EXODUS 28
28
Bâwlpu Tla Thuam
(Ex 39.1-7)
1“Na unaupa Aron leh a fapa tla Nadab, Abihu, Eleazar leh Ithamar chu kawh na. Israel mi zapi lakah mi thlei na le, ka sinah bâwlpu rianṭuantu ding hen siam na. 2Na unaupa Aron rangah bâwlpu thuam siam le, rokualtirtu leh dawhtirtu rang ding ah pêk. 3Mi zungthiam tla tikhonâk ka pêk mi zawzawng kawh na le, Aron nipuan tla siam ding hen simh na; keimah rianṭuan ding hen bâwlpu ah siam ansi khonâk ding hen. 4Bâwlpu ir ah bêk mi, ephod leh bâwlpu kawrdawh fual, thuamh mi kawrdawh, bâwlpu upâwng leh tâisâwm siam ding hen simh na. Chu tla nih chun bâwlpu thuam na unaupa leh a fapa tla rangah siam piak na sele, ka sinah bâwlpu rianṭuan na seh. 5Mi zungthiam tla nih chun dumpâwl, senduk, samul lasen, ngûn lazâi, puan mangṭhia an mang ding asi.
6“Ephod chu a pâwl, a senduk, samul lasen, ngûn lazâi, leh puan mangṭhia chawih hen thuamh mi an siam ding asi. 7Liangbah panih a thlâinâk ding a sîr ah bêk ding asi. 8Tâisâwm dawh tak a tah mi a ruakhâu tla hen siam mi chu ephod lakah thlaih ding asi, chu zûn khat lakah um ding asi. 9Karnelian lung panih lâk le; Jakob fa leinih min chu lakah rîn rawh; 10an suak an a sang dân hâwi vima hen, lung khat lakah min ruk, a dang lakah min ruk hen. 11Lungmantam siamtu tla nih chu lung panih lakah Jakob fapa tla min ngûn hen rîn na seh. 12Ephod liangbah lakah Israel phun leinih theihnâk ding hen thlaih na seh. Hi hâwi hen Aron nih a liang tlûnah an min tla chu a put vima lai le, churawhchun Kei, LALPA nih ka mi le chu ka theihkumza na lai. 13Ngûn lazâi panih phiar le, 14ngûn karo chikchîn panih rî hâwi hen rual mi, phiar mi lakah thlaih.
ṬângBêk
(Ex 39.8-21)
15“Ṭângbêk, Bâwlpu Lalchem rangah Pathian duhzia thiltum ah mang ding mi siam rawh. Ephod thuamh mi hâwitê hen a ruakhâu hen siam ding asi. 16Kî li nei hen thuang nih ding asi, a dunglei khâp khat, a vânglei khâp khat tluk asi ding asi. 17Chunah chun lung sung tlar li hen bêk ding asi, tlar khatnâk ah ruby, topaz, garnet; 18a tlar nihnâk ah emerald, sapphire, diamond, 19a tlar thumnâk turquoise, agate leh amethyst; 20tlar linâk ah beryl, karnelian leh Jaspar. Ngûn rirual lakah hi tla hi bêk ding asi. 21Hi lung leinih lakah hin Israel phun tla zauhtirnâk ding hen Jakob fapa tla min lung pakhat lakah min pakhat rîn vima ding asi. 22Ṭângbêk rangah ngûn chikchîn rualpâwk mi na siam ding asi. 23Ngûn kual panih siam le, ṭângbêk a tlûnlei mi kî lakah thlaih. 24Chu ngûn rî panih chu ngûn kual panih lakah sih. 25Ngûn rî panih pâr chu ngûn rî dang panih lakah sih, hi hâwi hen ephod mâilei kâng liangbah ah thlaih ding asi. 26Churawhchun, ngûn kual panih chu ephod sangah ṭângbêk sâr sunglei ah thlaih ding asi. 27Ngûn kual panih dang siam le, tâisâwm dawh tak hen tah mi tlûnlei a liah tawnh mi ṭhîtnâk kiangah, ephod liangbah panih mâilei kâng tanglei dauh ah thlaih. 28Ṭângbêk kual chu ephod ngûn kual lakah dumpâwl rirual hen sih, tâisâwm tlûnah mi ṭângbêk chu â lît kho lonâk ding hen.
29“Aron chu Mun Thenhlimh ah a lût tikah Israel phun min rînnâk ṭângbêk â awih ding asi, chu rawh chun, Kei, LALPA nih ka mi tla chu ka theihkumza lai. 30Ṭângbêk lakah chun Urim leh Thummim bêk le, chu chu ka umnâk thenhlimh ah Aron a hawng tikah a hawngpi ding asi. Chubang hâwi liau kip ah ṭângbêk chu a awih kumza ding asi. Chu tikah Israel mi tla rangah ka duhzia thil a ti mi asi lai.
Bâwlpu Thuam Dang Tla
(Ex 39.22-31)
31“Ephod tlûnah kawrfual chu samul dumpâwl karo hen siam mi asi ding asi. 32Lû sawhnâk ding hen a kua um ding asi. Chu kua chu tlêk lo ding hen tah mi hen a tlâng kâwm pang ding asi. 33-34A tanglei kâng zawzawng hêl dak hen puan sâr ah pomegranate rah lem a pâwl mi, a senduk, samul lasen rawng hâwi mi a karah ngûn khi-îng na thlaih ding asi. 35Aron nih bâwlpu rian a ṭuan kip ah hi kawrfual hi â ruk ding asi. Ka sinah Mun Thenhlimh ah a hawng tikah mawh a suak awt liauah mawh chu khi-îng hâu chu theih hen a um lai le, thah hen a um lai lo.
36“Chun, ngûn karo hen thuamhnâk siam le, ‘LALPA sinah ap mi’ ti hen rîn rawh. 37Upâwng lakah mâilei ah rirual pâwl hen sih. 38Aron nih a chal ah â pawnh lai le, churawhchun Kei, LALPA nih Israel tla thilpêk zawzawng leh ka sinah anna pêknâk leh mi zapi tla nih an thil ap lakah palh sualnâk khawm ah ka pawm lai.
39“Aron kawrdawh leh upâwng chu puan mangṭhia hen siam le, tâisâwm chu ṭial dawh tak hen siam rawh.
40“Rokual leh dawhtir ding hen Aron fapa tla rangah kawrdawh, tâisâwm leh lukhuh siam tir na. 41Hi bang thuam tla hi na unaupa Aron leh a fapa tla thuamhtir na. Oliv thuh na hen ap na le, birhtir na, ka rianṭuan ah bâwlpu siding hen. 42Puan mangṭhia hen kekawr kaih ding siam piak na le, tâi thawk hen an êl tiang fual hen, an taksa a lang lonâk ding hen. 43Aron leh a fapa tla nih ka umnâk Puanin ah mawh Mun Thenhlimh ah mi mâichâm ah bâwlpu rian an ṭuan tikah anna kaih kumza ding asi. Churawhchun, an hawng a langh tikah thah an si lonâk ding hen. Hi hi Aron leh a thlâk tla rangah dân a um kumza ding mi chu asi.
ទើបបានជ្រើសរើសហើយ៖
EXODUS 28: BCLBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bawm Common Language Bible © Bangladesh Bible Society, 2004. All rights reserved.
EXODUS 28
28
Bâwlpu Tla Thuam
(Ex 39.1-7)
1“Na unaupa Aron leh a fapa tla Nadab, Abihu, Eleazar leh Ithamar chu kawh na. Israel mi zapi lakah mi thlei na le, ka sinah bâwlpu rianṭuantu ding hen siam na. 2Na unaupa Aron rangah bâwlpu thuam siam le, rokualtirtu leh dawhtirtu rang ding ah pêk. 3Mi zungthiam tla tikhonâk ka pêk mi zawzawng kawh na le, Aron nipuan tla siam ding hen simh na; keimah rianṭuan ding hen bâwlpu ah siam ansi khonâk ding hen. 4Bâwlpu ir ah bêk mi, ephod leh bâwlpu kawrdawh fual, thuamh mi kawrdawh, bâwlpu upâwng leh tâisâwm siam ding hen simh na. Chu tla nih chun bâwlpu thuam na unaupa leh a fapa tla rangah siam piak na sele, ka sinah bâwlpu rianṭuan na seh. 5Mi zungthiam tla nih chun dumpâwl, senduk, samul lasen, ngûn lazâi, puan mangṭhia an mang ding asi.
6“Ephod chu a pâwl, a senduk, samul lasen, ngûn lazâi, leh puan mangṭhia chawih hen thuamh mi an siam ding asi. 7Liangbah panih a thlâinâk ding a sîr ah bêk ding asi. 8Tâisâwm dawh tak a tah mi a ruakhâu tla hen siam mi chu ephod lakah thlaih ding asi, chu zûn khat lakah um ding asi. 9Karnelian lung panih lâk le; Jakob fa leinih min chu lakah rîn rawh; 10an suak an a sang dân hâwi vima hen, lung khat lakah min ruk, a dang lakah min ruk hen. 11Lungmantam siamtu tla nih chu lung panih lakah Jakob fapa tla min ngûn hen rîn na seh. 12Ephod liangbah lakah Israel phun leinih theihnâk ding hen thlaih na seh. Hi hâwi hen Aron nih a liang tlûnah an min tla chu a put vima lai le, churawhchun Kei, LALPA nih ka mi le chu ka theihkumza na lai. 13Ngûn lazâi panih phiar le, 14ngûn karo chikchîn panih rî hâwi hen rual mi, phiar mi lakah thlaih.
ṬângBêk
(Ex 39.8-21)
15“Ṭângbêk, Bâwlpu Lalchem rangah Pathian duhzia thiltum ah mang ding mi siam rawh. Ephod thuamh mi hâwitê hen a ruakhâu hen siam ding asi. 16Kî li nei hen thuang nih ding asi, a dunglei khâp khat, a vânglei khâp khat tluk asi ding asi. 17Chunah chun lung sung tlar li hen bêk ding asi, tlar khatnâk ah ruby, topaz, garnet; 18a tlar nihnâk ah emerald, sapphire, diamond, 19a tlar thumnâk turquoise, agate leh amethyst; 20tlar linâk ah beryl, karnelian leh Jaspar. Ngûn rirual lakah hi tla hi bêk ding asi. 21Hi lung leinih lakah hin Israel phun tla zauhtirnâk ding hen Jakob fapa tla min lung pakhat lakah min pakhat rîn vima ding asi. 22Ṭângbêk rangah ngûn chikchîn rualpâwk mi na siam ding asi. 23Ngûn kual panih siam le, ṭângbêk a tlûnlei mi kî lakah thlaih. 24Chu ngûn rî panih chu ngûn kual panih lakah sih. 25Ngûn rî panih pâr chu ngûn rî dang panih lakah sih, hi hâwi hen ephod mâilei kâng liangbah ah thlaih ding asi. 26Churawhchun, ngûn kual panih chu ephod sangah ṭângbêk sâr sunglei ah thlaih ding asi. 27Ngûn kual panih dang siam le, tâisâwm dawh tak hen tah mi tlûnlei a liah tawnh mi ṭhîtnâk kiangah, ephod liangbah panih mâilei kâng tanglei dauh ah thlaih. 28Ṭângbêk kual chu ephod ngûn kual lakah dumpâwl rirual hen sih, tâisâwm tlûnah mi ṭângbêk chu â lît kho lonâk ding hen.
29“Aron chu Mun Thenhlimh ah a lût tikah Israel phun min rînnâk ṭângbêk â awih ding asi, chu rawh chun, Kei, LALPA nih ka mi tla chu ka theihkumza lai. 30Ṭângbêk lakah chun Urim leh Thummim bêk le, chu chu ka umnâk thenhlimh ah Aron a hawng tikah a hawngpi ding asi. Chubang hâwi liau kip ah ṭângbêk chu a awih kumza ding asi. Chu tikah Israel mi tla rangah ka duhzia thil a ti mi asi lai.
Bâwlpu Thuam Dang Tla
(Ex 39.22-31)
31“Ephod tlûnah kawrfual chu samul dumpâwl karo hen siam mi asi ding asi. 32Lû sawhnâk ding hen a kua um ding asi. Chu kua chu tlêk lo ding hen tah mi hen a tlâng kâwm pang ding asi. 33-34A tanglei kâng zawzawng hêl dak hen puan sâr ah pomegranate rah lem a pâwl mi, a senduk, samul lasen rawng hâwi mi a karah ngûn khi-îng na thlaih ding asi. 35Aron nih bâwlpu rian a ṭuan kip ah hi kawrfual hi â ruk ding asi. Ka sinah Mun Thenhlimh ah a hawng tikah mawh a suak awt liauah mawh chu khi-îng hâu chu theih hen a um lai le, thah hen a um lai lo.
36“Chun, ngûn karo hen thuamhnâk siam le, ‘LALPA sinah ap mi’ ti hen rîn rawh. 37Upâwng lakah mâilei ah rirual pâwl hen sih. 38Aron nih a chal ah â pawnh lai le, churawhchun Kei, LALPA nih Israel tla thilpêk zawzawng leh ka sinah anna pêknâk leh mi zapi tla nih an thil ap lakah palh sualnâk khawm ah ka pawm lai.
39“Aron kawrdawh leh upâwng chu puan mangṭhia hen siam le, tâisâwm chu ṭial dawh tak hen siam rawh.
40“Rokual leh dawhtir ding hen Aron fapa tla rangah kawrdawh, tâisâwm leh lukhuh siam tir na. 41Hi bang thuam tla hi na unaupa Aron leh a fapa tla thuamhtir na. Oliv thuh na hen ap na le, birhtir na, ka rianṭuan ah bâwlpu siding hen. 42Puan mangṭhia hen kekawr kaih ding siam piak na le, tâi thawk hen an êl tiang fual hen, an taksa a lang lonâk ding hen. 43Aron leh a fapa tla nih ka umnâk Puanin ah mawh Mun Thenhlimh ah mi mâichâm ah bâwlpu rian an ṭuan tikah anna kaih kumza ding asi. Churawhchun, an hawng a langh tikah thah an si lonâk ding hen. Hi hi Aron leh a thlâk tla rangah dân a um kumza ding mi chu asi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bawm Common Language Bible © Bangladesh Bible Society, 2004. All rights reserved.