Apostoro ikip oma kambi 19
19
19 Ik.
1Orowa, Aporos anak ne Korintos kotan ta an rapoketa, Pauros pena un kotan kush wa Epesos kotan ta ek, 2aine, okai koikara utara nukara: orowa, orota shinuma ene itak-hi :— Echi eishokoro ki ita anak ne Ashkanne Ramat akore nisa ruwe he an? orota nei utara ene itak-hi :— Shomo, Ashkanne Ramat an a-i seenne chi nu ap, sekoro itak. 3Yakun, nepi orota echi baptisma akore an a? Yoannes kore baptisma orota akore na, ari itak. 4Orowa, Pauros ene itak-hi :— Yoannes anak ne yaikokatpak gusu an baptisma kore, aige, i oshi ek guru nei ambe anak, Yesu ne ruwe ne, eishokoro kuni ne utara otta ye nisa ruwe ne. 5Orowa, nei utara anak ne tap orushpe nu chiki, Utarapa ne Yesu kon reihei otta baptisma akore nisa ruwe ne. 6Awa, nei kata Pauros anak ne tekehe ande yakun, Ashkanne Ramat nei utara kashiketa ek, aige, usa an itak ani ye hemhem ki, uweingara hemhem ki nisa ruwe ne. 7Nei utara pishki-hi anak ne tun ikashima wa niu ehange ruwe ne na.
8Orowa, shinuma anak ne uwekarapa chisei ta ahun, aige, re chup uturuta rametokkon no itak ki, awa, paekoiki hine Kamui moshiri gusu an orushpe gusu onishnishi nisa ruwe ne. 9Koroka, sereke an utara anak ne keutum nishte wa itakkashi hine topaha kotchaketa nei Ruhu gusu wen no ye koro okai chiki, shinuma nei utara wano oman, aige, koikara utara shinnai no are, orowa, to pishno Tirannos koro epakashnu ushita paekoiki nisa ruwe ne na. 10Tambe anak ne tu pa uturuta akip ne; tambe gusu, Asia moshiri ta oshiroma utara obitta Yudea un utara hene, Herenes un utara hene, Utarapa itak nu nisa ruwe ne. 11Orowa, Kamui anak ne Pauros teke ani makangane an kiroro an ikip ki nisa: 12shinuma orowa no pon senkaki hene, maitari hene, shiyeyepa utara orota aomande, yakne, tashum isam hemhem ki, wen ramat oashin hemhem ki pakno ne ruwe ne. 13Koroka, okai keshirikari wa pon-itak-ki Yudea un utara ne yakka, wen ramat shikatkare utara kashi Utarapa ne Yesu reihei konishuk wa ene itak-hi :— Pauros eupaskuma Yesu ani kuani e ikashpaotte ash na, ari itak. 14Orowa, Yudea un guru ne Kamui kora kenru esapane guru Skefa ari a reihei koro an guru koro arawan okkai poho nei no ki nisa ruwe ne. 15Aige, wen ramat ese wa orota ene itak-hi :— Yesu ku eamkiri, Pauros ku eamkiri; koroka, echi utara inan utara echi ne ya? 16Orowa, wen ramat shikatkare ainu anak ne nei utara kashike un tereke, aige, nei tun annokara wa aapkan nisa, aige, atusa hine piriao wa nei chisei wano kira nisa ruwe ne. 17Orowa, Epesos kotan ta okai Yudea un utara ne yakka Herenes un utara ne yakka tap orushpe nu; aige, obitta no okai utara ishitoma, orowa, Utarapa ne Yesu reihei anak ne apasere nisa ruwe ne. 18Eishokoro okere utara poron no ne yakka araki, aige, eyaipushi hine koro iki ikip ye nisa ruwe ne. 19Samata, pon-itak-ki buri ikichi shomo moyo no okai utara anak ne koro kambi-sosh uwekarapare wa obitta no okai utara kotchaketa uhuyeka nisa ruwe ne: orowa, nei kambi oro esanniyo chiki, go man shirokani pakno an oro an ambe ne, sekoro anukara. 20Ta pakno kiroro an no Utarapa koro itak poro wa shipiraspa nisa ruwe ne na.
21Tap okai orushpe aokere chiki, Pauros anak ne Makedonia newa Akaia kotan ta kush okere yakun, Yerusarem kotan ta oman kuni keutum oshitchiu nisa ruwe ne, aige, nei kotan akush okaketa Roma kotan ne yakka tu nukara kusu ne ap, ari itak. 22Orowa, otta yaishieiwangere tu ainu ne Timoteos newa Erastos Makedonia kotan ta payere okere yakun, shinuma yaikota naa Asia moshiri ta an nisa ruwe ne.
23Tane an pakita nei Ruhu gusu shomo saure no an sakayo hopuni. 24Inambe gusu ne yakun, Artimis gusu shirokani pon chisei kara shirokani-kik guru ne Demetrios ari an reihei koro shine ainu anak ne, 25ponbe shomo ne an moni nei iki utara hetukure; shinuma anak ne nei no an moni gusu monraige utara uwekarapare wa ene itak-hi :— Nishpa utara tan moni an gusu chi utara anak ne yaioteknure ruwe ne, ari an ambe echi eraman. 26Shui, Epesos kotan ta patek shomo ne, koroka, yaani Asia moshirʼebitta tan Pauros auak ne — Tekehe ani akara okaibe Kamui shomo ne ari itak ani ye wa inne utara eishokoro hine hosarire ruwe ne ari an ambe echi nukara wa inu; 27orowa, chikoro moni awende ehange patek shomo ne; koroka, Asia newa ingi moshiri uirup ko-ongami nei pase matne kamui Artimis kora kenru ne yakka apange, samata, shinuma koro arakuru aisamka kuni ayaikikip no an ruwe ne na, sekoro itak. 28Orowa, nei utara tan itak nu chiki shi no irushka wa hawe ashte hine ene itak-hi :— Epesos un utara koro Artimis anak ne pase ambe ne, ari itak. 29Awa, nei machiya anak ne sakayo aeshik: aige, nei utara anak ne Pauros tura payekai Makedonia kotan un Kaios newa Aristarkos kishima hine shine-ikinne shibai chisei orun awekatta. 30Orowa, Pauros anak ne nei chisei ta okai utara orun ahun kuni ramu chiki, koikara utara eham nisa ruwe ne. 31Orosama, katairotke wa okai Asia un esapane tono utara anak ne shinuma nei shibai chisei orun iteki yaiahunde kuni ne teshkara nisa ruwe ne. 32Tambe gusu, uwekarapa wa okai utara anak ne sambe-koturuse wa gusu tapne ye utara ka okai, uweshinnai no ye utara ka okai ruwe ne: orowa, poro sereke anak ne hemanda gusu uwekarapa ika erampeutek nisa ruwe ne na. 33Orowa, Yudea un utara anak ne nei inne utara tumuge wano Areksandros turare wa sange nisa ruwe ne. Awa, Areksandros anak ne tek ani nishuk wa utara otta yaikikkara itak kuni ramu iki. 34A koroka, shinuma anak ne Yudea un guru ne kunak anukara yakun, nei utara obitta shine-ikinne shine ichi ji kan uturu pakno hawe ashte hine, — Epesos un utara koro Artimis anak ne pase arabe ne, ani itak. 35Orowa, nei machiya un shoki-kwan anak ne inne utara more okere chiti, ene itak-hi :— Epesos kotan un echi utara, — Tan Epesos machiya anak ne kando wa ran nei pase Artimis kora kenru shikkashima machiya ne sekorʼambe erampeutek guru inan guru ne ruwe he an? 36Tambe gusu, tap orushpe aeutastasa eaikapbe ne wa gusu echi utara anak ne nep koetaraka iki shomoki no mo no okai kunip ne. 37Inambe gusu ne yakun, Kamui kora kenru eikka hene ki shomoki, chikoro Kamui koatcha hene ki shomoki tan utara eteun echi tura wa araki nisa ruwe ne gusu ne na. 38Demetrios newa tura no ikichi utara anak ne nen ka gusu eiyonnupbe kunip an chiki, koipishi kuni chisei an, epungine utara ka okai, tambe gusu, uwe-eiyonnupbarero. 39Koroka, moshima okai orushpe gusu nepka echi hunara yak anak ne aeipawetenge an uwekari ta aesanniyo kusu ne na. 40Inambe gusu ne yakun, son no newa ikkewe sak no an tan an to hetuku upaukoiki ambe chi utara anak ne ayaikikip no aeiyonnupba ange shiriki okai: aige, tap uwekarapa ambe gusu an ika ye eaikap kush tap ne shiriki. 41Orowa, shinuma tambe ye okere chiki nei uwekari payere nisa ruwe ne.
ទើបបានជ្រើសរើសហើយ៖
Apostoro ikip oma kambi 19: AINU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018
Apostoro ikip oma kambi 19
19
19 Ik.
1Orowa, Aporos anak ne Korintos kotan ta an rapoketa, Pauros pena un kotan kush wa Epesos kotan ta ek, 2aine, okai koikara utara nukara: orowa, orota shinuma ene itak-hi :— Echi eishokoro ki ita anak ne Ashkanne Ramat akore nisa ruwe he an? orota nei utara ene itak-hi :— Shomo, Ashkanne Ramat an a-i seenne chi nu ap, sekoro itak. 3Yakun, nepi orota echi baptisma akore an a? Yoannes kore baptisma orota akore na, ari itak. 4Orowa, Pauros ene itak-hi :— Yoannes anak ne yaikokatpak gusu an baptisma kore, aige, i oshi ek guru nei ambe anak, Yesu ne ruwe ne, eishokoro kuni ne utara otta ye nisa ruwe ne. 5Orowa, nei utara anak ne tap orushpe nu chiki, Utarapa ne Yesu kon reihei otta baptisma akore nisa ruwe ne. 6Awa, nei kata Pauros anak ne tekehe ande yakun, Ashkanne Ramat nei utara kashiketa ek, aige, usa an itak ani ye hemhem ki, uweingara hemhem ki nisa ruwe ne. 7Nei utara pishki-hi anak ne tun ikashima wa niu ehange ruwe ne na.
8Orowa, shinuma anak ne uwekarapa chisei ta ahun, aige, re chup uturuta rametokkon no itak ki, awa, paekoiki hine Kamui moshiri gusu an orushpe gusu onishnishi nisa ruwe ne. 9Koroka, sereke an utara anak ne keutum nishte wa itakkashi hine topaha kotchaketa nei Ruhu gusu wen no ye koro okai chiki, shinuma nei utara wano oman, aige, koikara utara shinnai no are, orowa, to pishno Tirannos koro epakashnu ushita paekoiki nisa ruwe ne na. 10Tambe anak ne tu pa uturuta akip ne; tambe gusu, Asia moshiri ta oshiroma utara obitta Yudea un utara hene, Herenes un utara hene, Utarapa itak nu nisa ruwe ne. 11Orowa, Kamui anak ne Pauros teke ani makangane an kiroro an ikip ki nisa: 12shinuma orowa no pon senkaki hene, maitari hene, shiyeyepa utara orota aomande, yakne, tashum isam hemhem ki, wen ramat oashin hemhem ki pakno ne ruwe ne. 13Koroka, okai keshirikari wa pon-itak-ki Yudea un utara ne yakka, wen ramat shikatkare utara kashi Utarapa ne Yesu reihei konishuk wa ene itak-hi :— Pauros eupaskuma Yesu ani kuani e ikashpaotte ash na, ari itak. 14Orowa, Yudea un guru ne Kamui kora kenru esapane guru Skefa ari a reihei koro an guru koro arawan okkai poho nei no ki nisa ruwe ne. 15Aige, wen ramat ese wa orota ene itak-hi :— Yesu ku eamkiri, Pauros ku eamkiri; koroka, echi utara inan utara echi ne ya? 16Orowa, wen ramat shikatkare ainu anak ne nei utara kashike un tereke, aige, nei tun annokara wa aapkan nisa, aige, atusa hine piriao wa nei chisei wano kira nisa ruwe ne. 17Orowa, Epesos kotan ta okai Yudea un utara ne yakka Herenes un utara ne yakka tap orushpe nu; aige, obitta no okai utara ishitoma, orowa, Utarapa ne Yesu reihei anak ne apasere nisa ruwe ne. 18Eishokoro okere utara poron no ne yakka araki, aige, eyaipushi hine koro iki ikip ye nisa ruwe ne. 19Samata, pon-itak-ki buri ikichi shomo moyo no okai utara anak ne koro kambi-sosh uwekarapare wa obitta no okai utara kotchaketa uhuyeka nisa ruwe ne: orowa, nei kambi oro esanniyo chiki, go man shirokani pakno an oro an ambe ne, sekoro anukara. 20Ta pakno kiroro an no Utarapa koro itak poro wa shipiraspa nisa ruwe ne na.
21Tap okai orushpe aokere chiki, Pauros anak ne Makedonia newa Akaia kotan ta kush okere yakun, Yerusarem kotan ta oman kuni keutum oshitchiu nisa ruwe ne, aige, nei kotan akush okaketa Roma kotan ne yakka tu nukara kusu ne ap, ari itak. 22Orowa, otta yaishieiwangere tu ainu ne Timoteos newa Erastos Makedonia kotan ta payere okere yakun, shinuma yaikota naa Asia moshiri ta an nisa ruwe ne.
23Tane an pakita nei Ruhu gusu shomo saure no an sakayo hopuni. 24Inambe gusu ne yakun, Artimis gusu shirokani pon chisei kara shirokani-kik guru ne Demetrios ari an reihei koro shine ainu anak ne, 25ponbe shomo ne an moni nei iki utara hetukure; shinuma anak ne nei no an moni gusu monraige utara uwekarapare wa ene itak-hi :— Nishpa utara tan moni an gusu chi utara anak ne yaioteknure ruwe ne, ari an ambe echi eraman. 26Shui, Epesos kotan ta patek shomo ne, koroka, yaani Asia moshirʼebitta tan Pauros auak ne — Tekehe ani akara okaibe Kamui shomo ne ari itak ani ye wa inne utara eishokoro hine hosarire ruwe ne ari an ambe echi nukara wa inu; 27orowa, chikoro moni awende ehange patek shomo ne; koroka, Asia newa ingi moshiri uirup ko-ongami nei pase matne kamui Artimis kora kenru ne yakka apange, samata, shinuma koro arakuru aisamka kuni ayaikikip no an ruwe ne na, sekoro itak. 28Orowa, nei utara tan itak nu chiki shi no irushka wa hawe ashte hine ene itak-hi :— Epesos un utara koro Artimis anak ne pase ambe ne, ari itak. 29Awa, nei machiya anak ne sakayo aeshik: aige, nei utara anak ne Pauros tura payekai Makedonia kotan un Kaios newa Aristarkos kishima hine shine-ikinne shibai chisei orun awekatta. 30Orowa, Pauros anak ne nei chisei ta okai utara orun ahun kuni ramu chiki, koikara utara eham nisa ruwe ne. 31Orosama, katairotke wa okai Asia un esapane tono utara anak ne shinuma nei shibai chisei orun iteki yaiahunde kuni ne teshkara nisa ruwe ne. 32Tambe gusu, uwekarapa wa okai utara anak ne sambe-koturuse wa gusu tapne ye utara ka okai, uweshinnai no ye utara ka okai ruwe ne: orowa, poro sereke anak ne hemanda gusu uwekarapa ika erampeutek nisa ruwe ne na. 33Orowa, Yudea un utara anak ne nei inne utara tumuge wano Areksandros turare wa sange nisa ruwe ne. Awa, Areksandros anak ne tek ani nishuk wa utara otta yaikikkara itak kuni ramu iki. 34A koroka, shinuma anak ne Yudea un guru ne kunak anukara yakun, nei utara obitta shine-ikinne shine ichi ji kan uturu pakno hawe ashte hine, — Epesos un utara koro Artimis anak ne pase arabe ne, ani itak. 35Orowa, nei machiya un shoki-kwan anak ne inne utara more okere chiti, ene itak-hi :— Epesos kotan un echi utara, — Tan Epesos machiya anak ne kando wa ran nei pase Artimis kora kenru shikkashima machiya ne sekorʼambe erampeutek guru inan guru ne ruwe he an? 36Tambe gusu, tap orushpe aeutastasa eaikapbe ne wa gusu echi utara anak ne nep koetaraka iki shomoki no mo no okai kunip ne. 37Inambe gusu ne yakun, Kamui kora kenru eikka hene ki shomoki, chikoro Kamui koatcha hene ki shomoki tan utara eteun echi tura wa araki nisa ruwe ne gusu ne na. 38Demetrios newa tura no ikichi utara anak ne nen ka gusu eiyonnupbe kunip an chiki, koipishi kuni chisei an, epungine utara ka okai, tambe gusu, uwe-eiyonnupbarero. 39Koroka, moshima okai orushpe gusu nepka echi hunara yak anak ne aeipawetenge an uwekari ta aesanniyo kusu ne na. 40Inambe gusu ne yakun, son no newa ikkewe sak no an tan an to hetuku upaukoiki ambe chi utara anak ne ayaikikip no aeiyonnupba ange shiriki okai: aige, tap uwekarapa ambe gusu an ika ye eaikap kush tap ne shiriki. 41Orowa, shinuma tambe ye okere chiki nei uwekari payere nisa ruwe ne.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018