Марк Гириш
Гириш
Бу китап Исаның дөврүнде яшан Марк атлы адам тарапындан язылды. Ол Иса Месихиң ресулы Павлус билен тәзе йыгнакларың дүйбүни тутмакда (Рес 13‑нҗи бап), ресул Петрус билен Хош Хабары яймакда (1Пет 5:13) арман-ядаман зәхмет чекенлериң биридир.
Марк Исаның дурмушыны, эден ишлерини ве вагызларыны илкинҗи болуп язга гечирен адам диен пикир Мукаддес Язгылары өвренйән алымларың арасында өрән йөргүнлидир. Оларың чакламаларына гөрә, Марк бу китабы Рим шәхеринде туссаглыкда сакланан Павлуса көмек берен дөврүнде, ягны б. э. 55 – 65‑нҗи йыллары языпдыр. Китапда арамей дилиниң сөзлерине, яхуды халкының дәп-дессурларына дүшүндириш берилйәр. Шейле дүшүндиришлер бу китабың яхуды дәл халклар үчин языландыгыны айдың гөркезйәр. Марк оны Римдәки йыгнак үчин языпдыр, себәби шол дөвүрде йыгнагың агзалары яхуды ве яхуды дәл халкларың векиллеринден ыбаратды.
Маркың эсасы максады Исаның Месихдигини, ягны Худайың пыгамберлер аркалы вада берлен Патышадыгыны мәлим этмекден ыбаратды. Ол өз китабында Исаны илкибашдан Месих, ягны Худайың Оглы дийип атландыряр. Марк Исаның ил ичинде гөркезен гудратлары, адамлары хайрана галдыран мугҗызалары барада шаят хөкмүнде язяр. Марк шейле гудратларың ве мугҗызаларың Худайың гүйҗи аркалы амала ашяндыгыны ныгтап, адамларың кем-кемден Исаның кимдигине дүшүнишлерини гөркезйәр. Иса Өз шәгиртлеринден: «Сиз Маңа ким диййәрсиңиз?» дийип соранда, Петрус «Сен Месихсиң» дийип җогап берйәр (Мар 8:29).
Шейле-де Марк Месих болмагың диңе ыгтыярлылык дәл, эйсем хызмат ве өзүңи гурбан этмекликдигини хем гөркезйәр. Ол Иса Месихиң йөнекей адамлары сөйүп, олара хызмат эдишини, оларың угрунда Өзүни гурбан этмәге-де тайындыгыны беян эдйәр. Иса Месих шейле диййәр: «Ынсан Оглы хем Өзүне хызмат эдилмеги үчин дәл-де, эйсем, башгалара хызмат этмек үчин, көплериң угрунда җаныны гурбан эдип, олары азат этмек үчин гелди» (Мар 10:45). Иса Өзүни Ынсан Оглы дийип атландырярды.
Марк Иса Месихе иман эдип, Онуң гүйҗүне ынанан ислендик адамың кеселден гутуляндыгына, җынлардан азат боляндыгына ве эбеди яшайша эе боляндыгына шаятлык эдйәр. Йөне ол Иса Месихе эермегиң аңсат дәлдигини хем айдяр. Исаның хакыкы шәгиртлери өз Халыпалары ялы адамлара хызмат этмели, эҗир чекмәге ве Ол кимин өзүни гурбан этмәге-де тайын болмалы.
Мазмуны
Яхя пыгамбериң вагзы 1:1-8
Иса чүмдүрилйәр ве сыналяр 1:9-13
Иса Җелилә гелйәр 1:14–9:50
Иса Җелиледен Иерусалиме гидйәр 10:1-52
Исаның хачдакы җебирлери ве өлүми 11:1–15:47
Иса дирелйәр 16:1-8
Иса Өз шәгиртлерине гөрүнйәр 16:9-20
ទើបបានជ្រើសរើសហើយ៖
Марк Гириш: TukCyr16
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Мукаддес Китап Терҗиме Институты, 2016
Марк Гириш
Гириш
Бу китап Исаның дөврүнде яшан Марк атлы адам тарапындан язылды. Ол Иса Месихиң ресулы Павлус билен тәзе йыгнакларың дүйбүни тутмакда (Рес 13‑нҗи бап), ресул Петрус билен Хош Хабары яймакда (1Пет 5:13) арман-ядаман зәхмет чекенлериң биридир.
Марк Исаның дурмушыны, эден ишлерини ве вагызларыны илкинҗи болуп язга гечирен адам диен пикир Мукаддес Язгылары өвренйән алымларың арасында өрән йөргүнлидир. Оларың чакламаларына гөрә, Марк бу китабы Рим шәхеринде туссаглыкда сакланан Павлуса көмек берен дөврүнде, ягны б. э. 55 – 65‑нҗи йыллары языпдыр. Китапда арамей дилиниң сөзлерине, яхуды халкының дәп-дессурларына дүшүндириш берилйәр. Шейле дүшүндиришлер бу китабың яхуды дәл халклар үчин языландыгыны айдың гөркезйәр. Марк оны Римдәки йыгнак үчин языпдыр, себәби шол дөвүрде йыгнагың агзалары яхуды ве яхуды дәл халкларың векиллеринден ыбаратды.
Маркың эсасы максады Исаның Месихдигини, ягны Худайың пыгамберлер аркалы вада берлен Патышадыгыны мәлим этмекден ыбаратды. Ол өз китабында Исаны илкибашдан Месих, ягны Худайың Оглы дийип атландыряр. Марк Исаның ил ичинде гөркезен гудратлары, адамлары хайрана галдыран мугҗызалары барада шаят хөкмүнде язяр. Марк шейле гудратларың ве мугҗызаларың Худайың гүйҗи аркалы амала ашяндыгыны ныгтап, адамларың кем-кемден Исаның кимдигине дүшүнишлерини гөркезйәр. Иса Өз шәгиртлеринден: «Сиз Маңа ким диййәрсиңиз?» дийип соранда, Петрус «Сен Месихсиң» дийип җогап берйәр (Мар 8:29).
Шейле-де Марк Месих болмагың диңе ыгтыярлылык дәл, эйсем хызмат ве өзүңи гурбан этмекликдигини хем гөркезйәр. Ол Иса Месихиң йөнекей адамлары сөйүп, олара хызмат эдишини, оларың угрунда Өзүни гурбан этмәге-де тайындыгыны беян эдйәр. Иса Месих шейле диййәр: «Ынсан Оглы хем Өзүне хызмат эдилмеги үчин дәл-де, эйсем, башгалара хызмат этмек үчин, көплериң угрунда җаныны гурбан эдип, олары азат этмек үчин гелди» (Мар 10:45). Иса Өзүни Ынсан Оглы дийип атландырярды.
Марк Иса Месихе иман эдип, Онуң гүйҗүне ынанан ислендик адамың кеселден гутуляндыгына, җынлардан азат боляндыгына ве эбеди яшайша эе боляндыгына шаятлык эдйәр. Йөне ол Иса Месихе эермегиң аңсат дәлдигини хем айдяр. Исаның хакыкы шәгиртлери өз Халыпалары ялы адамлара хызмат этмели, эҗир чекмәге ве Ол кимин өзүни гурбан этмәге-де тайын болмалы.
Мазмуны
Яхя пыгамбериң вагзы 1:1-8
Иса чүмдүрилйәр ве сыналяр 1:9-13
Иса Җелилә гелйәр 1:14–9:50
Иса Җелиледен Иерусалиме гидйәр 10:1-52
Исаның хачдакы җебирлери ве өлүми 11:1–15:47
Иса дирелйәр 16:1-8
Иса Өз шәгиртлерине гөрүнйәр 16:9-20
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Мукаддес Китап Терҗиме Институты, 2016