Acts 2
2
Kaa payehchisiyich Ahchaahkwa kaa piihchishkaakutwaau kaa taapwehtahkwaau
1Iskutak maak an e chiishikaach Pentecost kaa ishinihkaatech wetihchipayihch misiwe nishtau chii ihtaauch anichii kaa taapwehtahkwaau. 2Sischikuuch chii uhchi pehtamuch muyaam e mistayuutiniyich e itihtaakuniyich anite chiishikuhch uhchi. Misiwe e ishpishaayich piihtakamihch aniyuu waaskaahiikaniyuu kaa ihtaatwaau chii pehtaakuniyuu.
3Ekw kaa uhchi nuukuniyikwaauh ishkuteshiisha e niipuhkuweyikwaau e ishinaakuniyikwaauh e ati maatinuwepayiyikwaau, misiwe paahpeyakw awen e ihtaat chii ihtakuniyuu peyakw uyuu. 4Misiwe maak e tashitwaau chii saakaschineshkaakuuch Kaa payehchisiyich Ahchaahkwa. Chii uhchi kweschayimuuch maak kutak ayimuwinh e ishi miikutwaau Ahchaahkwa chechii ishi ayimitwaau.
5Chii ihtaauch maak Jewa naapeuch anite Jerusalemihch naashch e ayimihewaatisiitwaau misiwe nanaahkuu aschiihch e chii uhtuhtetwaau.
6Iskutak maak piyehtahkwaau uyuu e itihtaakuniyich mihchetu awenichii chii ispahiituuch anite. Chii kushkupayuuch maak wesh chii pehtaweuch aniyuu kaa taapwehtamiitwaauh misiwe aniyuu wiyawaau taan e ishi ayimitwaau e ishi ayimiyich. 7Naashch maak chii miskaashtaweuch kaa pehtawaatwaau ekw kaa itwetwaau, “Namui aa Galileehch uhchiyuuch uchii kaa ayimitwaau. 8Taanite maak wehchi ishi ayimitwaau chiyaanuu e ishi ayimuuhkw. 9Anite maak misiwe nanaahkuu aschii e uhchiihkw anite Parthia ekw maak Media, Elam, Mesopotamia, Judea ekw maak Cappadocia, Pontus, Asia, 10Phrygia, Pamphylia, Egypt, kaye Libya peshuch anite Cyrene kaa ihtakuhch ihtaawin. Kaye maak pasch utah e tashiihkw Rome kuuhchiinaanuu. 11Chitihtaanaanuu kaye utah taapishkun Jewa ekw maak ekaa Jewa e itiskaanesiihkw e chii wiyeyihtamuhkw chiyaanuu chechii taapwehtamukw taan e ishi taapwehtahkwaau Jewa iinuuch. Pasch kaye anite Crete ekw maak Arabia kuuhchiinaanuu. Yaapach maak misiwe e tashiihkw chipehtawaanuuch chiyaanuu e ishi ayimiihkw e ishi ayimitwaau. Waawiihtamuch taan e ishi maamishkaach ihtiyich Chishemanituu.” 12Misiwe maak chii miskaateyihtamihiikuuch uyuu kaa ispayiyich kaye chii wawaaneyihtamihiikuuch. Chii kakwechimituuch maak e ititutwaau, “Chekwaan uu kaa ispayihch, taan e ihtinaanuuhch uu.”
13Kutakach maak chii maayeyimeuch aniyuu kaa taapwehtamiyich e itaatwaau, “Cchiishkwepeuch uchii naapeuch.”
Peter ukacheskwewin
14Peter maak chii wiichikaapuushtaweu aniyuu kaa peyakushaapuyich apastalh. Kaa uhchishkuukaapuushtawaatwaau aniyuu iinuu. Ekw Peter kaa ayimihaat aniyuu iinuu e chishewet e itwet, “Chiyaanuu Jewa kaa itiskaanesiihkw kaye misiwe chiyawaau e tashiyekw utah Jerusalemihch kaa wiichiyekw yaakwaau pechi nituhtuukw taan che ishi wiihtamaatakuch. Chika wiihtamaatinaawaau uu chekwaan kaa ispayihch. 15Namui chiishkwepeuch uchii naapeuch chiishkwepeuch kaa iteyimekuch. Wesh picheyik peyakushteu ispayuu e chechishepaayaach. 16Uu kaa ispayihch eukw uyuu aniyaa uchischiwehiichesuu Joel kaa wiihtamukupane che ispayiyich, kaa itwet,
17Iskutak maahchishtai ati chiishikaache maau che ihtuutamaan chii iteu Chishemanituu, misiwe awen nika siikanimuwaau Nitahchaahkwa, chikusuwaauch kaye chitaanisuwaauch chika chischiwehiicheuch. Uschiniichuuch chika waapahtamuch waapahtiiwewinh ekw chisheinuuch nanaahkuu chika ishi puwaamuuch. 18Kaye maak taapishkun nikuuhpaanemach ekw maak nikuuhpaaneskwemach nika miyaauch Nitahchaahkwa aniyuuh e chiishikaayikwaauh, ekw che chischiwehiichetwaau. 19Nika waapahtiiwen maamishkaach chekwaayuu anite chiishikuhch kaye utah aschiihch. Chika ihtakun mihkw kaye ishkuteu kaye e kwaapahtech. 20Piisim chika tipischipayuu kaye tipischipiisim chika mihkusuu muyaam mihkw e ishi mihkwaach ekun che ishinaakusit eshkw ekaa che takushihk Utipeyihchikeu. Naashch taapwe kata chisteyihtaakun an e chiishikaach kaye nuwach kata ihtakun e sechisinaanuuhch. 21Ekw maak tahtu awen che tepwaatamuwaakwe Utipeyihchikeu utishinihkaasuwiniyuu, chika pimaachihaakanuu.”
22Kaa ati itwet miin Peter, “Chiyawaau Israelihch kaa uhchiyekw Nituhtuukw taan che ishi aayimuumak Jesus Nazareth kaa uhchiit. Mitun chii nuukuniyuu taapwe Chishemanituuh e chii pechi itishahukut aniyuu e chii maamishkaach ihtit kaye e chii maamishkaach waapahtiiwet nanaahkuu chekwaayuu kaye maak e chii waapahtiiwet chischinawaach waapahtiiwewinh. Chiyawaau chichischeyihtenaawaau uu wesh ekut utah mekwesiinuu e ihtaayekw kaa ihtuutahk uyuuh chekwaayuuh Chishemanituuh e chii miikut kaschihuwiniyuu. 23Shaash anite chii wiyeyihtam Chishemanituu chiyawaau e ihtaawekw che ishi pachishtinaat Jesus, chiyawaau maak chichii nipahaawaau e chii pachishtinekuch naapeuch e machaatisiitwaau chechii chiistaaskuhwaatwaau aashiteyaahtikuhch. 24Mikw maak Chishemanituu chii wanishkaaneu nipuwinihch uhchi. Chii wiihkuchiheu nipuwin wiisacheyihtamuwinihch uhchi wesh namui uhchii mamechiminikuu nipuwiniyuu Jesus. 25Aniyaanaa maak chisheuchimaau David chii niikaan aayimuumekupane Jesus kaa itwet,
Muush niwaapamaau Utipeyihchikeu uhchishkuu utah e ihtaayaan. Peshuch e ihtaayaan ihtaau namui maak nikaa uhchi mukushkaateyihten. 26Eukw maak wehchi naashch miyeyihtamaan nitehiihch kaye nimuuchicheyihten e ayimiyaan. Aat maak che nipiyaan, namui nitaayimeyihten wesh nitaspeyimun, 27ekaa che uhchi nakatat nitahchaahkw anite kaa nipitwaau e ihtaatwaau, namui chika uhchi pachishtinaau kaa payehchisiit chitaapachihaakan chechii wiinisinit anite kaa nahiihkuwaakanuut. 28Chichii chischeyihtamihiin taan nipaa ishi pimaatisiin, ekw maak anite e ihtaayin ihtaayaane chika ihtuutuun naashch chechii muuchicheyihtamaan.” eukw uyuu kaa ishi wiihtahk Peter e chii ishi niikaan aayimuutamiikupanen aniyaa chisheuchimaau David che ihtuutawaakanuyich Christ.
29Ekw Peter miin kaa ati itwet, “Niichishaanitikw, nicheshtinaahun aniyaa chisheuchimaau David namui wiya uhchi aayimuumisuu uyuu kaa ishi ayimit, wesh chii nipuu wiya kaye chii nahiihkuwaakanuu. Aniyuu maak anit kaa chiskahaakanuut eshkw chichischeyihtamuwaanuu taanite e ihtakuniyich. 30Aniyaanaa maak chitaanische chimushuuminuu chisheuchimaau David chii uchischiwehiichesuu. Chii itwekupane maak Chishemanituu cheshtinaash peyakw anit aanische utawaashiimiyuuh aniyaa David che chisheuchimaawiyich muyaam aniyuu David kaa ishi chisheuchimaawiyich. 31David maak chii waapahtiyaakanuu taan che ihtiyich Chishemanituu anite ishi niikaanihch, ekw maak kaa niikaan aayimuutahk kaau che wanishkaayich Christ nipuwinihch uhchi. Chii itweu maak, namui chineush uhchi pachishtinaakanuu anite kaa nipiyich e ihtaayich chechii ihtaat, kaye namui uhchi wiinipayiniyuu wiiyuu.” Eukw uyuu kaa ishi wiihtahk Peter e chii itweyikupanenh chisheuchimaau David. 32Ekw Peter miin kaa ati itwet, “Chishemanituu chii wanishkaaneu uyuu Jesus nipuwinihch uhchi. Nichischeyihtenaan uu wesh nichii waapamaanaan. 33Chii apihaakanuu Jesus anite Chishemanituuh unihiiwiniihch itehche e chisteyihtaakuhaakanuut. Ekw Uhtaawiih Chishemanituuh kaa miikut aniyuu miiwewiniyuu kaa itweyich cheshtinaash che miiweyich eukun aniyuuh Kaa payehchisiyich Ahchaahkwa. Uu maak anuhchiish kaa ishi waapamiyaahch e ihtiyaahch kaye kaa ishi pehtuuyaahch e ishi ayimiyaahch Jesus nisiikanimaakunaan Kaa payehchisiyich Ahchaahkwa uu chechii ihtiyaahch. Wiya Jesus ayaau chisheuchimaawiniyuu uyuu chechii ihtit. 34Wesh aniyaa David namui uhchi uhpiskaau wiya anite kihchikiishikuhch yaapach maak chii itweu,
Utipeyihchikeu Chishemanituu chii iteu aniyuuh Nitipeyihchikem Christ, Ute nihiiwinihch pechi apih, 35paatish chii ashpashihiikwaawenich anichii kaa uhkaatiskwaau.”
36Kaa ati itwet miin Peter, “Misiwe chiyawaau iinuuch utah Israelihch chika cheshtinaahunaawaau uu Jesus kaa chiistaaskuhwekw aashiteyaahtikuhch eukw uyuu Chishemanituu kaa wiyaapamaat chechii utipeyihchichewiyich kaye Christ chechii itapiyich.” 37Iskutak maak anichii iinuuch piyehtahkwaau uyuu naashch chii misimeyihtamuch ekw kaa itaatwaau Peter ekw maak aniyuuh kutak Apastalh, “Niichishaanitikw, taan maak chechii ihtiihkw.”
38Ekw Peter kaa itaat, “Kweskaatisiikw misiwe paahpeyakw e tashiyekw. Nakatamukw chimachihtwaawinawaauh ekw maak che siikahaahtaakuyekw Jesus Christ utishinihkaasuwinihch ati chechii uhchi wepeyihtamaakuyekw chimachihtwaawinawaauh. Chika miikuwaau maak Chishemanituu umiiwewin, eukw uyuu Kaa payehchisiyich Ahchaahkwa. 39Wesh uyuuh Chishemanituu kaa itwet cheshtinaash che miiwet chiyawaau chichii iteyimikuwaau chechii ayaaumekw kaye chitawaashiimuwaauh chechii ayaawaayich kaye misiwe aniyuuh aweyuuh waahyuu kaa ihtaayich. Misiwe anichii che tepwaatikutwaau Utipeyihchikeu Chishemanituu chika miyaakanuuch uyuu miiwewiniyuu.”
40Chineush chii ayimiheu Peter aniyuu iinuu. Chii yaakwaamimeu, e itaat, “Wiihkuchihiisukw ekaa chechii waweshihiikuyekw chiyawaau taan che ishi waaweshihaakanuutwaau uchii kaa machaatisiitwaau.” 41Mihchetu maak chii pishichiheuch aniyuu kaa itikutwaau. Ekw kaa siikahaahtuwaakanuutwaau. An maak kaa chiishikaach wiyesh nishtwaau chishemitaahtumitanuu ayuwaak chii tashuuch iinuuch e taapweyimaatwaau Jesus anit aniyuu e peyakuminehiitutwaau. 42Misiwe maak ekut muush kaa ihtaatwaau e chiskutamaacheyich aniyuuh Apastalh kaye chii pahkweneuch aaihkunaauh kaye chii maamuu ayimihaauch.
Taan kaa ishi wiichihiitutwaau kaa taapwehtahkwaau
43Mihchetu maak maamishkaach ihtuwinh kaye maamishkaach waapahtiiwewinh chii ihtuutamuch anichii apastalach. Misiwe awenich chii miskaateyihtamihiikuuch wiyaapahtahkwaau uyuu chekwaayuu e ispayihkwaau. 44Misiwe maak anichii kaa taapwehtahkwaau muush chii maamuu ayimihaauch kaye uchekwaanimuwaau muush chii maamuu auhiituuch. 45Chii ataaweuch taan e ishi tipiyeusiitwaau ekw kaa maatinamaatutwaau aniyuu shuuliyaayuu misiwe anit e tashitwaau. Mikw taan e ishi nuuhtepayit awen ekun kaa ishi miyaakanuut. 46Eshikum chiishikaau maak chii nishtawiyuuch anite chisheayimiheukamikuhch kaye chii maamuu miichisuuch wiichiwaawaahch, e miyeyihtahkwaau utehiiwaauch e miitutwaau taan e ishi ayaatwaau. 47Muush chii maamihchimeuch Utipeyihchikeu. Misiwe maak aweyuu chii miyeyimikuuch. Meshikum chiishikaauh maak chii ati mihchetiyuu aweyuu Chishemanituu e pimaachihaat.
ទើបបានជ្រើសរើសហើយ៖
Acts 2: crjrNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.
Acts 2
2
Kaa payehchisiyich Ahchaahkwa kaa piihchishkaakutwaau kaa taapwehtahkwaau
1Iskutak maak an e chiishikaach Pentecost kaa ishinihkaatech wetihchipayihch misiwe nishtau chii ihtaauch anichii kaa taapwehtahkwaau. 2Sischikuuch chii uhchi pehtamuch muyaam e mistayuutiniyich e itihtaakuniyich anite chiishikuhch uhchi. Misiwe e ishpishaayich piihtakamihch aniyuu waaskaahiikaniyuu kaa ihtaatwaau chii pehtaakuniyuu.
3Ekw kaa uhchi nuukuniyikwaauh ishkuteshiisha e niipuhkuweyikwaau e ishinaakuniyikwaauh e ati maatinuwepayiyikwaau, misiwe paahpeyakw awen e ihtaat chii ihtakuniyuu peyakw uyuu. 4Misiwe maak e tashitwaau chii saakaschineshkaakuuch Kaa payehchisiyich Ahchaahkwa. Chii uhchi kweschayimuuch maak kutak ayimuwinh e ishi miikutwaau Ahchaahkwa chechii ishi ayimitwaau.
5Chii ihtaauch maak Jewa naapeuch anite Jerusalemihch naashch e ayimihewaatisiitwaau misiwe nanaahkuu aschiihch e chii uhtuhtetwaau.
6Iskutak maak piyehtahkwaau uyuu e itihtaakuniyich mihchetu awenichii chii ispahiituuch anite. Chii kushkupayuuch maak wesh chii pehtaweuch aniyuu kaa taapwehtamiitwaauh misiwe aniyuu wiyawaau taan e ishi ayimitwaau e ishi ayimiyich. 7Naashch maak chii miskaashtaweuch kaa pehtawaatwaau ekw kaa itwetwaau, “Namui aa Galileehch uhchiyuuch uchii kaa ayimitwaau. 8Taanite maak wehchi ishi ayimitwaau chiyaanuu e ishi ayimuuhkw. 9Anite maak misiwe nanaahkuu aschii e uhchiihkw anite Parthia ekw maak Media, Elam, Mesopotamia, Judea ekw maak Cappadocia, Pontus, Asia, 10Phrygia, Pamphylia, Egypt, kaye Libya peshuch anite Cyrene kaa ihtakuhch ihtaawin. Kaye maak pasch utah e tashiihkw Rome kuuhchiinaanuu. 11Chitihtaanaanuu kaye utah taapishkun Jewa ekw maak ekaa Jewa e itiskaanesiihkw e chii wiyeyihtamuhkw chiyaanuu chechii taapwehtamukw taan e ishi taapwehtahkwaau Jewa iinuuch. Pasch kaye anite Crete ekw maak Arabia kuuhchiinaanuu. Yaapach maak misiwe e tashiihkw chipehtawaanuuch chiyaanuu e ishi ayimiihkw e ishi ayimitwaau. Waawiihtamuch taan e ishi maamishkaach ihtiyich Chishemanituu.” 12Misiwe maak chii miskaateyihtamihiikuuch uyuu kaa ispayiyich kaye chii wawaaneyihtamihiikuuch. Chii kakwechimituuch maak e ititutwaau, “Chekwaan uu kaa ispayihch, taan e ihtinaanuuhch uu.”
13Kutakach maak chii maayeyimeuch aniyuu kaa taapwehtamiyich e itaatwaau, “Cchiishkwepeuch uchii naapeuch.”
Peter ukacheskwewin
14Peter maak chii wiichikaapuushtaweu aniyuu kaa peyakushaapuyich apastalh. Kaa uhchishkuukaapuushtawaatwaau aniyuu iinuu. Ekw Peter kaa ayimihaat aniyuu iinuu e chishewet e itwet, “Chiyaanuu Jewa kaa itiskaanesiihkw kaye misiwe chiyawaau e tashiyekw utah Jerusalemihch kaa wiichiyekw yaakwaau pechi nituhtuukw taan che ishi wiihtamaatakuch. Chika wiihtamaatinaawaau uu chekwaan kaa ispayihch. 15Namui chiishkwepeuch uchii naapeuch chiishkwepeuch kaa iteyimekuch. Wesh picheyik peyakushteu ispayuu e chechishepaayaach. 16Uu kaa ispayihch eukw uyuu aniyaa uchischiwehiichesuu Joel kaa wiihtamukupane che ispayiyich, kaa itwet,
17Iskutak maahchishtai ati chiishikaache maau che ihtuutamaan chii iteu Chishemanituu, misiwe awen nika siikanimuwaau Nitahchaahkwa, chikusuwaauch kaye chitaanisuwaauch chika chischiwehiicheuch. Uschiniichuuch chika waapahtamuch waapahtiiwewinh ekw chisheinuuch nanaahkuu chika ishi puwaamuuch. 18Kaye maak taapishkun nikuuhpaanemach ekw maak nikuuhpaaneskwemach nika miyaauch Nitahchaahkwa aniyuuh e chiishikaayikwaauh, ekw che chischiwehiichetwaau. 19Nika waapahtiiwen maamishkaach chekwaayuu anite chiishikuhch kaye utah aschiihch. Chika ihtakun mihkw kaye ishkuteu kaye e kwaapahtech. 20Piisim chika tipischipayuu kaye tipischipiisim chika mihkusuu muyaam mihkw e ishi mihkwaach ekun che ishinaakusit eshkw ekaa che takushihk Utipeyihchikeu. Naashch taapwe kata chisteyihtaakun an e chiishikaach kaye nuwach kata ihtakun e sechisinaanuuhch. 21Ekw maak tahtu awen che tepwaatamuwaakwe Utipeyihchikeu utishinihkaasuwiniyuu, chika pimaachihaakanuu.”
22Kaa ati itwet miin Peter, “Chiyawaau Israelihch kaa uhchiyekw Nituhtuukw taan che ishi aayimuumak Jesus Nazareth kaa uhchiit. Mitun chii nuukuniyuu taapwe Chishemanituuh e chii pechi itishahukut aniyuu e chii maamishkaach ihtit kaye e chii maamishkaach waapahtiiwet nanaahkuu chekwaayuu kaye maak e chii waapahtiiwet chischinawaach waapahtiiwewinh. Chiyawaau chichischeyihtenaawaau uu wesh ekut utah mekwesiinuu e ihtaayekw kaa ihtuutahk uyuuh chekwaayuuh Chishemanituuh e chii miikut kaschihuwiniyuu. 23Shaash anite chii wiyeyihtam Chishemanituu chiyawaau e ihtaawekw che ishi pachishtinaat Jesus, chiyawaau maak chichii nipahaawaau e chii pachishtinekuch naapeuch e machaatisiitwaau chechii chiistaaskuhwaatwaau aashiteyaahtikuhch. 24Mikw maak Chishemanituu chii wanishkaaneu nipuwinihch uhchi. Chii wiihkuchiheu nipuwin wiisacheyihtamuwinihch uhchi wesh namui uhchii mamechiminikuu nipuwiniyuu Jesus. 25Aniyaanaa maak chisheuchimaau David chii niikaan aayimuumekupane Jesus kaa itwet,
Muush niwaapamaau Utipeyihchikeu uhchishkuu utah e ihtaayaan. Peshuch e ihtaayaan ihtaau namui maak nikaa uhchi mukushkaateyihten. 26Eukw maak wehchi naashch miyeyihtamaan nitehiihch kaye nimuuchicheyihten e ayimiyaan. Aat maak che nipiyaan, namui nitaayimeyihten wesh nitaspeyimun, 27ekaa che uhchi nakatat nitahchaahkw anite kaa nipitwaau e ihtaatwaau, namui chika uhchi pachishtinaau kaa payehchisiit chitaapachihaakan chechii wiinisinit anite kaa nahiihkuwaakanuut. 28Chichii chischeyihtamihiin taan nipaa ishi pimaatisiin, ekw maak anite e ihtaayin ihtaayaane chika ihtuutuun naashch chechii muuchicheyihtamaan.” eukw uyuu kaa ishi wiihtahk Peter e chii ishi niikaan aayimuutamiikupanen aniyaa chisheuchimaau David che ihtuutawaakanuyich Christ.
29Ekw Peter miin kaa ati itwet, “Niichishaanitikw, nicheshtinaahun aniyaa chisheuchimaau David namui wiya uhchi aayimuumisuu uyuu kaa ishi ayimit, wesh chii nipuu wiya kaye chii nahiihkuwaakanuu. Aniyuu maak anit kaa chiskahaakanuut eshkw chichischeyihtamuwaanuu taanite e ihtakuniyich. 30Aniyaanaa maak chitaanische chimushuuminuu chisheuchimaau David chii uchischiwehiichesuu. Chii itwekupane maak Chishemanituu cheshtinaash peyakw anit aanische utawaashiimiyuuh aniyaa David che chisheuchimaawiyich muyaam aniyuu David kaa ishi chisheuchimaawiyich. 31David maak chii waapahtiyaakanuu taan che ihtiyich Chishemanituu anite ishi niikaanihch, ekw maak kaa niikaan aayimuutahk kaau che wanishkaayich Christ nipuwinihch uhchi. Chii itweu maak, namui chineush uhchi pachishtinaakanuu anite kaa nipiyich e ihtaayich chechii ihtaat, kaye namui uhchi wiinipayiniyuu wiiyuu.” Eukw uyuu kaa ishi wiihtahk Peter e chii itweyikupanenh chisheuchimaau David. 32Ekw Peter miin kaa ati itwet, “Chishemanituu chii wanishkaaneu uyuu Jesus nipuwinihch uhchi. Nichischeyihtenaan uu wesh nichii waapamaanaan. 33Chii apihaakanuu Jesus anite Chishemanituuh unihiiwiniihch itehche e chisteyihtaakuhaakanuut. Ekw Uhtaawiih Chishemanituuh kaa miikut aniyuu miiwewiniyuu kaa itweyich cheshtinaash che miiweyich eukun aniyuuh Kaa payehchisiyich Ahchaahkwa. Uu maak anuhchiish kaa ishi waapamiyaahch e ihtiyaahch kaye kaa ishi pehtuuyaahch e ishi ayimiyaahch Jesus nisiikanimaakunaan Kaa payehchisiyich Ahchaahkwa uu chechii ihtiyaahch. Wiya Jesus ayaau chisheuchimaawiniyuu uyuu chechii ihtit. 34Wesh aniyaa David namui uhchi uhpiskaau wiya anite kihchikiishikuhch yaapach maak chii itweu,
Utipeyihchikeu Chishemanituu chii iteu aniyuuh Nitipeyihchikem Christ, Ute nihiiwinihch pechi apih, 35paatish chii ashpashihiikwaawenich anichii kaa uhkaatiskwaau.”
36Kaa ati itwet miin Peter, “Misiwe chiyawaau iinuuch utah Israelihch chika cheshtinaahunaawaau uu Jesus kaa chiistaaskuhwekw aashiteyaahtikuhch eukw uyuu Chishemanituu kaa wiyaapamaat chechii utipeyihchichewiyich kaye Christ chechii itapiyich.” 37Iskutak maak anichii iinuuch piyehtahkwaau uyuu naashch chii misimeyihtamuch ekw kaa itaatwaau Peter ekw maak aniyuuh kutak Apastalh, “Niichishaanitikw, taan maak chechii ihtiihkw.”
38Ekw Peter kaa itaat, “Kweskaatisiikw misiwe paahpeyakw e tashiyekw. Nakatamukw chimachihtwaawinawaauh ekw maak che siikahaahtaakuyekw Jesus Christ utishinihkaasuwinihch ati chechii uhchi wepeyihtamaakuyekw chimachihtwaawinawaauh. Chika miikuwaau maak Chishemanituu umiiwewin, eukw uyuu Kaa payehchisiyich Ahchaahkwa. 39Wesh uyuuh Chishemanituu kaa itwet cheshtinaash che miiwet chiyawaau chichii iteyimikuwaau chechii ayaaumekw kaye chitawaashiimuwaauh chechii ayaawaayich kaye misiwe aniyuuh aweyuuh waahyuu kaa ihtaayich. Misiwe anichii che tepwaatikutwaau Utipeyihchikeu Chishemanituu chika miyaakanuuch uyuu miiwewiniyuu.”
40Chineush chii ayimiheu Peter aniyuu iinuu. Chii yaakwaamimeu, e itaat, “Wiihkuchihiisukw ekaa chechii waweshihiikuyekw chiyawaau taan che ishi waaweshihaakanuutwaau uchii kaa machaatisiitwaau.” 41Mihchetu maak chii pishichiheuch aniyuu kaa itikutwaau. Ekw kaa siikahaahtuwaakanuutwaau. An maak kaa chiishikaach wiyesh nishtwaau chishemitaahtumitanuu ayuwaak chii tashuuch iinuuch e taapweyimaatwaau Jesus anit aniyuu e peyakuminehiitutwaau. 42Misiwe maak ekut muush kaa ihtaatwaau e chiskutamaacheyich aniyuuh Apastalh kaye chii pahkweneuch aaihkunaauh kaye chii maamuu ayimihaauch.
Taan kaa ishi wiichihiitutwaau kaa taapwehtahkwaau
43Mihchetu maak maamishkaach ihtuwinh kaye maamishkaach waapahtiiwewinh chii ihtuutamuch anichii apastalach. Misiwe awenich chii miskaateyihtamihiikuuch wiyaapahtahkwaau uyuu chekwaayuu e ispayihkwaau. 44Misiwe maak anichii kaa taapwehtahkwaau muush chii maamuu ayimihaauch kaye uchekwaanimuwaau muush chii maamuu auhiituuch. 45Chii ataaweuch taan e ishi tipiyeusiitwaau ekw kaa maatinamaatutwaau aniyuu shuuliyaayuu misiwe anit e tashitwaau. Mikw taan e ishi nuuhtepayit awen ekun kaa ishi miyaakanuut. 46Eshikum chiishikaau maak chii nishtawiyuuch anite chisheayimiheukamikuhch kaye chii maamuu miichisuuch wiichiwaawaahch, e miyeyihtahkwaau utehiiwaauch e miitutwaau taan e ishi ayaatwaau. 47Muush chii maamihchimeuch Utipeyihchikeu. Misiwe maak aweyuu chii miyeyimikuuch. Meshikum chiishikaauh maak chii ati mihchetiyuu aweyuu Chishemanituu e pimaachihaat.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.