Nangi̱n Fandubi̱m 17
17
M Bulus a ma di̱mwar a Tasalonika
1M Bulus we yayu chi a bunti̱ Amfibolis n ti Afoloniya, a fwadu a Tasalonika finu ki̱ni kan muraku ni̱bu Yafudame. 2Yinangu n ki̱n a meki̱madi kwadangu, m Bulus a ma wandi yitta we kan muraki̱nu, ki̱tukadu n ti chi we difi̱kare ni̱bu Yafudam we ya̱m bi̱mwali̱m Kwamamu. 3Ki̱fwa chimi̱nu yinang ya̱mu wemi̱nangu, ki̱yung ti̱nu ko m Masiya ki̱kumang a nwe riye, yinu ki̱kumang a kun we furu. M Bulus a chakakku ko, “N Yesu wu mi̱n fwa chimi̱ne, n nang Masiya.” 4Yinu bi̱kam ni̱bu Yafudamu n ti ni̱bu Yelenamu bi̱bu ya̱m Kwamamu a twai chimu a ke bi̱yili̱m ya̱mu m Bulus n ti Silas n ti bi̱kam bi̱duum nati̱bu nabwen a bungan ware n ti chimu ke chi sii ti̱n chi.
5Aya ni̱bu Yafudamu a fwiren, a ya babba bwesi̱m ki̱fi̱bti̱m bi̱bu ki̱swedu a kwa̱mari̱m. Yo bi̱ki̱mu a murane, a suki̱tu ni̱tu ni̱bitu ki̱ni kulangkulange we bi̱nu. N chi a wul we lo Yasone wu m Bulus n ti Sila a si̱ki̱mi̱ne ke chi be ni̱bu mi̱ne ki̱ni chi a tibe ni̱be.
6Yo n chi a ri we, a ki̱la tau Yason n ti bi̱kamu kebu ni̱bu bunti̱ki̱m a yikan kakku kwa̱l kabaki̱nang ki̱ni keme chi ko, “Ni̱bu bi̱bu nang bi̱bu ki̱luku ti̱ti̱nimu, n chi a bete fi. 7Nang wu n Yason a yiu chi we loko. N chi ki̱ki yilang Kaisar, ki̱yidu ko wuka Mai we, di̱n ki̱nu n Yesu.” 8Yo ni̱bu bi̱ni̱mu n ti kwa̱l kabaki̱nu a nwe bi̱be, ti̱kuran chitu a muten. 9N chi a marbu Yason n ti ni̱bu bunti̱ki̱mu, a yo chi a fe ka̱mbi̱r yinu a mar chi.
M Bulus n ti Sila a yika Biriya
10Ki̱ni kum, kebu ni̱bu bunti̱ki̱mu a yo Bulus n ti Silas ko a yika Biriya. Yo n chi a lam bwako a le kan muraki̱n ni̱bu Yafudamu. 11Yade bi̱bu ni̱bu ki̱ni bwanu yinang Tasalonika, a yiu ya̱m chimi kani yurau. N chi ki̱ta̱l ya̱m Kwamamu ni̱bu a mwali̱mu diti ki̱da̱ng. Ki̱baddu ka yindu ka ya̱m Bulusi̱mu bi̱yili̱me. 12We Biriya ni̱bu nabwen a ke bi̱yili̱mu. A lanti̱ bi̱duumu nati̱bu Yelena n ti bi̱kam kwartabu Yelena nabwen.
13Aya yoko ni̱bu Yafudam bi̱bu a Tasalonikamu a nwe ko m Bulus ki̱ma di̱mwar ya̱m Kwamanu a Biriya, n chi a ya we bwako a ya kuku muli̱nu we bwako ti̱n. 14Bi̱nabi̱na kebu ni̱bu bunti̱ki̱mu a yo Bulus a yika ki̱ti̱ki̱ laang kasi ki̱ku n Silas n ti Timoti a dubu bi̱nangu. 15Ni̱bu bunti̱ki̱mu a bungan n ti Bulusi̱mu, a su a yika Atina ki̱ni Bulus. Yo yaka ki̱lade, m Bulus a tume chi we di̱Timotiye n ti Silas ko a be bwa di̱ki̱ne daatu.
M Bulus a yika Atina
16Yo m Bulus ki̱yam Timoti n ti Silas we Atina, ni̱r ki̱nu a kaiyan yinangu a ku bi̱ni kwang ka ti̱yobiye. 17Diti ki̱da̱ng n ki̱n ki̱tukadu we kan muraki̱ ni̱bu Yafudamu n ti bi̱kamu ni̱bu Yelenam bi̱bu ki̱sii Kwamamu. Kanang wuwule diye ki̱tukadu n ti bi̱bu n ki̱n ki̱yadu a kwa̱ma̱ru. 18N ki̱n ki̱tukadu ti̱n n ti Abikuriya n ti ni̱bu Sitokiyam bi̱bu ki̱ni yingku yinangi̱mu. Bi̱kamu a yi ko, “N ki̱n naba didi̱kuni̱ne wu, ki̱fwa chimi̱nu ko wule?”
Bi̱kamu a yi ko, “Yinang nii wu ki̱ma di̱mwar ti̱yobi ki̱fi̱bti a newe bwa̱ka̱nitu.” N chi a fwa ying di̱ne m Bulus ki̱ma di̱mwar Yesunu n ti kunki̱ kwa̱miyang. 19N chi a yikani ki̱ni Bulus a kun Arasan nang fi kwa̱l kabaki̱n a bi̱n we mi̱ne. N chi a bi̱u ki̱n ko, “We mwang kedu, mwang fwa ni̱mi̱n ya̱m bi̱fwim bi̱bu mun miyadi̱ma? 20Di̱ne nang nwengbu ya̱m bi̱bu we ki̱teli niyu. Ni̱n baddu nang swaan ya̱m bi̱bu yinang.” 21Ni̱bu Atinami kwang n ti rungko ki̱ swedu we ti̱m chime, a ke ka nwe ya̱m bi̱fwim ke chi fwa ya̱mu we dur ki̱nu yinang.
22Yinu m Bulus a kun a titiye we muraku chiyangu a kun di̱yori̱n a yi chi ko, ni̱bu Atinam! N swaan, n ti̱n ni̱bu bi̱bu ki̱bau ya̱m Kwamamu yinang kasi no wuwule ki̱swi. 23Di̱ne yo mang bwa̱l we nelo, n ku kwali̱n chi̱nu ti̱sidi̱nu, n kuti̱ di̱kan kweer di̱du a niku ki̱tuuman ki̱ni di̱mwal di̱du, “Di̱ne Kwama wu niyang yimbe.” Ki̱kumang Kwama wu ti̱siidu niyang yimbe, nang wu mi̱n mwa chi̱ne.
24N Kwama wu a yo ti̱ti̱nitu n ti chi we mureti kwange, n Tewuduwe diye n ti ti̱mi kwange, a swebu we fantiyu ni̱bu a ma fa̱la̱ngiyu. 25Ti̱nti̱ne a babu ni ka maka ki̱nu, a bati̱bu ti̱kan chi, di̱ne n ki̱n ki̱ni ti̱kuri n ti Fi̱ki̱mi kwang. 26We nii wiin n ki̱n a yo, kuuti yiyu a ti̱ti̱niyi kwang a chire we. N ki̱n ki̱yo ki̱dangu n ti fantiyu ka nang wuwule kuuwe ka sweendiyu. 27“N Kwama a ma ying ko ke ni̱bu a bau ki̱n, ka we twaya ki̱ku ni̱bu ka ya ki̱ne kasi ki̱ku n ki̱n a newe kutan n ti ka wuwule chirengu. 28N ki̱n nang wu ki̱yo ti̱kuri chi̱retu ki̱twa̱du, ni ma bwiyu ki̱ni ti̱kuri.” Yinangu bi̱kamu ni̱bu tenim chim a fwangu, bi̱yili̱m n chi̱ni ti̱n a ki̱kuwang kang.
29Yinu yo we yiko, a dakabu ni yidu ko Kwama chire, ni̱bu a ma fa̱la̱ng ki̱ni si̱nariya ka asurfa n ti kali yiyiliye. 30Yo ferediye, n Kwama a mwatabu ni̱bu mi̱nbu we ki̱leti kawure ki̱madu a kwalan swaangku chi̱nge. Aya ki̱ka̱ngu, n ki̱n ki̱yal ni̱bu ka bwa̱le ko a wo ki̱ti̱m.
31Di̱ne n ki̱n a yo di wu beka mwata ti̱ti̱nitu mi̱nde. N Kwama a yung ni̱bu ko ti̱tu ka fwedu yo a kuku ki̱n we fure.
32Yo n chi a nwe ya̱m kunku kwa̱miyange, bi̱kamu a nuranurane, aya bi̱kamu ko chi nweti̱ ya̱m bi̱bu ki̱da. 33We ki̱dang kangu, m Bulus a chir we fi a murake. 34A kuteng ki̱ku, bi̱kamu a nabu Bulus, a ke bi̱yili̱mu. N Diyonisiyu, bwe kwa̱l kabaki̱ne wuka naye wu di̱n ki̱nu n Damari n ti bi̱kam a nabu Bulus.
ទើបបានជ្រើសរើសហើយ៖
Nangi̱n Fandubi̱m 17: Tula
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2015, The Nigeria Bible Translation Trust and Wycliffe Bible Translators, Inc. All rights reserved.
Nangi̱n Fandubi̱m 17
17
M Bulus a ma di̱mwar a Tasalonika
1M Bulus we yayu chi a bunti̱ Amfibolis n ti Afoloniya, a fwadu a Tasalonika finu ki̱ni kan muraku ni̱bu Yafudame. 2Yinangu n ki̱n a meki̱madi kwadangu, m Bulus a ma wandi yitta we kan muraki̱nu, ki̱tukadu n ti chi we difi̱kare ni̱bu Yafudam we ya̱m bi̱mwali̱m Kwamamu. 3Ki̱fwa chimi̱nu yinang ya̱mu wemi̱nangu, ki̱yung ti̱nu ko m Masiya ki̱kumang a nwe riye, yinu ki̱kumang a kun we furu. M Bulus a chakakku ko, “N Yesu wu mi̱n fwa chimi̱ne, n nang Masiya.” 4Yinu bi̱kam ni̱bu Yafudamu n ti ni̱bu Yelenamu bi̱bu ya̱m Kwamamu a twai chimu a ke bi̱yili̱m ya̱mu m Bulus n ti Silas n ti bi̱kam bi̱duum nati̱bu nabwen a bungan ware n ti chimu ke chi sii ti̱n chi.
5Aya ni̱bu Yafudamu a fwiren, a ya babba bwesi̱m ki̱fi̱bti̱m bi̱bu ki̱swedu a kwa̱mari̱m. Yo bi̱ki̱mu a murane, a suki̱tu ni̱tu ni̱bitu ki̱ni kulangkulange we bi̱nu. N chi a wul we lo Yasone wu m Bulus n ti Sila a si̱ki̱mi̱ne ke chi be ni̱bu mi̱ne ki̱ni chi a tibe ni̱be.
6Yo n chi a ri we, a ki̱la tau Yason n ti bi̱kamu kebu ni̱bu bunti̱ki̱m a yikan kakku kwa̱l kabaki̱nang ki̱ni keme chi ko, “Ni̱bu bi̱bu nang bi̱bu ki̱luku ti̱ti̱nimu, n chi a bete fi. 7Nang wu n Yason a yiu chi we loko. N chi ki̱ki yilang Kaisar, ki̱yidu ko wuka Mai we, di̱n ki̱nu n Yesu.” 8Yo ni̱bu bi̱ni̱mu n ti kwa̱l kabaki̱nu a nwe bi̱be, ti̱kuran chitu a muten. 9N chi a marbu Yason n ti ni̱bu bunti̱ki̱mu, a yo chi a fe ka̱mbi̱r yinu a mar chi.
M Bulus n ti Sila a yika Biriya
10Ki̱ni kum, kebu ni̱bu bunti̱ki̱mu a yo Bulus n ti Silas ko a yika Biriya. Yo n chi a lam bwako a le kan muraki̱n ni̱bu Yafudamu. 11Yade bi̱bu ni̱bu ki̱ni bwanu yinang Tasalonika, a yiu ya̱m chimi kani yurau. N chi ki̱ta̱l ya̱m Kwamamu ni̱bu a mwali̱mu diti ki̱da̱ng. Ki̱baddu ka yindu ka ya̱m Bulusi̱mu bi̱yili̱me. 12We Biriya ni̱bu nabwen a ke bi̱yili̱mu. A lanti̱ bi̱duumu nati̱bu Yelena n ti bi̱kam kwartabu Yelena nabwen.
13Aya yoko ni̱bu Yafudam bi̱bu a Tasalonikamu a nwe ko m Bulus ki̱ma di̱mwar ya̱m Kwamanu a Biriya, n chi a ya we bwako a ya kuku muli̱nu we bwako ti̱n. 14Bi̱nabi̱na kebu ni̱bu bunti̱ki̱mu a yo Bulus a yika ki̱ti̱ki̱ laang kasi ki̱ku n Silas n ti Timoti a dubu bi̱nangu. 15Ni̱bu bunti̱ki̱mu a bungan n ti Bulusi̱mu, a su a yika Atina ki̱ni Bulus. Yo yaka ki̱lade, m Bulus a tume chi we di̱Timotiye n ti Silas ko a be bwa di̱ki̱ne daatu.
M Bulus a yika Atina
16Yo m Bulus ki̱yam Timoti n ti Silas we Atina, ni̱r ki̱nu a kaiyan yinangu a ku bi̱ni kwang ka ti̱yobiye. 17Diti ki̱da̱ng n ki̱n ki̱tukadu we kan muraki̱ ni̱bu Yafudamu n ti bi̱kamu ni̱bu Yelenam bi̱bu ki̱sii Kwamamu. Kanang wuwule diye ki̱tukadu n ti bi̱bu n ki̱n ki̱yadu a kwa̱ma̱ru. 18N ki̱n ki̱tukadu ti̱n n ti Abikuriya n ti ni̱bu Sitokiyam bi̱bu ki̱ni yingku yinangi̱mu. Bi̱kamu a yi ko, “N ki̱n naba didi̱kuni̱ne wu, ki̱fwa chimi̱nu ko wule?”
Bi̱kamu a yi ko, “Yinang nii wu ki̱ma di̱mwar ti̱yobi ki̱fi̱bti a newe bwa̱ka̱nitu.” N chi a fwa ying di̱ne m Bulus ki̱ma di̱mwar Yesunu n ti kunki̱ kwa̱miyang. 19N chi a yikani ki̱ni Bulus a kun Arasan nang fi kwa̱l kabaki̱n a bi̱n we mi̱ne. N chi a bi̱u ki̱n ko, “We mwang kedu, mwang fwa ni̱mi̱n ya̱m bi̱fwim bi̱bu mun miyadi̱ma? 20Di̱ne nang nwengbu ya̱m bi̱bu we ki̱teli niyu. Ni̱n baddu nang swaan ya̱m bi̱bu yinang.” 21Ni̱bu Atinami kwang n ti rungko ki̱ swedu we ti̱m chime, a ke ka nwe ya̱m bi̱fwim ke chi fwa ya̱mu we dur ki̱nu yinang.
22Yinu m Bulus a kun a titiye we muraku chiyangu a kun di̱yori̱n a yi chi ko, ni̱bu Atinam! N swaan, n ti̱n ni̱bu bi̱bu ki̱bau ya̱m Kwamamu yinang kasi no wuwule ki̱swi. 23Di̱ne yo mang bwa̱l we nelo, n ku kwali̱n chi̱nu ti̱sidi̱nu, n kuti̱ di̱kan kweer di̱du a niku ki̱tuuman ki̱ni di̱mwal di̱du, “Di̱ne Kwama wu niyang yimbe.” Ki̱kumang Kwama wu ti̱siidu niyang yimbe, nang wu mi̱n mwa chi̱ne.
24N Kwama wu a yo ti̱ti̱nitu n ti chi we mureti kwange, n Tewuduwe diye n ti ti̱mi kwange, a swebu we fantiyu ni̱bu a ma fa̱la̱ngiyu. 25Ti̱nti̱ne a babu ni ka maka ki̱nu, a bati̱bu ti̱kan chi, di̱ne n ki̱n ki̱ni ti̱kuri n ti Fi̱ki̱mi kwang. 26We nii wiin n ki̱n a yo, kuuti yiyu a ti̱ti̱niyi kwang a chire we. N ki̱n ki̱yo ki̱dangu n ti fantiyu ka nang wuwule kuuwe ka sweendiyu. 27“N Kwama a ma ying ko ke ni̱bu a bau ki̱n, ka we twaya ki̱ku ni̱bu ka ya ki̱ne kasi ki̱ku n ki̱n a newe kutan n ti ka wuwule chirengu. 28N ki̱n nang wu ki̱yo ti̱kuri chi̱retu ki̱twa̱du, ni ma bwiyu ki̱ni ti̱kuri.” Yinangu bi̱kamu ni̱bu tenim chim a fwangu, bi̱yili̱m n chi̱ni ti̱n a ki̱kuwang kang.
29Yinu yo we yiko, a dakabu ni yidu ko Kwama chire, ni̱bu a ma fa̱la̱ng ki̱ni si̱nariya ka asurfa n ti kali yiyiliye. 30Yo ferediye, n Kwama a mwatabu ni̱bu mi̱nbu we ki̱leti kawure ki̱madu a kwalan swaangku chi̱nge. Aya ki̱ka̱ngu, n ki̱n ki̱yal ni̱bu ka bwa̱le ko a wo ki̱ti̱m.
31Di̱ne n ki̱n a yo di wu beka mwata ti̱ti̱nitu mi̱nde. N Kwama a yung ni̱bu ko ti̱tu ka fwedu yo a kuku ki̱n we fure.
32Yo n chi a nwe ya̱m kunku kwa̱miyange, bi̱kamu a nuranurane, aya bi̱kamu ko chi nweti̱ ya̱m bi̱bu ki̱da. 33We ki̱dang kangu, m Bulus a chir we fi a murake. 34A kuteng ki̱ku, bi̱kamu a nabu Bulus, a ke bi̱yili̱mu. N Diyonisiyu, bwe kwa̱l kabaki̱ne wuka naye wu di̱n ki̱nu n Damari n ti bi̱kam a nabu Bulus.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2015, The Nigeria Bible Translation Trust and Wycliffe Bible Translators, Inc. All rights reserved.