ꠔꠃꠞꠣꠔ ১: ꠙꠄꠖꠣ ꠘꠣꠝꠣ 28
28
1ꠞꠦꠛꠦꠇꠣꠞ ꠝꠣꠔ ꠢꠥꠘꠤꠀ ꠁꠍꠢꠣꠇꠦ, ꠁꠀꠇꠥꠛꠞꠦ ꠀꠘꠣꠁꠀ ꠖꠥꠀ ꠇꠞꠟꠣ ꠀꠞ ꠅꠃ ꠢꠥꠇꠥꠝ ꠖꠤꠟꠣ, “ꠔꠥꠝꠤ ꠇꠦꠘꠣꠘ ꠖꠦꠡꠞ ꠇꠥꠘꠥ ꠙꠥꠠꠤꠞꠦ ꠛꠤꠀ ꠇꠞꠤꠅ ꠘꠣ। 2ꠔꠥꠝꠤ ꠙꠖ꠆ꠖꠘ-ꠁꠞꠣꠝ ꠖꠦꠡꠅ ꠔꠥꠝꠣꠞ ꠘꠣꠘꠣ ꠛꠕꠥꠄꠟꠞ ꠛꠣꠠꠤꠔ ꠎꠣꠅꠉꠤ, ꠢꠘꠅ ꠔꠥꠝꠣꠞ ꠝꠣꠝꠥ ꠟꠣꠛꠘꠞ ꠇꠥꠘꠥ ꠙꠥꠠꠤꠞꠦ ꠛꠤꠀ ꠇꠞꠤꠅ। 3ꠡꠞ꠆ꠛ-ꠡꠇ꠆ꠔꠤꠝꠣꠘ ꠀꠟ꠆ꠟꠣꠄ ꠔꠥꠝꠣꠞꠦ ꠛꠞꠇꠔ ꠘꠣꠎꠤꠟ ꠇꠞꠃꠇ꠆ꠇꠣ ꠀꠞ ꠚꠟꠖꠣꠞ ꠇꠞꠤꠀ ꠛꠃꠔ ꠛꠣꠠꠣꠃꠇ꠆ꠇꠣ, ꠎꠣꠔꠦ ꠇꠞꠤ ꠔꠥꠝꠤ ꠛꠃꠔ ꠉꠥꠡ꠆ꠐꠤꠀꠟꠣ ꠎꠣꠔꠤ ꠅꠅ। 4ꠎꠦ ꠛꠞꠇꠔ ꠔꠣꠁꠘ ꠁꠛ꠆ꠞꠣꠢꠤꠝꠞꠦ ꠘꠣꠎꠤꠟ ꠇꠞꠍꠟꠣ, ꠢꠃ ꠛꠞꠇꠔ ꠔꠣꠁꠘ ꠔꠥꠝꠣꠞꠦ ꠀꠞ ꠔꠥꠝꠣꠞ ꠛꠋꠡꠞꠦ ꠖꠣꠘ ꠇꠞꠃꠇ꠆ꠇꠣ। ꠀꠞ ꠎꠦ ꠖꠦꠡ ꠀꠟ꠆ꠟꠣꠄ ꠁꠛ꠆ꠞꠣꠢꠤꠝꠞꠦ ꠖꠤꠍꠂꠘ, ꠎꠦꠈꠣꠘꠅ ꠔꠥꠝꠤ ꠅꠈꠘ ꠝꠥꠍꠣꠚꠤꠞ ꠀꠍ, ꠁ ꠖꠦꠡꠈꠣꠘ ꠎꠣꠘꠥ ꠔꠥꠝꠣꠞ ꠅꠄ।” 5ꠛꠣꠖꠦ ꠁꠍꠢꠣꠇꠦ ꠁꠀꠇꠥꠛꠞꠦ ꠛꠤꠖꠣꠄ ꠖꠤꠟꠣ, ꠀꠞ ꠔꠣꠁꠘ ꠙꠖ꠆ꠖꠘ-ꠁꠞꠣꠝꠅ ꠅꠞꠣꠝꠤ ꠛꠕꠥꠄꠟꠞ ꠙꠥꠀ ꠟꠣꠛꠘꠞ ꠉꠦꠍꠦ ꠞꠅꠀꠘꠣ ꠅꠁꠟꠣ। ꠟꠣꠛꠘ ꠅꠁꠟꠣ ꠞꠦꠛꠦꠇꠣꠞ ꠜꠣꠁ, ꠁꠀꠇꠥꠛ ꠀꠞ ꠁꠡʼꠞ ꠝꠣꠝꠥ।
ꠢꠎꠞꠔ ꠁꠍꠝꠣꠁꠟ (ꠀ꠩) ꠅꠞ ꠙꠥꠠꠤꠞ ꠟꠉꠦ ꠡꠦꠈ ꠁꠡʼꠞ ꠛꠤꠀ
6ꠁꠡꠦ ꠎꠦꠛꠟꠣ ꠢꠥꠘꠟꠣ, ꠁꠍꠢꠣꠇꠦ ꠁꠀꠇꠥꠛꠞꠦ ꠖꠥꠀ ꠇꠞꠤꠀ ꠛꠤꠀ ꠇꠞꠣꠘꠤꠞ ꠘꠤꠅꠔꠦ ꠙꠖ꠆ꠖꠘ-ꠁꠞꠣꠝꠅ ꠙꠣꠑꠣꠁꠍꠂꠘ ꠀꠞ ꠇꠦꠘꠣꠘꠤ ꠙꠥꠠꠤꠘ꠆ꠔꠞꠦ ꠛꠤꠀ ꠇꠞꠔꠦ ꠘꠤꠡꠦꠗ ꠇꠞꠍꠂꠘ, 7ꠀꠞ ꠁꠀꠇꠥꠛꠦ ꠔꠣꠘ ꠝꠣ-ꠛꠣꠚꠞ ꠢꠥꠇꠥꠝꠦ ꠙꠖ꠆ꠖꠘ-ꠁꠞꠣꠝꠅ ꠉꠦꠍꠂꠘꠉꠤ, 8ꠅꠃ ꠁꠡꠦ ꠛꠥꠎꠟꠣ ꠎꠦꠘ, ꠔꠣꠘ ꠛꠣꠚ ꠁꠍꠢꠣꠇ ꠇꠦꠘꠣꠘꠤ ꠛꠦꠐꠤꠘ꠆ꠔꠞ ꠃꠙꠞꠦ ꠈꠥꠡꠤ ꠘꠣꠄ। 9ꠄꠞꠟꠣꠉꠤ ꠖꠥꠁ ꠛꠃ ꠕꠣꠇꠟꠦꠅ ꠔꠣꠁꠘ ꠁꠛ꠆ꠞꠣꠢꠤꠝꠞ ꠙꠥꠀ ꠁꠍꠝꠣꠁꠟꠞ ꠉꠦꠍꠦ ꠉꠤꠀ ꠔꠣꠘ ꠙꠥꠠꠤ ꠝꠢꠟꠔꠞꠦ ꠛꠤꠀ ꠇꠞꠟꠣ। ꠝꠢꠟꠔ ꠅꠁꠟꠣ ꠘꠣꠛꠣꠃꠔꠞ ꠛꠁꠘ।
ꠛꠦꠕꠦꠟꠅ ꠢꠎꠞꠔ ꠁꠀꠇꠥꠛ (ꠀ꠩) ꠅꠞ ꠈꠥꠀꠛ
10ꠀꠞ ꠁꠀꠇꠥꠛꠦ ꠛꠦꠞ-ꠡꠦꠛꠣ ꠍꠣꠠꠤꠀ ꠔꠣꠘ ꠝꠣꠝꠥꠞ ꠛꠣꠠꠤ ꠢꠣꠞꠣꠘ ꠐꠣꠃꠘꠞ ꠛꠣꠄ ꠞꠅꠀꠘꠣ ꠖꠤꠟꠣ। 11ꠙꠕꠅ ꠄꠇ ꠎꠣꠉꠣꠔ ꠡꠥꠞꠥꠎ ꠒꠥꠛꠤ ꠉꠦꠟꠦ ꠔꠣꠁꠘ ꠢꠘꠅꠃ ꠞꠣꠁꠔ ꠇꠣꠐꠣꠁꠟꠣ। ꠢꠘꠞ ꠙꠣꠔ꠆ꠔꠞꠖꠤ ꠢꠤꠔꠣꠘ ꠖꠤꠀ ꠁꠀꠇꠥꠛꠦ ꠊꠥꠝꠣꠁꠔꠣ ꠇꠞꠤ ꠢꠥꠔꠤꠟꠣ। 12ꠢꠥꠔꠤꠀ ꠢꠣꠞꠟꠦ ꠈꠥꠀꠛꠦ ꠖꠦꠈꠟꠣ, ꠖꠥꠘꠤꠀꠁꠞ ꠃꠙꠞꠦ ꠄꠇꠈꠣꠘ ꠝꠁ ꠃꠛꠣꠁ ꠞꠁꠍꠦ, ꠁ ꠝꠁꠞ ꠝꠣꠕꠣ ꠀꠍꠝꠣꠘꠅ ꠟꠣꠉꠣꠁꠟ। ꠔꠣꠁꠘ ꠖꠦꠈꠟꠣ ꠀꠟ꠆ꠟꠣꠞ ꠚꠤꠞꠤꠡ꠆ꠔꠣ ꠅꠇꠟꠦ ꠅꠉꠥꠛꠣꠄ ꠃꠑꠣ-ꠘꠣꠝꠣ ꠇꠞꠞꠣ, 13ꠀꠞ ꠝꠣꠛꠥꠖꠦ ꠄꠞ ꠃꠙꠞꠦ ꠃꠛꠣꠁꠀ ꠇꠁꠞꠣ, “ꠀꠝꠤ ꠝꠣꠛꠥꠖ, ꠔꠥꠝꠣꠞ ꠛꠣꠚ-ꠖꠣꠖꠣꠁꠘ ꠁꠛ꠆ꠞꠣꠢꠤꠝꠞ ꠀꠟ꠆ꠟꠣ ꠀꠞ ꠁꠍꠢꠣꠇꠞ ꠀꠟ꠆ꠟꠣ। ꠔꠥꠝꠤ ꠅꠃ ꠎꠦ ꠎꠝꠤꠘꠅ ꠢꠥꠔꠤꠍ, ꠁꠐꠣ ꠀꠝꠤ ꠔꠥꠝꠣꠞꠦ ꠀꠞ ꠔꠥꠝꠣꠞ ꠅꠀꠞꠤꠡ ꠅꠇꠟꠞꠦ ꠖꠤꠝꠥ। 14ꠔꠥꠝꠣꠞ ꠅꠀꠞꠤꠡ ꠅꠇꠟ ꠖꠥꠘꠤꠀꠁꠞ ꠗꠥꠁꠟ-ꠛꠣꠟꠥꠞ ꠟꠣꠈꠣꠘ ꠛꠦꠢꠤꠡꠣꠛ ꠅꠁꠛꠣ। ꠀꠞ ꠙꠥꠛꠦ-ꠙꠁꠌꠝꠦ, ꠃꠔꠞꠦ-ꠖꠃꠇꠘꠦ ꠌꠣꠁꠞꠅꠛꠣꠄ ꠝꠦꠟꠤꠎꠤꠛꠣ। ꠔꠥꠝꠤ ꠀꠞ ꠔꠥꠝꠣꠞ ꠛꠋꠡꠞ ꠝꠣꠎꠦꠖꠤ ꠖꠥꠘꠤꠀꠁꠞ ꠢꠇ꠆ꠇꠟ ꠎꠣꠔꠤꠄ ꠛꠞꠇꠔ ꠢꠣꠍꠤꠟ ꠇꠞꠛꠣ। 15ꠀꠝꠤ ꠔꠥꠝꠣꠞ ꠟꠉꠦ ꠟꠉꠦ ꠀꠍꠤ, ꠔꠥꠝꠤ ꠎꠦꠘꠅꠃ ꠎꠣꠅ ꠘꠣ ꠇꠦꠘꠦ ꠀꠝꠤ ꠔꠥꠝꠣꠞꠦ ꠢꠦꠚꠣꠎꠔ ꠇꠞꠝꠥ ꠀꠞ ꠅꠃ ꠖꠦꠡꠅ ꠢꠤꠞꠛꠣꠞ ꠔꠥꠝꠣꠞꠦ ꠚꠤꠞꠣꠁꠀ ꠀꠘꠝꠥ। ꠀꠝꠤ ꠔꠥꠝꠣꠞꠦ ꠎꠦꠔꠣ ꠎꠦꠔꠣ ꠇꠁꠍꠤ ꠁꠔꠣ ꠢꠣꠍꠤꠟ ꠅꠀꠞ ꠀꠉꠦ, ꠔꠥꠝꠣꠞꠦ ꠍꠣꠠꠔꠣꠝ ꠘꠣꠄ।” 16ꠛꠣꠖꠦ ꠁꠀꠇꠥꠛꠦ ꠊꠥꠝ ꠕꠣꠇꠤ ꠃꠑꠤꠀ ꠇꠁꠟꠣ, “ꠔꠣꠁꠟꠦ ꠢꠣꠍꠣꠃ ꠝꠣꠛꠥꠖ ꠁꠘꠅ ꠀꠍꠂꠘ, ꠀꠝꠤ ꠔ ꠎꠣꠘꠔꠣꠝ ꠘꠣ।” 17ꠅꠃ ꠔꠣꠁꠘ ꠒꠞꠣꠁꠀ ꠇꠁꠟꠣ, “ꠇꠤꠎꠣꠔ ꠉꠞꠝ ꠁ ꠎꠣꠉꠣ! ꠁꠈꠣꠘ ꠘꠤꠌ꠆ꠌꠄ ꠀꠟ꠆ꠟꠣꠞ ꠊꠞ, ꠅꠈꠣꠘꠅꠃ ꠛꠦꠢꠦꠡ꠆ꠔꠞ ꠖꠥꠀꠞ।”
18ꠔꠣꠁꠘ ꠚꠎꠞꠞ ꠡꠝꠄ ꠃꠑꠤꠀ, ꠎꠦ ꠙꠣꠔ꠆ꠔꠞꠐꠣ ꠔꠣꠘ ꠝꠣꠕꠣꠞ ꠔꠟꠦ ꠢꠤꠔꠣꠘ ꠖꠤꠍꠟꠣ, ꠁꠇꠐꠣ ꠈꠥꠐꠤꠞ ꠝꠔ ꠇꠞꠤ ꠉꠣꠠꠤꠀ ꠄꠞ ꠃꠙꠞꠦ ꠔꠦꠟ ꠓꠣꠟꠤꠟꠣ। 19ꠀꠞ ꠢꠤ ꠎꠣꠉꠣꠞ ꠘꠣꠝ ꠞꠣꠈꠟꠣ ꠛꠦꠕꠦꠟ [ꠝꠣꠘꠤ, ꠛꠣꠄꠔꠥꠟ꠆ꠟꠣ], ꠁꠘꠞ ꠀꠉꠞ ꠘꠣꠝ ꠀꠍꠤꠟ ꠟꠥꠎ। 20ꠛꠣꠖꠦ ꠁꠀꠇꠥꠛꠦ ꠇꠍꠝ ꠈꠣꠁꠀ ꠇꠁꠟꠣ, “ꠀꠟ꠆ꠟꠣꠄ ꠎꠥꠖꠤ ꠀꠝꠣꠞ ꠁ ꠍꠚꠞꠅ ꠢꠦꠚꠣꠎꠔ ꠇꠞꠂꠘ, ꠔꠣꠁꠘ ꠀꠝꠣꠞ ꠈꠣꠘꠤ-ꠈꠥꠞꠣꠇ, ꠚꠤꠘ꠆ꠖꠣꠞ ꠟꠦꠛꠣꠍ ꠎꠥꠉꠣꠁ ꠖꠦꠁꠘ, 21ꠀꠝꠤ ꠢꠤꠞꠛꠣꠞ ꠍꠢꠤ-ꠍꠣꠟꠣꠝꠔꠦ ꠛꠣꠚꠞ ꠛꠣꠠꠤꠔ ꠚꠤꠞꠤꠀ ꠀꠁ, ꠔꠦ ꠅꠃ ꠝꠣꠛꠥꠖꠞꠦꠃ ꠀꠝꠣꠞ ꠀꠟ꠆ꠟꠣ ꠝꠣꠘꠝꠥ। 22ꠀꠞ ꠅꠃ ꠎꠦ ꠙꠣꠔ꠆ꠔꠞ ꠀꠝꠤ ꠈꠥꠐꠤ ꠉꠣꠠꠤꠀ ꠕꠁꠟꠣꠝ, ꠅꠘꠅ ꠛꠣꠄꠔꠥꠟ꠆ꠟꠣ ꠡꠞꠤꠚ ꠅꠁꠛ। ꠀꠞ ꠔꠥꠝꠤ ꠀꠝꠣꠞꠦ ꠎꠔꠔꠣ ꠖꠤꠛꠣꠄ, ꠄꠞ ꠖꠡ ꠛꠣꠐꠞ ꠄꠇ ꠛꠣꠐ ꠀꠝꠤ ꠘꠤꠌ꠆ꠌꠄ ꠔꠥꠝꠣꠞꠦ ꠖꠤꠟꠣꠁꠝꠥ।”
ទើបបានជ្រើសរើសហើយ៖
ꠔꠃꠞꠣꠔ ১: ꠙꠄꠖꠣ ꠘꠣꠝꠣ 28: sylN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Ahle Kitab Society. All rights reserved.
ꠔꠃꠞꠣꠔ ১: ꠙꠄꠖꠣ ꠘꠣꠝꠣ 28
28
1ꠞꠦꠛꠦꠇꠣꠞ ꠝꠣꠔ ꠢꠥꠘꠤꠀ ꠁꠍꠢꠣꠇꠦ, ꠁꠀꠇꠥꠛꠞꠦ ꠀꠘꠣꠁꠀ ꠖꠥꠀ ꠇꠞꠟꠣ ꠀꠞ ꠅꠃ ꠢꠥꠇꠥꠝ ꠖꠤꠟꠣ, “ꠔꠥꠝꠤ ꠇꠦꠘꠣꠘ ꠖꠦꠡꠞ ꠇꠥꠘꠥ ꠙꠥꠠꠤꠞꠦ ꠛꠤꠀ ꠇꠞꠤꠅ ꠘꠣ। 2ꠔꠥꠝꠤ ꠙꠖ꠆ꠖꠘ-ꠁꠞꠣꠝ ꠖꠦꠡꠅ ꠔꠥꠝꠣꠞ ꠘꠣꠘꠣ ꠛꠕꠥꠄꠟꠞ ꠛꠣꠠꠤꠔ ꠎꠣꠅꠉꠤ, ꠢꠘꠅ ꠔꠥꠝꠣꠞ ꠝꠣꠝꠥ ꠟꠣꠛꠘꠞ ꠇꠥꠘꠥ ꠙꠥꠠꠤꠞꠦ ꠛꠤꠀ ꠇꠞꠤꠅ। 3ꠡꠞ꠆ꠛ-ꠡꠇ꠆ꠔꠤꠝꠣꠘ ꠀꠟ꠆ꠟꠣꠄ ꠔꠥꠝꠣꠞꠦ ꠛꠞꠇꠔ ꠘꠣꠎꠤꠟ ꠇꠞꠃꠇ꠆ꠇꠣ ꠀꠞ ꠚꠟꠖꠣꠞ ꠇꠞꠤꠀ ꠛꠃꠔ ꠛꠣꠠꠣꠃꠇ꠆ꠇꠣ, ꠎꠣꠔꠦ ꠇꠞꠤ ꠔꠥꠝꠤ ꠛꠃꠔ ꠉꠥꠡ꠆ꠐꠤꠀꠟꠣ ꠎꠣꠔꠤ ꠅꠅ। 4ꠎꠦ ꠛꠞꠇꠔ ꠔꠣꠁꠘ ꠁꠛ꠆ꠞꠣꠢꠤꠝꠞꠦ ꠘꠣꠎꠤꠟ ꠇꠞꠍꠟꠣ, ꠢꠃ ꠛꠞꠇꠔ ꠔꠣꠁꠘ ꠔꠥꠝꠣꠞꠦ ꠀꠞ ꠔꠥꠝꠣꠞ ꠛꠋꠡꠞꠦ ꠖꠣꠘ ꠇꠞꠃꠇ꠆ꠇꠣ। ꠀꠞ ꠎꠦ ꠖꠦꠡ ꠀꠟ꠆ꠟꠣꠄ ꠁꠛ꠆ꠞꠣꠢꠤꠝꠞꠦ ꠖꠤꠍꠂꠘ, ꠎꠦꠈꠣꠘꠅ ꠔꠥꠝꠤ ꠅꠈꠘ ꠝꠥꠍꠣꠚꠤꠞ ꠀꠍ, ꠁ ꠖꠦꠡꠈꠣꠘ ꠎꠣꠘꠥ ꠔꠥꠝꠣꠞ ꠅꠄ।” 5ꠛꠣꠖꠦ ꠁꠍꠢꠣꠇꠦ ꠁꠀꠇꠥꠛꠞꠦ ꠛꠤꠖꠣꠄ ꠖꠤꠟꠣ, ꠀꠞ ꠔꠣꠁꠘ ꠙꠖ꠆ꠖꠘ-ꠁꠞꠣꠝꠅ ꠅꠞꠣꠝꠤ ꠛꠕꠥꠄꠟꠞ ꠙꠥꠀ ꠟꠣꠛꠘꠞ ꠉꠦꠍꠦ ꠞꠅꠀꠘꠣ ꠅꠁꠟꠣ। ꠟꠣꠛꠘ ꠅꠁꠟꠣ ꠞꠦꠛꠦꠇꠣꠞ ꠜꠣꠁ, ꠁꠀꠇꠥꠛ ꠀꠞ ꠁꠡʼꠞ ꠝꠣꠝꠥ।
ꠢꠎꠞꠔ ꠁꠍꠝꠣꠁꠟ (ꠀ꠩) ꠅꠞ ꠙꠥꠠꠤꠞ ꠟꠉꠦ ꠡꠦꠈ ꠁꠡʼꠞ ꠛꠤꠀ
6ꠁꠡꠦ ꠎꠦꠛꠟꠣ ꠢꠥꠘꠟꠣ, ꠁꠍꠢꠣꠇꠦ ꠁꠀꠇꠥꠛꠞꠦ ꠖꠥꠀ ꠇꠞꠤꠀ ꠛꠤꠀ ꠇꠞꠣꠘꠤꠞ ꠘꠤꠅꠔꠦ ꠙꠖ꠆ꠖꠘ-ꠁꠞꠣꠝꠅ ꠙꠣꠑꠣꠁꠍꠂꠘ ꠀꠞ ꠇꠦꠘꠣꠘꠤ ꠙꠥꠠꠤꠘ꠆ꠔꠞꠦ ꠛꠤꠀ ꠇꠞꠔꠦ ꠘꠤꠡꠦꠗ ꠇꠞꠍꠂꠘ, 7ꠀꠞ ꠁꠀꠇꠥꠛꠦ ꠔꠣꠘ ꠝꠣ-ꠛꠣꠚꠞ ꠢꠥꠇꠥꠝꠦ ꠙꠖ꠆ꠖꠘ-ꠁꠞꠣꠝꠅ ꠉꠦꠍꠂꠘꠉꠤ, 8ꠅꠃ ꠁꠡꠦ ꠛꠥꠎꠟꠣ ꠎꠦꠘ, ꠔꠣꠘ ꠛꠣꠚ ꠁꠍꠢꠣꠇ ꠇꠦꠘꠣꠘꠤ ꠛꠦꠐꠤꠘ꠆ꠔꠞ ꠃꠙꠞꠦ ꠈꠥꠡꠤ ꠘꠣꠄ। 9ꠄꠞꠟꠣꠉꠤ ꠖꠥꠁ ꠛꠃ ꠕꠣꠇꠟꠦꠅ ꠔꠣꠁꠘ ꠁꠛ꠆ꠞꠣꠢꠤꠝꠞ ꠙꠥꠀ ꠁꠍꠝꠣꠁꠟꠞ ꠉꠦꠍꠦ ꠉꠤꠀ ꠔꠣꠘ ꠙꠥꠠꠤ ꠝꠢꠟꠔꠞꠦ ꠛꠤꠀ ꠇꠞꠟꠣ। ꠝꠢꠟꠔ ꠅꠁꠟꠣ ꠘꠣꠛꠣꠃꠔꠞ ꠛꠁꠘ।
ꠛꠦꠕꠦꠟꠅ ꠢꠎꠞꠔ ꠁꠀꠇꠥꠛ (ꠀ꠩) ꠅꠞ ꠈꠥꠀꠛ
10ꠀꠞ ꠁꠀꠇꠥꠛꠦ ꠛꠦꠞ-ꠡꠦꠛꠣ ꠍꠣꠠꠤꠀ ꠔꠣꠘ ꠝꠣꠝꠥꠞ ꠛꠣꠠꠤ ꠢꠣꠞꠣꠘ ꠐꠣꠃꠘꠞ ꠛꠣꠄ ꠞꠅꠀꠘꠣ ꠖꠤꠟꠣ। 11ꠙꠕꠅ ꠄꠇ ꠎꠣꠉꠣꠔ ꠡꠥꠞꠥꠎ ꠒꠥꠛꠤ ꠉꠦꠟꠦ ꠔꠣꠁꠘ ꠢꠘꠅꠃ ꠞꠣꠁꠔ ꠇꠣꠐꠣꠁꠟꠣ। ꠢꠘꠞ ꠙꠣꠔ꠆ꠔꠞꠖꠤ ꠢꠤꠔꠣꠘ ꠖꠤꠀ ꠁꠀꠇꠥꠛꠦ ꠊꠥꠝꠣꠁꠔꠣ ꠇꠞꠤ ꠢꠥꠔꠤꠟꠣ। 12ꠢꠥꠔꠤꠀ ꠢꠣꠞꠟꠦ ꠈꠥꠀꠛꠦ ꠖꠦꠈꠟꠣ, ꠖꠥꠘꠤꠀꠁꠞ ꠃꠙꠞꠦ ꠄꠇꠈꠣꠘ ꠝꠁ ꠃꠛꠣꠁ ꠞꠁꠍꠦ, ꠁ ꠝꠁꠞ ꠝꠣꠕꠣ ꠀꠍꠝꠣꠘꠅ ꠟꠣꠉꠣꠁꠟ। ꠔꠣꠁꠘ ꠖꠦꠈꠟꠣ ꠀꠟ꠆ꠟꠣꠞ ꠚꠤꠞꠤꠡ꠆ꠔꠣ ꠅꠇꠟꠦ ꠅꠉꠥꠛꠣꠄ ꠃꠑꠣ-ꠘꠣꠝꠣ ꠇꠞꠞꠣ, 13ꠀꠞ ꠝꠣꠛꠥꠖꠦ ꠄꠞ ꠃꠙꠞꠦ ꠃꠛꠣꠁꠀ ꠇꠁꠞꠣ, “ꠀꠝꠤ ꠝꠣꠛꠥꠖ, ꠔꠥꠝꠣꠞ ꠛꠣꠚ-ꠖꠣꠖꠣꠁꠘ ꠁꠛ꠆ꠞꠣꠢꠤꠝꠞ ꠀꠟ꠆ꠟꠣ ꠀꠞ ꠁꠍꠢꠣꠇꠞ ꠀꠟ꠆ꠟꠣ। ꠔꠥꠝꠤ ꠅꠃ ꠎꠦ ꠎꠝꠤꠘꠅ ꠢꠥꠔꠤꠍ, ꠁꠐꠣ ꠀꠝꠤ ꠔꠥꠝꠣꠞꠦ ꠀꠞ ꠔꠥꠝꠣꠞ ꠅꠀꠞꠤꠡ ꠅꠇꠟꠞꠦ ꠖꠤꠝꠥ। 14ꠔꠥꠝꠣꠞ ꠅꠀꠞꠤꠡ ꠅꠇꠟ ꠖꠥꠘꠤꠀꠁꠞ ꠗꠥꠁꠟ-ꠛꠣꠟꠥꠞ ꠟꠣꠈꠣꠘ ꠛꠦꠢꠤꠡꠣꠛ ꠅꠁꠛꠣ। ꠀꠞ ꠙꠥꠛꠦ-ꠙꠁꠌꠝꠦ, ꠃꠔꠞꠦ-ꠖꠃꠇꠘꠦ ꠌꠣꠁꠞꠅꠛꠣꠄ ꠝꠦꠟꠤꠎꠤꠛꠣ। ꠔꠥꠝꠤ ꠀꠞ ꠔꠥꠝꠣꠞ ꠛꠋꠡꠞ ꠝꠣꠎꠦꠖꠤ ꠖꠥꠘꠤꠀꠁꠞ ꠢꠇ꠆ꠇꠟ ꠎꠣꠔꠤꠄ ꠛꠞꠇꠔ ꠢꠣꠍꠤꠟ ꠇꠞꠛꠣ। 15ꠀꠝꠤ ꠔꠥꠝꠣꠞ ꠟꠉꠦ ꠟꠉꠦ ꠀꠍꠤ, ꠔꠥꠝꠤ ꠎꠦꠘꠅꠃ ꠎꠣꠅ ꠘꠣ ꠇꠦꠘꠦ ꠀꠝꠤ ꠔꠥꠝꠣꠞꠦ ꠢꠦꠚꠣꠎꠔ ꠇꠞꠝꠥ ꠀꠞ ꠅꠃ ꠖꠦꠡꠅ ꠢꠤꠞꠛꠣꠞ ꠔꠥꠝꠣꠞꠦ ꠚꠤꠞꠣꠁꠀ ꠀꠘꠝꠥ। ꠀꠝꠤ ꠔꠥꠝꠣꠞꠦ ꠎꠦꠔꠣ ꠎꠦꠔꠣ ꠇꠁꠍꠤ ꠁꠔꠣ ꠢꠣꠍꠤꠟ ꠅꠀꠞ ꠀꠉꠦ, ꠔꠥꠝꠣꠞꠦ ꠍꠣꠠꠔꠣꠝ ꠘꠣꠄ।” 16ꠛꠣꠖꠦ ꠁꠀꠇꠥꠛꠦ ꠊꠥꠝ ꠕꠣꠇꠤ ꠃꠑꠤꠀ ꠇꠁꠟꠣ, “ꠔꠣꠁꠟꠦ ꠢꠣꠍꠣꠃ ꠝꠣꠛꠥꠖ ꠁꠘꠅ ꠀꠍꠂꠘ, ꠀꠝꠤ ꠔ ꠎꠣꠘꠔꠣꠝ ꠘꠣ।” 17ꠅꠃ ꠔꠣꠁꠘ ꠒꠞꠣꠁꠀ ꠇꠁꠟꠣ, “ꠇꠤꠎꠣꠔ ꠉꠞꠝ ꠁ ꠎꠣꠉꠣ! ꠁꠈꠣꠘ ꠘꠤꠌ꠆ꠌꠄ ꠀꠟ꠆ꠟꠣꠞ ꠊꠞ, ꠅꠈꠣꠘꠅꠃ ꠛꠦꠢꠦꠡ꠆ꠔꠞ ꠖꠥꠀꠞ।”
18ꠔꠣꠁꠘ ꠚꠎꠞꠞ ꠡꠝꠄ ꠃꠑꠤꠀ, ꠎꠦ ꠙꠣꠔ꠆ꠔꠞꠐꠣ ꠔꠣꠘ ꠝꠣꠕꠣꠞ ꠔꠟꠦ ꠢꠤꠔꠣꠘ ꠖꠤꠍꠟꠣ, ꠁꠇꠐꠣ ꠈꠥꠐꠤꠞ ꠝꠔ ꠇꠞꠤ ꠉꠣꠠꠤꠀ ꠄꠞ ꠃꠙꠞꠦ ꠔꠦꠟ ꠓꠣꠟꠤꠟꠣ। 19ꠀꠞ ꠢꠤ ꠎꠣꠉꠣꠞ ꠘꠣꠝ ꠞꠣꠈꠟꠣ ꠛꠦꠕꠦꠟ [ꠝꠣꠘꠤ, ꠛꠣꠄꠔꠥꠟ꠆ꠟꠣ], ꠁꠘꠞ ꠀꠉꠞ ꠘꠣꠝ ꠀꠍꠤꠟ ꠟꠥꠎ। 20ꠛꠣꠖꠦ ꠁꠀꠇꠥꠛꠦ ꠇꠍꠝ ꠈꠣꠁꠀ ꠇꠁꠟꠣ, “ꠀꠟ꠆ꠟꠣꠄ ꠎꠥꠖꠤ ꠀꠝꠣꠞ ꠁ ꠍꠚꠞꠅ ꠢꠦꠚꠣꠎꠔ ꠇꠞꠂꠘ, ꠔꠣꠁꠘ ꠀꠝꠣꠞ ꠈꠣꠘꠤ-ꠈꠥꠞꠣꠇ, ꠚꠤꠘ꠆ꠖꠣꠞ ꠟꠦꠛꠣꠍ ꠎꠥꠉꠣꠁ ꠖꠦꠁꠘ, 21ꠀꠝꠤ ꠢꠤꠞꠛꠣꠞ ꠍꠢꠤ-ꠍꠣꠟꠣꠝꠔꠦ ꠛꠣꠚꠞ ꠛꠣꠠꠤꠔ ꠚꠤꠞꠤꠀ ꠀꠁ, ꠔꠦ ꠅꠃ ꠝꠣꠛꠥꠖꠞꠦꠃ ꠀꠝꠣꠞ ꠀꠟ꠆ꠟꠣ ꠝꠣꠘꠝꠥ। 22ꠀꠞ ꠅꠃ ꠎꠦ ꠙꠣꠔ꠆ꠔꠞ ꠀꠝꠤ ꠈꠥꠐꠤ ꠉꠣꠠꠤꠀ ꠕꠁꠟꠣꠝ, ꠅꠘꠅ ꠛꠣꠄꠔꠥꠟ꠆ꠟꠣ ꠡꠞꠤꠚ ꠅꠁꠛ। ꠀꠞ ꠔꠥꠝꠤ ꠀꠝꠣꠞꠦ ꠎꠔꠔꠣ ꠖꠤꠛꠣꠄ, ꠄꠞ ꠖꠡ ꠛꠣꠐꠞ ꠄꠇ ꠛꠣꠐ ꠀꠝꠤ ꠘꠤꠌ꠆ꠌꠄ ꠔꠥꠝꠣꠞꠦ ꠖꠤꠟꠣꠁꠝꠥ।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Ahle Kitab Society. All rights reserved.