Acts 16
16
Timothy kaa wiichewaat Paul
1Ekw Paul anite Derbehch ekw maak Lystrahch kaa ituhtet. Chii ihtaau anite naapeu e taapweyimaat Jesus, Timothy e ishinihkaasut, ukaawii kaye chii taapweyimeyuu Jesus. Jewa chii itiskaanesiyuu uyuu ukaawii ekw uhtaawii Greek chii itiskaanesiyuu. 2Timothy maak misiwe chii miywaachimikuu aniyuu wiichishaanimaauh anite Lystrahch kaye anite Iconiumihch kaa ihtaayitwaauh. 3Paul chii nituweyimeu aniyuuh Timothy chechii wiicheukut, pitamaa maak chii chischinuwaachishweu. Eukw uyuu kaa ihtuutawaat ekaa uhchi wii maayeyimaat aniyuu Jewa iinuu anite kaa wiichiitwaau wesh chii chischeyimeuch anichii iinuuch aniyuu Timothy uhtaawiyuu Greek e itiskaanesiyich. 4Aniyuu maak e ati yaanischeskahkwaau ihtaawinh chii waawiihtamuweuch umaamuuayimihaauh taan kaa ishi wiyeyihtamiyich apastalh ekw maak aniyuu kaa niikaanishkamiyich ayimiheukamikuyuu anite Jerusalemihch taan chipaa ishi nanaakataweyihtamuch. 5Ekw anichii umaamuuayimihaauch wetaach chii ati yaaichikaapuuch taapwehtamuwinihch ishi kaye tahtwaau e chiishikaayich chii ati mihchetuuch awenichii e taapwehtahkwaau.
Taan kaa ishi waapahtiyaakanuut Paul
6Ekw anite Phrygia ekw maak Galatia aschiihch kaa ituhtetwaau, Kaa payehchisiyich Ahchaahkw e chii nakaanikutwaau chechii waawiihtahkwaau miywaachimuwiniyuu anite Asia aschiihch. 7Iskutak wetihtahkwaau Mysia aschiiyuu, chii wii piihcheuch Bithynia aschiihch mikw maak Jesus Utahchaahkuyuu chii nakaanikuuch chechii ituhtetwaau anite. 8Ekw kaa saapuhtawehtetwaau aniyuu Mysia aschiiyuu ekw anite Troas kaa ishinihkaateyich ihtaawiniyuu kaa ati ituhtetwaau. 9Aniyuu maak tepiskaayich Paul chii waapahtiyaakanuu waapahtiiwewiniyuu. Chii ishinam e waapamaat naapeu anite Macedonia aschiihch e niipuyich e itikut, “Pechi ituhtekw ute Macedoniahch, che pechi wiichihiiyaahch.” 10Iskutak maak kaa wiihtamaakuyaahch Paul uyuu kaa ishinahk, nichii cheshtinaahunaan Chishemanituu e nituweyimiyimiht chechii wiihtamuwachihtwaau anichii iinuuch miywaachimuwiniyuu. Ekw tiiwehch kaa ayeskuwiyaahch che ituhteyaahch anite.
Kaa kweskaatisiit iskweu Lydia kaa ishinihkaasut anite Philippihch kaa uhchiit
11Anite Troasihch nichii uhchichimenaan ekw anite kuiskw Samothracehch kaa isichimeyaahch. Ekw miin wiyaapahch anite Neapolis nichii isichimenaan. 12Ekut anit kaa uhchi pimuhteyaahch anite e ituhteyaahch Philippihch an kaa mishaach ihtaawin anite Macedonia aschiihch kaa ihtakuhch, Rome iinuuch chii tipeyihtamuch aniyuu ihtaawiniyuu. Weipishchiish nichii ihtaanaan anit. 13An maak e ayimiheuchiishikaach, nichii naasipenaan anite yaayeu siipiihch wiiwiitamihch anit an ihtaawin e iteyihtamaahch che miskamuwachiht anit Jewa iinuuch e ayimihaatwaau. Nichii apinaan ekw kaa ayimihiichihtwaau anichii iskweuch anit kaa nishtuwiitwaau. 14Ekw peyakw iskweu anit kaa ihtaat e nituhtaakuyaahch Lydia chii ishinihkaasuu, Thyatira e ishinihkaateyich ihtaawiniyuu chii uhchiyuu. Ekun kaa itaapatisit e chii ataawet maan e shuuliyaauniyikwaau machunisha. Aat maak ekaa Jewa uhchi itiskaanesit yaapach chii taapweyimeu Chishemanituu muyaam Jewa iinuuch kaa ihtitwaau. Naashch chii nituhtam taan kaa itweyich Paul, ekw kaa miikut Utipeyihchikeu chechii nisituhtahk kaye chechii taapwehtahk. 15Chii siikahaahtuwaakanuu maak Lydia kaye misiwe anit wiichihch kaa wiichimikut. Ekw kaa wiishaamikuyaahch anite wiichihch chechii wiichimachiht e itikuyaahch, chiyeshtinaahuwekwe e taapweyimak Utipeyihchikeu, pechi piihchekw niichihch anit che ihtaayekw. Nichii shaakuuchimikunaan maak.
Paul ekw maak Silas kaa chipahwaakanuutwaau anite Philippihch
16Peyakwaau e ituhteyaahch anite kaa chii nishtuwiinaanuuhch e ayimihaanuuhch, nichii nachishkawaanaan kuuhpaaneshkwesh e piihchishkaakut machiahchaahkwa, e ihtuutaakut chechii niikaan wiihtahk taan che ispayiyich. Naashch maak chii ushuuliyaamiheu aniyuuh naapeuh kaa tipeyimikut aniyuu e ihtit. 17Nichii papaanuushuushkaakunaan an ishkwesh e tepwet e itwet, “Chishemanituu maauch kaa chisteyihtaakusiyich atushkuweuch uchii naapeuch. Chika wiihtamaakuwaauch taanite chechii uhchi pimaachihuyekw.” 18Ekun kaa ihtit eshikum chiishikaau, chek Paul kaa saskachimikut, ekw kaa kweschikaapuushtawaat, kaa itaat aniyuu machiahchaahkwa, “Jesus Christ utishinihkaasuwinich uhchi maachiih wiiwiih anite e ihtaat, chii itweu.” Ekw an ahchaahkw tiiwehch kaa wiiwiit anit aniyuu ishkwesha e ihtaayich uhchi.
19Iskutak maak an ishkwesh aniyuuh uchimaamh kaa waapahtamiyich ekaa chechii ushuuliyaamihkaakuutwaau, chii maakuneuch aniyuu Paul ekw maak Silas, ekw kaa ishitaapaataatwaau anite kaa chii nishtuhiituyich aweyuuh anite kaa ihtaayich aniyuu kaa niikaanishkamiitwaauh aniyuu ihtaawiniyuu. 20Iskutak maak kaa peshuwaatwaau anite Rome wiishuweuchimaau e ihtaayitwaauh chechii wiyaaskunaayich, chii iteuch, “Jewa iinuuch uchii naapeuch, mamachipayihtaasuuch utah chitihtaawinaahch. 21Chiskutamuweuch aweyuu chekwaayuu e itashteyich anite Rome wiishuwewinihch ekaa chipaa ihtuutaakanuuyuu. Rome iinuuch chiyaanuu, namui chipaa uhchi utinenaanuu kaye namui chipaa uhchi ihtuutenaanuu aniyuu taan e itwetwaau.” 22Ekw anichii kutakach iinuuch chii wiichihiiweuch e waweshihaakanuyich Paul ekw maak Silas, ekw anichii Rome iinuuh kaa niikaanishkuwaatwaau chii manipitamuweuch uchekwaanimiyuuh, ekw kaa itashuwetwaau chechii papasistehwaakanuyich. 23Iskutak maak kaa chiishi mista papasistehwaakanuutwaau ekw kaa piihtakahaakanuutwaau anite chipahutuukamikuhch, ekw kaa itashumaakanuut an kaa naanaakachihtaat chipahutuukamikuyuu yaakwaau chechii naanaakachihaat uyuuh. 24Uyuu maak e chii itashumaakanuut anite waaskwaahtemihch anite maauch e aayimihch e wiihkuchihunaanuuhch aniyuu chipahutuukamikuyuu ekute kaa maamaahchikusiteyaapiskahwaat e pukunehtachisiyich nipakaahtikw.
25Chekaat chii aapihtaatipiskaayiche ekw kaa ayimihaatwaau Paul ekw maak Silas kaye e nikamuushtuwaatwaau Chishemanituu, anichii maak kutakach kaa maakunaakanuutwaau mikw chii nituhtuweuch. 26Chek sischikuuch naashch chii suuhcheyihtaakun e kuikuhch, ekw an chipahutuukamikw naashch chii aayaahchipayuu. Misiwe chishtuhkanich chii aapahiipayuuch, ekw anichii kaa memechimaapiskahwaakanuutwaau chii manapayuuh aniyuuh piywaapiskuyaapiih kaa chichishkahkwaau. 27Chii pekupayuu an kaa naanaakachihtaat chipahutuukamikuyuu. Iskutak wiyaapamaat aniyuu chishtuhkan e yuuhtekuchiniyich, chii iteyihtam misiwe aniyuu kaa chipahwaakanuyich e chii ushimuyich. Ekw kaa wii nipahiisut niyaanitam aniyuu unitupayuuhkumaan e wii aapachihtaat e ishpish mista sechisit. 28Paul maak chii tepwaateu e itaat, “Ekaawii wiyesh ihtuutaasuu misiwe wesin eshkw ekut utah e ihtaayaahch.”
29Ekw an kaa naanaakachihtaat aniyuu chipahutuukamikuyuu chii nituweyihtam waashtenamaakaniyuu, ekw kaa piihtepahtaat anite aniyuu Paul ekw maak Silas kaa ihtaayich, kaa uchihchiihkunipayihut anit uhchishkuu e ihtaayich e nanamipayit e ishpish sechisit. 30Ekw kaa wiiwiihtahaat anit chipahutuukamikuhch uhchi, kaa itaat, “chiyawaau naapeutikw, pechi wiihtamuukw taanite che ihtiyaan e wii pimaachihuyaan.” 31Ekw Paul kaa itaat uyuu naapeu, “Taapweyim Utipeyihchikeu Jesus, ekw maak che pimaachihuyin kaye misiwe anichii anit e peyakuteusiyin kaa ihtaatwaau.” 32Chii aayimuutamuweu maak aniyuu naapeu Utipeyihchikeu utayimuwiniyuu kaye misiwe e itashiitwaauh aweyuu anit uwaaskahiikanimiihch kaa ihtaayich. 33Tiiwehch maak, aat e mekwaatipiskaayich, an kaa naanakachihtaat aniyuu chipahutuukamikuyuu chii wiiwiihtaheu Paul ekw maak Silas ekw kaa chishtaapautaawaat anit kaa papasistehwaakanuyich. Ekw tiiwehch wiya ekw maak misiwe anit e peyakuteusiit kaa siikahaahtuwaakanuutwaau. 34Ekw anite wiichihch kaa ituhtahaat aniyuu Paul ekw maak Silas, kaa miyaat miichimiyuu chechii miichisuyich. Naasch maak chii miyeyihtam kaye aniyuu anit e peyakuteusiit chii muuchicheyihtamiyuu e taapweyimaatwaau Chishemanituu.
35Wiyaapaniyich maak, anichii Rome uchimaauch chii itishahweuch aniyuu kaa maakunawesiyich anite chipahutuukamikuhch, chechii nituu itaayich aniyuu kaa naanaakachihtaayich chipahutuukamikuyuu, chechii pachishtinaayich aniyuuh naapeuh. 36Ekw an kaa naanaakachihtaat chipahutuukamikuyuu chii iteu aniyuu Paul, “Anichii uchimaauch itweuch chechii pachishtinitaahch, maachiikw maak chiyaam chistuhtekw, namui awen chika uhchi wiyesh ihtuutaakuwaau.” 37Mikw maak Paul wiya chii wii ayimiheu aniyuu kaa maakunawesiyich kaa itaat, “Itashteu Rome wiishuwewin, Rome e ishi masinaasut awen pitamaa chipaa wiyaaskunaakanuu ekw yaakw chipaa waweshihaakanuu. Rome nititisinaasunaan yaapach maak e chii piihtewepinikuyaahch chipahutuukamikuhch, ekaa mechim uhchi wiyaaskunikuyaahch. Ekw maak chiimuut waa pachishtinikuyaahch. Namui maak nikaa uhchi iichesinaan utah. Nituweyimaanaanich anichii Rome uchimaauch wiyawaau chechii pechi takushinitwaau chechii pachishtiniyimihtwaau.” Ekun kaa itaat Paul aniyuu kaa maakunawesiyich.
38Ekw anichii kaa maakunawesitwaau kaa chiiwetwaau nete kaa wiihtamuwaatwaau aniyuuh uchimaauh taan kaa itweyich Paul. Iskutak maak piyehtahkwaau anichii uchimaauch Romehch e ishi masinaasuyich Paul ekw maak Silas, chii sechisuuch, wesh chii chischeyihtamuch e chii wanituutawaatwaau. 39Ekw kaa nituwaapamaatwaau, kaa itaatwaau, nimihchiiwesinaan an kaa ihtiyaahch. Ekw kaa wiiwiihtahaatwaau anit chipahutuukamikuhch, kaa itaatwaau che nakatamiyich aniyuu ihtaawiniyuu. 40Ekw maak Paul kaye maak Silas anite aniyuu iskweu Lydia e ihtaayich ekute kaa ituhtetwaau. Ekut utah pasch kaa ihtaayich chiichishaanuuh kaa taapwehtamiitwaau, ekw kaa ayimihaatwaau chechii yaaichikaapuyich e taapwehtamiyich. Ekw kaa chistuhtetwaau.
ទើបបានជ្រើសរើសហើយ៖
Acts 16: crjrNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.
Acts 16
16
Timothy kaa wiichewaat Paul
1Ekw Paul anite Derbehch ekw maak Lystrahch kaa ituhtet. Chii ihtaau anite naapeu e taapweyimaat Jesus, Timothy e ishinihkaasut, ukaawii kaye chii taapweyimeyuu Jesus. Jewa chii itiskaanesiyuu uyuu ukaawii ekw uhtaawii Greek chii itiskaanesiyuu. 2Timothy maak misiwe chii miywaachimikuu aniyuu wiichishaanimaauh anite Lystrahch kaye anite Iconiumihch kaa ihtaayitwaauh. 3Paul chii nituweyimeu aniyuuh Timothy chechii wiicheukut, pitamaa maak chii chischinuwaachishweu. Eukw uyuu kaa ihtuutawaat ekaa uhchi wii maayeyimaat aniyuu Jewa iinuu anite kaa wiichiitwaau wesh chii chischeyimeuch anichii iinuuch aniyuu Timothy uhtaawiyuu Greek e itiskaanesiyich. 4Aniyuu maak e ati yaanischeskahkwaau ihtaawinh chii waawiihtamuweuch umaamuuayimihaauh taan kaa ishi wiyeyihtamiyich apastalh ekw maak aniyuu kaa niikaanishkamiyich ayimiheukamikuyuu anite Jerusalemihch taan chipaa ishi nanaakataweyihtamuch. 5Ekw anichii umaamuuayimihaauch wetaach chii ati yaaichikaapuuch taapwehtamuwinihch ishi kaye tahtwaau e chiishikaayich chii ati mihchetuuch awenichii e taapwehtahkwaau.
Taan kaa ishi waapahtiyaakanuut Paul
6Ekw anite Phrygia ekw maak Galatia aschiihch kaa ituhtetwaau, Kaa payehchisiyich Ahchaahkw e chii nakaanikutwaau chechii waawiihtahkwaau miywaachimuwiniyuu anite Asia aschiihch. 7Iskutak wetihtahkwaau Mysia aschiiyuu, chii wii piihcheuch Bithynia aschiihch mikw maak Jesus Utahchaahkuyuu chii nakaanikuuch chechii ituhtetwaau anite. 8Ekw kaa saapuhtawehtetwaau aniyuu Mysia aschiiyuu ekw anite Troas kaa ishinihkaateyich ihtaawiniyuu kaa ati ituhtetwaau. 9Aniyuu maak tepiskaayich Paul chii waapahtiyaakanuu waapahtiiwewiniyuu. Chii ishinam e waapamaat naapeu anite Macedonia aschiihch e niipuyich e itikut, “Pechi ituhtekw ute Macedoniahch, che pechi wiichihiiyaahch.” 10Iskutak maak kaa wiihtamaakuyaahch Paul uyuu kaa ishinahk, nichii cheshtinaahunaan Chishemanituu e nituweyimiyimiht chechii wiihtamuwachihtwaau anichii iinuuch miywaachimuwiniyuu. Ekw tiiwehch kaa ayeskuwiyaahch che ituhteyaahch anite.
Kaa kweskaatisiit iskweu Lydia kaa ishinihkaasut anite Philippihch kaa uhchiit
11Anite Troasihch nichii uhchichimenaan ekw anite kuiskw Samothracehch kaa isichimeyaahch. Ekw miin wiyaapahch anite Neapolis nichii isichimenaan. 12Ekut anit kaa uhchi pimuhteyaahch anite e ituhteyaahch Philippihch an kaa mishaach ihtaawin anite Macedonia aschiihch kaa ihtakuhch, Rome iinuuch chii tipeyihtamuch aniyuu ihtaawiniyuu. Weipishchiish nichii ihtaanaan anit. 13An maak e ayimiheuchiishikaach, nichii naasipenaan anite yaayeu siipiihch wiiwiitamihch anit an ihtaawin e iteyihtamaahch che miskamuwachiht anit Jewa iinuuch e ayimihaatwaau. Nichii apinaan ekw kaa ayimihiichihtwaau anichii iskweuch anit kaa nishtuwiitwaau. 14Ekw peyakw iskweu anit kaa ihtaat e nituhtaakuyaahch Lydia chii ishinihkaasuu, Thyatira e ishinihkaateyich ihtaawiniyuu chii uhchiyuu. Ekun kaa itaapatisit e chii ataawet maan e shuuliyaauniyikwaau machunisha. Aat maak ekaa Jewa uhchi itiskaanesit yaapach chii taapweyimeu Chishemanituu muyaam Jewa iinuuch kaa ihtitwaau. Naashch chii nituhtam taan kaa itweyich Paul, ekw kaa miikut Utipeyihchikeu chechii nisituhtahk kaye chechii taapwehtahk. 15Chii siikahaahtuwaakanuu maak Lydia kaye misiwe anit wiichihch kaa wiichimikut. Ekw kaa wiishaamikuyaahch anite wiichihch chechii wiichimachiht e itikuyaahch, chiyeshtinaahuwekwe e taapweyimak Utipeyihchikeu, pechi piihchekw niichihch anit che ihtaayekw. Nichii shaakuuchimikunaan maak.
Paul ekw maak Silas kaa chipahwaakanuutwaau anite Philippihch
16Peyakwaau e ituhteyaahch anite kaa chii nishtuwiinaanuuhch e ayimihaanuuhch, nichii nachishkawaanaan kuuhpaaneshkwesh e piihchishkaakut machiahchaahkwa, e ihtuutaakut chechii niikaan wiihtahk taan che ispayiyich. Naashch maak chii ushuuliyaamiheu aniyuuh naapeuh kaa tipeyimikut aniyuu e ihtit. 17Nichii papaanuushuushkaakunaan an ishkwesh e tepwet e itwet, “Chishemanituu maauch kaa chisteyihtaakusiyich atushkuweuch uchii naapeuch. Chika wiihtamaakuwaauch taanite chechii uhchi pimaachihuyekw.” 18Ekun kaa ihtit eshikum chiishikaau, chek Paul kaa saskachimikut, ekw kaa kweschikaapuushtawaat, kaa itaat aniyuu machiahchaahkwa, “Jesus Christ utishinihkaasuwinich uhchi maachiih wiiwiih anite e ihtaat, chii itweu.” Ekw an ahchaahkw tiiwehch kaa wiiwiit anit aniyuu ishkwesha e ihtaayich uhchi.
19Iskutak maak an ishkwesh aniyuuh uchimaamh kaa waapahtamiyich ekaa chechii ushuuliyaamihkaakuutwaau, chii maakuneuch aniyuu Paul ekw maak Silas, ekw kaa ishitaapaataatwaau anite kaa chii nishtuhiituyich aweyuuh anite kaa ihtaayich aniyuu kaa niikaanishkamiitwaauh aniyuu ihtaawiniyuu. 20Iskutak maak kaa peshuwaatwaau anite Rome wiishuweuchimaau e ihtaayitwaauh chechii wiyaaskunaayich, chii iteuch, “Jewa iinuuch uchii naapeuch, mamachipayihtaasuuch utah chitihtaawinaahch. 21Chiskutamuweuch aweyuu chekwaayuu e itashteyich anite Rome wiishuwewinihch ekaa chipaa ihtuutaakanuuyuu. Rome iinuuch chiyaanuu, namui chipaa uhchi utinenaanuu kaye namui chipaa uhchi ihtuutenaanuu aniyuu taan e itwetwaau.” 22Ekw anichii kutakach iinuuch chii wiichihiiweuch e waweshihaakanuyich Paul ekw maak Silas, ekw anichii Rome iinuuh kaa niikaanishkuwaatwaau chii manipitamuweuch uchekwaanimiyuuh, ekw kaa itashuwetwaau chechii papasistehwaakanuyich. 23Iskutak maak kaa chiishi mista papasistehwaakanuutwaau ekw kaa piihtakahaakanuutwaau anite chipahutuukamikuhch, ekw kaa itashumaakanuut an kaa naanaakachihtaat chipahutuukamikuyuu yaakwaau chechii naanaakachihaat uyuuh. 24Uyuu maak e chii itashumaakanuut anite waaskwaahtemihch anite maauch e aayimihch e wiihkuchihunaanuuhch aniyuu chipahutuukamikuyuu ekute kaa maamaahchikusiteyaapiskahwaat e pukunehtachisiyich nipakaahtikw.
25Chekaat chii aapihtaatipiskaayiche ekw kaa ayimihaatwaau Paul ekw maak Silas kaye e nikamuushtuwaatwaau Chishemanituu, anichii maak kutakach kaa maakunaakanuutwaau mikw chii nituhtuweuch. 26Chek sischikuuch naashch chii suuhcheyihtaakun e kuikuhch, ekw an chipahutuukamikw naashch chii aayaahchipayuu. Misiwe chishtuhkanich chii aapahiipayuuch, ekw anichii kaa memechimaapiskahwaakanuutwaau chii manapayuuh aniyuuh piywaapiskuyaapiih kaa chichishkahkwaau. 27Chii pekupayuu an kaa naanaakachihtaat chipahutuukamikuyuu. Iskutak wiyaapamaat aniyuu chishtuhkan e yuuhtekuchiniyich, chii iteyihtam misiwe aniyuu kaa chipahwaakanuyich e chii ushimuyich. Ekw kaa wii nipahiisut niyaanitam aniyuu unitupayuuhkumaan e wii aapachihtaat e ishpish mista sechisit. 28Paul maak chii tepwaateu e itaat, “Ekaawii wiyesh ihtuutaasuu misiwe wesin eshkw ekut utah e ihtaayaahch.”
29Ekw an kaa naanaakachihtaat aniyuu chipahutuukamikuyuu chii nituweyihtam waashtenamaakaniyuu, ekw kaa piihtepahtaat anite aniyuu Paul ekw maak Silas kaa ihtaayich, kaa uchihchiihkunipayihut anit uhchishkuu e ihtaayich e nanamipayit e ishpish sechisit. 30Ekw kaa wiiwiihtahaat anit chipahutuukamikuhch uhchi, kaa itaat, “chiyawaau naapeutikw, pechi wiihtamuukw taanite che ihtiyaan e wii pimaachihuyaan.” 31Ekw Paul kaa itaat uyuu naapeu, “Taapweyim Utipeyihchikeu Jesus, ekw maak che pimaachihuyin kaye misiwe anichii anit e peyakuteusiyin kaa ihtaatwaau.” 32Chii aayimuutamuweu maak aniyuu naapeu Utipeyihchikeu utayimuwiniyuu kaye misiwe e itashiitwaauh aweyuu anit uwaaskahiikanimiihch kaa ihtaayich. 33Tiiwehch maak, aat e mekwaatipiskaayich, an kaa naanakachihtaat aniyuu chipahutuukamikuyuu chii wiiwiihtaheu Paul ekw maak Silas ekw kaa chishtaapautaawaat anit kaa papasistehwaakanuyich. Ekw tiiwehch wiya ekw maak misiwe anit e peyakuteusiit kaa siikahaahtuwaakanuutwaau. 34Ekw anite wiichihch kaa ituhtahaat aniyuu Paul ekw maak Silas, kaa miyaat miichimiyuu chechii miichisuyich. Naasch maak chii miyeyihtam kaye aniyuu anit e peyakuteusiit chii muuchicheyihtamiyuu e taapweyimaatwaau Chishemanituu.
35Wiyaapaniyich maak, anichii Rome uchimaauch chii itishahweuch aniyuu kaa maakunawesiyich anite chipahutuukamikuhch, chechii nituu itaayich aniyuu kaa naanaakachihtaayich chipahutuukamikuyuu, chechii pachishtinaayich aniyuuh naapeuh. 36Ekw an kaa naanaakachihtaat chipahutuukamikuyuu chii iteu aniyuu Paul, “Anichii uchimaauch itweuch chechii pachishtinitaahch, maachiikw maak chiyaam chistuhtekw, namui awen chika uhchi wiyesh ihtuutaakuwaau.” 37Mikw maak Paul wiya chii wii ayimiheu aniyuu kaa maakunawesiyich kaa itaat, “Itashteu Rome wiishuwewin, Rome e ishi masinaasut awen pitamaa chipaa wiyaaskunaakanuu ekw yaakw chipaa waweshihaakanuu. Rome nititisinaasunaan yaapach maak e chii piihtewepinikuyaahch chipahutuukamikuhch, ekaa mechim uhchi wiyaaskunikuyaahch. Ekw maak chiimuut waa pachishtinikuyaahch. Namui maak nikaa uhchi iichesinaan utah. Nituweyimaanaanich anichii Rome uchimaauch wiyawaau chechii pechi takushinitwaau chechii pachishtiniyimihtwaau.” Ekun kaa itaat Paul aniyuu kaa maakunawesiyich.
38Ekw anichii kaa maakunawesitwaau kaa chiiwetwaau nete kaa wiihtamuwaatwaau aniyuuh uchimaauh taan kaa itweyich Paul. Iskutak maak piyehtahkwaau anichii uchimaauch Romehch e ishi masinaasuyich Paul ekw maak Silas, chii sechisuuch, wesh chii chischeyihtamuch e chii wanituutawaatwaau. 39Ekw kaa nituwaapamaatwaau, kaa itaatwaau, nimihchiiwesinaan an kaa ihtiyaahch. Ekw kaa wiiwiihtahaatwaau anit chipahutuukamikuhch, kaa itaatwaau che nakatamiyich aniyuu ihtaawiniyuu. 40Ekw maak Paul kaye maak Silas anite aniyuu iskweu Lydia e ihtaayich ekute kaa ituhtetwaau. Ekut utah pasch kaa ihtaayich chiichishaanuuh kaa taapwehtamiitwaau, ekw kaa ayimihaatwaau chechii yaaichikaapuyich e taapwehtamiyich. Ekw kaa chistuhtetwaau.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.