Acts 11
11
Peter kaa wiihtamuwaat aniyuu kaa taapwehtamiyich anite Jerusalemihch kaa ihtaayich taan kaa ispayiyich
1Anichii apastalach ekw maak anichii wiichishaanimaauch anite Judea kaa ishinihkaatech aschiiyuu kaa ihtaatwaau chii pehtamuch aniyuu iinuu ekaa Jewa kaa itiskaanesiitwaauh e taapwehtamiyich Chishemanituu utayimuwiniyuu. 2Iskutak maak Peter kaa takushihk anite Jerusalemihch, chii ayimihiikuu aniyuuh kaa chischinuwaachishwaakanuyitwaau kaa taapwehtamiyich ekaa naheyihtamiyich uyuu taan kaa ihtit. 3Kaa itaatwaau aniyuu Peter, “Chichii ituhten anite anichii iinuuch e ihtaatwaau ekaa Jewa kaa itiskaanesitwaau, waawaach kaye chichii wiichimiichisuumaauch,” chii iteuch.
4Ekw Peter kaa wiihtamuwaat misiwe taan nihaau kaa pechi ispayiyich e itaat, 5“Mekwaach kaa ayimihaayaan anite Joppahch, nichii waapahtiikuun waapahtiiwewin. Nichii waapahten chekwaan e pechi ashiimakahch kihchikiishikuhch uhchi, muyaam ashpimiichisuyaan e ishinaakuhch. Ekw kaa pechi nakaapayihch nihaau anit uhchishkuu e ihtaayaan. 6Iskutak maak peshuch kaa piihteyaapahtamaan nichii waapamaauch nanaahkuu e ishinaakusitwaau awesiisach kaye manichuushach kaye piyeshiishach e ihtaatwaau anit. 7Ekw kaa pehtuuk awen e pechi ayimihiit e iishit, ‘Peter pisikuuh, nipahtaache ekw maak che miichiyin an kaa nipahtaayin,’ nichii itikw. 8Nichii itwen maak, ‘Namui nika uhchi ihtuuten uu Utipeyihchikeu, namui wiiskaat nuuhchi miichin chekwaan e wiinaach e iteyihtaakuhch Jewa wiishuwewinihch kaa wiihtaakuhch ekaa wiiskaat chipaa uhchi miichinaanuu,’ nichii itaau. 9Ekw miin kaa uhchi pehtaakuhch pehtaakusuwin kihchikiishikuhch uhchi e itwet awen, ‘Ekaawii itweh e wiinaach aniyuu Chishemanituu e chii itwet e payehkaniyich.’ 10Nishtwaau maak nichii ayimihiikuun, ekw miin kaau anite kihchikiishikuhch kaa ishi uchipayihtaakanuuhch an ashpimiichisuyaan.”
11“Mekwaach maak uu nishtu naapeuch mwehch chii takushinuuch anite Caesareahch e uhtuhtetwaau e chii pechi itishahwaakanuutwaau anit an waaskaahiikan kaa ihtaayaan. 12Kaa payehchisiit Ahchaahkw nichii itikw chechii wiicheumach uyuu naapeu kaye ekaa chechii nakaawiyaan chechii wiicheukwaau mikw aniyuu uhchi ekaa Jewa itiskaanesitwaau. Ekw maak kaa wiicheukwaau. Kaye maak kaye uchii kutwaashch kutakach chiichishaanuuch kaa taapwehtahkwaau Joppahch kaa uhchiitwaau nichii wiicheukuch anite Caesareahch e ituhteuch. Misiwe maak nichii piihchenaan anite Cornelius wiichihch. 13Ekw maak Cornelius kaa wiihtamaakuyaahch e chii waapamaakupane enchil e niipuyich anite piihtakamihch wiichihch e itikut, ‘Itishahuu awen nete Joppahch che wiishaamaat aniyuu naapeuh Simon Peter kaa ishinihkaasuyich. 14Uu maak naapeu Simon Peter chika waawiihtamaakw taanite chechii uhchi pimaachihuyin kaye misiwe anichii anit e peyakuteusiyin,’ ekun kaa itikuukupane Cornelius aniyuu enchil. 15Iskutak maak kaa pehtamaan taan kaa itikuukupane Cornelius aniyuu enchil, ekw kaa chihchi ayimiyaan. Mekwaach maak e ayimiyaan Kaa payehchisiyich Ahchaahkw chii pechi aashiitutaakuuch mwehch chiyaanuu uskach kaa miikuyihkw Kaa payehchisiit Ahchaahkw. 16Ekw kaa uhchi chischisiyaan uyuu kaa itwet Utipeyihchikeu, ‘John chichii siikahaahtaakuwaau nipiiyuu, mikw maak Chishemanituu chika siikahaahtaakuwaau Kaa payehchisiyich Ahchaahkwa,’ ekun kaa itwekupane Utipeyihchikeu. 17Cheshtinaash maak Chishemanituu chii miyeu aniyuu iinuuh ekaa Jewa kaa itiskaanesiyich aniyuuh kaa payehchisiyich ahchaahkwa mwehch chiyaanuu kaa ishi miikuyihkw iskutak kaa taapweyimahkw Utipeyihchikeu Jesus Christ. Awen maak niya chechii chipihchihiik Chishemanituu taan waa ihtit,” chii iteu Peter aniyuu iinuu.
18Uyuu maak e pehtawaatwaau e ishi wiihtamiyich namui uhchii nishkuushtuweuch. Chii chishtaachimeuch Chishemanituu e itwetwaau, “Chishemanituu chii nihiipayihtaau aniyuu iinuu ekaa Jewa kaa itiskaanesiitwaauh chechii kweskaatisiyich kaye chechii pimaachihuyich.”
Kaa taapwehtahkwaau anite Antiochihch kaa ihtaatwaau
19Iskutak maak kaa nipahaakanuut Stephen, chii nanehkaachihaakanuuch anichii kaa taapwehtahkwaau, misiwe maak nanaahkuu chii itishimuuch. Pasch maak waahyuu chii ituhteuch muyaam anite aschiihch Phoenicia kaye Cyprus kaa ishinihkaateyikwaauh ekw maak anite ihtaawinihch Antioch, mikw maak aniyuu Jewa iinuuh chii waawiihtamuweuch miywaachimuwiniyuu. 20Mikw maak pasch anichii kaa taapwehtahkwaau anite Cyprus, kaye maak Cyrene kaa uhchiitwaau chii ituhteuch anite Antiochihch ekw kaa wiihtamuwaatwaau aniyuu Greek iinuu miywaachimuwiniyuu Jesus e tipeyihchicheyich. 21Chii miyaakanuuch maak Utipeyihchikeu usuuhkaatisiiwiniyuu, mihchetu maak awenichii chii taapweyimeuch kaye chii nuushuushkuweuch Utipeyihchikeu.
22Iskutak anichii umaamuuayimihaauch anite Jerusalemihch kaa ihtaatwaau kaa pehtahkwaau uyuu e ispayiyich chii itishahuweuch Barnabas anite Antiochihch. 23Iskutak maak tekushihk Barnabas anite, wiyaapahtamuwaat maak Chishemanituu taan e ishi shaweyimaayich aniyuu iinuu, chii miyeyihtam. Chii siihchimeu maak chechii yaaichikaapuyich kaye suuhk muush che wii nanihiiwehaayich Utipeyihchikeu. 24Wesh uu naapeu Barnabas naashch chii kuiskutaatisiyuu, kaye chii saakaschineshkaakuu Kaa payehchisiyich Ahchaahkwa, kaye chii suuhcheyihtaakuniyuu utaapwehtamuwin. Ekw maak etituu mihchetu iinuuch kaa taapweyimaatwaau Utipeyihchikeu Jesus.
25Ekw Barnabas kaa ituhtet anite Tarsus chechii nituu naanituweyimaat Saul. 26Iskutak maak meskawaat, chii peshuweu anite Antiochihch. Taapishkun maak e niishitwaau mitun peyakw pipun muush chii nishtuuneuch aniyuu umaamuuayimihaauh chechii maamuu ayimihaatwaau kaye mihchetu aniyuu chii chiskutamuweuch. Ekut maak anit Antiochihch maauch niishtam Christianich kaa ishinihkaataakanuutwaau anichii kaa taapweyimaatwaau Jesus.
27Mekwaach maak uyuu kaa ihtitwaau Barnabas kaye Saul anite Antiochihch, pasch anichii uchischiwehiichesuuch chii ituhteuch anite Antiochihch, Jerusalemihch e uhtuhtetwaau. 28Peyakw maak an Agabus e ishinihkaasut, chii pisikuu e miikut Kaa payehchisiyich Ahchaahkwa chechii ishi niikaan wiihtahk che pimipayiyich e kauhkataanuyich misiwe e ispichiskamikaayich aschiiyuu. Ekun maak taapwe kaa ispayiyich mekwaach Claudius kaa chisheuchimaawiyich. 29Ekw anichii chischinuhamuwaakanich misiwe paahpeyakw e tashitwaau kaa wiyeyihtahkwaau suuhk che wiichihaatwaau taan e ishi nituweyihtamiyich aniyuu wiichishaanawaau anite Judea aschiihch kaa ihtaayich. 30Ekun maak kaa ihtitwaau. Chii itishahuweuch Barnabas kaye Saul chechii ituhtataayich aniyuu shuuliyaayuu anite Jerusalemihch chechii miyaayich aniyuuh kaa niikaanishkamiitwaau ayimiheukamikuyuu.
ទើបបានជ្រើសរើសហើយ៖
Acts 11: crjrNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.
Acts 11
11
Peter kaa wiihtamuwaat aniyuu kaa taapwehtamiyich anite Jerusalemihch kaa ihtaayich taan kaa ispayiyich
1Anichii apastalach ekw maak anichii wiichishaanimaauch anite Judea kaa ishinihkaatech aschiiyuu kaa ihtaatwaau chii pehtamuch aniyuu iinuu ekaa Jewa kaa itiskaanesiitwaauh e taapwehtamiyich Chishemanituu utayimuwiniyuu. 2Iskutak maak Peter kaa takushihk anite Jerusalemihch, chii ayimihiikuu aniyuuh kaa chischinuwaachishwaakanuyitwaau kaa taapwehtamiyich ekaa naheyihtamiyich uyuu taan kaa ihtit. 3Kaa itaatwaau aniyuu Peter, “Chichii ituhten anite anichii iinuuch e ihtaatwaau ekaa Jewa kaa itiskaanesitwaau, waawaach kaye chichii wiichimiichisuumaauch,” chii iteuch.
4Ekw Peter kaa wiihtamuwaat misiwe taan nihaau kaa pechi ispayiyich e itaat, 5“Mekwaach kaa ayimihaayaan anite Joppahch, nichii waapahtiikuun waapahtiiwewin. Nichii waapahten chekwaan e pechi ashiimakahch kihchikiishikuhch uhchi, muyaam ashpimiichisuyaan e ishinaakuhch. Ekw kaa pechi nakaapayihch nihaau anit uhchishkuu e ihtaayaan. 6Iskutak maak peshuch kaa piihteyaapahtamaan nichii waapamaauch nanaahkuu e ishinaakusitwaau awesiisach kaye manichuushach kaye piyeshiishach e ihtaatwaau anit. 7Ekw kaa pehtuuk awen e pechi ayimihiit e iishit, ‘Peter pisikuuh, nipahtaache ekw maak che miichiyin an kaa nipahtaayin,’ nichii itikw. 8Nichii itwen maak, ‘Namui nika uhchi ihtuuten uu Utipeyihchikeu, namui wiiskaat nuuhchi miichin chekwaan e wiinaach e iteyihtaakuhch Jewa wiishuwewinihch kaa wiihtaakuhch ekaa wiiskaat chipaa uhchi miichinaanuu,’ nichii itaau. 9Ekw miin kaa uhchi pehtaakuhch pehtaakusuwin kihchikiishikuhch uhchi e itwet awen, ‘Ekaawii itweh e wiinaach aniyuu Chishemanituu e chii itwet e payehkaniyich.’ 10Nishtwaau maak nichii ayimihiikuun, ekw miin kaau anite kihchikiishikuhch kaa ishi uchipayihtaakanuuhch an ashpimiichisuyaan.”
11“Mekwaach maak uu nishtu naapeuch mwehch chii takushinuuch anite Caesareahch e uhtuhtetwaau e chii pechi itishahwaakanuutwaau anit an waaskaahiikan kaa ihtaayaan. 12Kaa payehchisiit Ahchaahkw nichii itikw chechii wiicheumach uyuu naapeu kaye ekaa chechii nakaawiyaan chechii wiicheukwaau mikw aniyuu uhchi ekaa Jewa itiskaanesitwaau. Ekw maak kaa wiicheukwaau. Kaye maak kaye uchii kutwaashch kutakach chiichishaanuuch kaa taapwehtahkwaau Joppahch kaa uhchiitwaau nichii wiicheukuch anite Caesareahch e ituhteuch. Misiwe maak nichii piihchenaan anite Cornelius wiichihch. 13Ekw maak Cornelius kaa wiihtamaakuyaahch e chii waapamaakupane enchil e niipuyich anite piihtakamihch wiichihch e itikut, ‘Itishahuu awen nete Joppahch che wiishaamaat aniyuu naapeuh Simon Peter kaa ishinihkaasuyich. 14Uu maak naapeu Simon Peter chika waawiihtamaakw taanite chechii uhchi pimaachihuyin kaye misiwe anichii anit e peyakuteusiyin,’ ekun kaa itikuukupane Cornelius aniyuu enchil. 15Iskutak maak kaa pehtamaan taan kaa itikuukupane Cornelius aniyuu enchil, ekw kaa chihchi ayimiyaan. Mekwaach maak e ayimiyaan Kaa payehchisiyich Ahchaahkw chii pechi aashiitutaakuuch mwehch chiyaanuu uskach kaa miikuyihkw Kaa payehchisiit Ahchaahkw. 16Ekw kaa uhchi chischisiyaan uyuu kaa itwet Utipeyihchikeu, ‘John chichii siikahaahtaakuwaau nipiiyuu, mikw maak Chishemanituu chika siikahaahtaakuwaau Kaa payehchisiyich Ahchaahkwa,’ ekun kaa itwekupane Utipeyihchikeu. 17Cheshtinaash maak Chishemanituu chii miyeu aniyuu iinuuh ekaa Jewa kaa itiskaanesiyich aniyuuh kaa payehchisiyich ahchaahkwa mwehch chiyaanuu kaa ishi miikuyihkw iskutak kaa taapweyimahkw Utipeyihchikeu Jesus Christ. Awen maak niya chechii chipihchihiik Chishemanituu taan waa ihtit,” chii iteu Peter aniyuu iinuu.
18Uyuu maak e pehtawaatwaau e ishi wiihtamiyich namui uhchii nishkuushtuweuch. Chii chishtaachimeuch Chishemanituu e itwetwaau, “Chishemanituu chii nihiipayihtaau aniyuu iinuu ekaa Jewa kaa itiskaanesiitwaauh chechii kweskaatisiyich kaye chechii pimaachihuyich.”
Kaa taapwehtahkwaau anite Antiochihch kaa ihtaatwaau
19Iskutak maak kaa nipahaakanuut Stephen, chii nanehkaachihaakanuuch anichii kaa taapwehtahkwaau, misiwe maak nanaahkuu chii itishimuuch. Pasch maak waahyuu chii ituhteuch muyaam anite aschiihch Phoenicia kaye Cyprus kaa ishinihkaateyikwaauh ekw maak anite ihtaawinihch Antioch, mikw maak aniyuu Jewa iinuuh chii waawiihtamuweuch miywaachimuwiniyuu. 20Mikw maak pasch anichii kaa taapwehtahkwaau anite Cyprus, kaye maak Cyrene kaa uhchiitwaau chii ituhteuch anite Antiochihch ekw kaa wiihtamuwaatwaau aniyuu Greek iinuu miywaachimuwiniyuu Jesus e tipeyihchicheyich. 21Chii miyaakanuuch maak Utipeyihchikeu usuuhkaatisiiwiniyuu, mihchetu maak awenichii chii taapweyimeuch kaye chii nuushuushkuweuch Utipeyihchikeu.
22Iskutak anichii umaamuuayimihaauch anite Jerusalemihch kaa ihtaatwaau kaa pehtahkwaau uyuu e ispayiyich chii itishahuweuch Barnabas anite Antiochihch. 23Iskutak maak tekushihk Barnabas anite, wiyaapahtamuwaat maak Chishemanituu taan e ishi shaweyimaayich aniyuu iinuu, chii miyeyihtam. Chii siihchimeu maak chechii yaaichikaapuyich kaye suuhk muush che wii nanihiiwehaayich Utipeyihchikeu. 24Wesh uu naapeu Barnabas naashch chii kuiskutaatisiyuu, kaye chii saakaschineshkaakuu Kaa payehchisiyich Ahchaahkwa, kaye chii suuhcheyihtaakuniyuu utaapwehtamuwin. Ekw maak etituu mihchetu iinuuch kaa taapweyimaatwaau Utipeyihchikeu Jesus.
25Ekw Barnabas kaa ituhtet anite Tarsus chechii nituu naanituweyimaat Saul. 26Iskutak maak meskawaat, chii peshuweu anite Antiochihch. Taapishkun maak e niishitwaau mitun peyakw pipun muush chii nishtuuneuch aniyuu umaamuuayimihaauh chechii maamuu ayimihaatwaau kaye mihchetu aniyuu chii chiskutamuweuch. Ekut maak anit Antiochihch maauch niishtam Christianich kaa ishinihkaataakanuutwaau anichii kaa taapweyimaatwaau Jesus.
27Mekwaach maak uyuu kaa ihtitwaau Barnabas kaye Saul anite Antiochihch, pasch anichii uchischiwehiichesuuch chii ituhteuch anite Antiochihch, Jerusalemihch e uhtuhtetwaau. 28Peyakw maak an Agabus e ishinihkaasut, chii pisikuu e miikut Kaa payehchisiyich Ahchaahkwa chechii ishi niikaan wiihtahk che pimipayiyich e kauhkataanuyich misiwe e ispichiskamikaayich aschiiyuu. Ekun maak taapwe kaa ispayiyich mekwaach Claudius kaa chisheuchimaawiyich. 29Ekw anichii chischinuhamuwaakanich misiwe paahpeyakw e tashitwaau kaa wiyeyihtahkwaau suuhk che wiichihaatwaau taan e ishi nituweyihtamiyich aniyuu wiichishaanawaau anite Judea aschiihch kaa ihtaayich. 30Ekun maak kaa ihtitwaau. Chii itishahuweuch Barnabas kaye Saul chechii ituhtataayich aniyuu shuuliyaayuu anite Jerusalemihch chechii miyaayich aniyuuh kaa niikaanishkamiitwaau ayimiheukamikuyuu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.