Iyohaichish 146

146

146. Iyohaichish.

1YAH ramye yan.

Aa ku ramat, Ehoba ramye yan,

2Ku onne pakno Ehoba ku reika kusu ne:

Ku an pakno Kamui orun ramye shinotcha ku ki kusu ne.

3Esapane utara koro poho iteki eyaikopashte yan,

Ainu poho iteki eyaikopashte yan, nei utara kashiobiuki eaikap ruwe ne gusu ne na.

4Shinuma heisepa oashin, toitoi orun shinuma hoshipi;

Nei toho ta shinuma esanniyo yainu-hi ush ruwe ne.

5Kashiobiuki gusu Yakob koro Kamui koro gurʼanak ne,

Koro Kamui ne Ehoba orun chipachipa gurʼanak ne anunuke ne:

6Nei Kamui anak ne kando newa toitoi,

Atui newa otta obitta no okaibe kan nisa;

Shinuma otusashuishiri pakno sonep shikkashima ruwe ne:

7Shinuma aeramunishte akore utara gusu koipishi ki wa esanniyo;

Ibe rusui utara ibere:

Ipakashnu chisei ta okai utara honnere ruwe ne;

8Ehoba anak ne shiknak utara koro shiki maka;

Ehoba anak ne hotku utara hopunire;

Ehoba anak ne oupeka utara omap ruwe ne;

9Ehoba anak ne oya utara koshiratki;

Eshikop sak utara newa shiyompiyara shiwentep nitatpa ruwe ne;

Koroka, Shinuma wen utara kon ruhu oheugere ruwe ne.

10Ehoba anak ne otusashuishiri pakno epungine,

Aa Zion, e koro Kamui anak ne obitta no okai ainu santek ikiri an pakno epungine kusu ne na.

Yah ramye yan.

ទើបបានជ្រើសរើសហើយ៖

Iyohaichish 146: AINU

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល

ស្វែងយល់បន្ថែមទៀតអំពី Ashiri Aeuitaknup, Iyohaichish, Yona 1897