ꠎꠛꠥꠞ ꠡꠞꠤꠚ 16
16
ꠀꠟ-ꠎꠛꠥꠞ ১৬
ꠢꠎꠞꠔ ꠖꠣꠃꠖꠞ ꠚꠞꠤꠀꠖ।
1ꠔꠥꠝꠤ ꠀꠝꠣꠞꠦ ꠢꠦꠚꠣꠎꠔꠦ ꠞꠣꠈꠅ ꠀꠟ꠆ꠟꠣ ꠉ,
ꠀꠝꠤ ꠔ ꠀꠡꠞꠄ ꠟꠁꠍꠤ ꠔꠥꠝꠣꠞꠃ ꠖꠞꠛꠣꠞꠅ।
2ꠝꠣꠛꠥꠖꠞꠦ ꠇꠁꠍꠤ ꠀꠝꠤ, “ꠀꠝꠣꠞꠃ ꠝꠥꠘꠤꠛ ꠔꠥꠝꠤ,
ꠔꠥꠝꠤ ꠍꠣꠠꠣ ꠘꠣꠁ ꠔ ꠜꠣꠟꠣꠁ ꠀꠝꠤ ꠘꠤꠌ꠆ꠌꠤꠔ ꠎꠣꠘꠤ।”
3ꠎꠝꠤꠘꠞ ꠙꠞꠦꠎꠉꠣꠞ ꠛꠘ꠆ꠖꠣꠁꠘ ꠔꠥꠝꠣꠞ ꠌꠈꠥꠔ ꠁꠎ꠆ꠎꠔꠤ,
ꠔꠣꠞꠣꠞ ꠟꠉꠦꠃ ꠀꠝꠣꠞ ꠖꠥꠡ꠆ꠔꠤ ꠀꠞ ꠙꠤꠞꠤꠔꠤ।
4ꠅꠁꠟꠦ ꠀꠟ꠆ꠟꠣ ꠍꠣꠠꠣ ꠅꠘ꠆ꠘ ꠘꠣꠝ ꠎꠦꠔꠣ ꠎꠘꠦ ꠟꠄ,
ꠔꠣꠞꠣꠞ ꠛꠠ ꠖꠥꠈ-ꠝꠍꠤꠛꠔ ꠛꠣꠠꠤꠛ ꠘꠤꠌ꠆ꠌꠄ।
ꠎꠦꠔꠣꠞ ꠘꠣꠝꠦ ꠖꠦꠄ ꠔꠣꠞꠣ ꠛꠟꠤꠞ ꠟꠃ ꠛꠤꠟꠣꠁꠀ,
ꠁꠔꠣꠞ ꠘꠣꠝ ꠔ ꠟꠁꠔꠣꠝ ꠘꠣꠄ ꠀꠝꠣꠞ ꠝꠥꠈꠦ ꠖꠤꠀ।
5ꠝꠣꠛꠥꠖꠃ ꠀꠝꠣꠞ ꠗꠘ, ꠀꠝꠣꠞ ꠙꠤꠀꠍꠞ ꠙꠣꠘꠤ,
ꠀꠝꠣꠞ ꠇꠙꠣꠟ ꠀꠍꠦ ꠔ ꠔꠣꠘ ꠀꠔꠅꠃ ꠎꠣꠘꠤ।
6ꠀꠝꠣꠞ ꠛꠣꠐꠅ ꠙꠠꠍꠦ ꠎꠦꠔꠣ ꠖꠃꠟꠔꠞ ꠡꠤꠝꠣꠘꠣ,
ꠝꠤꠞꠣꠡꠖꠣꠞꠤ ꠖꠦꠈꠤꠀ ꠌꠃꠈꠦ ꠖꠤꠟ ꠖꠦꠅꠀꠘꠣ।
7ꠝꠣꠛꠥꠖꠞ ꠡꠥꠇꠞꠤꠀ ꠎꠣꠘꠣꠁ!
ꠛꠥꠖ꠆ꠖꠤ-ꠙꠞꠣꠝꠤꠡ ꠔ ꠖꠦꠁꠘ ꠔꠣꠁꠘꠃ ꠀꠝꠣꠞꠦ,
ꠞꠣꠁꠔꠞ ꠛꠣꠟꠣ ꠢꠥꠡꠤꠀꠞ ꠞꠣꠈꠦ ꠀꠝꠣꠞ ꠛꠤꠛꠦꠇꠦ।
8ꠀꠝꠣꠞ ꠌꠃꠈ ꠢꠣꠝꠦꠡꠣ ꠞꠄ ꠝꠣꠛꠥꠖꠞ ꠛꠣꠄ ꠈꠣꠟꠤ,
ꠔꠣꠁꠘꠃ ꠀꠝꠣꠞ ꠒꠣꠁꠘ ꠉꠣꠟꠣꠔ, ꠀꠟꠤꠔꠣꠝ ꠘꠣꠄ ꠀꠝꠤ।
9ꠔꠦ ꠈꠥꠡꠤꠄ ꠜꠞꠣ ꠀꠝꠣꠞ ꠖꠤꠟ, ꠚꠥꠞ꠆ꠔꠤ ꠇꠞꠦꠞ ꠙꠞꠣꠘ,
ꠀꠝꠣꠞ ꠇꠣꠄꠀꠄ ꠜꠞꠡꠣ ꠙꠣꠁꠀ ꠇꠞꠦ ꠡꠣꠘ꠆ꠔꠤ-ꠀꠞꠣꠝ।
10ꠀꠝꠣꠞꠦ ꠚꠣꠟꠣꠁꠔꠣꠄ ꠘꠣꠄ ꠔꠥꠝꠤ ꠉꠁꠘ ꠙꠣꠔꠣꠟꠅ,
ꠔꠥꠝꠣꠞ ꠀꠡꠤꠇ ꠛꠘ꠆ꠖꠣꠞ ꠇ꠆ꠇꠄ ꠘꠣꠁ ꠔ ꠇꠄꠛꠞꠞ ꠉꠣꠔꠅ।
11ꠖꠦꠈꠣꠁꠞꠣꠄ ꠎꠤꠘ꠆ꠖꠦꠉꠤꠞ ꠙꠕ ꠀꠝꠣꠞꠦ ꠔꠥꠝꠤ,
ꠔꠥꠝꠣꠞ ꠖꠤꠖꠣꠞꠞ ꠝꠣꠎꠦ ꠀꠍꠦ ꠙꠥꠞꠣꠙꠥꠞ ꠚꠥꠞ꠆ꠔꠤ,
ꠔꠥꠝꠣꠞ ꠒꠣꠁꠘ ꠇꠣꠘ꠆ꠖꠣꠔ ꠀꠍꠦ ꠌꠤꠞꠇꠣꠟꠤꠘ ꠡꠥꠈ-ꠡꠣꠘ꠆ꠔꠤ॥
ទើបបានជ្រើសរើសហើយ៖
ꠎꠛꠥꠞ ꠡꠞꠤꠚ 16: sylN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Ahle Kitab Society. All rights reserved.