Apostoro ikip oma kambi 16
16
16 Ik.
1Orowa, shinuma Derbe newa Rustra kotan otta ne yakka ek nisa: aige, ingarʼan, eishokoro shiriki an shine Yudea un shiwentep koro okkai poho Timoteos ari an reihei koro koikara guru an, korota, koro michi anak ne Herenes un guru ne ruwe ne na. 2Nei guru anak ne Rustra newa Ikoniom kotan ta okai iriwak utara tumta pirika assuru akore guru ne ruwe ne. 3Pauros anak ne shinuma itura rusui: aige, nei kotan ta okai Yudea un utara gusu shinuma uk wa okarituye buri kire nisa: koro michi anak ne Herenes un guru ne sekoro obitta no okai utara eraman nisa ruwe ne gusu ne na. 4Orowa, okai machiya akush wa paye rapoketa, apostoro utara newa Yerusarem kotan ta okai puresbuteros utara esanniyo ipawetenge ashikkashimare kuni ne otta koropare nisa ruwe ne. 5Tambe gusu, karisia un utara anak ne eishokor-i gusu atumashnure, aige, to pishno auinnere nisa ruwe ne na.
6Orowa, nei utara purigia newa Garatia kotan kush, Asia moshiri ta itak nure kuni Ashkanne Ramat orowa no ahattoki nisa ruwe ne gusu ne na; 7aige, Musia kotan ehange no araki chiki, Bitunia kotan orun paye kuni aramu nisa; awa, Yesu kon Ramat ramuoshma shomoki nisa ruwe ne; 8aine, Musia akush chiki Troas kotan ta sap. 9Orowa, an noshketa Pauros otta anukarape an; Makedonia moshirʼun guru slrinen ash hine orun koramkoro shiriki an wa un kaobiuki wa un kore, ari an itak ani itak nisa. 10Aige, shinuma tan anukarape nukara chiki, nani chi utara Makedonia moshiri ta paye ash kuni hunara, nei utara otta pirika shongo eupaskuma kuni ne Kamui un nishuk sekoro esanniyo ash nisa ruwe ne gusu ne na.
11Tambe gusu, kaya rire wa kuwanno atui-tomotuye hine Samotrake kotan ta ek, orowa, nei shimge tobo ta Neaporis kotan ta shirepa; orowa, nei i wano Piripoi kotan ta ek, 12nei arabe anak Makedonia moshiri ta an machiya ne, nei kotan un atpake an ushi ne, aatupte utara korobe ne ruwe ne: aige, an toho uturu nei machiya ta riya ash nisa ruwe ne na. 13Orowa, shini tobo ta nei machiya apa osoine ash wa inonno-itak kuni gusu an ari ayainu pet samta an ushike orun paye ash nisa ruwe ne; aige, rok ash hine uwekarapa wa okai shiwentep utara otta itak nisa ruwe ne. 14Orowa, murasaki senkaki ehok Tuateira moshiri ta an machiya un Rudia ari an reihei koro shiwentep an, shinuma anak ne Kamui koongami guru ne, aine, un orun nu nisa ruwe ne na: nei slriwentep Pauros ye itak gusu ikokanu kuni ne Utarapa anak nei sambe maka nisa ruwe ne. 15Orowa, shinuma anak ne koro chisei un utara tura baptisma akore okere chiki, un koramkoro wa ene itak-hi :— Kuani anak ne Utarapa gusu ikipniukesh guru ku ne ari echi esanniyo chiki, ku kot chisei ta ahup hine riya wa en kore ani itak. Orowa, shinuma shiyuppa no nei no ki nisa ruwe ne.
16Orowa, inonno-itak ki kuni ushike orun paye ash ita anak ne, tusu ki wa gusu kon nishpa utara poron no epirikare pon itak ki ramat shikatkare shine matkachi un etunangara nisa ruwe ne. 17Awa, shinuma anak ne Pauros newa un oshi ek wa hawe ashte hine ene itak-hi :— Tan utara anak ne Iyotta Rikun Kamui koro usshiune utara ne, echi utara gusu kashichiobiuki kuni ruhu assuru ashte utara ne ruwe 18ne, ari itak. Inne toho uturuta shinuma nei no ki nisa ruwe ne. Koroka, Pauros anak ne shi no yairamkoiki wa gusu hosari hine nei ramat otta ene itak-hi :— Yesu Kiristo kon reihei ankushkerai nei guru orowa no oashin kuni e kashpaotte ash na, ari itak. Aige, nei pakihigeta nei ambe oashin nisa ruwe ne.
19Orowa, ani aeyaiepirikare kunip anak ne oashin wa isam ari an ambe nei shiwentep kon nishpa utara nukara chiki, Pauros newa Siras kishima hine eiyok ushike ta okai esapane utara orun nimba, 20aige, tono utara otta itura yakne ene itak-hi :— Tan utara anak ne Yudea un utara ne, awa, shi no akoro machiya chiukopoyere ruwe ne; 21samata, Roma un utara chi ne, aine, uk hene shikkashima hene ki kuni hatto an buri ashte ruwe ne, sekoro itak. 22Orowa, inne utara hopumba wa nei utara kopiuki: aige, tono utara imipihi asoshpa wa shirikik kuwa ani akokik kuni kashpaotte nisa ruwe ne. 23Orowa, poron no akoshirikik okere chiki, upakashnu chisei ta iyahupte, aige, nei chisei pungi anak ne irammakaka shikkashima kuni kashpaotte nisa ruwe ne na: 24awa, nei no akashpaotte gusu upakashnu chisei onnaige an tumbu ta ahupte hine koro chikiri chikuni otta irammakaka kote nisa ruwe ne. 25Koroka, an noshike paketa Pauros newa Siras anak ne Kamui otta inonno-itak hemhem ki shinotcha-ibehe shinotcha hemhem ki shiriki wa okai an, awa, okai apakashnu utara nei ambe inu korʼan; 26aige, ekushkonna poro shirishimoye an, nei upakashnu chisei asamaha amoimoigere pakno an ruwe ne: orowa, nani apa-ushta obitta makke; samata, obitta no okai utara koro atupepeok-tep apita nisa ruwe ne. 27Orowa, upakashnu chisei pungi anak ne amososo wa an wa upakashnu chisei apaushta makke wa an shiri nukara chiki, apakashnu utara kira wa isam kuni ramu gusu, koro rangetam etaye hine yairaige etokooiki ruwe ne. 28Koroka, Pauros anak ne rui hau ani hawe ashte wa ene itak-hi :— Iteki yaiewende yan: chi utara obitta teda okai ruwe ne gusu ne na, ari itak. 29Orowa, shinuma shune akoro wa ek kuni hawe ashte, aige, aotereke ahun wa 30ishitoma gusu kotususatki hine Pauros newa Siras kotpoketa shirikamu, orowa, nei utara soyumbare wa ene itak-hi :— Nishpa utara, kashiaobiuki kuni ne nekon a ku ki yak pirika ya? 31Orowa, nei utara ene itak-hi :— Utarapa ne Yesu eishokoro yan, yakun e kashichiobiuki kusu ne, eani newa e koro uni un utara tura, ari itak. 32Orowa, shinuma newa koro uni ta obitta no okai utara orun nei utara anak ne Utarapa gusu an itak ye nisa ruwe ne. 33Aige, an noshke nei epakihigeta shinuma nei utara uk wa koro shirikik piri furaye; orowa, nani shinuma anak ne obitta no okai koro utara tura baptisma akore. 34Samata, koro chisei orun nei utara tura wa kotpoketa aep ande, orowa, Kamui eishokoro gusu, obitta no okai toro uni un utara tura shi no yainuchattek nisa ruwe ne.
35Koroka, tokap ne chiki tono utara anak ne uitek utara teshkara hine ene itakte-hi :— Nei utara honnere yan. 36Orowa, nei upakashnu chisei pungi anak ne nei itak Pauros nure wa ene itak-hi :— Echi utara ahonnere kuni tono utara teshkara shongo ek na: tambe gusu itomo an no soyumba wa en kore, ari itak. 37Koroka, orota Pauros ene itak-hi :— Roma kotan un utara chi ne, awa, nei utara anak ne un kokatpakte shomoki no anukan no un shirikik hemhem ki upakashnu chisei ta un ahupte hemhem ki nisa; aige, tane arorokishne no un soyumbare ruwe he an? shi an no shomo; koroka, nei utara yaikota araki hine un soyumbarero, ari itak. 38Orowa, auitek utara anak ne tono utara orun tap orushpe nure nisa: awa, Roma kotan un utara ne sekorʼambe nei utara inu chiki, ishitoma ruwe ne; 39aige, araki wa koramkon nisa ruwe ne; orowa, soyumbare chiki nei kotan wano paye kuni onishnishi nisa ruwe ne. 40Orowa, upakashnu chisei wano soyumba chiki Rudia uni un ahup: aige, iriwak utara nukara yakun onishnishi wa paye nisa ruwe ne na.
ទើបបានជ្រើសរើសហើយ៖
Apostoro ikip oma kambi 16: AINU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018
Apostoro ikip oma kambi 16
16
16 Ik.
1Orowa, shinuma Derbe newa Rustra kotan otta ne yakka ek nisa: aige, ingarʼan, eishokoro shiriki an shine Yudea un shiwentep koro okkai poho Timoteos ari an reihei koro koikara guru an, korota, koro michi anak ne Herenes un guru ne ruwe ne na. 2Nei guru anak ne Rustra newa Ikoniom kotan ta okai iriwak utara tumta pirika assuru akore guru ne ruwe ne. 3Pauros anak ne shinuma itura rusui: aige, nei kotan ta okai Yudea un utara gusu shinuma uk wa okarituye buri kire nisa: koro michi anak ne Herenes un guru ne sekoro obitta no okai utara eraman nisa ruwe ne gusu ne na. 4Orowa, okai machiya akush wa paye rapoketa, apostoro utara newa Yerusarem kotan ta okai puresbuteros utara esanniyo ipawetenge ashikkashimare kuni ne otta koropare nisa ruwe ne. 5Tambe gusu, karisia un utara anak ne eishokor-i gusu atumashnure, aige, to pishno auinnere nisa ruwe ne na.
6Orowa, nei utara purigia newa Garatia kotan kush, Asia moshiri ta itak nure kuni Ashkanne Ramat orowa no ahattoki nisa ruwe ne gusu ne na; 7aige, Musia kotan ehange no araki chiki, Bitunia kotan orun paye kuni aramu nisa; awa, Yesu kon Ramat ramuoshma shomoki nisa ruwe ne; 8aine, Musia akush chiki Troas kotan ta sap. 9Orowa, an noshketa Pauros otta anukarape an; Makedonia moshirʼun guru slrinen ash hine orun koramkoro shiriki an wa un kaobiuki wa un kore, ari an itak ani itak nisa. 10Aige, shinuma tan anukarape nukara chiki, nani chi utara Makedonia moshiri ta paye ash kuni hunara, nei utara otta pirika shongo eupaskuma kuni ne Kamui un nishuk sekoro esanniyo ash nisa ruwe ne gusu ne na.
11Tambe gusu, kaya rire wa kuwanno atui-tomotuye hine Samotrake kotan ta ek, orowa, nei shimge tobo ta Neaporis kotan ta shirepa; orowa, nei i wano Piripoi kotan ta ek, 12nei arabe anak Makedonia moshiri ta an machiya ne, nei kotan un atpake an ushi ne, aatupte utara korobe ne ruwe ne: aige, an toho uturu nei machiya ta riya ash nisa ruwe ne na. 13Orowa, shini tobo ta nei machiya apa osoine ash wa inonno-itak kuni gusu an ari ayainu pet samta an ushike orun paye ash nisa ruwe ne; aige, rok ash hine uwekarapa wa okai shiwentep utara otta itak nisa ruwe ne. 14Orowa, murasaki senkaki ehok Tuateira moshiri ta an machiya un Rudia ari an reihei koro shiwentep an, shinuma anak ne Kamui koongami guru ne, aine, un orun nu nisa ruwe ne na: nei slriwentep Pauros ye itak gusu ikokanu kuni ne Utarapa anak nei sambe maka nisa ruwe ne. 15Orowa, shinuma anak ne koro chisei un utara tura baptisma akore okere chiki, un koramkoro wa ene itak-hi :— Kuani anak ne Utarapa gusu ikipniukesh guru ku ne ari echi esanniyo chiki, ku kot chisei ta ahup hine riya wa en kore ani itak. Orowa, shinuma shiyuppa no nei no ki nisa ruwe ne.
16Orowa, inonno-itak ki kuni ushike orun paye ash ita anak ne, tusu ki wa gusu kon nishpa utara poron no epirikare pon itak ki ramat shikatkare shine matkachi un etunangara nisa ruwe ne. 17Awa, shinuma anak ne Pauros newa un oshi ek wa hawe ashte hine ene itak-hi :— Tan utara anak ne Iyotta Rikun Kamui koro usshiune utara ne, echi utara gusu kashichiobiuki kuni ruhu assuru ashte utara ne ruwe 18ne, ari itak. Inne toho uturuta shinuma nei no ki nisa ruwe ne. Koroka, Pauros anak ne shi no yairamkoiki wa gusu hosari hine nei ramat otta ene itak-hi :— Yesu Kiristo kon reihei ankushkerai nei guru orowa no oashin kuni e kashpaotte ash na, ari itak. Aige, nei pakihigeta nei ambe oashin nisa ruwe ne.
19Orowa, ani aeyaiepirikare kunip anak ne oashin wa isam ari an ambe nei shiwentep kon nishpa utara nukara chiki, Pauros newa Siras kishima hine eiyok ushike ta okai esapane utara orun nimba, 20aige, tono utara otta itura yakne ene itak-hi :— Tan utara anak ne Yudea un utara ne, awa, shi no akoro machiya chiukopoyere ruwe ne; 21samata, Roma un utara chi ne, aine, uk hene shikkashima hene ki kuni hatto an buri ashte ruwe ne, sekoro itak. 22Orowa, inne utara hopumba wa nei utara kopiuki: aige, tono utara imipihi asoshpa wa shirikik kuwa ani akokik kuni kashpaotte nisa ruwe ne. 23Orowa, poron no akoshirikik okere chiki, upakashnu chisei ta iyahupte, aige, nei chisei pungi anak ne irammakaka shikkashima kuni kashpaotte nisa ruwe ne na: 24awa, nei no akashpaotte gusu upakashnu chisei onnaige an tumbu ta ahupte hine koro chikiri chikuni otta irammakaka kote nisa ruwe ne. 25Koroka, an noshike paketa Pauros newa Siras anak ne Kamui otta inonno-itak hemhem ki shinotcha-ibehe shinotcha hemhem ki shiriki wa okai an, awa, okai apakashnu utara nei ambe inu korʼan; 26aige, ekushkonna poro shirishimoye an, nei upakashnu chisei asamaha amoimoigere pakno an ruwe ne: orowa, nani apa-ushta obitta makke; samata, obitta no okai utara koro atupepeok-tep apita nisa ruwe ne. 27Orowa, upakashnu chisei pungi anak ne amososo wa an wa upakashnu chisei apaushta makke wa an shiri nukara chiki, apakashnu utara kira wa isam kuni ramu gusu, koro rangetam etaye hine yairaige etokooiki ruwe ne. 28Koroka, Pauros anak ne rui hau ani hawe ashte wa ene itak-hi :— Iteki yaiewende yan: chi utara obitta teda okai ruwe ne gusu ne na, ari itak. 29Orowa, shinuma shune akoro wa ek kuni hawe ashte, aige, aotereke ahun wa 30ishitoma gusu kotususatki hine Pauros newa Siras kotpoketa shirikamu, orowa, nei utara soyumbare wa ene itak-hi :— Nishpa utara, kashiaobiuki kuni ne nekon a ku ki yak pirika ya? 31Orowa, nei utara ene itak-hi :— Utarapa ne Yesu eishokoro yan, yakun e kashichiobiuki kusu ne, eani newa e koro uni un utara tura, ari itak. 32Orowa, shinuma newa koro uni ta obitta no okai utara orun nei utara anak ne Utarapa gusu an itak ye nisa ruwe ne. 33Aige, an noshke nei epakihigeta shinuma nei utara uk wa koro shirikik piri furaye; orowa, nani shinuma anak ne obitta no okai koro utara tura baptisma akore. 34Samata, koro chisei orun nei utara tura wa kotpoketa aep ande, orowa, Kamui eishokoro gusu, obitta no okai toro uni un utara tura shi no yainuchattek nisa ruwe ne.
35Koroka, tokap ne chiki tono utara anak ne uitek utara teshkara hine ene itakte-hi :— Nei utara honnere yan. 36Orowa, nei upakashnu chisei pungi anak ne nei itak Pauros nure wa ene itak-hi :— Echi utara ahonnere kuni tono utara teshkara shongo ek na: tambe gusu itomo an no soyumba wa en kore, ari itak. 37Koroka, orota Pauros ene itak-hi :— Roma kotan un utara chi ne, awa, nei utara anak ne un kokatpakte shomoki no anukan no un shirikik hemhem ki upakashnu chisei ta un ahupte hemhem ki nisa; aige, tane arorokishne no un soyumbare ruwe he an? shi an no shomo; koroka, nei utara yaikota araki hine un soyumbarero, ari itak. 38Orowa, auitek utara anak ne tono utara orun tap orushpe nure nisa: awa, Roma kotan un utara ne sekorʼambe nei utara inu chiki, ishitoma ruwe ne; 39aige, araki wa koramkon nisa ruwe ne; orowa, soyumbare chiki nei kotan wano paye kuni onishnishi nisa ruwe ne. 40Orowa, upakashnu chisei wano soyumba chiki Rudia uni un ahup: aige, iriwak utara nukara yakun onishnishi wa paye nisa ruwe ne na.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018