Mark 4
4
Tipaachimuwin chiskutamaachewin anit kaa aayimuumaakanuut naapeu kaa asihchepinahk shuuminh
Matthew 13.1-9; Luke 8.4-8
1Peyakwaau miin e chiskutamaachet Jesus yaayeu Galilee saakahiikanihch, chek chii ati mihchetiyuu aweyuu e pechi nituhtaakut. Ekw kaa puusit utiyuu, kaa akumut anit saakahiikanihch. Ekw aniyuu mihchetu aweyuu kaa pechi takushiniyich e wii nituhtaakut anite yaayeu chii ihtaayuuh. 2Mistahii maak chii chiskutamuweu tipaachimuwin chiskutamaachewinh e aapachihtaat. Chii iteu maak, 3“Nituhtamukw maa, Peyakwaau naapeu chii nituu nihtaauchihcheu anite unihtaauchihchikan aschiihch. 4Aniyuu maak e aschewepinahk shuuminh pasch anite patuteskanuu chii pahchishtiniyuuh, ekw piyeshiisha misiwe kaa miichiyich. 5Kutak shuuminh e asiniiyuuniyich chii pahchishtiniyuuh, anite ekaa miihkwaach aschiiyuuniyich, wiipach maak chii saachinihtaauchiniyuuh wesh taapaa uhchi chispakaau anit aschii. 6Iskutak maak e ispahahk piisim chii ishkwaateuh aniyuuh nihtaauchihchikanh. Chek chii ati nipiimakanh wesh taapaa uhchi utipiimakanh. 7Ekw aniyuu shuumin kaa paahpahchishtihkwaauh anite kaa kaasutewaaskuhkwaau niipisiyaahtikw e ihtakuniyikwaauh, ekute anite chek kaa ati asich nihtaauchihkwaau. Chek maak namui uhchi miyu nihtaauchinh aniyuu kaa nihtaauchihtaakanuuhkwaau e chii chipishkaatuumakahkwaau aniyuu kaa kaawaaskuhkwaau niipisiyaahtikw. Namui maak uhchii miinishuunh. 8Pasch maak aniyuu shuumin e miyuskamikaayich ekute kaa ishi pahchihtiniyikwaauh, chii miyu nihtaauchinh uyuuh ekw maak kaa miyu miinishuuhkwaau. Pasch uyuu shuuminh nishtumitanuu nihtaauchihchikanh chii uhchi nihtaauchinh anit uhchi ekw pasch kutwaashumitanuu chii uhchi nihtaauchinh ekw kutak mitaahtumitanuu.” Eukw uyuu tipaachimuwiniyuu kaa wiihtahk Jesus. 9Chii iteu maak, “An awen kaa uhtaaukaaut e nahiihtahk maak, yaakwaau kata wii nituhtam.”
E itaapatahkwaau tipaachimuwin chiskutamaachewinh
Matthew 13.10-17; Luke 8.9, 10
10Iskutak maak miin mikw wiyawaau e ihtaatwaau Jesus, pasch aweyuuh ekw maak aniyuuh niishushaap uchischinuhamuwaakanh, chii kakwechimikuu taan e ishi wiihtamaachemakaniyich aniyuu kaa ishi tipaachimut. 11Ekw kaa itaat, “Chichii miikunaawaau chiyawaau chechii chischeyihtamekw an chekwaan kutakach awenich ekaa miyaakanuutwaau chechii chischeyihtahkwaau, eukuu chechii chischeyihtamuwekw Chishemanituu uchisheuchimaawin. Kutakach awenich e aayimuutamuwaakanuutwaau Chishemanituu uchisheuchimaawiniyuu tipaachimuwin chiskutamaachewinh wiihtamuwaakanuuch chechii tipipayihch uu kaa itashtech Chishemanituu utayimuwinihch,
12Aat e waapahtahkwaau namui chii nisituunamuch nesht suuhk e nituhtahkwaau namui chii nisituhtamuch. Wesh chii nisituunamuwaakupanenich kaye chii nisituhtamuwaakupanenich nipaa pechi chiiwe naatikuch chechii wepeyihtamuukwaau.”
Jesus kaa aayimuutahk shuuminh
Matthew 13.18-23; Luke 8.11-15
13Ekw Jesus miin kaa ati itwet, “Namui aa chinisituhtenaawaau chiyawaau e ishi wiihtamaachemakahch uu tipaachimuwin. Taanite maak chechii uhchi nisituhtamekw aniyuuh kutak tipaachimuwin. 14An awen kaa waawiihtahk Chishemanituu umiywaachimuwiniyuu muyaam nihtaauchihchesuu shuuminh kaa asihchiwepinahk ishinaakusuu. 15Anihiih maak shuuminh patuteskanuu kaa pahchishtihkwaau eukunich uchii awenichii iskutak piyehtahkwaau miywaachimuwiniyuu, tiiwehch machimanituu takushiniyuu e ati utinamiyich aniyuu chipaa ishi nihtaauchiniyuu utehiiwaahch. 16Ekw anihiih anite e asiniiyuuhch kaa pahchishtihkwaau eukw uchii awenich tiiwehch mikw kaa ishi utinahkwaau uskach piyehtahkwaau miywaachimuwiniyuu naashch e muuchicheyihtamihiikutwaau. 17Mikw maak namui ihtakuniyuu taanite chechii uhchi yaaich nihtaauchitwaau ekw maak namui chineush chii ishikaapuuch. Iskutak nechiskahkwaau e aayimaniyich maak e maayeyimaakanuutwaau aniyuu ayimuwiniyuu uhchi ekut tiiwehch kaa chiiwekaapuutwaau. 18Ekw kutakach awenichii muyaam anihiih shuuminh kaa pahchishtihkwaau anite kaa kaasutewaakwaau maaskusuu e ihtakuhkwaauh ekun e ishinaakusitwaau. Eukw uchii kaa pehtahkwaau miywaachimuwiniyuu, 19mikw maak aniyuu naashch e mukushkaachishtaatwaau aschiiyuu chekwaayuuh kaye naashch mikw e wii ushuuliyaamitwaau e ihtitwaau kaye pishikw e mushtenahkwaau chekwaayuu chechii ayaatwaau eukw uyuu wehchi chek wanaataniyich utaapwehtamuwinawaau. Ekw maak namui chii miinisuuch upimaatisiiwiniwaahch. 20Ekw kutakach awenich muyaam anihiih shuuminh kaa pahchishtihkwaau anite e miyuskamikaach ekun e ishinaakusitwaau. Iskutak piyehtahkwaau miywaachimuwiniyuu tiiwehch utinamuch kaye nuukuniyuu upimaatisiiwiniwaahch muyaam e ati miinishuutwaau e ishinaakusitwaau. Muyaam nihtaauchihchikanh e mista miinishuuhkwaau ekun chek e ati ishinaakusitwaau uchii. Kutakach Nishtumitanuu miinisha chii nihtaauchiniyuuh anit uhchi e ihtaatwaau, ekw kutakach kutwaashumitanuu ekw kutakach mitaahtumitanuu.” Eukw uyuu kaa itaat Jesus aniyuu kaa taapweyimikut.
Waashtewin e aayimuutech
Luke 8.16-18
21Miin kaa ati itwet Jesus, “Ihtuu aa awen e chii saskahahk waashtenamaakaniyuu shiipaa nipewinihch chechii ashtaat, maak chechii kwetipistaat tapiyuu anit waashtenamaakanihch. Namui aa wiyesh anite wehpemishtaau. 22Misiwe chekwaan ekaa kaa nuukuhtaakanuuhch kata nuukuhtaakanuu, ekw an kaa akunahiikanuuhch kata musheshteu. 23Nituhtamukw maak, an awen kaa uhtaaukaaut e nahiihtahk maak yaakwaau kata wii nituhtam.”
24Jesus kaye chii itweu, “Nanaakataweyihtamukw suuhk chechii nituhtamekw. Mikw taan che ishpish miiwewekwe ekun che ishpish miikuyekw kaye chiyawaau. Etituu maak mistahii chika miikunaawaau. 25An maak awen kaa ayaat chekwaayuu etituu kata miyaakanuu. Ekw an ekaa kaa ayaat chekwaayuu aat aniyuu taan e ishi apishiish ayaat kata utinikanuuyuu.”
Shuumin kaa nihtaauchihtaakanuuhch kaa tipaatutech
26Jesus kaye miin chii ati itweu, “Mwehch naapeu kaa asihchewepinaat shuuminh unihtaauchihchikan aschiihch ekun e iteyihtaakuniyich Chishemanituu uchisheuchimaawin. 27An naapeu nipaau e tipiskaayich ekw iskutak piyetaapaniyich weniskaat. Nihtaauchiniyuuh maak aniyuuh shuuminh kaa nihtaauchihtaat mikw namui chischeyihtam taanite wehchi nihtaauchiniyikwaau. 28Wesh aschii nihtaauchihiiwemakan ekw maak nehtaauchihkwaau anihiih shuuminh. Niishtam saachinihtaauchinh anit e niipisiiuhkwaauh chek e ati chiishi nihtaauchihkwaauh kaye e ati miinishuuhkwaauh. 29Utihchipayiche maak che manishikaanuuhch, iskutak miinishuuniikwaawen aniyuuh nihtaauchihchikanh ekw che aapatisit an naapeu e maahmanashahk aniyuuh unihtaauchihchikanh, chimiskushaawesikaniyuu e aapachihtaat.”
Shuumin maauch kaa apishaashich kaa tipaatutech
Matthew 13.31, 32, 34; Luke 13.18, 19
30Ekw uyuu kaa ati itwet Jesus, “Chekwaan maak chechii wiihtamuhkw chechii itweyihkw ekun e iteyihtaakuniyich Chishemanituu uchisheuchimaawin. Chekw tipaachimuwin chiskutamaachewin chechii wiihtamuhkw chechii uhchi chischeyihtaakuhch. 31Mwehch an shuumin maauch kaa apishiishiit utah aschiihch mastart kaa ishinihkaataakanuut ekun e ishinaakuhch kihchikiishikw uchimaawin. Naapeu utineu uyuuh shuuminh ekw aschiihch e aaihwaat chechii nihtaauchiyich. 32Chek maak e ati nihtaauchiyich. Iskutak maak kaa chiishi nihtaauchiyich eukw uyuu maauch chenwaaskuniyich e tahtiniyikwaauh kutak nihtaauchihchikanh. E ishpish piikwesit uu mistikush piyeshiishach uwachishtunihkaasuuch anite watihkunihch anit e ukaashteyaaskweyaayich.” 33Mihchetwaau chii tipaachimuu Jesus uyuuh e iteyihtaakuniyikwaauh tipaachimuwinh e waawiihtamuwaat. Eukw uyuuh kaa aapachihtaat e waawiihtamuwaat miywaachimuwiniyuu. Mikw taan chechii ishpish nisituhtamiyich ekun kaa ishi wiihtamuwaat. 34Eukw uyuu pisikw kaa aapachihtaat e ayimihaat aweyuu. Mikw maak iskutak mikw wiyawaau e ihtaatwaau uchischinuhamuwaakanh ekut kaa chii waawiihtamuwaat taan e ishi chiishuwemakaniyikwaau uyuuh tipaachimuwinh.
Kaa mista chiishtihch
Matthew 8.23-27; Luke 8.22-25
35Aniyuu wetaakusiyich, Jesus chii iteu uchischinuhamuwaakanh, “Nete akaamihch isichimetaau.” 36Ekw anichii chischinuhamuwaakanich kaa nakataatwaau aniyuuh aweyuuh kaa mihchetiyich ekw kaa puusitwaau aniyuu utiyuu anit kaa ihtaayich Jesus ekw kaa chihchichimetwaau Jesus e puusihaatwaau. Chii ihtakunh kaye kutak chiimaan e ati mushaaupayihkwaau. 37Chek chii uhchi mista chiishtiniyuu. Aniyuu maak e puusipahiituyitwaau kiskanh utuutuwaahch, chekaat chii saakaschinepeyuu utuutuwaau. 38Anite maak tahkuhiikanihch chii ihtaau Jesus e nipaat e ashpishkweshimut ashpishikweshimuwiniyuu. Chischinuhamuwaakanich maak chii wanishkaaneuch e itaatwaau, “Chischinuhamaachesuu, namui aa wiyesh chika uhchi iteyihten nistaapaaweyaahche.” 39Kaa wanishkaat Jesus, ekw kaa itashuwaatahk aniyuu kaa chiishtiniyich chechii puunipayiyich, ekw aniyuu kiskanh kaa itaat, “Chiyaamisiikw, ekun ekw.” Chii nachiiweyuu ekw maak kaa uhchi ywaashtiniyich. 40Chii iteu maak Jesus aniyuuh uchischinuhamuwaakanh, “Chekwaan wehchi kushtaachiyekw. Taanite chitaapwehtamuwinawaau.” 41Chii mista miskaateyihtamuch maak anichii chischinuhamuwaakanich taan kaa ishi waapahtahkwaau e ispayiyich ekw kaa ititutwaau, “Awen uu waawaach e chiishtiniyich kaye kiskanh e pishichihiikut.”
ទើបបានជ្រើសរើសហើយ៖
Mark 4: crjrNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.
Mark 4
4
Tipaachimuwin chiskutamaachewin anit kaa aayimuumaakanuut naapeu kaa asihchepinahk shuuminh
Matthew 13.1-9; Luke 8.4-8
1Peyakwaau miin e chiskutamaachet Jesus yaayeu Galilee saakahiikanihch, chek chii ati mihchetiyuu aweyuu e pechi nituhtaakut. Ekw kaa puusit utiyuu, kaa akumut anit saakahiikanihch. Ekw aniyuu mihchetu aweyuu kaa pechi takushiniyich e wii nituhtaakut anite yaayeu chii ihtaayuuh. 2Mistahii maak chii chiskutamuweu tipaachimuwin chiskutamaachewinh e aapachihtaat. Chii iteu maak, 3“Nituhtamukw maa, Peyakwaau naapeu chii nituu nihtaauchihcheu anite unihtaauchihchikan aschiihch. 4Aniyuu maak e aschewepinahk shuuminh pasch anite patuteskanuu chii pahchishtiniyuuh, ekw piyeshiisha misiwe kaa miichiyich. 5Kutak shuuminh e asiniiyuuniyich chii pahchishtiniyuuh, anite ekaa miihkwaach aschiiyuuniyich, wiipach maak chii saachinihtaauchiniyuuh wesh taapaa uhchi chispakaau anit aschii. 6Iskutak maak e ispahahk piisim chii ishkwaateuh aniyuuh nihtaauchihchikanh. Chek chii ati nipiimakanh wesh taapaa uhchi utipiimakanh. 7Ekw aniyuu shuumin kaa paahpahchishtihkwaauh anite kaa kaasutewaaskuhkwaau niipisiyaahtikw e ihtakuniyikwaauh, ekute anite chek kaa ati asich nihtaauchihkwaau. Chek maak namui uhchi miyu nihtaauchinh aniyuu kaa nihtaauchihtaakanuuhkwaau e chii chipishkaatuumakahkwaau aniyuu kaa kaawaaskuhkwaau niipisiyaahtikw. Namui maak uhchii miinishuunh. 8Pasch maak aniyuu shuumin e miyuskamikaayich ekute kaa ishi pahchihtiniyikwaauh, chii miyu nihtaauchinh uyuuh ekw maak kaa miyu miinishuuhkwaau. Pasch uyuu shuuminh nishtumitanuu nihtaauchihchikanh chii uhchi nihtaauchinh anit uhchi ekw pasch kutwaashumitanuu chii uhchi nihtaauchinh ekw kutak mitaahtumitanuu.” Eukw uyuu tipaachimuwiniyuu kaa wiihtahk Jesus. 9Chii iteu maak, “An awen kaa uhtaaukaaut e nahiihtahk maak, yaakwaau kata wii nituhtam.”
E itaapatahkwaau tipaachimuwin chiskutamaachewinh
Matthew 13.10-17; Luke 8.9, 10
10Iskutak maak miin mikw wiyawaau e ihtaatwaau Jesus, pasch aweyuuh ekw maak aniyuuh niishushaap uchischinuhamuwaakanh, chii kakwechimikuu taan e ishi wiihtamaachemakaniyich aniyuu kaa ishi tipaachimut. 11Ekw kaa itaat, “Chichii miikunaawaau chiyawaau chechii chischeyihtamekw an chekwaan kutakach awenich ekaa miyaakanuutwaau chechii chischeyihtahkwaau, eukuu chechii chischeyihtamuwekw Chishemanituu uchisheuchimaawin. Kutakach awenich e aayimuutamuwaakanuutwaau Chishemanituu uchisheuchimaawiniyuu tipaachimuwin chiskutamaachewinh wiihtamuwaakanuuch chechii tipipayihch uu kaa itashtech Chishemanituu utayimuwinihch,
12Aat e waapahtahkwaau namui chii nisituunamuch nesht suuhk e nituhtahkwaau namui chii nisituhtamuch. Wesh chii nisituunamuwaakupanenich kaye chii nisituhtamuwaakupanenich nipaa pechi chiiwe naatikuch chechii wepeyihtamuukwaau.”
Jesus kaa aayimuutahk shuuminh
Matthew 13.18-23; Luke 8.11-15
13Ekw Jesus miin kaa ati itwet, “Namui aa chinisituhtenaawaau chiyawaau e ishi wiihtamaachemakahch uu tipaachimuwin. Taanite maak chechii uhchi nisituhtamekw aniyuuh kutak tipaachimuwin. 14An awen kaa waawiihtahk Chishemanituu umiywaachimuwiniyuu muyaam nihtaauchihchesuu shuuminh kaa asihchiwepinahk ishinaakusuu. 15Anihiih maak shuuminh patuteskanuu kaa pahchishtihkwaau eukunich uchii awenichii iskutak piyehtahkwaau miywaachimuwiniyuu, tiiwehch machimanituu takushiniyuu e ati utinamiyich aniyuu chipaa ishi nihtaauchiniyuu utehiiwaahch. 16Ekw anihiih anite e asiniiyuuhch kaa pahchishtihkwaau eukw uchii awenich tiiwehch mikw kaa ishi utinahkwaau uskach piyehtahkwaau miywaachimuwiniyuu naashch e muuchicheyihtamihiikutwaau. 17Mikw maak namui ihtakuniyuu taanite chechii uhchi yaaich nihtaauchitwaau ekw maak namui chineush chii ishikaapuuch. Iskutak nechiskahkwaau e aayimaniyich maak e maayeyimaakanuutwaau aniyuu ayimuwiniyuu uhchi ekut tiiwehch kaa chiiwekaapuutwaau. 18Ekw kutakach awenichii muyaam anihiih shuuminh kaa pahchishtihkwaau anite kaa kaasutewaakwaau maaskusuu e ihtakuhkwaauh ekun e ishinaakusitwaau. Eukw uchii kaa pehtahkwaau miywaachimuwiniyuu, 19mikw maak aniyuu naashch e mukushkaachishtaatwaau aschiiyuu chekwaayuuh kaye naashch mikw e wii ushuuliyaamitwaau e ihtitwaau kaye pishikw e mushtenahkwaau chekwaayuu chechii ayaatwaau eukw uyuu wehchi chek wanaataniyich utaapwehtamuwinawaau. Ekw maak namui chii miinisuuch upimaatisiiwiniwaahch. 20Ekw kutakach awenich muyaam anihiih shuuminh kaa pahchishtihkwaau anite e miyuskamikaach ekun e ishinaakusitwaau. Iskutak piyehtahkwaau miywaachimuwiniyuu tiiwehch utinamuch kaye nuukuniyuu upimaatisiiwiniwaahch muyaam e ati miinishuutwaau e ishinaakusitwaau. Muyaam nihtaauchihchikanh e mista miinishuuhkwaau ekun chek e ati ishinaakusitwaau uchii. Kutakach Nishtumitanuu miinisha chii nihtaauchiniyuuh anit uhchi e ihtaatwaau, ekw kutakach kutwaashumitanuu ekw kutakach mitaahtumitanuu.” Eukw uyuu kaa itaat Jesus aniyuu kaa taapweyimikut.
Waashtewin e aayimuutech
Luke 8.16-18
21Miin kaa ati itwet Jesus, “Ihtuu aa awen e chii saskahahk waashtenamaakaniyuu shiipaa nipewinihch chechii ashtaat, maak chechii kwetipistaat tapiyuu anit waashtenamaakanihch. Namui aa wiyesh anite wehpemishtaau. 22Misiwe chekwaan ekaa kaa nuukuhtaakanuuhch kata nuukuhtaakanuu, ekw an kaa akunahiikanuuhch kata musheshteu. 23Nituhtamukw maak, an awen kaa uhtaaukaaut e nahiihtahk maak yaakwaau kata wii nituhtam.”
24Jesus kaye chii itweu, “Nanaakataweyihtamukw suuhk chechii nituhtamekw. Mikw taan che ishpish miiwewekwe ekun che ishpish miikuyekw kaye chiyawaau. Etituu maak mistahii chika miikunaawaau. 25An maak awen kaa ayaat chekwaayuu etituu kata miyaakanuu. Ekw an ekaa kaa ayaat chekwaayuu aat aniyuu taan e ishi apishiish ayaat kata utinikanuuyuu.”
Shuumin kaa nihtaauchihtaakanuuhch kaa tipaatutech
26Jesus kaye miin chii ati itweu, “Mwehch naapeu kaa asihchewepinaat shuuminh unihtaauchihchikan aschiihch ekun e iteyihtaakuniyich Chishemanituu uchisheuchimaawin. 27An naapeu nipaau e tipiskaayich ekw iskutak piyetaapaniyich weniskaat. Nihtaauchiniyuuh maak aniyuuh shuuminh kaa nihtaauchihtaat mikw namui chischeyihtam taanite wehchi nihtaauchiniyikwaau. 28Wesh aschii nihtaauchihiiwemakan ekw maak nehtaauchihkwaau anihiih shuuminh. Niishtam saachinihtaauchinh anit e niipisiiuhkwaauh chek e ati chiishi nihtaauchihkwaauh kaye e ati miinishuuhkwaauh. 29Utihchipayiche maak che manishikaanuuhch, iskutak miinishuuniikwaawen aniyuuh nihtaauchihchikanh ekw che aapatisit an naapeu e maahmanashahk aniyuuh unihtaauchihchikanh, chimiskushaawesikaniyuu e aapachihtaat.”
Shuumin maauch kaa apishaashich kaa tipaatutech
Matthew 13.31, 32, 34; Luke 13.18, 19
30Ekw uyuu kaa ati itwet Jesus, “Chekwaan maak chechii wiihtamuhkw chechii itweyihkw ekun e iteyihtaakuniyich Chishemanituu uchisheuchimaawin. Chekw tipaachimuwin chiskutamaachewin chechii wiihtamuhkw chechii uhchi chischeyihtaakuhch. 31Mwehch an shuumin maauch kaa apishiishiit utah aschiihch mastart kaa ishinihkaataakanuut ekun e ishinaakuhch kihchikiishikw uchimaawin. Naapeu utineu uyuuh shuuminh ekw aschiihch e aaihwaat chechii nihtaauchiyich. 32Chek maak e ati nihtaauchiyich. Iskutak maak kaa chiishi nihtaauchiyich eukw uyuu maauch chenwaaskuniyich e tahtiniyikwaauh kutak nihtaauchihchikanh. E ishpish piikwesit uu mistikush piyeshiishach uwachishtunihkaasuuch anite watihkunihch anit e ukaashteyaaskweyaayich.” 33Mihchetwaau chii tipaachimuu Jesus uyuuh e iteyihtaakuniyikwaauh tipaachimuwinh e waawiihtamuwaat. Eukw uyuuh kaa aapachihtaat e waawiihtamuwaat miywaachimuwiniyuu. Mikw taan chechii ishpish nisituhtamiyich ekun kaa ishi wiihtamuwaat. 34Eukw uyuu pisikw kaa aapachihtaat e ayimihaat aweyuu. Mikw maak iskutak mikw wiyawaau e ihtaatwaau uchischinuhamuwaakanh ekut kaa chii waawiihtamuwaat taan e ishi chiishuwemakaniyikwaau uyuuh tipaachimuwinh.
Kaa mista chiishtihch
Matthew 8.23-27; Luke 8.22-25
35Aniyuu wetaakusiyich, Jesus chii iteu uchischinuhamuwaakanh, “Nete akaamihch isichimetaau.” 36Ekw anichii chischinuhamuwaakanich kaa nakataatwaau aniyuuh aweyuuh kaa mihchetiyich ekw kaa puusitwaau aniyuu utiyuu anit kaa ihtaayich Jesus ekw kaa chihchichimetwaau Jesus e puusihaatwaau. Chii ihtakunh kaye kutak chiimaan e ati mushaaupayihkwaau. 37Chek chii uhchi mista chiishtiniyuu. Aniyuu maak e puusipahiituyitwaau kiskanh utuutuwaahch, chekaat chii saakaschinepeyuu utuutuwaau. 38Anite maak tahkuhiikanihch chii ihtaau Jesus e nipaat e ashpishkweshimut ashpishikweshimuwiniyuu. Chischinuhamuwaakanich maak chii wanishkaaneuch e itaatwaau, “Chischinuhamaachesuu, namui aa wiyesh chika uhchi iteyihten nistaapaaweyaahche.” 39Kaa wanishkaat Jesus, ekw kaa itashuwaatahk aniyuu kaa chiishtiniyich chechii puunipayiyich, ekw aniyuu kiskanh kaa itaat, “Chiyaamisiikw, ekun ekw.” Chii nachiiweyuu ekw maak kaa uhchi ywaashtiniyich. 40Chii iteu maak Jesus aniyuuh uchischinuhamuwaakanh, “Chekwaan wehchi kushtaachiyekw. Taanite chitaapwehtamuwinawaau.” 41Chii mista miskaateyihtamuch maak anichii chischinuhamuwaakanich taan kaa ishi waapahtahkwaau e ispayiyich ekw kaa ititutwaau, “Awen uu waawaach e chiishtiniyich kaye kiskanh e pishichihiikut.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.