ್‌ಚಿ. ಇದ್‍ನ ಅಂವೊಂಡ ಶಿಷ್ಯಂಗ ಕ್‍ೕಟತ್.
ಯೇಸು ದೇವಾಲಯಕ್ ಪೋಪದ್
(ಮತ್ತಾಯ 21.18–19; ಲೂಕ 19.45–48; ಯೋಹಾನ 2.13–22)
15ಅಯಿಂಗ ಯೆರೂಸಲೇಮ್‌ಕ್ ಬಾತ್. ಯೇಸು ದೇವಾಲಯತ್‍ರ ಒಳ್‍ಕ್ ಪೋಯಿತ್, ಅಲ್ಲಿ ವ್ಯಾಪಾರ ಮಾಡಿಯಂಡಿಂಜ ಜನಳ ದೌತ್‌ಚಿ. ದುಡ್ಡ್‌ನ ಬದ್‍ಲ್ ಮಾಡಿಯಂಡಿಂಜ ಜನತ್‍ರ ಮೇಜಿನ ಪಿಂಞ ಪಾರಿವಾಳ ಪಕ್ಷಿನ ಮಾರ್‌ವಯಿಂಗಡ ಕುರ್ಚಿನ ಮುರ್‌ಚಿತ್ ಇಟ್ಟತ್. 16ದಾರೂ ದೇವಾಲಯತ್‍ರ ಒಳ್‍ಕ್ ಏದ್ ಸಮಾನತ್‍ನ ಎಡ್‌ತ ಪೋಪಕ್ ಬುಟ್ಟಿತ್‌ಲ್ಲೆ.
17ನಾಡ ಮನೆ ಎಲ್ಲಾ ದೇಶತ್‍ರ ಜನಕ್
ಪ್ರಾರ್ಥನೆರ ಮನೆಯಾಯಿತ್ ಇಪ್ಪಾಂದ್ ದೇವಡ ವಾಕ್ಯತ್‍ಲ್ ಒಳ್‌ದಿತ್‌ಲ್ಲೆಯಾ?#11.17 ಯೆಶಾಯ 56.7
ಆಚೇಂಗಿ ನಿಂಗ ಅದ್‍ನ ಕಳ್ಳಂಗಡ ಗುಹೆರನೆಕೆ ಮಾಡಿತುಳ್ಳಿರಾಂದ್ ಅಯಿಂಗಕ್ ಪಡಿಪ್‌ಚಿಟ್ಟತ್.#11.17 ಯೆರೆಮೀಯ 7.11 18ಮುಕ್ಯ ಯಾಜಕಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಯೇಸು ತಕ್ಕ್ ಪರಿವಾನ ಕ್‍ೕಟತ್. ಅಂದಕ ಅಯಿಂಗ ಎಂತಾಚೇಂಗಿಯು ಮಾಡಿತ್ ಯೇಸುನ ಕೊಲ್ಲುವಕ್ ನೋಟಿಯಂಡ್ ಇಂಜತ್. ಆಚೇಂಗಿ ಜನಕೆಲ್ಲಾ ಯೇಸುರ ಬೋದನೆ ಕ್‍ೕಟಿತ್ ದುಂಬ ಆಶ್ಚರ್ಯ ಆನಗುಂಡ್ ಅಯಿಂಗ ಯೇಸುನ ಕಂಡಿತ್ ಬೊತ್ತ್‌ವಯಿಂಜತ್.
ಅತ್ತಿಪಣ್ಣ್ ಮರತ್ಂಜ ಒರ್ ಪಾಠ
(ಮತ್ತಾಯ 21.20–22)
19ಬೈಟಾಪಕ ಯೇಸು ಪಿಂಞ ಅಂವೊಂಡ ಶಿಷ್ಯಂಗ ಯೆರೂಸಲೇಮ್‍ನ ಬುಟ್ಟಿತ್ ಪೋಯಿರ್‌ತ್. 20ಪಿತ್ಯಾಂದ್ ಪೊಲಾಕ ನೇರತೆ ಅಯಿಂಗ ಬಟ್ಟೇಲ್ ನಡ್ಂದ್ ಪೋಯಂಡಿಪ್ಪಕ ಅತ್ತಿಪಣ್ಣ್ ಮರ ಬೇರೋಡೆ ಒಣಂಗಿ ಚತ್ತ್ ಪೋಯಿತ್ಂಜಾನ ಕಂಡತ್. 21ಪೇತ್ರಂಗ್ ಗೇನ ಆಯಿತ್: ಉಪಾದ್ಯನೇ: ನೀನ್ ಈ ಅತ್ತಿಪಣ್ಣ್ ಮರಕ್ ಶಾಪ ಇಟ್ಟನೆಕೆ ಮರ ಚತ್ತ್ ಪೋಚೀಂದ್ ಎಣ್ಣ್‌ಚಿ.
22ಅದ್ಂಗ್ ಯೇಸು: ದೇವಡ ಮೇಲೆ ನಂಬಿಕೆ ಬೆಚ್ಚೊಳಿ, 23ದಾರಾಚೇಂಗಿಯು ಈ ಕುಂದ್‌ಕ್ ಏಳ್, ನೀನ್ ಆ ಸಮುದ್ರಕ್ ಬುದ್ದ್‌ಪೋಂದ್ ಎಣ್ಣಿತ್, ಅಂವೊಂಡ ಮನಸ್ಸ್‌ಲ್ ಅಂವೊ ಎಣ್ಣ್‌ನ ಪ್ರಕಾರ ನಡ್‌ಪಾಂದ್ ಅನುಮಾನ ಇಲ್ಲತೆ ನಂಬ್‍ಚೇಂಗಿ ಅದ್ ಅನ್ನನೆ ಆಪಾಂದ್ ನಾನ್ ನಿಂಗಕ್ ನೇರಾಯಿತು ಎಣ್ಣ್‌ವಿ. 24ಅದ್ಂಗಾಯಿತ್, ಪ್ರಾರ್ಥನೆ ಮಾಡ್‌ವಕ, ನಿಂಗ ಎಂತ ಕ್‍ೕಪಿರ ಅದ್ ನಂಗಕ್ ಕ್‍ಟ್ಟ್‌ಚೀಂದ್ ನಂಬಿತ್ ಪ್ರಾರ್ಥನೆ ಮಾಡಿ. ಅಕ್ಕ ಅದ್ ನಿಂಗಕ್ ಆಪಾಂದ್ ನಾನ್ ನಿಂಗಕ್ ಎಣ್ಣ್‌ವಿ. 25ನಿಂಗ ನಿಂದಂಡ್ ಪ್ರಾರ್ಥನೆ ಮಾಡ್‌ವಕ ನಿಂಗಕ್ ದಾರಾಚೇಂಗಿಯು ಪಾಪ ಮಾಡಿತುಂಡೇಂಗಿ ಅಯಿಂಗಳ ಮನ್ನಿಚಿಡಿ, ಅಕ್ಕ ಪರಲೋಕತ್‍ಲ್ ಉಳ್ಳ ನಿಂಗಡ ದೇವನಾನ ಅಪ್ಪ ನಿಂಗ ಮಾಡ್‍ನ ಪಾಪತ್‍ನ ಸಹ ಮನ್ನಿಚಿಡುವ. 26ನಿಂಗ ಅಯಿಂಗಳ ಮನ್ನಿಚಿಡತ ಪೋಚೇಂಗಿ, ಪರಲೋಕತ್‌ಲುಳ್ಳ ನಿಂಗಡ ದೇವನಾನ ಅಪ್ಪ ನಿಂಗ ಮಾಡ್‍ನ ಪಾಪತ್‍ನ ಮನ್ನಿಚಿಡುಲೇಂದ್ ಎಣ್ಣ್‌ಚಿ.
ಯೇಸುರ ಅದಿಕಾರತ್‍ರ ವಿಷಯತ್ ಪ್ರಶ್ನೆ ಮಾಡ್‍ನದ್
(ಮತ್ತಾಯ 21.23–27; ಲೂಕ 20.1–8)
27ಪುನಃ ಅಯಿಂಗ ಯೆರೂಸಲೇಮ್‌ಕ್ ಬಾತ್. ಯೇಸು ದೇವಾಲಯತ್‍ಲ್ ನಡ್ಂದ್ ಪೋಯಂಡಿಪ್ಪಕ, ಮುಕ್ಯ ಯಾಜಕಂಗಳು ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳು ಪಿಂಞ ಪೆರಿಯಯಿಂಗಳು ಯೇಸುರ ಪಕ್ಕ ಬಂದಿತ್: 28ಇದ್‍ನೆಲ್ಲ ನೀನ್ ಏದ್ ಅದಿಕಾರತ್‍ಲ್ ಮಾಡಿಯಂಡುಳ್ಳಿಯಾ? ದಾರ್ ನೀಕ್ ಇನ್ನನೆಲ್ಲಾ ಮಾಡ್‌ವಕ್ ಅದಿಕಾರತ್‍ನ ಕೊಡ್‌ತತ್‍ೕಂದ್ ಕ್‍ೕಟತ್.
29ಯೇಸು: ನಾನ್ ನಿಂಗಳ ಒರ್ ಪ್ರಶ್ನೆ ಕ್‍ೕಪಿ. ನಿಂಗ ಅದ್ಂಗ್ ಉತ್ತರ ಕೊಡ್‍ತತೇಂಗಿ, ನಾನ್ ಏದ್ ಅದಿಕಾರತ್‍ಲ್ ಈ ಕ್ರಿಯೇಯೆಲ್ಲಾ ಮಾಡಿಯಂಡುಂಡ್‍ೕಂದ್ ನಿಂಗಕ್ ನಾನ್ ಎಣ್ಣಿ ತಪ್ಪಿ. 30ನಿಂಗಕ್ ದೀಕ್ಷಾಸ್ನಾನ ತಪ್ಪ ಅದಿಕಾರ ಯೋಹಾನಂಗ್ ಪರಲೋಕತ್ಂಜ ಕ್‍ಟ್ಟ್‌ನದಾ? ಅಥವ ಮನುಷ್ಯಡಿಂಜ ಕ್‍ಟ್ಟನದಾಂದ್ ನಿಂಗ ಇಕ್ಕ ಎಣ್ಣಿ.
31ಅಕ್ಕ ಅಯಿಂಗಯಿಂಗಳೇ ಚರ್ಚೆ ಮಾಡ್‌ವಕ್ ಸುರು ಮಾಡ್‍ಚಿ: ನಂಗ ಎಂತ ಎಣ್ಣುವ? ನಂಗ ಇಕ್ಕ ಪರಲೋಕತ್ಂಜ ಬಾತ್‍ೕಂದ್ ಎಣ್ಣ್‌ಚೇಂಗಿ ನಿಂಗ ಎನ್ನಂಗ್ ಯೋಹಾನನ ನಂಬುಲೇಂದ್ ಕ್‍ೕಪ. 32ಆಚೇಂಗಿ ಇದ್ ಮನುಷ್ಯಂಡಲ್ಲಿಂಜ ಬಾತ್‍ೕಂದ್ ಎಣ್ಣ್‌ಚೇಂಗಿ, ನಂಗ ಮನುಷ್ಯಂಗಕ್ ಬೊತ್ತ್‌ಚಿಟ್ಟನೆಕೆ ಅಯಿಂಗಕ್ ಆಪ. ಎನ್ನಂಗೆಣ್ಣ್‌ಚೇಂಗಿ ಯೋಹಾನ ಎಣ್ಣ್‌ವಂವೊ ನೇರಾಯಿತು ಪ್ರವಾದೀಂದ್ ಜನ ಗೇನ ಮಾಡಿಯಂಡಿಂಜತ್. 33ಇದ್‍ನಗುಂಡು ಅಯಿಂಗ ಯೇಸುನ ನೋಟಿತ್, ನಂಗಕ್ ಗೊತ್ತ್‌ಲ್ಲೇಂದ್ ಎಣ್ಣಿರ್‌ತ್.
ಅದ್ಂಗ್ ಯೇಸು: ಅನ್ನನಾಚೇಂಗಿ ನಾನು ಇದ್‍ನೆಲ್ಲ ಏದ್ ಅದಿಕಾರತ್‍ಲ್ ಮಾಡಿಯಂಡುಂಡ್‍ೕಂದ್ ನಿಂಗಕ್ ಎಣ್ಣುಲೇಂದ್ ಎಣ್ಣ್‌ಚಿ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017, New Life Literature (NLL)