Tourat 1: Foyda Nama 39
39
Hozrot Iusuf (a:) ar Azizor bou
1Iusufre Mishor desho loia zaoar bade, Ismaili oḳlor ges tone, Aziz namor Feraunor eḳzon Mishori kormosarie, Iusufre ḳorid ḳorla. Aziz oila Feraunor fordan gaḍ. 2Mabude Iusufor logi oila, erlagi Iusuf hoḳol ḳamo kamiab oila. Tain hou Mishori munibor baṛit ḳam ḳorta. 3Mabud tan loge loge asoin ar hoḳol ḳamo tane kamiab ḳorra, tan munibe-o ita buzilaila. 4Teu munibe Iusufre maya ḳorta lagla, tane munibor ḳas kezmotgar banaila ar tan baṛir hoḳolta deḳa-hunar bar-o Iusufor gese shomzai dila. 5Iusufre tan baṛir ar hoḳoltar bar shofi deoar bade tone, Mabude Iusufor lagi-u, tan munibor hoḳoltar maze borkot nazil ḳorla. Azizor baṛit ar ḳet-ḳamar, hoḳol zagat Mabude borkot nazil ḳorla. 6Ita dekia Azize tan hoḳoltar bar Iusufor ufre shofi dila, tan nizor ḳana-dana saṛa ar kuntar-u ḳobor loita na.
Iusufor shorilor goṭon ar sehara-o shundor asil. 7Ita dekia tan munibor boue tan bae lalos ḳorlo. Tai Iusufre ḳoilo, “Amar bisnat ao.” 8Oile Iusuf razi na oia munibor boure ḳoila, “Deḳoukka, i baṛit kita kita ase, amar munibe kunta-u ḳobor loin na, hoḳoltar bar amar ufre shomzai disoin. 9I baṛit ama tone boṛo ar ḳeu nae. Afne to tan bibi, erlagi afnare saṛa ar hoḳolre tain amar zimmae raḳsoin, te ami kila oto boṛo eḳ zogoinno ḳam ḳoria Allar birudde guna ḳortam?” 10Tai hamesha Iusufre oula minot ḳorle-o Iusufe tair gese hutte ba ḳasat roite-o razi oila na. 11Heshe eḳdin kunu ek kamor lagi Iusuf goror bitre hamaila, ou shomoy ar ḳeu hino asil na. 12Teu Azizor boue Iusufor ḳafoṛo dori koilo, “Amar bisnat ae.” Oile Iusufe tan ḳafoṛ falaia douṛia gelagi. 13Iusufe tair ato ḳafoṛ toia douṛaia gelagi kori, 14Azizor boue goror manshore ḍakia ḳoilo, “Huno, tain amrar loge tamsha ḳorar lagi i Ibrani beṭare anchoin. He amare beijjoti korar motlobe amar bisnat aisil, ou ami sillaia uṭsi. 15Amar sillani hunia he tar finnor ḳafoṛ amar gese toia bagise.” 16Iusufor munib baṛit na aoa forzonto, i kafoṛ tai nizor gese raḳlo. 17Tain aia harle tai nalish dilo, “Tumi ze Ibrani gulamre amrar gese ancho, he amare beijjoti korar motlobe amar goro hamaisil. 18Oile amar hauka-hauki ar sillanie he amar gese tar ḳafoṛ falai toia bagise.”
19Bour mat hunia Iusufor munibe gusae aguin oigela. Tan boue ḳoilo, “Tumar gulame amar loge ou laḳan ḳam ḳorse.” 20Teu Azize Iusufre nia zel ḳanat haraila.
Zel ḳanat Hozrot Iusuf (a:)
Mishoror bashshar bondi oḳolre zeno raḳoin, tane-o hou zel ḳanat toila. 21Oile Iusufor ufre Mabudor saya asil, tain Iusufre boṛo zelar sabor gese mayar manush banaila. 22Boṛo zelar sabe zel ḳanar hoḳol bondi oḳlor shordari Iusufor ufre saṛi dila, teu honor hoḳol ḳam-ḳaz Iusufor hukume solto. 23Ar boṛo zelar sabe kunta-u deḳa-huna ḳora lagto na, ḳaron Mabud Iusufor loge asla, erlagi Iusufe zetat at dita, Mabude ita kamiab ḳorta.
ទើបបានជ្រើសរើសហើយ៖
Tourat 1: Foyda Nama 39: sylL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Ahle Kitab Society. All rights reserved.
Tourat 1: Foyda Nama 39
39
Hozrot Iusuf (a:) ar Azizor bou
1Iusufre Mishor desho loia zaoar bade, Ismaili oḳlor ges tone, Aziz namor Feraunor eḳzon Mishori kormosarie, Iusufre ḳorid ḳorla. Aziz oila Feraunor fordan gaḍ. 2Mabude Iusufor logi oila, erlagi Iusuf hoḳol ḳamo kamiab oila. Tain hou Mishori munibor baṛit ḳam ḳorta. 3Mabud tan loge loge asoin ar hoḳol ḳamo tane kamiab ḳorra, tan munibe-o ita buzilaila. 4Teu munibe Iusufre maya ḳorta lagla, tane munibor ḳas kezmotgar banaila ar tan baṛir hoḳolta deḳa-hunar bar-o Iusufor gese shomzai dila. 5Iusufre tan baṛir ar hoḳoltar bar shofi deoar bade tone, Mabude Iusufor lagi-u, tan munibor hoḳoltar maze borkot nazil ḳorla. Azizor baṛit ar ḳet-ḳamar, hoḳol zagat Mabude borkot nazil ḳorla. 6Ita dekia Azize tan hoḳoltar bar Iusufor ufre shofi dila, tan nizor ḳana-dana saṛa ar kuntar-u ḳobor loita na.
Iusufor shorilor goṭon ar sehara-o shundor asil. 7Ita dekia tan munibor boue tan bae lalos ḳorlo. Tai Iusufre ḳoilo, “Amar bisnat ao.” 8Oile Iusuf razi na oia munibor boure ḳoila, “Deḳoukka, i baṛit kita kita ase, amar munibe kunta-u ḳobor loin na, hoḳoltar bar amar ufre shomzai disoin. 9I baṛit ama tone boṛo ar ḳeu nae. Afne to tan bibi, erlagi afnare saṛa ar hoḳolre tain amar zimmae raḳsoin, te ami kila oto boṛo eḳ zogoinno ḳam ḳoria Allar birudde guna ḳortam?” 10Tai hamesha Iusufre oula minot ḳorle-o Iusufe tair gese hutte ba ḳasat roite-o razi oila na. 11Heshe eḳdin kunu ek kamor lagi Iusuf goror bitre hamaila, ou shomoy ar ḳeu hino asil na. 12Teu Azizor boue Iusufor ḳafoṛo dori koilo, “Amar bisnat ae.” Oile Iusufe tan ḳafoṛ falaia douṛia gelagi. 13Iusufe tair ato ḳafoṛ toia douṛaia gelagi kori, 14Azizor boue goror manshore ḍakia ḳoilo, “Huno, tain amrar loge tamsha ḳorar lagi i Ibrani beṭare anchoin. He amare beijjoti korar motlobe amar bisnat aisil, ou ami sillaia uṭsi. 15Amar sillani hunia he tar finnor ḳafoṛ amar gese toia bagise.” 16Iusufor munib baṛit na aoa forzonto, i kafoṛ tai nizor gese raḳlo. 17Tain aia harle tai nalish dilo, “Tumi ze Ibrani gulamre amrar gese ancho, he amare beijjoti korar motlobe amar goro hamaisil. 18Oile amar hauka-hauki ar sillanie he amar gese tar ḳafoṛ falai toia bagise.”
19Bour mat hunia Iusufor munibe gusae aguin oigela. Tan boue ḳoilo, “Tumar gulame amar loge ou laḳan ḳam ḳorse.” 20Teu Azize Iusufre nia zel ḳanat haraila.
Zel ḳanat Hozrot Iusuf (a:)
Mishoror bashshar bondi oḳolre zeno raḳoin, tane-o hou zel ḳanat toila. 21Oile Iusufor ufre Mabudor saya asil, tain Iusufre boṛo zelar sabor gese mayar manush banaila. 22Boṛo zelar sabe zel ḳanar hoḳol bondi oḳlor shordari Iusufor ufre saṛi dila, teu honor hoḳol ḳam-ḳaz Iusufor hukume solto. 23Ar boṛo zelar sabe kunta-u deḳa-huna ḳora lagto na, ḳaron Mabud Iusufor loge asla, erlagi Iusufe zetat at dita, Mabude ita kamiab ḳorta.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Ahle Kitab Society. All rights reserved.