Injil 5: Sahabi Nama 6
6
Ehudia ar Shomoria elaḳat Isayi zomat (6:1–12:25)
Shat zon ḳadimdar
1Hi shomoy ummot oḳlor foriman baṛte-u asil, ar ummot oḳlor maze zeta Ihudi oḳole Iunani bashae matta, tara Ibrani bashae matra Ihudi oḳlor loge ḳaijja ḳorta lagla. Tara dush deḳaila, forteḳ din ḳani bilanir shomoy tarar ṛaṛi beṭinte kunta fain na. 2Teu hou barozon sahabie hoḳol ummotre eḳ zagat dola ḳoria ḳoila, “Amra Allar kalamor toblig bad dia, ḳana-finar befare besto oaḳan ṭik nae. 3Oile bai oḳol, tumrar maz taki oula shatzon shunam-ala manshore fosond ḳoro, zera Pak Ruhe ar hekmote fura kamiab ase, amra tarar ufre i kamor zimma dilaimu. 4Ar amra kalamor kezmot ar dua ḳorar ḳamo ḳaim roimu.” 5Teu hokkol manush shanti oila, tara Pak Ruhu ar imane kamil Stifanre fosond ḳorla, tan loge Filif, Foḳor, Nikanor, Timun, Farmina ar Antiokia ṭaunor noya Ihudi Nikulaere basia nila. 6Bade tara ou shatzonre sahabi oḳlor gese loia aile, sahabi oḳole dua ḳoria tarar ufre at raḳla.
7Ar Allar kalam sitria sairobae fosigelo, teu Zeruzalemo ummotor foriman kub zoldi kori baṛto laglo, Ihudi imam oḳlor maze-o bout zone al-Mosir ufre iman anla.
Hozrot Stifanor halot
8Stifan Allar rohomot ar himmote kamil oia, manshor maze bout keramoti ar muzeza ḳam ḳorta lagla. 9Ihudir ze mosidre azad-oa gulam oḳlor mosid ḍaḳa oito, hou mosidor ḳoyzon manush, kunu kunu Kurini, Alekzandria, Kilikia ar Asiya deshor kisu manshe Stifanor loge ḳaijja-torko ḳorat lagla. 10Oile Stifane Pak Ruhur bole kub aḳoldar manshor laḳan tarar loge matae, tara tan loge matia kulaito farsil na. 11Teu tara ḳoyzon baze manshore gush dia oḳan hikai dilo, “Tumra ḳoio, amra hunchi ou beṭae Hozrot Musa ar Allar birudde kufuri mat mater.” 12Ota ḳori tara manshore, murobbi oḳolre, ar alim shomazre Stifanor birudde bigṛailo, ar tanre zobordosti kori doria deshor fotua komiṭir samne bisaro anlo. 13Ar misa shakki oḳole ḳoila, “Ou beṭae hamesha Musar shoriotor birudde ar ou fobitro mukamor birudde-o mate. 14Amra hunchi he ḳor, hou Nasarotor Isae i Baytul-Mukaddos bangilibo ar Musa nobie amrar lagi ze shoriot toia gesoin, ita bodlailibo.” 15I shomoy zera fotua komiṭit boat asla tara hoḳole dian dori Stifanor bae saia deḳla, tan muk firistar mukor laḳan oigese.
ទើបបានជ្រើសរើសហើយ៖
Injil 5: Sahabi Nama 6: sylL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Ahle Kitab Society. All rights reserved.
