ꠎꠛꠥꠞ ꠡꠞꠤꠚ 38
38
ꠀꠟ-ꠎꠛꠥꠞ 38
ꠢꠎꠞꠔ ꠖꠣꠃꠖꠞ ꠝꠤꠎꠝꠞ। ꠁꠀꠖꠉꠣꠞꠤ।
1ꠗꠣꠝꠇꠤ ꠖꠤꠅ ꠘꠣ ꠉ ꠝꠣꠛꠥꠖ ꠉꠥꠍꠣ ꠇꠞꠤꠀ,
ꠡꠣꠎꠣ ꠖꠤꠅ ꠘꠣ ꠝꠞꠦ ꠞꠣꠉ ꠇꠞꠤꠀ।
2ꠔꠥꠝꠣꠞ ꠔꠤꠞꠞ ꠚꠟꠣꠄ ꠔ ꠉꠣꠕꠤꠟꠤꠍꠦ ꠝꠞꠦ,
ꠔꠥꠝꠣꠞ ꠀꠔꠦ ꠉ ꠝꠣꠛꠥꠖ ꠎꠣꠔꠤꠀ ꠗꠞꠍꠦ ꠀꠝꠣꠞꠦ।
3ꠔꠥꠝꠣꠞ ꠉꠥꠍꠣꠞ ꠌꠥꠐꠦ ꠀꠝꠣꠞ ꠇꠣꠄꠀꠞ ꠢꠇꠟ ꠅꠋꠉ ꠛꠦꠝꠣꠞ,
ꠄꠉꠥ ꠀꠒ꠆ꠒꠤꠅ ꠜꠣꠟꠣ ꠘꠣꠄ ꠔ ꠉꠥꠘꠣꠞ ꠖꠣꠄ ꠀꠝꠣꠞ।
4ꠀꠝꠣꠞ ꠘꠤꠎꠞ ꠛꠖ ꠇꠣꠝꠅ ꠀꠝꠤ ꠢꠣꠛꠥꠒꠥꠛꠥ ꠈꠣꠁꠀꠞ,
ꠁꠔꠣ ꠛꠠ ꠇꠑꠤꠘ ꠛꠥꠏꠣ-ꠜꠣꠞ ꠟꠣꠉꠦꠞ ꠀꠝꠣꠞ।
5ꠀꠝꠣꠞ ꠛꠦꠀꠈꠟꠤꠞ ꠟꠣꠉꠤꠀ ꠎꠈꠝ ꠅꠇꠟ ꠕꠣꠇꠤꠀ,
ꠙꠌꠣ ꠖꠥꠞ꠆ꠉꠘ꠆ꠖ ꠛꠣꠞ ꠅꠞ ꠙꠌꠣ ꠊꠣ ꠅꠁꠀ।
6ꠀꠝꠤ ꠃꠘ꠆ꠖꠣ ꠅꠁꠀ ꠉꠥꠎꠣ ꠛꠘꠤꠉꠦꠍꠤ,
ꠝꠘꠞ ꠖꠥꠈꠦ ꠢꠣꠞꠣꠖꠤꠘ ꠇꠞꠤ ꠊꠥꠞꠣꠊꠥꠞꠤ।
7ꠀꠝꠣꠞ ꠇꠝꠞꠞ ꠝꠣꠎꠦ ꠇꠔ ꠎꠣꠟꠣ-ꠎꠘꠔ꠆ꠞꠘꠣ,
ꠀꠝꠣꠞ ꠇꠣꠄꠀꠞ ꠇꠥꠘꠥ ꠅꠋꠉꠃ ꠘꠣꠄ ꠔ ꠜꠣꠟꠣ।
8ꠌꠤꠘ꠆ꠔꠣ ꠇꠞꠔꠦ ꠇꠞꠔꠦ ꠀꠝꠤ ꠜꠣꠋꠉꠤꠀ ꠌꠥꠞꠝꠣꠞ,
ꠖꠤꠟꠞ ꠎꠣꠟꠣꠄ ꠀꠝꠤ ꠢꠣꠝꠦꠡꠣ ꠇꠣꠔꠞꠣꠁꠀꠞ।
9ꠝꠣꠛꠥꠖ ꠉ ꠔꠥꠝꠣꠞ ꠖꠞꠛꠣꠞꠅꠃ ꠀꠝꠣꠞ ꠖꠤꠟꠞ ꠌꠣꠅꠀ-ꠙꠣꠅꠀ,
ꠀꠝꠣꠞ ꠜꠤꠔꠞꠞ ꠀꠢꠣꠎꠣꠞꠤ ꠔ ꠔꠥꠝꠣꠞ ꠉꠦꠍꠦ ꠟꠥꠇꠣꠁꠟ ꠘꠣ।
10ꠀꠝꠣꠞ ꠖꠤꠟꠦ ꠒꠞꠣꠁꠀ ꠇꠣꠙꠦꠞ, ꠡꠞꠤꠟꠞ ꠛꠟ ꠉꠦꠍꠦꠉꠤ ꠍꠣꠠꠤꠀ,
ꠌꠃꠈꠦ ꠖꠦꠈꠣꠞ ꠈꠦꠝꠔꠣ ꠝꠞ ꠝꠥꠐꠦꠃ ꠘꠣꠄ ꠜꠣꠟꠣ।
11ꠀꠙꠘ ꠎꠘ ꠀꠞ ꠖꠥꠡ꠆ꠔ ꠅꠇꠟꠦ ꠝꠞ ꠇꠡ꠆ꠐ ꠖꠦꠈꠤꠀ ꠢꠞꠤꠀ ꠕꠣꠇꠦ,
ꠀꠝꠣꠞ ꠀꠞꠤ-ꠚꠞꠤ ꠙꠞꠤꠌꠤꠔ ꠎꠘꠦꠅ ꠖꠥꠞꠁ ꠃꠛꠣꠁ ꠔꠣꠝꠡꠣ ꠖꠦꠈꠦ।
12ꠀꠝꠣꠞꠦ ꠈꠥꠘ ꠇꠞꠣꠞ ꠝꠔꠟꠛ ꠎꠣꠞꠣꠞ ꠔꠣꠞꠣ ꠚꠣꠘ꠆ꠖ ꠙꠣꠔꠦ,
ꠡꠞ꠆ꠛꠘꠣꠡ ꠌꠣꠄ ꠎꠣꠞꠣ ꠝꠞ ꠔꠣꠞꠣ ꠀꠝꠣꠞ ꠛꠤꠞꠥꠖ꠆ꠖꠦ ꠝꠣꠔꠦ।
ꠍꠟ-ꠌꠔꠥꠞꠤꠞ ꠗꠣꠘ꠆ꠖꠣꠄ ꠔꠣꠞꠣ ꠢꠣꠞꠣ ꠖꠤꠘ ꠕꠣꠇꠦ।
13ꠇꠣꠟꠥꠀꠞ ꠟꠣꠈꠣꠘ ꠔ ꠀꠝꠤ ꠇꠣꠘꠦ ꠇꠥꠘ꠆ꠔꠣ ꠢꠥꠘꠤ ꠘꠣ,
ꠛꠥꠛꠣꠞ ꠟꠣꠈꠣꠘ ꠖꠡꠣ ꠀꠝꠣꠞ ꠝꠥꠈ ꠈꠥꠟꠤ ꠘꠣ।
14ꠅꠟꠣꠘ ꠝꠣꠘꠥꠡ ꠅꠁꠍꠤ ꠀꠝꠤ ꠎꠦꠉꠥꠄ ꠇꠥꠘ꠆ꠔꠣ ꠢꠥꠘꠦ ꠘꠣ,
ꠝꠥꠈꠦꠖꠤ ꠎꠣꠞ ꠇꠥꠘꠥ ꠍꠅꠀꠟꠞ ꠎꠥꠀꠙ ꠛꠣꠞ ꠅꠄ ꠘꠣ।
15ꠝꠣꠛꠥꠖ ꠉ ꠛꠣꠞ ꠌꠣꠅꠀꠔ ꠀꠍꠤ ꠀꠝꠤ ꠔꠥꠝꠣꠞꠃ ꠀꠡꠣꠄ,
ꠅꠉ ꠝꠣꠛꠥꠖ ꠄꠟꠣꠢꠤ ꠝꠞ ꠝꠤꠘꠔꠤꠞ ꠎꠥꠀꠙ ꠔꠥꠝꠤ ꠔ ꠖꠤꠛꠣꠄ।
16ꠀꠝꠤ ꠔ ꠇꠁꠍꠤ, “ꠀꠝꠣꠞ ꠙꠣꠅ ꠙꠤꠍꠟꠤ ꠉꠦꠟꠦ,
ꠀꠝꠣꠞꠦ ꠟꠁꠀ ꠔꠣꠞꠣ ꠎꠣꠘꠥ ꠛꠠꠣꠁ ꠇꠞꠔ ꠘꠣ ꠙꠣꠞꠦ।”
17ꠙꠠꠤ ꠎꠣꠁꠀꠞ ꠙꠠꠤ ꠎꠣꠁꠀꠞ ꠀꠝꠣꠞ ꠢꠣꠟꠔ ꠅꠟꠣ,
ꠀꠝꠣꠞ ꠌꠈꠥꠞ ꠍꠣꠝꠘꠦ ꠊꠥꠞꠦꠞ ꠈꠣꠟꠤ ꠖꠤꠟꠞ ꠎꠣꠟꠣ-ꠎꠘꠔ꠆ꠞꠘꠣ।
18ꠀꠝꠣꠞ ꠢꠇꠟ ꠅꠙꠞꠣꠗ ꠀꠝꠤ ꠇꠞꠍꠤ ꠡ꠆ꠛꠤꠇꠣꠞ,
ꠀꠝꠣꠞ ꠉꠥꠘꠣꠞ ꠛꠥꠏꠣ ꠟꠁꠀ ꠅꠡꠣꠘ꠆ꠔꠤ ꠇꠞꠤꠀꠞ।
19ꠀꠝꠣꠞ ꠖꠥꠡꠝꠘ ꠅꠇꠟ ꠛꠃꠔ ꠔꠞꠔꠣꠎꠣ ꠛꠟꠛꠣꠘ,
ꠔꠣꠞꠣ ꠛꠃꠔ ꠛꠤꠘꠣ ꠇꠣꠞꠘꠦ ꠝꠞꠦ ꠎꠣꠞꠣ ꠊꠤꠘ꠆ꠘꠣꠁꠘ।
20ꠀꠝꠤ ꠔꠣꠞꠣꠞ ꠜꠣꠟꠣꠁ ꠇꠞꠟꠦ ꠔꠣꠞꠣ ꠇꠞꠦ ꠈꠦꠔꠤ,
ꠔꠣꠞꠣ ꠝꠞꠦ ꠖꠥꠡꠤ ꠇꠄ ꠜꠣꠟꠣꠁꠞ ꠙꠕꠦ ꠌꠟꠤ ꠇꠞꠤ।
21ꠅ ꠀꠝꠣꠞ ꠝꠣꠛꠥꠖ ꠀꠝꠣꠞꠦ ꠍꠣꠠꠤꠀ ꠎꠣꠁꠅ ꠘꠣ,
ꠢꠞꠤꠀ ꠎꠣꠁꠅ ꠘꠣ ꠀꠝꠣ ꠕꠣꠇꠤ ꠅꠉ ꠀꠝꠣꠞ ꠀꠟ꠆ꠟꠣ।
22ꠀꠝꠣꠞꠦ ꠡꠣꠁꠎ꠆ꠎ ꠇꠞꠣꠔ ꠎꠟꠖꠤ ꠀꠅ ꠔꠥꠝꠤ,
ꠅ ꠀꠝꠣꠞ ꠝꠣꠛꠥꠖ ꠀꠝꠣꠞ ꠎꠣꠘ ꠛꠣꠌꠣꠘꠤꠞ ꠇꠣꠘ꠆ꠒꠣꠞꠤ॥
ទើបបានជ្រើសរើសហើយ៖
ꠎꠛꠥꠞ ꠡꠞꠤꠚ 38: sylN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Ahle Kitab Society. All rights reserved.