Nangi̱n Fandubi̱m 24
24
Ni̱bu a mar keme Buluse
1A kuteng ditiyi yunuwangu, wuduwe fansetiye n Ananiya a ya n ti bi̱kam tikaketi ni̱bi n ti wukane naba yingku yili̱ne, wu di̱n ki̱nu n Taruluse, a ya mar keme Buluse a di̱Kwabna. 2Yo kuu ni̱be a lewe ki̱ni Buluse, n Taruluse a mwe a ya ki̱ni keme Bulus we kakku Kwabnange ko:
“Kwabna, ni̱n nwe ta̱ma̱ng mati̱n mwitangu, di̱ne mwang kasane, mun ya̱nti̱la chitu, mun dodu yinangu ka dadangu. 3Kasi no bwa̱le, kasi no yire ni̱n weri̱nu ni̱n wananu Felis. 4Aya ke ni̱n kai mi̱nu ki̱swi we, ni̱n baddu mwang nwe ni̱nu. 5N we yiko, ni wu a ma kulangkulang, ki̱yo bi̱ngaiyu we ni̱bu Yafudamu n ti kasi no bwa̱le we ti̱mu. Ti̱nti̱ne n ki̱n nang wuduwe we kwa̱l di̱du ki̱bunti̱ naba Nasa̱rete. 6Ni̱n tau ki̱n di̱ne n ki̱n, a no ki̱baddu ka kai Kan Kwamanu.#24:6 Yikayu tatti̱ki̱dai yiferedi a subi ying: A no ni kaba ki̱mi̱nu yinangu yilang chirengu a fwangu 7 Aya n Lisiyas, tikake ni̱bu kuni̱me, a be chaku ki̱n ki̱ni dukan we tibe chire a yi ko nii ki̱ni ya̱m a dur ki̱ni̱mu a be.
7“Aya Lisiyas wuduwe ni̱bu kuni̱me a be yiti̱ ki̱n we a fa̱li niiyu ki̱ni dukan. 8Ka n ya̱nti̱la ya̱m bi̱bu m mun fwa̱ne, mwang swaanu we di̱ki̱ne chi ni̱n fwadu a dur ki̱nitu.”
9Ni̱bu Yafudamu we fiko a ke ko ya̱m bi̱bu we yiko.
10Ki̱dangu Kwabna a ni Bulus da ko a fwa ya̱ma̱ngu, m Bulus a kun ko, “Tete Kwabna, n yim m ma swa̱ti̱tu nabwen mun kaba ya̱mi kuu ni̱bu Yafudam, ti̱tu a ni mi̱n dukanu mang kwila ya̱mu a dur mi̱ni̱mu. 11Ka n ta̱lle, mwang swaanu ko n ya Wurchalima a labu ditiyi kub chiri yurabiyu ke n sii ki̱n. 12Ni̱bu a mar keme mi̱mu a kubu mang mabu di̱kulan yiin n ti wuka ni, mang sukebu ni̱bu kasi no a bwa̱le we bi̱nu. 13Ya̱miyu n chi ki̱fwadu a dur mi̱niyu a ne kwa̱l chi we dur mi̱nu.
14“Chi mang ketu nang ya̱mu ko mi̱n sii Kwama mi̱n bunti̱ wa̱re bunti̱ke wu a tukebu chi̱reme wu n chi ki̱kodu ko a ne bi̱yili̱m we. Mi̱n n ke bi̱yili̱mu ya̱m bi̱mwali̱li̱mu we ya̱mu Fa̱ku Musa a mwal we tatti̱ki̱dai yika̱rimu. 15Mi̱n n yo ni̱ru we Kwama yinang chi, mi kunku kwa̱miyangu n we, di̱ne ni̱bu yilemu n ti bi̱bwilami kwang. 16Mi̱n funti̱bwi diti ki̱da̱ng mi̱n do ni̱ri si̱k we kakku Kwamangu n ti ni̱bu.
17“A kutengu swa̱ti̱tu a su bayimangu, m be Wurchalima be mang ma kuu ni̱bu mi̱mu mi̱n ki̱li̱mang di̱ne ti̱lusanitu ke m mati̱ niku we se Kwama. 18Yo mang le mi̱n ma ti̱te, n chi a be, a tai we se Kwama. A ya n tu n nura bwiyu n ri, n newe n ti wuka nii, mang mati̱bu kulangkulange. 19Aya bi̱kam ni̱bu Yafudam bi̱bu a be a Asiya we fiko, n chi no nang ni̱bu ka bedu ki̱ni ya̱m we dur mi̱ni̱mu. 20Ka bi̱bu we fimu ka fwa ki̱le n chi a ya, mi̱n madu we kakku kwa̱l kabaki̱ne. 21Ya̱mu mang yimi̱mu ka bi̱bu mang kun mang ti a kakku chiyang mang fwa mi, ‘Ni̱bu ki̱kaba midu di a ya̱m kunku kwa̱miyang.’ ”
22N Felis wu a yim chitu a lwe chi we wa̱re bunti̱ku Yesuwange, a ti ki̱ni chi we ya̱mu ko, “Ka yam yo n tikake Lisiyas ka bede yinu ka mwata ya̱mu.” 23N Felis a yi wuduwe ni̱bu toki̱me ko a yotu Bulus we didiin, a nidu riye we, yinu a du fati̱bu ki̱mu a nang ni chi ki̱badditu.
M Bulus a kakku Felis n ti Durusila
24A kutengu a da diti bayimangu, n Felis a be n ti nayeko n Durusila wu n ki̱n na Yafuda, a ni da ni̱bu a chake Bulus, a si ki̱tele we ya̱m ki̱mu a keku bi̱yili̱mang Yesu Masiyangu. 25Yinu m Bulus a fwa ya̱m yilemu n ti yinangu ni ka tau dur ki̱nangu n ti mwataki̱ku ki̱bedangu. We bi̱bu ya̱m, tayi a tau Felis, a yi Bulus ko, “Ki̱latuwe didiin, n we mang yali̱nu yo mang ya ki̱swiye.” 26Yade n ki̱n ki̱yo ni̱ru ko kanodu m Bulus ka fu ki̱mi̱n yii ki̱ni ka̱mbi̱re, n ki̱n a le ki̱yal Bulus ki̱dati kwang ki̱fwa ya̱mu ware.
27A kuteng swa̱ti̱ti turabangu, n Fokiyu Festu a sute Felis we Kwabnatu. N Felis a du Bulus we di̱bi̱nti̱lu di̱ne ke ni̱bu Yafudamu a wer ki̱n.
ទើបបានជ្រើសរើសហើយ៖
Nangi̱n Fandubi̱m 24: Tula
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2015, The Nigeria Bible Translation Trust and Wycliffe Bible Translators, Inc. All rights reserved.
Nangi̱n Fandubi̱m 24
24
Ni̱bu a mar keme Buluse
1A kuteng ditiyi yunuwangu, wuduwe fansetiye n Ananiya a ya n ti bi̱kam tikaketi ni̱bi n ti wukane naba yingku yili̱ne, wu di̱n ki̱nu n Taruluse, a ya mar keme Buluse a di̱Kwabna. 2Yo kuu ni̱be a lewe ki̱ni Buluse, n Taruluse a mwe a ya ki̱ni keme Bulus we kakku Kwabnange ko:
“Kwabna, ni̱n nwe ta̱ma̱ng mati̱n mwitangu, di̱ne mwang kasane, mun ya̱nti̱la chitu, mun dodu yinangu ka dadangu. 3Kasi no bwa̱le, kasi no yire ni̱n weri̱nu ni̱n wananu Felis. 4Aya ke ni̱n kai mi̱nu ki̱swi we, ni̱n baddu mwang nwe ni̱nu. 5N we yiko, ni wu a ma kulangkulang, ki̱yo bi̱ngaiyu we ni̱bu Yafudamu n ti kasi no bwa̱le we ti̱mu. Ti̱nti̱ne n ki̱n nang wuduwe we kwa̱l di̱du ki̱bunti̱ naba Nasa̱rete. 6Ni̱n tau ki̱n di̱ne n ki̱n, a no ki̱baddu ka kai Kan Kwamanu.#24:6 Yikayu tatti̱ki̱dai yiferedi a subi ying: A no ni kaba ki̱mi̱nu yinangu yilang chirengu a fwangu 7 Aya n Lisiyas, tikake ni̱bu kuni̱me, a be chaku ki̱n ki̱ni dukan we tibe chire a yi ko nii ki̱ni ya̱m a dur ki̱ni̱mu a be.
7“Aya Lisiyas wuduwe ni̱bu kuni̱me a be yiti̱ ki̱n we a fa̱li niiyu ki̱ni dukan. 8Ka n ya̱nti̱la ya̱m bi̱bu m mun fwa̱ne, mwang swaanu we di̱ki̱ne chi ni̱n fwadu a dur ki̱nitu.”
9Ni̱bu Yafudamu we fiko a ke ko ya̱m bi̱bu we yiko.
10Ki̱dangu Kwabna a ni Bulus da ko a fwa ya̱ma̱ngu, m Bulus a kun ko, “Tete Kwabna, n yim m ma swa̱ti̱tu nabwen mun kaba ya̱mi kuu ni̱bu Yafudam, ti̱tu a ni mi̱n dukanu mang kwila ya̱mu a dur mi̱ni̱mu. 11Ka n ta̱lle, mwang swaanu ko n ya Wurchalima a labu ditiyi kub chiri yurabiyu ke n sii ki̱n. 12Ni̱bu a mar keme mi̱mu a kubu mang mabu di̱kulan yiin n ti wuka ni, mang sukebu ni̱bu kasi no a bwa̱le we bi̱nu. 13Ya̱miyu n chi ki̱fwadu a dur mi̱niyu a ne kwa̱l chi we dur mi̱nu.
14“Chi mang ketu nang ya̱mu ko mi̱n sii Kwama mi̱n bunti̱ wa̱re bunti̱ke wu a tukebu chi̱reme wu n chi ki̱kodu ko a ne bi̱yili̱m we. Mi̱n n ke bi̱yili̱mu ya̱m bi̱mwali̱li̱mu we ya̱mu Fa̱ku Musa a mwal we tatti̱ki̱dai yika̱rimu. 15Mi̱n n yo ni̱ru we Kwama yinang chi, mi kunku kwa̱miyangu n we, di̱ne ni̱bu yilemu n ti bi̱bwilami kwang. 16Mi̱n funti̱bwi diti ki̱da̱ng mi̱n do ni̱ri si̱k we kakku Kwamangu n ti ni̱bu.
17“A kutengu swa̱ti̱tu a su bayimangu, m be Wurchalima be mang ma kuu ni̱bu mi̱mu mi̱n ki̱li̱mang di̱ne ti̱lusanitu ke m mati̱ niku we se Kwama. 18Yo mang le mi̱n ma ti̱te, n chi a be, a tai we se Kwama. A ya n tu n nura bwiyu n ri, n newe n ti wuka nii, mang mati̱bu kulangkulange. 19Aya bi̱kam ni̱bu Yafudam bi̱bu a be a Asiya we fiko, n chi no nang ni̱bu ka bedu ki̱ni ya̱m we dur mi̱ni̱mu. 20Ka bi̱bu we fimu ka fwa ki̱le n chi a ya, mi̱n madu we kakku kwa̱l kabaki̱ne. 21Ya̱mu mang yimi̱mu ka bi̱bu mang kun mang ti a kakku chiyang mang fwa mi, ‘Ni̱bu ki̱kaba midu di a ya̱m kunku kwa̱miyang.’ ”
22N Felis wu a yim chitu a lwe chi we wa̱re bunti̱ku Yesuwange, a ti ki̱ni chi we ya̱mu ko, “Ka yam yo n tikake Lisiyas ka bede yinu ka mwata ya̱mu.” 23N Felis a yi wuduwe ni̱bu toki̱me ko a yotu Bulus we didiin, a nidu riye we, yinu a du fati̱bu ki̱mu a nang ni chi ki̱badditu.
M Bulus a kakku Felis n ti Durusila
24A kutengu a da diti bayimangu, n Felis a be n ti nayeko n Durusila wu n ki̱n na Yafuda, a ni da ni̱bu a chake Bulus, a si ki̱tele we ya̱m ki̱mu a keku bi̱yili̱mang Yesu Masiyangu. 25Yinu m Bulus a fwa ya̱m yilemu n ti yinangu ni ka tau dur ki̱nangu n ti mwataki̱ku ki̱bedangu. We bi̱bu ya̱m, tayi a tau Felis, a yi Bulus ko, “Ki̱latuwe didiin, n we mang yali̱nu yo mang ya ki̱swiye.” 26Yade n ki̱n ki̱yo ni̱ru ko kanodu m Bulus ka fu ki̱mi̱n yii ki̱ni ka̱mbi̱re, n ki̱n a le ki̱yal Bulus ki̱dati kwang ki̱fwa ya̱mu ware.
27A kuteng swa̱ti̱ti turabangu, n Fokiyu Festu a sute Felis we Kwabnatu. N Felis a du Bulus we di̱bi̱nti̱lu di̱ne ke ni̱bu Yafudamu a wer ki̱n.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2015, The Nigeria Bible Translation Trust and Wycliffe Bible Translators, Inc. All rights reserved.