EXODUS 35
35
Dinhni Rangah Dân
1Mosi nih Israel mi zapi chu munkhat ah a pumh ver na le, an sinah, “Hi hi LALPA nih ti ding hen thu an pêk na mi chu asi: 2Ni ruk nanmah rianṭuannâk ding nan nei, sikhawmsele, a ni sarih ni chu zarh ding mi Dinhnâk ni zahkâi, LALPA, keimah sinah ap mi chu asi. Âuzawng nih chu ni ah rian a ṭuan chun thah ding asi. 3Nan in sungkhur khawm ah mei nan tih ding asi lo,” a ti.
Puanin Thenhlimh Apnâk
(Ex 25.1-9)
4Mosi nih Israel mi zapi zawzawng sinah, “Hi hi LALPA thupêk chu asi: 5LALPA sinah thil apnâk nei ule, mikip nih mah thinlung thawk dân hâwi vima hen ngûn, tangkasa, dâr; 6puan mangṭhia, dumpâwl, senduk, samul lasen, kêl mul puan; 7dawrâ vun rawng sen lakah thlâk mi, a vun a ṭha mi, thingrî thing; 8meichêu hâng, rimthâw thuh ding leh rimthâwttirtu rangah; 9karnelian leh lungmantam chu Bâwlpu Lalchem a ṭângbêk lakah mi ephod thenhlimh lakah thlaih ding mi hawng ap u.
LALPA Umnâk Puanin Rang
Ding Mi Thil Tla
(Ex 39.32-43)
10“Nan lakah rianṭuantu zungthiam tla chu LALPA nih thu an pêk na mi zawzawng siam ding hen hawng na sele; 11Puanin a khuhnâk leh a lênglei khuhnâk, a banhnâk tla, a kâwpmi tung tla, a talkhang, a tung tla, a tohnâk tla; 12Thudântuk Bâwm, a zawnhnâk thingtluan, a sinh leh a puanzâr; 13dawhkân, a zawnhnâk thingtluan leh a thuamthil dang zawzawng, Pathian sinah ap mi sangtlêp, 14cherhtu ding ah meichêu leh a thuamthil; meichêu leh a hâng; 15rimthâw duahnâk mâichâm leh a zawnhnâk thingtluan, thuh ding mi sariak rimthâw, Puanin tualmâi puanzâr; 16bâwlnâk duahnâk ding mâichâm, dâr lên, a zawnhnâk thingtluan leh a thuamthil zawzawng, khawlh ṭâwlnâk mâihûm leh a tohnâk; 17a khârnâk ding puanzâr, a tung leh a tohnâk; a tualmâi puanzâr khârnâk; 18puanin kilhnâk leh rirual, a khâr; 19Aron leh a fapa tla Mun Thenhlimh ah an kal tikah ruk ding mi bâwlpu thuam rokual tla,” a ti.
Mi Zapi Tla Nih Thil Ap An Hawng Put Mi
20Israel mi zapi tla chu an ṭiak rawh. 21Mi kip thinlung duhnâk nei mi vial nih LALPA umnâk Puanin siam ding hen LALPA sinah thilpêk an hawng put. Pathian sawnhnâk ah herh ding mi thil zawzawng leh bâwlpu thuam siamnâk ding mi zawzawng an hawng put. 22Mi âuzawng nunau khawm mipa khawm a duhtu zawng nih pin tla, nabeh tla, pizung tla, ṭhî tla leh ngûn chikip tla chu LALPA sinah an hawng put le, an ap rawh. 23Âuzawng nih, puan mangṭhia, dumpâwl, senduk, samul lasen, kêl mul puan, dawrâ chal vun rawng sen ah thlâk mi mawh savun ṭha mi zât an hawng put. 24Âuzawng thawh khotu nih chun tangkasa, dâr tla LALPA sinah ap ding an hawng put, thingrî thing neitu zawng nih zeilak tal ah mang ding hen an hawng put. 25Nunau zungthiam zawzawng nih puan nêm lazâi leh lazâi dumpâwl, senduk leh samul lasen an siam mi tla chu an hawng put. 26Dawrâ mul hen lazâi an siam mi khawm. 27Ruitu tla khawm nih karnelian leh lungmantam tla ṭângbêk lakah mi ephod thenhlimh lakah thlaih ding mi an hawng put. 28Rimthâw leh meichêu hâng, thuh ding mi sariak leh rimthâwttirtu rimthâw tla an hawng put. 29Israel mi tla, LALPA nih Mosi sinah thu a pêk mi rianṭuannâk ding ah an thilpêk tla LALPA sinah an hawng put.
LALPA Umnâk Puanin
Siamtu Mi Zungthiam Tla
(Ex 31.1-11)
30Mosi nih Israel mi tla sinah, “LALPA nih Juda phun lakah mi Uri fapa Bezalel, Hur tupa a thîm. 31Pathian nih a thiltikhonâk zung thiamnâk, tikhonâk leh thil chi kip siam thiamnâk a pêk, 32zeizawng ti dân thiamnâk leh ngûn tla, tangkasa leh dâr leikâng rianṭuan thiamnâk tla. 33Lungmantam bêk ding mi nek thiamnâk, thing ker dân tla, thil dang zeizawng siam thiamnâk a pêk. 34LALPA nih amah leh Dan phun ah mi, Ahisamak fapa Oholiab sinah an thiamnâk midang sîntir khonâk a pêk na. 35An sinah chun rianṭuan zât kip thiamnâk a pêk na, rîn thiamnâk, theihthiamnâk, puan mangṭhia tah thiamnâk, dumpâwl, senduk, samul lasen leh puan dang tla khawm tah thiamnâk a pêk. Rianṭuan dân chi kip an ti kho hen theihthiamnâk an nei.
ទើបបានជ្រើសរើសហើយ៖
EXODUS 35: BCLBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bawm Common Language Bible © Bangladesh Bible Society, 2004. All rights reserved.
EXODUS 35
35
Dinhni Rangah Dân
1Mosi nih Israel mi zapi chu munkhat ah a pumh ver na le, an sinah, “Hi hi LALPA nih ti ding hen thu an pêk na mi chu asi: 2Ni ruk nanmah rianṭuannâk ding nan nei, sikhawmsele, a ni sarih ni chu zarh ding mi Dinhnâk ni zahkâi, LALPA, keimah sinah ap mi chu asi. Âuzawng nih chu ni ah rian a ṭuan chun thah ding asi. 3Nan in sungkhur khawm ah mei nan tih ding asi lo,” a ti.
Puanin Thenhlimh Apnâk
(Ex 25.1-9)
4Mosi nih Israel mi zapi zawzawng sinah, “Hi hi LALPA thupêk chu asi: 5LALPA sinah thil apnâk nei ule, mikip nih mah thinlung thawk dân hâwi vima hen ngûn, tangkasa, dâr; 6puan mangṭhia, dumpâwl, senduk, samul lasen, kêl mul puan; 7dawrâ vun rawng sen lakah thlâk mi, a vun a ṭha mi, thingrî thing; 8meichêu hâng, rimthâw thuh ding leh rimthâwttirtu rangah; 9karnelian leh lungmantam chu Bâwlpu Lalchem a ṭângbêk lakah mi ephod thenhlimh lakah thlaih ding mi hawng ap u.
LALPA Umnâk Puanin Rang
Ding Mi Thil Tla
(Ex 39.32-43)
10“Nan lakah rianṭuantu zungthiam tla chu LALPA nih thu an pêk na mi zawzawng siam ding hen hawng na sele; 11Puanin a khuhnâk leh a lênglei khuhnâk, a banhnâk tla, a kâwpmi tung tla, a talkhang, a tung tla, a tohnâk tla; 12Thudântuk Bâwm, a zawnhnâk thingtluan, a sinh leh a puanzâr; 13dawhkân, a zawnhnâk thingtluan leh a thuamthil dang zawzawng, Pathian sinah ap mi sangtlêp, 14cherhtu ding ah meichêu leh a thuamthil; meichêu leh a hâng; 15rimthâw duahnâk mâichâm leh a zawnhnâk thingtluan, thuh ding mi sariak rimthâw, Puanin tualmâi puanzâr; 16bâwlnâk duahnâk ding mâichâm, dâr lên, a zawnhnâk thingtluan leh a thuamthil zawzawng, khawlh ṭâwlnâk mâihûm leh a tohnâk; 17a khârnâk ding puanzâr, a tung leh a tohnâk; a tualmâi puanzâr khârnâk; 18puanin kilhnâk leh rirual, a khâr; 19Aron leh a fapa tla Mun Thenhlimh ah an kal tikah ruk ding mi bâwlpu thuam rokual tla,” a ti.
Mi Zapi Tla Nih Thil Ap An Hawng Put Mi
20Israel mi zapi tla chu an ṭiak rawh. 21Mi kip thinlung duhnâk nei mi vial nih LALPA umnâk Puanin siam ding hen LALPA sinah thilpêk an hawng put. Pathian sawnhnâk ah herh ding mi thil zawzawng leh bâwlpu thuam siamnâk ding mi zawzawng an hawng put. 22Mi âuzawng nunau khawm mipa khawm a duhtu zawng nih pin tla, nabeh tla, pizung tla, ṭhî tla leh ngûn chikip tla chu LALPA sinah an hawng put le, an ap rawh. 23Âuzawng nih, puan mangṭhia, dumpâwl, senduk, samul lasen, kêl mul puan, dawrâ chal vun rawng sen ah thlâk mi mawh savun ṭha mi zât an hawng put. 24Âuzawng thawh khotu nih chun tangkasa, dâr tla LALPA sinah ap ding an hawng put, thingrî thing neitu zawng nih zeilak tal ah mang ding hen an hawng put. 25Nunau zungthiam zawzawng nih puan nêm lazâi leh lazâi dumpâwl, senduk leh samul lasen an siam mi tla chu an hawng put. 26Dawrâ mul hen lazâi an siam mi khawm. 27Ruitu tla khawm nih karnelian leh lungmantam tla ṭângbêk lakah mi ephod thenhlimh lakah thlaih ding mi an hawng put. 28Rimthâw leh meichêu hâng, thuh ding mi sariak leh rimthâwttirtu rimthâw tla an hawng put. 29Israel mi tla, LALPA nih Mosi sinah thu a pêk mi rianṭuannâk ding ah an thilpêk tla LALPA sinah an hawng put.
LALPA Umnâk Puanin
Siamtu Mi Zungthiam Tla
(Ex 31.1-11)
30Mosi nih Israel mi tla sinah, “LALPA nih Juda phun lakah mi Uri fapa Bezalel, Hur tupa a thîm. 31Pathian nih a thiltikhonâk zung thiamnâk, tikhonâk leh thil chi kip siam thiamnâk a pêk, 32zeizawng ti dân thiamnâk leh ngûn tla, tangkasa leh dâr leikâng rianṭuan thiamnâk tla. 33Lungmantam bêk ding mi nek thiamnâk, thing ker dân tla, thil dang zeizawng siam thiamnâk a pêk. 34LALPA nih amah leh Dan phun ah mi, Ahisamak fapa Oholiab sinah an thiamnâk midang sîntir khonâk a pêk na. 35An sinah chun rianṭuan zât kip thiamnâk a pêk na, rîn thiamnâk, theihthiamnâk, puan mangṭhia tah thiamnâk, dumpâwl, senduk, samul lasen leh puan dang tla khawm tah thiamnâk a pêk. Rianṭuan dân chi kip an ti kho hen theihthiamnâk an nei.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bawm Common Language Bible © Bangladesh Bible Society, 2004. All rights reserved.