Tourat 1: Foyda Nama 38
38
Bibi Tamaror loge Ehudar ḳobisi kam
1Ehudae tar baiaintore toia Odullom gaur Hira namor eḳ manshor loge roat gelo. 2Hono roia Shua namor ek Kenani manshor fuṛir loge deḳa oilo, dekia he ou fuṛire bia ḳorlo. 3Biar bade hou beṭir goro eḳ fua oilo, Ehudae tar nam raḳlo Eir. 4Hirbar beṭir goro aroḳ fua oile, maʼe tar nam raḳlo Onon. 5Heshe ou beṭir aroḳ fua oile, tar nam raḳlo Shela. I shomoy tara Koshib gaut roita. 6Ar Ehudae tar boṛo fua Eiror loge Tamar namor eḳ fuṛire bia dilo. 7Oile tar i fua Mabudor nozoro kub ḳobis asil gotike, Mabude tare marilaila. 8Ou Ehudae Ononre ḳoilo, “Tumar babire bia ḳorilao. Tair deor oae tumar zeta ḳora zorur ase, ita adae ḳoro ar nizor bair oarish foyda ḳoro.” 9Onone zanto, i oarish tar nizor oito nae, ar tar bair oarish raḳte tar kial asil na gotike, tair loge mila-mishar shomoy tar biz baire maṭit falai dito. 10Mabude tar i kame naraz oila, tain Eirre-o marilaila. 11Ou Ehudae tar fuar bou Tamarre ḳoilo, “Amar fua Shela zotodin boṛo na oy, otodin tumar bafor baṛit gia ṛaṛi oia-u ro.” Ehudae ḍorailo, Shela-o tar baiaintor laḳan morizibo. Ar Tamar bafor baṛit gelogi.
12Bakka ḳoydin bade Ehudar bou, Shuar fuṛi morigelo, teu ḳanda-ḳaṭi korar bade Ehudae shanti oia Odullom gaur tar dust Hirar loge Timna gaut, tar meṛar falor ruma ḳaṭra manshor gese roana dilo. 13Ar Tamarre gia ḳeu ḳobor dilo “Tumar houre tan meṛar ruma ḳaṭar lagi Timnat zaira.” 14Tamare deḳlo, Shela boṛo oile-o houre Shelar loge tair bia dira na, ou tai ṛaṛir ḳafoṛ bodlaia hazi-faṛi muko gumṭa dia, Aynaimor fotor muko gia boilo. Aynaim asil Timnat zaoar foto. 15Ar tai muk lukaia raḳae, Ehudae mono ḳorlo igu silan beṭi. 16Teu Ehudae fuar boure na sinae, fotor daro Tamaror gese gia ḳoilo, “Ao, tumar loge mila-misha ḳori.” Tamare ḳoilo, “Te amare kita dibae?” 17He ḳoilo, “Amar fal tone bokri baichcha egu faṭai dimu.” Tamare ḳoilo, “Iṭa faṭanir age amar gese kunta zimma toia zaukka.” 18Ehudae ḳoilo, “Kita toitam?” Tai koilo, “Afnar ou fita-ala sil ar afnar ator laṭi toia zaukka.” Teu Ehudae oguin zimma toia tair loge mila-misha ḳorlo ar Tamaror feṭo hurutta ailo. 19Bade Tamar uṭia gelogi ar hi kafoṛ bodlaia hirbar ṛaṛir ḳafoṛ findilo.
20Heshe ou beṭir ges taki zimmar mal firot nibar lagi, tar Odullomor dustre dia sagolor baichcha egu faṭailo. He aia taire tukaia failo na. 21Ou he honor manshore zikailo, “Aynaimor fotor daro eḳ shebok beṭi asil, ogu ḳoi?” Tara ḳoila, “Ino to ila kunu beṭi nae.” 22Teu he Ehudar gese gia ḳoilo, “Ami gia taire tukaia failam na. Honor manshe-o ḳoila, ino to ila kunu beṭi aise na.” 23Ehudae ḳoilo, “Te ita ar tair gese-u taḳouk. Naile amra shorminda oimu. Sagolor baichcha to faṭailam, ta-o tumi ere tukaia failae na.”
24Onuman tin mash bade Ehudae hunlo, tar fuar bou Tamare zina ḳorse, erlagi tair hurutta oita. Ou Ehudae ḳoilo, “Ogure bare nia aguindi zalailao.” 25Tamarre zebla bare nira, ou shomoy tair hourre ḳobor dilo zen, “Zar hurutta amar feṭo ase, ou mal-samana oḳol tar. Te deḳoukka, ou fita-ala sil ar laṭigu ḳar sinoin ni?” 26Ehudae ita dekia ḳoilo, “Tai to ama taki bout boṛo forezgar. Amar fua Shelar loge taire bia ḳoraisi na.” Erbade Ehudae ar kunudin-o Tamaror gese hutise na.
27Hurutta oibar bala deḳoin, Tamaror feṭo zuṛor hurutta. 28Foyla egue tar at bar ḳorlo ar dai beṭie lal suta eḳsa tar ato bandia ḳoilo, “Igu foyla foyda oilo.” 29Oile he at ṭan dia bitre nilogi, teu tar bai foyla bar oilo ar dai beṭie ḳoilo, “Tumi kila fak koria bar oilae?” Erlagi er nam oilo Firuz [mani, fak kora]. 30Bade tar bai lal suta ato banda loia bar oilo, tar nam raḳla Zarah.
ទើបបានជ្រើសរើសហើយ៖
Tourat 1: Foyda Nama 38: sylL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Ahle Kitab Society. All rights reserved.