Luke 4
4
Jesus kaa kakwechihaakanuut
Matthew 4.1-11; Mark 1.12, 13
1Anite maak Jesus kaa uhtuhtet Jordan siipiihch, chii saakaschineshkaakuu Kaa payehchisiyich Ahchaahkw, ekw kaa ituhtahiikut anite pakwaatiskamikaahch. 2ekute maak nemitanuu chiishikaau kaa kakwechihiikut machimanituu. Aniyuu maak mekwaach kaa ishpish ihtaat anite namui uhchi miichuu chekwaayuu Jesus. Chii shiiweyuu maak iskutak nemitanuu chiishikaau kaa ihtaat anite.
3Machimanituu chii itikuu, “Taapwe aahch e aawane Chishemanituu Ukusisa, itashuwaash uu asinii chechii aaihkunaaut.”
4Jesus maak chii nishkweushiheu e itaat, “Chishemanituu utayimuwin itashteu,
Namui mikw aaihkunaahch chika chii uhchi pimaatisiyuu awen.”
5Ekw machimanituu kaa ituhtahaat Jesus anite e ishpatinaayich wachiyuu, chiishkam misiwe uchisheuchimaawin e tahtiniyikwaau kaa waapahtiyaat utah aschiihch e ishi ihtakuniyikwaauh. 6Ekw kaa itikut, “Misiwe chika pachishtinamaatin chechii tipeyihchicheyin utah uyuuh chisheuchimaawinh kaye misiwe an miisitisiiwin chechii tipeyihtaman. Niya misiwe nichii pachishtinamaakuun, ekw maak mikw awen waa miyak nika chii miyaau. 7Eukw maak uu misiwe che ishi tipiyeusiyin pechi nuuchiishtuyine mwehch e ishi nuuchiishtuwat Chishemanituu.”
8Ekw Jesus kaa itaat, “Itashteu Chishemanituu utayimuwinihch,
Mikw Utipeyihchikeu Chichishemanituumiwaau nuuchiishtuwaahkw kaye mikw wiya atushkuwaahkw.”
9Ekw maak machimanituu kaa ituhtahaat Jesus Jerusalemihch ekw kaa iskwaahtawiihtahaat aniyuu chisheayimiheukamikuyuu anite maauch e ishpaanaayich kaa ituhtahaat. Ekw kaa itaat, “Taapwe Chishemanituu Weukusiitutaaskwe, aamikwaashkuhtih, 10wesh itashteu Chishemanituu utayimuwinihch,
Chishemanituu chikaa itashuwaateu utenchilam chechii miyunaanaakachihiiskwaau. 11Enchilich chikaa tahkunikuch ekaa mechim che uhchi aahkuhtataayin chisit.”
Eukw uyuu kaa itaat machimanituu aniyuu Jesus.
12Jesus maak chii ishi nishkweushiheu, “Itashteu Chishemanituu utayimuwinihch,
Namui chipaa uhchi kakwechihaau Utipeyihchikeu Chichishemanituum.”
13Iskutak maak machimanituu misiwe kaa ishi kakwechihaat Jesus weipishchiish chii nakateu.
Jesus Galileehch kaa uhchi chihtaapatisit
Matthew 4.12-17; Mark 1.14, 15
14Ekw Jesus kaau kaa ishi chiiwet anite Galilee aschiihch Ahchaahkwa suuhkaatisiiwiniyuu e saakaschineshkaakut. Chii katipaachimaakanuu maak misiwe e ispichiskamikaayich anite itehche. 15Chii kachiskutamaacheu Jewa iinuuh utayimiheukamikuwiihch, misiwe maak aweyuu chii chishtaachimikuu.
Jesus kaa aatuweyimaakanuut anite Nazareth
Matthew 13.53-58; Mark 6.1-6
16Ekw Jesus kaa utihtahk aniyuu ihtaawiniyuu Nazareth kaa ishinihkaateyich anit kaa nihtaauchinaakanuut. Aniyuu maak Jewa ayimiheukamikuyuu kaa chii ituhtet maan e Jewa ayimiheuchiishikaayich, ekute kaa piihchet. Chii pisikuu chechii ayimihtaat masinahiikaniyuu. 17Ekw kaa miyaakanuut aniyuu masinahiikaniyuu aniyaa uchischiwehiichesuu Isaiah kaa ushtaayikupanen. Chii aapaham ekw kaa ayimihtaat anit kaa itashteyich,
18Utipeyihchikeu Utahchaahkwa nipiihchishkaakuyuu, wesh wiya nichii wiyaapamukw chechii wiihtamuukwaau kaa chistimaatisiitwaau miywaachimuwiniyuu. Nichii pechi itishahuukw chechii wiihtamuukwaau kaa maahchikwaapihkaasutwaau chechii aapihkunaakanuutwaau kaye anichii ekaa kaa waapahtahkwaau che waapahtahkwaau. Kaye anichii kaa nanehkaateyimuhaakanuutwaau chechii pachishtinaakanuutwaau. 19Kaye maak nichii pechi itishahukuun chechii wiihtamaan aniyuu e pipuniyich Utipeyihchikeu che pimaachihaat utiiniim.
20Ekw Jesus kaa ati chipahahk aniyuu masinahiikaniyuu, kaa miyaat aniyuu peyakw naapeu anit Jewa ayimiheukamikuhch kaa chii wiichihiiweyich. Kaa ati nituu waweyapit. Misiwe maak anichii iinuuch anit ayimiheukamikuhch kaa ihtaatwaau naashch chii kanawaapameuch aniyuu Jesus. 21Ekw kaa itaat, “Uu kaa ishi pehtamekw e ayimihtaayaan e itashtech Chishemanituu utayimuwinihch utihchipayuu anuhchiish kaa chiishikaach.” 22Misiwe awenichii chii miyuhtamuch taan kaa ishi ayimiyich Jesus. Chii kushkuikuuch e ishpish kaschihuutaakusiyich, ekw kaa itwetwaau, taanite wehtinahk uyuu kaa itihtaakusit, “Namui aa eukun uyuu Joseph ukusisa.”
23Ekw Jesus kaa itaat, “Cheshtinaash chika pechi iishinaawaau an kaa chii iinaanuuhch, ‘Nituhkuiin, miinuwaachihiisuu,’ kaye maak chika pechi iishinaawaau, ‘Taan kaa ishi pehtamaahch e maamishkaach ihtiyin anite Capernaum kaa ishinihkaatech ihtaawin ihtuutah kaye utah uu ihtaawin kaa uhchiyin.’ 24Mikw maak chititinaawaau, an awen kaa uchischiwehiichesuut namui aapateyimaakanuu anit aniyuu ihtaawiniyuu kaa nihtaauchit. 25Nituhtamukw maa. Taapwemakan uu che ishi wiihtamaatakuch. Mekwaach aniyaa Elijah kaa pimaatisiit chii pimipayuu e kauhkataanuuhch anit Israel aschiihch ekaa uhchi chimuuhch nishtu miin aapihtuu pipun ishpish. Chii ihtaauch maak anit mihchetu iskweuch e peyakutwaau. Namui maak uhchi itishahwaakanuu Elijah waachi peyakw chechii nituwaapamaat uyuuh iskweu chechii nituu wiichihaat. 26Anite maak Zarephath kaa ishinihkaatech ihtaawin anite Sidon aschiihch kaa ihtakuhch chii ihtaau anit iskweu e peyakut. ekute kaa itishahwaakanuut Elijah aniyuu iskweu chechii nituu wiichihaat. 27Kaye maak mekwaach eshkw e chii pimaatisiit aniyaa uchischiwehiichesuu Elisha chii ihtaauch mihchetu awenichii anit Israel aschiihch, kaa maayaataniyich umichiiwaaspinewiniyuu e chii ayaatwaau. Namui maak waachi peyakw uhchi miinuwaachihaakanuuch uchii chechii payehchisiitwaau, mikw an naapeu Naaman kaa ishinihkaasut chii miinuwaahihaakanuut, anite maak Syria aschiihch ekute kaa uhchiit.” Eukw uyuu kaa itaat Jesus aniyuu iinuu kaa nituhtaakut.
28Anichii maak iinuuch anit aniyuu ayimiheukamikuyuu kaa ihtaatwaau iskutak kaa pehtawaatwaau Jesus uyuu e itweyich chii mista chishuwaasuuch. 29Ekw kaa pisikuutwaau kaa wiiwiitishihwaatwaau Jesus anite utihtaawiniwaahch uhchi. Anit maak peshuch aniyuu utenaamuwaau chii ihtakuniyuu e chiishchishekaayich. ekute maak kaa ituhtahaatwaau e chii wii aamuwepinaatwaau. 30Mikw maak Jesus chii chistuhteu e ati shaapuhtaweshkuwaat aniyuuh iinuuh.
Jesus kaa wiiwiitishihwaat machiahchaahkwa
Mark 1.21-28
31Ekw Jesus kaa ituhtet anite Capernaum kaa ishinihkaateyich ihtaawiniyuu anite Galilee aschiihch kaa ihtakuniyich, kaa chiskutamuwaat aweyuu mekwaach e Jewa ayimiheuchiishikaayich. 32Misiwe chii miskaashtamuch anichii iinuuch aniyuu kaa ishi chiskutamaacheyich kaa ishpish suuhcheyihtaakuniyich utayimuwiniyuu. 33Chii ihtaau maak anit ayimiheukamikuhch naapeu e piihchishkaakut machiahchaahkwa, chii ishi tepweu maak, 34“Taan waa ishiihkuuyaahch chii Jesus Nazareth kaa uhchiyin. Chiwii wanaachihiinaan aa wehchi takushiniyin. Chichischeyimitinaan awen chii. Chiya kaa pahkaanihiisk Chishemanituu chechii aapachihiisk.”
35Jesus kaa nishkweushihaat aniyuu ahchaahkwa e itaat, “Ekaa chistuh. Wiiwiiskuu an naapeu.” Ekw an ahchaahkw kaa ihtuutawaat aniyuu naapeu anite chechii ishi pahchishiniyich e mihchetinaanuyich. Ekw kaa wiiwiiskawaat aniyuu naapeu ekaa uhchii wiyesh ihtuutuwaat chechii aahkuhaat.
36Taapwe maak chii miskaateyihtamuch misiwe anichii kaa kanawaapitwaau e ititutwaau, “Chekw ayimuwiniyuu uyeyuu kaa aapachihtaat. Taapwe suuhchipayiniyuu utayimuwin kaye taapwe nuwach uchimaaweyihtaakusuu mikw e ishi wiiwiyich machiahchaahkwa e wiiwiitishihwaat.” 37Ekw maak kaa mishihteyaachimaatwaau Jesus anite aniyuu aschiiyuu.
Mihchetu iinuu kaa miinuwaachihaat Jesus
Matthew 8.14-17; Mark 1.29-34
38Jesus kaa wiiwiit aniyuu ayimiheukamikuyuu, ekw anite Simon Peter wiichiihch kaa ituhtet. Simon Peter maak usikusa chii aahkusiyuu kaa chishiteunikusiinaanuyich e chii ayaayich. Chii nitutamuweuch Jesus chechii miinuwaachihaayich. 39Jesus maak chii nawewiyuu anite ishi e ihtaayich aniyuu iskweu, ekw kaa itashuwaatahk aniyuu kaa chishiteunikusiinaanuyich chechii nakatikuyich. Tiiwehch maak chii nakatikuyuu, kaa wanishkaat an iskweu kaa ati papiminaat aweyuu.
40Iskutak maak kaa pahchishimuyich piisim, awenichii chii petaweuch Jesus misiwe aweyuu e aahkusiyich, nanaahkuu e itaaspineyich. Jesus maak chii saamineu misiwe aniyuu kaa aahkusiitwaau kaa miinuwaachihaat. 41Mihchetu maak iinuuch chii wiiwiiskaakuuch machiahchaahkwa e ishi tepweyich, “Chiya taapwe Christ, Chishemanituu Ukusisa.” Jesus maak chii chistahamuweu aniyuu machiahchaahkwa chechii ayimiyich, wesh chii chischeyimikuu wiya e aawit Christ.
Jesus kaa kacheskwet chuutiyahch
Mark 1.35-39
42Iskutak maak piyetaapaniyich Jesus chii ituhteu anite ekaa ihtaanuyich. Chii ihtaauch maak awenichii e naanituwaapamaatwaau Jesus. Iskutak maak kaa miskawaatwaau chii wii siihchimeuch ekaa chechii nakatikutwaau. 43Chii iteu maak aniyuu iinuu, “Wesin nipaa kacheskwen kaye anite kutak ihtaawinh uu miywaachimuwin e waawiihtamaan Chishemanituu uchisheuchimaawin. Wesh eukw uyuu wehchi pechi itishahuut Chishemanituu.”
44Chii kakacheskweu maak nanaahkuu ayimiheukamikuhch misiwe anite Judea aschiihch kaa ihtakuniyikwaauh.
ទើបបានជ្រើសរើសហើយ៖
Luke 4: crjrNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.
Luke 4
4
Jesus kaa kakwechihaakanuut
Matthew 4.1-11; Mark 1.12, 13
1Anite maak Jesus kaa uhtuhtet Jordan siipiihch, chii saakaschineshkaakuu Kaa payehchisiyich Ahchaahkw, ekw kaa ituhtahiikut anite pakwaatiskamikaahch. 2ekute maak nemitanuu chiishikaau kaa kakwechihiikut machimanituu. Aniyuu maak mekwaach kaa ishpish ihtaat anite namui uhchi miichuu chekwaayuu Jesus. Chii shiiweyuu maak iskutak nemitanuu chiishikaau kaa ihtaat anite.
3Machimanituu chii itikuu, “Taapwe aahch e aawane Chishemanituu Ukusisa, itashuwaash uu asinii chechii aaihkunaaut.”
4Jesus maak chii nishkweushiheu e itaat, “Chishemanituu utayimuwin itashteu,
Namui mikw aaihkunaahch chika chii uhchi pimaatisiyuu awen.”
5Ekw machimanituu kaa ituhtahaat Jesus anite e ishpatinaayich wachiyuu, chiishkam misiwe uchisheuchimaawin e tahtiniyikwaau kaa waapahtiyaat utah aschiihch e ishi ihtakuniyikwaauh. 6Ekw kaa itikut, “Misiwe chika pachishtinamaatin chechii tipeyihchicheyin utah uyuuh chisheuchimaawinh kaye misiwe an miisitisiiwin chechii tipeyihtaman. Niya misiwe nichii pachishtinamaakuun, ekw maak mikw awen waa miyak nika chii miyaau. 7Eukw maak uu misiwe che ishi tipiyeusiyin pechi nuuchiishtuyine mwehch e ishi nuuchiishtuwat Chishemanituu.”
8Ekw Jesus kaa itaat, “Itashteu Chishemanituu utayimuwinihch,
Mikw Utipeyihchikeu Chichishemanituumiwaau nuuchiishtuwaahkw kaye mikw wiya atushkuwaahkw.”
9Ekw maak machimanituu kaa ituhtahaat Jesus Jerusalemihch ekw kaa iskwaahtawiihtahaat aniyuu chisheayimiheukamikuyuu anite maauch e ishpaanaayich kaa ituhtahaat. Ekw kaa itaat, “Taapwe Chishemanituu Weukusiitutaaskwe, aamikwaashkuhtih, 10wesh itashteu Chishemanituu utayimuwinihch,
Chishemanituu chikaa itashuwaateu utenchilam chechii miyunaanaakachihiiskwaau. 11Enchilich chikaa tahkunikuch ekaa mechim che uhchi aahkuhtataayin chisit.”
Eukw uyuu kaa itaat machimanituu aniyuu Jesus.
12Jesus maak chii ishi nishkweushiheu, “Itashteu Chishemanituu utayimuwinihch,
Namui chipaa uhchi kakwechihaau Utipeyihchikeu Chichishemanituum.”
13Iskutak maak machimanituu misiwe kaa ishi kakwechihaat Jesus weipishchiish chii nakateu.
Jesus Galileehch kaa uhchi chihtaapatisit
Matthew 4.12-17; Mark 1.14, 15
14Ekw Jesus kaau kaa ishi chiiwet anite Galilee aschiihch Ahchaahkwa suuhkaatisiiwiniyuu e saakaschineshkaakut. Chii katipaachimaakanuu maak misiwe e ispichiskamikaayich anite itehche. 15Chii kachiskutamaacheu Jewa iinuuh utayimiheukamikuwiihch, misiwe maak aweyuu chii chishtaachimikuu.
Jesus kaa aatuweyimaakanuut anite Nazareth
Matthew 13.53-58; Mark 6.1-6
16Ekw Jesus kaa utihtahk aniyuu ihtaawiniyuu Nazareth kaa ishinihkaateyich anit kaa nihtaauchinaakanuut. Aniyuu maak Jewa ayimiheukamikuyuu kaa chii ituhtet maan e Jewa ayimiheuchiishikaayich, ekute kaa piihchet. Chii pisikuu chechii ayimihtaat masinahiikaniyuu. 17Ekw kaa miyaakanuut aniyuu masinahiikaniyuu aniyaa uchischiwehiichesuu Isaiah kaa ushtaayikupanen. Chii aapaham ekw kaa ayimihtaat anit kaa itashteyich,
18Utipeyihchikeu Utahchaahkwa nipiihchishkaakuyuu, wesh wiya nichii wiyaapamukw chechii wiihtamuukwaau kaa chistimaatisiitwaau miywaachimuwiniyuu. Nichii pechi itishahuukw chechii wiihtamuukwaau kaa maahchikwaapihkaasutwaau chechii aapihkunaakanuutwaau kaye anichii ekaa kaa waapahtahkwaau che waapahtahkwaau. Kaye anichii kaa nanehkaateyimuhaakanuutwaau chechii pachishtinaakanuutwaau. 19Kaye maak nichii pechi itishahukuun chechii wiihtamaan aniyuu e pipuniyich Utipeyihchikeu che pimaachihaat utiiniim.
20Ekw Jesus kaa ati chipahahk aniyuu masinahiikaniyuu, kaa miyaat aniyuu peyakw naapeu anit Jewa ayimiheukamikuhch kaa chii wiichihiiweyich. Kaa ati nituu waweyapit. Misiwe maak anichii iinuuch anit ayimiheukamikuhch kaa ihtaatwaau naashch chii kanawaapameuch aniyuu Jesus. 21Ekw kaa itaat, “Uu kaa ishi pehtamekw e ayimihtaayaan e itashtech Chishemanituu utayimuwinihch utihchipayuu anuhchiish kaa chiishikaach.” 22Misiwe awenichii chii miyuhtamuch taan kaa ishi ayimiyich Jesus. Chii kushkuikuuch e ishpish kaschihuutaakusiyich, ekw kaa itwetwaau, taanite wehtinahk uyuu kaa itihtaakusit, “Namui aa eukun uyuu Joseph ukusisa.”
23Ekw Jesus kaa itaat, “Cheshtinaash chika pechi iishinaawaau an kaa chii iinaanuuhch, ‘Nituhkuiin, miinuwaachihiisuu,’ kaye maak chika pechi iishinaawaau, ‘Taan kaa ishi pehtamaahch e maamishkaach ihtiyin anite Capernaum kaa ishinihkaatech ihtaawin ihtuutah kaye utah uu ihtaawin kaa uhchiyin.’ 24Mikw maak chititinaawaau, an awen kaa uchischiwehiichesuut namui aapateyimaakanuu anit aniyuu ihtaawiniyuu kaa nihtaauchit. 25Nituhtamukw maa. Taapwemakan uu che ishi wiihtamaatakuch. Mekwaach aniyaa Elijah kaa pimaatisiit chii pimipayuu e kauhkataanuuhch anit Israel aschiihch ekaa uhchi chimuuhch nishtu miin aapihtuu pipun ishpish. Chii ihtaauch maak anit mihchetu iskweuch e peyakutwaau. Namui maak uhchi itishahwaakanuu Elijah waachi peyakw chechii nituwaapamaat uyuuh iskweu chechii nituu wiichihaat. 26Anite maak Zarephath kaa ishinihkaatech ihtaawin anite Sidon aschiihch kaa ihtakuhch chii ihtaau anit iskweu e peyakut. ekute kaa itishahwaakanuut Elijah aniyuu iskweu chechii nituu wiichihaat. 27Kaye maak mekwaach eshkw e chii pimaatisiit aniyaa uchischiwehiichesuu Elisha chii ihtaauch mihchetu awenichii anit Israel aschiihch, kaa maayaataniyich umichiiwaaspinewiniyuu e chii ayaatwaau. Namui maak waachi peyakw uhchi miinuwaachihaakanuuch uchii chechii payehchisiitwaau, mikw an naapeu Naaman kaa ishinihkaasut chii miinuwaahihaakanuut, anite maak Syria aschiihch ekute kaa uhchiit.” Eukw uyuu kaa itaat Jesus aniyuu iinuu kaa nituhtaakut.
28Anichii maak iinuuch anit aniyuu ayimiheukamikuyuu kaa ihtaatwaau iskutak kaa pehtawaatwaau Jesus uyuu e itweyich chii mista chishuwaasuuch. 29Ekw kaa pisikuutwaau kaa wiiwiitishihwaatwaau Jesus anite utihtaawiniwaahch uhchi. Anit maak peshuch aniyuu utenaamuwaau chii ihtakuniyuu e chiishchishekaayich. ekute maak kaa ituhtahaatwaau e chii wii aamuwepinaatwaau. 30Mikw maak Jesus chii chistuhteu e ati shaapuhtaweshkuwaat aniyuuh iinuuh.
Jesus kaa wiiwiitishihwaat machiahchaahkwa
Mark 1.21-28
31Ekw Jesus kaa ituhtet anite Capernaum kaa ishinihkaateyich ihtaawiniyuu anite Galilee aschiihch kaa ihtakuniyich, kaa chiskutamuwaat aweyuu mekwaach e Jewa ayimiheuchiishikaayich. 32Misiwe chii miskaashtamuch anichii iinuuch aniyuu kaa ishi chiskutamaacheyich kaa ishpish suuhcheyihtaakuniyich utayimuwiniyuu. 33Chii ihtaau maak anit ayimiheukamikuhch naapeu e piihchishkaakut machiahchaahkwa, chii ishi tepweu maak, 34“Taan waa ishiihkuuyaahch chii Jesus Nazareth kaa uhchiyin. Chiwii wanaachihiinaan aa wehchi takushiniyin. Chichischeyimitinaan awen chii. Chiya kaa pahkaanihiisk Chishemanituu chechii aapachihiisk.”
35Jesus kaa nishkweushihaat aniyuu ahchaahkwa e itaat, “Ekaa chistuh. Wiiwiiskuu an naapeu.” Ekw an ahchaahkw kaa ihtuutawaat aniyuu naapeu anite chechii ishi pahchishiniyich e mihchetinaanuyich. Ekw kaa wiiwiiskawaat aniyuu naapeu ekaa uhchii wiyesh ihtuutuwaat chechii aahkuhaat.
36Taapwe maak chii miskaateyihtamuch misiwe anichii kaa kanawaapitwaau e ititutwaau, “Chekw ayimuwiniyuu uyeyuu kaa aapachihtaat. Taapwe suuhchipayiniyuu utayimuwin kaye taapwe nuwach uchimaaweyihtaakusuu mikw e ishi wiiwiyich machiahchaahkwa e wiiwiitishihwaat.” 37Ekw maak kaa mishihteyaachimaatwaau Jesus anite aniyuu aschiiyuu.
Mihchetu iinuu kaa miinuwaachihaat Jesus
Matthew 8.14-17; Mark 1.29-34
38Jesus kaa wiiwiit aniyuu ayimiheukamikuyuu, ekw anite Simon Peter wiichiihch kaa ituhtet. Simon Peter maak usikusa chii aahkusiyuu kaa chishiteunikusiinaanuyich e chii ayaayich. Chii nitutamuweuch Jesus chechii miinuwaachihaayich. 39Jesus maak chii nawewiyuu anite ishi e ihtaayich aniyuu iskweu, ekw kaa itashuwaatahk aniyuu kaa chishiteunikusiinaanuyich chechii nakatikuyich. Tiiwehch maak chii nakatikuyuu, kaa wanishkaat an iskweu kaa ati papiminaat aweyuu.
40Iskutak maak kaa pahchishimuyich piisim, awenichii chii petaweuch Jesus misiwe aweyuu e aahkusiyich, nanaahkuu e itaaspineyich. Jesus maak chii saamineu misiwe aniyuu kaa aahkusiitwaau kaa miinuwaachihaat. 41Mihchetu maak iinuuch chii wiiwiiskaakuuch machiahchaahkwa e ishi tepweyich, “Chiya taapwe Christ, Chishemanituu Ukusisa.” Jesus maak chii chistahamuweu aniyuu machiahchaahkwa chechii ayimiyich, wesh chii chischeyimikuu wiya e aawit Christ.
Jesus kaa kacheskwet chuutiyahch
Mark 1.35-39
42Iskutak maak piyetaapaniyich Jesus chii ituhteu anite ekaa ihtaanuyich. Chii ihtaauch maak awenichii e naanituwaapamaatwaau Jesus. Iskutak maak kaa miskawaatwaau chii wii siihchimeuch ekaa chechii nakatikutwaau. 43Chii iteu maak aniyuu iinuu, “Wesin nipaa kacheskwen kaye anite kutak ihtaawinh uu miywaachimuwin e waawiihtamaan Chishemanituu uchisheuchimaawin. Wesh eukw uyuu wehchi pechi itishahuut Chishemanituu.”
44Chii kakacheskweu maak nanaahkuu ayimiheukamikuhch misiwe anite Judea aschiihch kaa ihtakuniyikwaauh.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.