ꠔꠃꠞꠣꠔ ২: ꠢꠤꠎꠞꠔ 38
38
ꠎꠣꠟꠣꠁꠟ ꠇꠥꠞꠛꠣꠘꠤ ꠈꠣꠘꠣ ꠀꠞ ꠅꠎꠥꠞ ꠙꠣꠘꠤꠞ ꠉꠣꠝꠟꠣ ꠛꠣꠘꠣꠁꠟꠣ
1ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠉꠤ ꠛꠣꠛꠟꠣ ꠟꠣꠇꠠꠤꠖꠤ ꠙꠣꠌ ꠀꠔ ꠟꠣꠝ꠆ꠛꠣ, ꠙꠣꠌ ꠀꠔ ꠙꠣꠡ ꠀꠞ ꠔꠤꠘ ꠀꠔ ꠃꠛꠤ ꠖꠤꠀ ꠌꠣꠁꠞꠇꠥꠘꠤ ꠇꠞꠤ ꠄꠇꠈꠣꠘ ꠇꠥꠞꠛꠣꠘꠤ ꠈꠣꠘꠣ ꠛꠣꠘꠣꠁꠟꠣ। 2ꠄꠞ ꠌꠣꠁꠞꠅ ꠇꠥꠘꠣꠞ ꠃꠙꠞꠦ ꠟꠣꠇꠠꠤꠖꠤ ꠌꠣꠁꠞꠐꠣ ꠢꠤꠋ ꠖꠤꠟꠣ। ꠅꠃ ꠢꠤꠋ ꠛꠣꠘꠣꠁꠟꠣ ꠍꠣꠘꠤꠞ ꠃꠙꠞꠞ ꠇꠥꠘꠣꠞ ꠟꠣꠇꠠꠤ ꠈꠥꠖꠤꠀ, ꠄꠞꠟꠣꠉꠤ ꠁ ꠀꠡ꠆ꠔꠣꠈꠣꠘ ꠄꠇ ꠌꠤꠎ ꠅꠁꠟ। ꠛꠣꠖꠦ ꠙꠥꠞꠣ ꠇꠥꠞꠛꠣꠘꠤ ꠈꠣꠘꠣ ꠙꠤꠔꠟꠖꠤ ꠟꠦꠙꠣꠁꠟꠣ। 3ꠇꠥꠞꠛꠣꠘꠤ ꠈꠣꠘꠣꠞ ꠍꠣꠟꠤ ꠔꠥꠟꠣꠞ ꠛꠠ ꠌꠣꠝꠌ ꠀꠞ ꠍꠣꠟꠤ ꠕꠅꠀꠞ ꠉꠣꠝꠟꠣ, ꠟꠃ ꠕꠅꠀꠞ ꠛꠣꠐꠤ, ꠉꠥꠡ꠆ꠔ ꠔꠥꠟꠣꠞ ꠛꠠ ꠇꠣꠐꠣ-ꠍꠤꠚ, ꠀꠋꠞꠣ ꠕꠅꠀꠞ ꠙꠣꠔꠤꠟ, ꠢꠇꠟꠔꠣ ꠙꠤꠔꠟꠖꠤ ꠛꠣꠘꠣꠁꠟꠣ। 4ꠇꠥꠞꠛꠣꠘꠤ ꠈꠣꠘꠣꠞ ꠟꠣꠉꠤ ꠙꠤꠔꠟꠖꠤ ꠄꠇꠈꠣꠘ ꠎꠣꠟꠤ ꠛꠣꠘꠣꠁꠟꠣ, ꠛꠣꠘꠣꠁꠀ ꠁ ꠎꠣꠟꠤꠞꠦ ꠇꠥꠞꠛꠣꠘꠤ ꠈꠣꠘꠣꠞ ꠜꠤꠔꠞꠞ ꠝꠣꠎꠈꠣꠘꠞ ꠌꠣꠁꠞꠅ ꠉꠣꠟꠣꠞ ꠔꠣꠠꠤꠀꠞ ꠔꠟꠦ ꠟꠣꠉꠣꠁꠟꠣ। 5ꠀꠞ ꠛꠦꠘ꠆ꠖꠣ ꠢꠣꠞꠣꠘꠤꠞ ꠟꠣꠉꠤ ꠎꠣꠟꠤꠞ ꠌꠣꠁꠞꠅ ꠇꠥꠘꠣꠔ ꠌꠣꠁꠞꠐꠣ ꠇꠠꠣ ꠟꠣꠉꠣꠁꠟꠣ। 6ꠛꠁꠀ ꠘꠦꠅꠀꠞ ꠛꠦꠘ꠆ꠖꠣ ꠛꠣꠘꠣꠁꠟꠣ ꠛꠣꠛꠟꠣ ꠟꠣꠇꠠꠤꠖꠤ, ꠛꠣꠘꠣꠁꠀ ꠖꠥꠁꠅꠉꠥ ꠙꠤꠔꠟꠖꠤ ꠟꠦꠙꠣꠁꠟꠣ। 7ꠀꠞ ꠇꠥꠞꠛꠣꠘꠤ ꠈꠣꠘꠣꠞꠦ ꠛꠁꠛꠣꠞ ꠟꠣꠉꠤ ꠄꠞ ꠇꠥꠘꠣꠞ ꠇꠠꠣꠞ ꠜꠤꠔꠞꠦ ꠅꠃ ꠛꠦꠘ꠆ꠖꠣ ꠢꠣꠞꠣꠁꠟꠣ। ꠇꠥꠞꠛꠣꠘꠤ ꠈꠣꠘꠣ ꠛꠣꠘꠣꠁꠟꠣ ꠔꠇ꠆ꠔꠣꠖꠤ, ꠀꠞ ꠄꠞ ꠜꠤꠔꠞꠦ ꠚꠣꠇ ꠞꠣꠈꠟꠣ।
8ꠅꠎꠥꠞ ꠙꠣꠘꠤ ꠕꠅꠀꠞ ꠟꠣꠉꠤ ꠙꠤꠔꠟꠞ ꠄꠇ ꠉꠣꠝꠟꠣ ꠛꠣꠘꠣꠁꠟꠣ। ꠄꠛꠣꠖꠔꠤ ꠇꠣꠝꠞ ꠟꠣꠉꠤ ꠎꠦꠔꠣ ꠛꠦꠐꠤꠘ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠇꠣꠍꠣꠔ ꠀꠁꠔꠣ, ꠔꠣꠞꠣꠞ ꠙꠤꠔꠟꠞ ꠀꠄꠘꠣꠖꠤ ꠁ ꠉꠣꠝꠟꠣ ꠀꠞ ꠄꠞ ꠌꠇꠤ-ꠈꠣꠐ ꠔꠂꠀꠞ ꠇꠞꠣ ꠅꠁꠟ।
ꠀꠟ꠆ꠟꠣꠞ ꠊꠞꠞ ꠃꠑꠣꠘ
9ꠛꠣꠔꠍꠦꠟꠟꠦ ꠀꠟ꠆ꠟꠣꠞ ꠊꠞꠞ ꠌꠣꠁꠞꠅ ꠉꠣꠟꠣꠛꠣꠄ ꠃꠑꠣꠘꠞ ꠎꠣꠉꠣ ꠞꠣꠈꠟꠣ। ꠃꠑꠣꠘꠞ ꠖꠇ꠆ꠇꠤꠘ ꠉꠣꠟꠣꠞ ꠄꠇ-ꠡ ꠀꠔ ꠎꠣꠉꠣꠞ ꠟꠣꠉꠤ ꠖꠣꠝꠤ ꠡꠥꠔꠤ ꠇꠣꠙꠠꠖꠤ ꠙꠞ꠆ꠖꠣ ꠛꠣꠘꠣꠁꠟꠣ। 10ꠁ ꠙꠞ꠆ꠖꠣ ꠐꠣꠘꠣꠘꠤꠞ ꠟꠣꠉꠤ ꠛꠤꠡꠉꠥ ꠈꠥꠐꠤ ꠛꠣꠘꠣꠁꠟꠣ। ꠈꠥꠐꠤꠞ ꠔꠟꠣꠔ ꠖꠤꠛꠣꠞ ꠟꠣꠉꠤ ꠙꠤꠔꠟꠞ ꠛꠤꠡꠉꠥ ꠌꠥꠘ꠆ꠉꠤ ꠛꠣꠘꠣꠁꠟꠣ, ꠀꠞ ꠙꠞ꠆ꠖꠣ ꠐꠣꠘꠣꠘꠤꠞ ꠟꠣꠉꠤ ꠞꠥꠙꠣꠞ ꠇꠠꠣ ꠀꠞ ꠛꠣꠘ꠆ꠖꠤꠛꠣꠞ ꠔꠣꠞ ꠛꠣꠘꠣꠁꠟꠣ। 11ꠃꠑꠣꠘꠞ ꠃꠔ꠆ꠔꠞ ꠉꠣꠟꠣꠞ ꠄꠇ-ꠡ ꠀꠔ ꠎꠣꠉꠣꠞ ꠟꠣꠉꠤ ꠛꠤꠡꠉꠥ ꠈꠥꠐꠤ, ꠈꠥꠐꠤꠞ ꠔꠟꠦ ꠖꠤꠛꠣꠞ ꠟꠣꠉꠤ ꠙꠤꠔꠟꠞ ꠛꠤꠡꠉꠥ ꠌꠥꠘ꠆ꠉꠤ, ꠀꠞ ꠙꠞ꠆ꠖꠣ ꠐꠣꠘꠣꠘꠤꠞ ꠟꠣꠉꠤ ꠞꠥꠙꠣꠞ ꠇꠠꠣ ꠀꠞ ꠛꠣꠘ꠆ꠖꠤꠛꠣꠞ ꠔꠣꠞ ꠛꠣꠘꠣꠁꠟꠣ। 12ꠙꠌꠤꠝ ꠉꠣꠟꠣꠞ ꠙꠁꠘ꠆ꠌꠣꠡ ꠀꠔ ꠃꠑꠣꠘꠞ ꠟꠣꠉꠤ ꠙꠞ꠆ꠖꠣ, ꠖꠡꠉꠥ ꠈꠥꠐꠤ, ꠖꠡꠉꠥ ꠌꠥꠘ꠆ꠉꠤ, ꠙꠞ꠆ꠖꠣ ꠐꠣꠘꠣꠘꠤꠞ ꠟꠣꠉꠤ ꠞꠥꠙꠣꠞ ꠇꠠꠣ ꠀꠞ ꠛꠣꠘ꠆ꠖꠤꠛꠣꠞ ꠔꠣꠞ ꠛꠣꠘꠣꠁꠟꠣ। 13ꠙꠥꠛ ꠉꠣꠟꠣꠞ ꠃꠑꠣꠘꠅ ꠙꠁꠘ꠆ꠌꠣꠡ ꠀꠔ ꠀꠍꠤꠟ। 14ꠃꠑꠣꠘꠞ ꠉꠦꠁꠐꠞ ꠄꠇ ꠉꠣꠟꠣꠞ ꠟꠣꠉꠤ ꠙꠘꠞ ꠀꠔ ꠟꠣꠝ꠆ꠛꠣ ꠙꠞ꠆ꠖꠣ, ꠔꠤꠘꠐꠣ ꠈꠥꠐꠤ, ꠈꠥꠐꠤꠞ ꠔꠟꠞ ꠔꠤꠘꠉꠥ ꠌꠥꠘ꠆ꠉꠤ, 15ꠀꠞ ꠖꠥꠍꠞꠣ ꠉꠣꠟꠣꠔꠅ ꠅꠃ ꠟꠣꠈꠣꠘ ꠇꠞꠤ ꠔꠤꠘꠐꠣ ꠈꠥꠐꠤ, ꠔꠤꠘꠐꠣ ꠌꠥꠘ꠆ꠉꠤ ꠀꠞ ꠙꠘꠞ ꠀꠔ ꠙꠞ꠆ꠖꠣ ꠛꠣꠘꠣꠁꠟ ꠅꠁꠟ। 16ꠃꠑꠣꠘꠞ ꠌꠣꠁꠞꠅ ꠉꠣꠟꠣꠞ ꠢꠇ꠆ꠇꠟ ꠙꠞ꠆ꠖꠣꠁꠘ ꠖꠣꠝꠤ ꠡꠥꠔꠤ ꠇꠣꠙꠠꠖꠤ ꠛꠣꠘꠣꠁꠟ ꠅꠁꠟ। 17ꠈꠥꠐꠤꠞ ꠔꠟꠞ ꠢꠇ꠆ꠇꠟ ꠌꠥꠘ꠆ꠉꠤ ꠙꠤꠔꠟꠞ, ꠙꠞ꠆ꠖꠣ ꠐꠣꠘꠣꠘꠤꠞ ꠇꠠꠣ ꠀꠞ ꠛꠣꠘ꠆ꠖꠤꠛꠣꠞ ꠔꠣꠞ ꠅꠁꠟ ꠞꠥꠙꠣꠞ, ꠈꠥꠐꠤꠞ ꠝꠣꠕꠣꠅ ꠞꠥꠙꠣꠖꠤ ꠙꠦꠌꠣꠁꠟ ꠅꠁꠟ। ꠃꠑꠣꠘꠞ ꠌꠣꠁꠞꠅ ꠉꠣꠟꠣꠞ ꠢꠇ꠆ꠇꠟ ꠈꠥꠐꠤꠔ ꠞꠥꠙꠣꠞ ꠔꠣꠞꠖꠤ ꠛꠣꠘ꠆ꠖꠣ ꠅꠁꠟ। 18ꠃꠑꠣꠘꠞ ꠉꠦꠁꠐꠞ ꠟꠣꠉꠤ ꠖꠣꠝꠤ ꠡꠥꠔꠤ ꠇꠣꠙꠠꠖꠤ ꠄꠇꠈꠣꠘ ꠙꠞ꠆ꠖꠣ ꠛꠣꠘꠣꠁꠟ ꠅꠁꠟ। ꠛꠣꠖꠦ ꠟꠤꠟꠥꠀ, ꠛꠣꠁꠋꠉꠘꠤ, ꠟꠣꠟ ꠡꠥꠔꠣꠖꠤ ꠘꠇꠡꠣ ꠇꠞꠣ ꠅꠁꠟ। ꠙꠞ꠆ꠖꠣ ꠈꠣꠘ ꠛꠤꠡ ꠀꠔ ꠟꠣꠝ꠆ꠛꠣ, ꠀꠞ ꠃꠑꠣꠘꠞ ꠛꠣꠇꠤ ꠙꠞ꠆ꠖꠣꠞ ꠟꠣꠈꠣꠘ ꠁꠐꠣꠅ ꠙꠣꠌ ꠀꠔ ꠃꠌꠣ ꠖꠦꠅꠀ ꠅꠁꠟ। 19ꠄꠞ ꠌꠣꠁꠞꠅ ꠈꠥꠐꠤ ꠀꠞ ꠌꠥꠘ꠆ꠉꠤ ꠙꠤꠔꠟꠞ, ꠈꠥꠐꠤꠞ ꠇꠠꠣ ꠀꠞ ꠛꠣꠘ꠆ꠖꠣꠞ ꠔꠣꠞ ꠞꠥꠙꠣꠞ, ꠈꠥꠐꠤꠞ ꠝꠣꠕꠣꠅ ꠞꠥꠙꠣꠖꠤ ꠙꠦꠌꠣꠁ ꠖꠦꠅꠀ ꠅꠁꠟ। 20ꠀꠟ꠆ꠟꠣꠞ ꠊꠞ ꠀꠞ ꠃꠑꠣꠘꠞ ꠌꠣꠁꠞꠅ ꠉꠣꠟꠣꠞ ꠈꠥꠐꠤꠞ ꠙꠦꠞꠦꠉ ꠅꠇꠟ ꠙꠤꠔꠟꠖꠤ ꠛꠣꠘꠣꠁꠟ।
ꠀꠟ꠆ꠟꠣꠞ ꠊꠞꠞ ꠝꠣꠟ-ꠍꠣꠝꠣꠘꠣꠞ ꠢꠤꠡꠣꠛ
21ꠀꠟ꠆ꠟꠣꠞ ꠊꠞ ꠝꠣꠘꠤ ꠅꠃ ꠡꠣꠢꠣꠖꠔ ꠔꠣꠝ꠆ꠛꠥ ꠛꠣꠘꠣꠁꠔꠦ ꠎꠦꠔꠣ ꠝꠣꠟ-ꠍꠣꠝꠣꠘꠣ ꠟꠣꠉꠍꠤꠟ, ꠁꠝꠣꠝ ꠢꠣꠞꠥꠘꠞ ꠙꠥꠀ ꠁꠍꠣꠝꠣꠞꠞ ꠎꠤꠝ꠆ꠝꠣꠄ ꠟꠦꠛꠤ ꠈꠣꠘ꠆ꠖꠣꠘꠞ ꠝꠣꠘꠡꠦ ꠁꠔꠣꠞ ꠢꠤꠡꠣꠛ ꠞꠣꠈꠟꠣ। ꠝꠥꠍꠣ ꠘꠛꠤꠄ ꠅꠃ ꠢꠤꠡꠣꠛ ꠞꠣꠈꠣꠞ ꠢꠥꠇꠥꠝ ꠖꠤꠍꠟꠣ। 22ꠝꠣꠛꠥꠖꠦ ꠝꠥꠍꠣꠞꠦ ꠎꠦꠟꠣꠈꠣꠘ ꠢꠥꠇꠥꠝ ꠖꠤꠍꠟꠣ, ꠁ ꠢꠥꠇꠥꠝ ꠝꠣꠚꠤꠇ ꠄꠢꠥꠖꠣ ꠉꠥꠡ꠆ꠐꠤꠞ ꠃꠞꠤꠞ ꠙꠥꠀ ꠛꠣꠔꠍꠦꠟꠟꠦ ꠁꠔꠣ ꠢꠇ꠆ꠇꠟꠔꠣ ꠛꠣꠘꠣꠁꠟꠣ, ꠔꠣꠁꠘ ꠀꠍꠟꠣ ꠢꠥꠞꠞ ꠘꠣꠔꠤ। 23ꠖꠣꠘ ꠉꠥꠡ꠆ꠐꠤꠞ ꠅꠢꠤꠍꠣꠝꠣꠇꠞ ꠙꠥꠀ ꠀꠢꠟꠤꠀꠛꠦ ꠛꠣꠔꠍꠦꠟꠟꠞꠦ ꠡꠣꠁꠎ꠆ꠎ ꠇꠞꠟꠣ। ꠢꠇꠟ ꠎꠣꠔꠞ ꠀꠔꠞ ꠇꠣꠝ ꠀꠞ ꠘꠇꠡꠣ ꠛꠣꠘꠣꠘꠤꠞ ꠇꠣꠝꠅ ꠔꠣꠁꠘ ꠃꠡ꠆ꠔꠣꠖ ꠀꠍꠟꠣ। ꠖꠣꠝꠤ ꠡꠥꠔꠤ ꠇꠣꠙꠠꠞ ꠝꠣꠎꠦ ꠟꠤꠟꠥꠀ, ꠛꠣꠁꠋꠉꠘꠤ, ꠟꠣꠟ ꠡꠥꠔꠣꠖꠤ ꠘꠇꠡꠣ ꠇꠞꠣꠞ ꠇꠣꠝꠅ-ꠅ ꠔꠣꠁꠘ ꠃꠡ꠆ꠔꠣꠖ ꠀꠍꠟꠣ।
24ꠖꠥꠟꠘꠣ ꠇꠥꠞꠛꠣꠘꠤ ꠕꠣꠇꠤ ꠙꠣꠅꠀ ꠃꠘꠔꠤꠡ ꠝꠘ ꠡꠣꠔ-ꠡ ꠔꠤꠡ ꠔꠟꠣ ꠡꠥꠘꠣ ꠅꠃ ꠄꠛꠣꠖꠔ ꠈꠣꠘꠣ ꠛꠣꠘꠣꠁꠔꠦ ꠟꠣꠉꠍꠦ। ꠁ ꠝꠣꠙ ꠅꠁꠟ ꠄꠛꠣꠖꠔ ꠈꠣꠘꠣꠞ ꠔꠟꠣꠞ ꠝꠣꠙꠦ।
25ꠛꠘꠤ ꠁꠍꠞꠣꠁꠟꠞ ꠝꠣꠘꠥꠡ ꠉꠘꠤꠛꠣꠞ ꠛꠣꠟꠣ ꠎꠦꠞꠣꠞꠦ ꠉꠘꠣ ꠅꠁꠍꠤꠟ, ꠔꠣꠞꠣꠞ ꠉꠦꠍ ꠕꠣꠇꠤ ꠄꠇ-ꠡ ꠝꠘ ꠄꠇ ꠀꠎꠣꠞ ꠡꠣꠔ-ꠡ ꠙꠌꠔ꠆ꠔꠁꠞ ꠔꠟꠣ ꠞꠥꠙꠣ ꠙꠣꠅꠀ ꠉꠦꠍꠤꠟ, ꠁ ꠝꠣꠙ ꠅꠁꠟ ꠄꠛꠣꠖꠔ ꠈꠣꠘꠣꠞ ꠝꠣꠙꠦ। 26ꠉꠘꠣ ꠅꠁꠍꠦ ꠅꠃꠟꠣ ꠝꠣꠘꠥꠡ, ꠝꠣꠘꠤ ꠛꠤꠡ ꠛꠞꠍ ꠛꠣ ꠄꠞ ꠌꠣꠁꠔꠦ ꠛꠦꠡꠤ ꠛꠄꠅꠡ ꠀꠟꠣ, ꠢꠃ ꠍꠄ ꠟꠣꠈ ꠔꠤꠘ ꠀꠎꠣꠞ ꠡꠣꠠꠦ ꠙꠣꠌ-ꠡ ꠝꠣꠘꠡꠦ ꠄꠛꠣꠖꠔ ꠈꠣꠘꠣꠞ ꠝꠣꠙꠦ ꠝꠣꠕꠣ ꠙꠤꠍꠥ ꠀꠗꠣ ꠔꠟꠣ ꠇꠞꠤ ꠞꠥꠙꠣ ꠖꠤꠍꠤꠟ। 27ꠁ ꠞꠥꠙꠣ ꠕꠣꠇꠤ ꠄꠇ-ꠡ ꠝꠘ ꠞꠥꠙꠣ ꠖꠤꠀ ꠄꠛꠣꠖꠔ ꠈꠣꠘꠣ ꠀꠞ ꠙꠞ꠆ꠖꠣꠞ ꠈꠥꠐꠤꠞ ꠔꠟꠞ ꠌꠥꠘ꠆ꠉꠤ ꠛꠣꠘꠣꠁꠟ ꠅꠁꠍꠤꠟ। ꠄꠇ ꠄꠇ ꠌꠥꠘ꠆ꠉꠤꠔ ꠄꠇ ꠝꠘ ꠞꠥꠙꠣ ꠖꠤꠀ ꠝꠥꠐ ꠄꠇ-ꠡꠉꠥ ꠌꠥꠘ꠆ꠉꠤ ꠛꠣꠘꠣꠁꠟ ꠅꠁꠍꠦ। 28ꠀꠞ ꠛꠣꠇꠤ ꠄꠇ ꠀꠎꠣꠞ ꠡꠣꠔ-ꠡ ꠙꠌꠔ꠆ꠔꠁꠞ ꠔꠟꠣ ꠞꠥꠙꠣ ꠈꠥꠐꠤꠞ ꠇꠠꠣ, ꠈꠥꠐꠤꠞ ꠝꠣꠕꠣ ꠙꠦꠌꠣꠘꠤ, ꠀꠞ ꠛꠣꠘ꠆ꠖꠤꠛꠣꠞ ꠔꠣꠞ ꠛꠣꠘꠣꠘꠤꠔ ꠟꠣꠉꠍꠦ।
29ꠖꠥꠟꠘꠣ ꠇꠥꠞꠛꠣꠘꠤ ꠕꠣꠇꠤ ꠟꠤꠟ꠆ꠟꠣꠞ ꠙꠤꠔꠟ ꠖꠟꠣ ꠅꠁꠍꠤꠟ ꠡꠔ꠆ꠔꠁꠞ ꠝꠘ ꠖꠥꠁ ꠀꠎꠣꠞ ꠌꠣꠁꠞ-ꠡ ꠔꠟꠣ। 30ꠁꠔꠣ ꠖꠤꠀ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠌꠥꠘ꠆ꠉꠤ, ꠙꠤꠔꠟꠞ ꠇꠥꠞꠛꠣꠘꠤ ꠈꠣꠘꠣ, ꠄꠞ ꠙꠤꠔꠟꠞ ꠎꠣꠟꠤ ꠀꠞ ꠇꠥꠞꠛꠣꠘꠤ ꠈꠣꠘꠣꠞ ꠢꠇ꠆ꠇꠟ ꠌꠤꠎ ꠛꠣꠘꠣꠁꠟ ꠅꠁꠍꠦ, 31ꠃꠑꠣꠘꠞ ꠌꠣꠁꠞꠅ ꠉꠣꠟꠣꠞ ꠌꠥꠘ꠆ꠉꠤ, ꠉꠦꠁꠐꠞ ꠌꠥꠘ꠆ꠉꠤ, ꠔꠣꠝ꠆ꠛꠥ ꠀꠞ ꠃꠑꠣꠘꠞ ꠌꠣꠁꠞꠅ ꠉꠣꠟꠣꠞ ꠈꠥꠐꠤꠞ ꠙꠦꠞꠦꠉ ꠛꠣꠘꠣꠁꠟ ꠅꠁꠍꠦ।
ទើបបានជ្រើសរើសហើយ៖
ꠔꠃꠞꠣꠔ ২: ꠢꠤꠎꠞꠔ 38: sylN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Ahle Kitab Society. All rights reserved.
ꠔꠃꠞꠣꠔ ২: ꠢꠤꠎꠞꠔ 38
38
ꠎꠣꠟꠣꠁꠟ ꠇꠥꠞꠛꠣꠘꠤ ꠈꠣꠘꠣ ꠀꠞ ꠅꠎꠥꠞ ꠙꠣꠘꠤꠞ ꠉꠣꠝꠟꠣ ꠛꠣꠘꠣꠁꠟꠣ
1ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠉꠤ ꠛꠣꠛꠟꠣ ꠟꠣꠇꠠꠤꠖꠤ ꠙꠣꠌ ꠀꠔ ꠟꠣꠝ꠆ꠛꠣ, ꠙꠣꠌ ꠀꠔ ꠙꠣꠡ ꠀꠞ ꠔꠤꠘ ꠀꠔ ꠃꠛꠤ ꠖꠤꠀ ꠌꠣꠁꠞꠇꠥꠘꠤ ꠇꠞꠤ ꠄꠇꠈꠣꠘ ꠇꠥꠞꠛꠣꠘꠤ ꠈꠣꠘꠣ ꠛꠣꠘꠣꠁꠟꠣ। 2ꠄꠞ ꠌꠣꠁꠞꠅ ꠇꠥꠘꠣꠞ ꠃꠙꠞꠦ ꠟꠣꠇꠠꠤꠖꠤ ꠌꠣꠁꠞꠐꠣ ꠢꠤꠋ ꠖꠤꠟꠣ। ꠅꠃ ꠢꠤꠋ ꠛꠣꠘꠣꠁꠟꠣ ꠍꠣꠘꠤꠞ ꠃꠙꠞꠞ ꠇꠥꠘꠣꠞ ꠟꠣꠇꠠꠤ ꠈꠥꠖꠤꠀ, ꠄꠞꠟꠣꠉꠤ ꠁ ꠀꠡ꠆ꠔꠣꠈꠣꠘ ꠄꠇ ꠌꠤꠎ ꠅꠁꠟ। ꠛꠣꠖꠦ ꠙꠥꠞꠣ ꠇꠥꠞꠛꠣꠘꠤ ꠈꠣꠘꠣ ꠙꠤꠔꠟꠖꠤ ꠟꠦꠙꠣꠁꠟꠣ। 3ꠇꠥꠞꠛꠣꠘꠤ ꠈꠣꠘꠣꠞ ꠍꠣꠟꠤ ꠔꠥꠟꠣꠞ ꠛꠠ ꠌꠣꠝꠌ ꠀꠞ ꠍꠣꠟꠤ ꠕꠅꠀꠞ ꠉꠣꠝꠟꠣ, ꠟꠃ ꠕꠅꠀꠞ ꠛꠣꠐꠤ, ꠉꠥꠡ꠆ꠔ ꠔꠥꠟꠣꠞ ꠛꠠ ꠇꠣꠐꠣ-ꠍꠤꠚ, ꠀꠋꠞꠣ ꠕꠅꠀꠞ ꠙꠣꠔꠤꠟ, ꠢꠇꠟꠔꠣ ꠙꠤꠔꠟꠖꠤ ꠛꠣꠘꠣꠁꠟꠣ। 4ꠇꠥꠞꠛꠣꠘꠤ ꠈꠣꠘꠣꠞ ꠟꠣꠉꠤ ꠙꠤꠔꠟꠖꠤ ꠄꠇꠈꠣꠘ ꠎꠣꠟꠤ ꠛꠣꠘꠣꠁꠟꠣ, ꠛꠣꠘꠣꠁꠀ ꠁ ꠎꠣꠟꠤꠞꠦ ꠇꠥꠞꠛꠣꠘꠤ ꠈꠣꠘꠣꠞ ꠜꠤꠔꠞꠞ ꠝꠣꠎꠈꠣꠘꠞ ꠌꠣꠁꠞꠅ ꠉꠣꠟꠣꠞ ꠔꠣꠠꠤꠀꠞ ꠔꠟꠦ ꠟꠣꠉꠣꠁꠟꠣ। 5ꠀꠞ ꠛꠦꠘ꠆ꠖꠣ ꠢꠣꠞꠣꠘꠤꠞ ꠟꠣꠉꠤ ꠎꠣꠟꠤꠞ ꠌꠣꠁꠞꠅ ꠇꠥꠘꠣꠔ ꠌꠣꠁꠞꠐꠣ ꠇꠠꠣ ꠟꠣꠉꠣꠁꠟꠣ। 6ꠛꠁꠀ ꠘꠦꠅꠀꠞ ꠛꠦꠘ꠆ꠖꠣ ꠛꠣꠘꠣꠁꠟꠣ ꠛꠣꠛꠟꠣ ꠟꠣꠇꠠꠤꠖꠤ, ꠛꠣꠘꠣꠁꠀ ꠖꠥꠁꠅꠉꠥ ꠙꠤꠔꠟꠖꠤ ꠟꠦꠙꠣꠁꠟꠣ। 7ꠀꠞ ꠇꠥꠞꠛꠣꠘꠤ ꠈꠣꠘꠣꠞꠦ ꠛꠁꠛꠣꠞ ꠟꠣꠉꠤ ꠄꠞ ꠇꠥꠘꠣꠞ ꠇꠠꠣꠞ ꠜꠤꠔꠞꠦ ꠅꠃ ꠛꠦꠘ꠆ꠖꠣ ꠢꠣꠞꠣꠁꠟꠣ। ꠇꠥꠞꠛꠣꠘꠤ ꠈꠣꠘꠣ ꠛꠣꠘꠣꠁꠟꠣ ꠔꠇ꠆ꠔꠣꠖꠤ, ꠀꠞ ꠄꠞ ꠜꠤꠔꠞꠦ ꠚꠣꠇ ꠞꠣꠈꠟꠣ।
8ꠅꠎꠥꠞ ꠙꠣꠘꠤ ꠕꠅꠀꠞ ꠟꠣꠉꠤ ꠙꠤꠔꠟꠞ ꠄꠇ ꠉꠣꠝꠟꠣ ꠛꠣꠘꠣꠁꠟꠣ। ꠄꠛꠣꠖꠔꠤ ꠇꠣꠝꠞ ꠟꠣꠉꠤ ꠎꠦꠔꠣ ꠛꠦꠐꠤꠘ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠇꠣꠍꠣꠔ ꠀꠁꠔꠣ, ꠔꠣꠞꠣꠞ ꠙꠤꠔꠟꠞ ꠀꠄꠘꠣꠖꠤ ꠁ ꠉꠣꠝꠟꠣ ꠀꠞ ꠄꠞ ꠌꠇꠤ-ꠈꠣꠐ ꠔꠂꠀꠞ ꠇꠞꠣ ꠅꠁꠟ।
ꠀꠟ꠆ꠟꠣꠞ ꠊꠞꠞ ꠃꠑꠣꠘ
9ꠛꠣꠔꠍꠦꠟꠟꠦ ꠀꠟ꠆ꠟꠣꠞ ꠊꠞꠞ ꠌꠣꠁꠞꠅ ꠉꠣꠟꠣꠛꠣꠄ ꠃꠑꠣꠘꠞ ꠎꠣꠉꠣ ꠞꠣꠈꠟꠣ। ꠃꠑꠣꠘꠞ ꠖꠇ꠆ꠇꠤꠘ ꠉꠣꠟꠣꠞ ꠄꠇ-ꠡ ꠀꠔ ꠎꠣꠉꠣꠞ ꠟꠣꠉꠤ ꠖꠣꠝꠤ ꠡꠥꠔꠤ ꠇꠣꠙꠠꠖꠤ ꠙꠞ꠆ꠖꠣ ꠛꠣꠘꠣꠁꠟꠣ। 10ꠁ ꠙꠞ꠆ꠖꠣ ꠐꠣꠘꠣꠘꠤꠞ ꠟꠣꠉꠤ ꠛꠤꠡꠉꠥ ꠈꠥꠐꠤ ꠛꠣꠘꠣꠁꠟꠣ। ꠈꠥꠐꠤꠞ ꠔꠟꠣꠔ ꠖꠤꠛꠣꠞ ꠟꠣꠉꠤ ꠙꠤꠔꠟꠞ ꠛꠤꠡꠉꠥ ꠌꠥꠘ꠆ꠉꠤ ꠛꠣꠘꠣꠁꠟꠣ, ꠀꠞ ꠙꠞ꠆ꠖꠣ ꠐꠣꠘꠣꠘꠤꠞ ꠟꠣꠉꠤ ꠞꠥꠙꠣꠞ ꠇꠠꠣ ꠀꠞ ꠛꠣꠘ꠆ꠖꠤꠛꠣꠞ ꠔꠣꠞ ꠛꠣꠘꠣꠁꠟꠣ। 11ꠃꠑꠣꠘꠞ ꠃꠔ꠆ꠔꠞ ꠉꠣꠟꠣꠞ ꠄꠇ-ꠡ ꠀꠔ ꠎꠣꠉꠣꠞ ꠟꠣꠉꠤ ꠛꠤꠡꠉꠥ ꠈꠥꠐꠤ, ꠈꠥꠐꠤꠞ ꠔꠟꠦ ꠖꠤꠛꠣꠞ ꠟꠣꠉꠤ ꠙꠤꠔꠟꠞ ꠛꠤꠡꠉꠥ ꠌꠥꠘ꠆ꠉꠤ, ꠀꠞ ꠙꠞ꠆ꠖꠣ ꠐꠣꠘꠣꠘꠤꠞ ꠟꠣꠉꠤ ꠞꠥꠙꠣꠞ ꠇꠠꠣ ꠀꠞ ꠛꠣꠘ꠆ꠖꠤꠛꠣꠞ ꠔꠣꠞ ꠛꠣꠘꠣꠁꠟꠣ। 12ꠙꠌꠤꠝ ꠉꠣꠟꠣꠞ ꠙꠁꠘ꠆ꠌꠣꠡ ꠀꠔ ꠃꠑꠣꠘꠞ ꠟꠣꠉꠤ ꠙꠞ꠆ꠖꠣ, ꠖꠡꠉꠥ ꠈꠥꠐꠤ, ꠖꠡꠉꠥ ꠌꠥꠘ꠆ꠉꠤ, ꠙꠞ꠆ꠖꠣ ꠐꠣꠘꠣꠘꠤꠞ ꠟꠣꠉꠤ ꠞꠥꠙꠣꠞ ꠇꠠꠣ ꠀꠞ ꠛꠣꠘ꠆ꠖꠤꠛꠣꠞ ꠔꠣꠞ ꠛꠣꠘꠣꠁꠟꠣ। 13ꠙꠥꠛ ꠉꠣꠟꠣꠞ ꠃꠑꠣꠘꠅ ꠙꠁꠘ꠆ꠌꠣꠡ ꠀꠔ ꠀꠍꠤꠟ। 14ꠃꠑꠣꠘꠞ ꠉꠦꠁꠐꠞ ꠄꠇ ꠉꠣꠟꠣꠞ ꠟꠣꠉꠤ ꠙꠘꠞ ꠀꠔ ꠟꠣꠝ꠆ꠛꠣ ꠙꠞ꠆ꠖꠣ, ꠔꠤꠘꠐꠣ ꠈꠥꠐꠤ, ꠈꠥꠐꠤꠞ ꠔꠟꠞ ꠔꠤꠘꠉꠥ ꠌꠥꠘ꠆ꠉꠤ, 15ꠀꠞ ꠖꠥꠍꠞꠣ ꠉꠣꠟꠣꠔꠅ ꠅꠃ ꠟꠣꠈꠣꠘ ꠇꠞꠤ ꠔꠤꠘꠐꠣ ꠈꠥꠐꠤ, ꠔꠤꠘꠐꠣ ꠌꠥꠘ꠆ꠉꠤ ꠀꠞ ꠙꠘꠞ ꠀꠔ ꠙꠞ꠆ꠖꠣ ꠛꠣꠘꠣꠁꠟ ꠅꠁꠟ। 16ꠃꠑꠣꠘꠞ ꠌꠣꠁꠞꠅ ꠉꠣꠟꠣꠞ ꠢꠇ꠆ꠇꠟ ꠙꠞ꠆ꠖꠣꠁꠘ ꠖꠣꠝꠤ ꠡꠥꠔꠤ ꠇꠣꠙꠠꠖꠤ ꠛꠣꠘꠣꠁꠟ ꠅꠁꠟ। 17ꠈꠥꠐꠤꠞ ꠔꠟꠞ ꠢꠇ꠆ꠇꠟ ꠌꠥꠘ꠆ꠉꠤ ꠙꠤꠔꠟꠞ, ꠙꠞ꠆ꠖꠣ ꠐꠣꠘꠣꠘꠤꠞ ꠇꠠꠣ ꠀꠞ ꠛꠣꠘ꠆ꠖꠤꠛꠣꠞ ꠔꠣꠞ ꠅꠁꠟ ꠞꠥꠙꠣꠞ, ꠈꠥꠐꠤꠞ ꠝꠣꠕꠣꠅ ꠞꠥꠙꠣꠖꠤ ꠙꠦꠌꠣꠁꠟ ꠅꠁꠟ। ꠃꠑꠣꠘꠞ ꠌꠣꠁꠞꠅ ꠉꠣꠟꠣꠞ ꠢꠇ꠆ꠇꠟ ꠈꠥꠐꠤꠔ ꠞꠥꠙꠣꠞ ꠔꠣꠞꠖꠤ ꠛꠣꠘ꠆ꠖꠣ ꠅꠁꠟ। 18ꠃꠑꠣꠘꠞ ꠉꠦꠁꠐꠞ ꠟꠣꠉꠤ ꠖꠣꠝꠤ ꠡꠥꠔꠤ ꠇꠣꠙꠠꠖꠤ ꠄꠇꠈꠣꠘ ꠙꠞ꠆ꠖꠣ ꠛꠣꠘꠣꠁꠟ ꠅꠁꠟ। ꠛꠣꠖꠦ ꠟꠤꠟꠥꠀ, ꠛꠣꠁꠋꠉꠘꠤ, ꠟꠣꠟ ꠡꠥꠔꠣꠖꠤ ꠘꠇꠡꠣ ꠇꠞꠣ ꠅꠁꠟ। ꠙꠞ꠆ꠖꠣ ꠈꠣꠘ ꠛꠤꠡ ꠀꠔ ꠟꠣꠝ꠆ꠛꠣ, ꠀꠞ ꠃꠑꠣꠘꠞ ꠛꠣꠇꠤ ꠙꠞ꠆ꠖꠣꠞ ꠟꠣꠈꠣꠘ ꠁꠐꠣꠅ ꠙꠣꠌ ꠀꠔ ꠃꠌꠣ ꠖꠦꠅꠀ ꠅꠁꠟ। 19ꠄꠞ ꠌꠣꠁꠞꠅ ꠈꠥꠐꠤ ꠀꠞ ꠌꠥꠘ꠆ꠉꠤ ꠙꠤꠔꠟꠞ, ꠈꠥꠐꠤꠞ ꠇꠠꠣ ꠀꠞ ꠛꠣꠘ꠆ꠖꠣꠞ ꠔꠣꠞ ꠞꠥꠙꠣꠞ, ꠈꠥꠐꠤꠞ ꠝꠣꠕꠣꠅ ꠞꠥꠙꠣꠖꠤ ꠙꠦꠌꠣꠁ ꠖꠦꠅꠀ ꠅꠁꠟ। 20ꠀꠟ꠆ꠟꠣꠞ ꠊꠞ ꠀꠞ ꠃꠑꠣꠘꠞ ꠌꠣꠁꠞꠅ ꠉꠣꠟꠣꠞ ꠈꠥꠐꠤꠞ ꠙꠦꠞꠦꠉ ꠅꠇꠟ ꠙꠤꠔꠟꠖꠤ ꠛꠣꠘꠣꠁꠟ।
ꠀꠟ꠆ꠟꠣꠞ ꠊꠞꠞ ꠝꠣꠟ-ꠍꠣꠝꠣꠘꠣꠞ ꠢꠤꠡꠣꠛ
21ꠀꠟ꠆ꠟꠣꠞ ꠊꠞ ꠝꠣꠘꠤ ꠅꠃ ꠡꠣꠢꠣꠖꠔ ꠔꠣꠝ꠆ꠛꠥ ꠛꠣꠘꠣꠁꠔꠦ ꠎꠦꠔꠣ ꠝꠣꠟ-ꠍꠣꠝꠣꠘꠣ ꠟꠣꠉꠍꠤꠟ, ꠁꠝꠣꠝ ꠢꠣꠞꠥꠘꠞ ꠙꠥꠀ ꠁꠍꠣꠝꠣꠞꠞ ꠎꠤꠝ꠆ꠝꠣꠄ ꠟꠦꠛꠤ ꠈꠣꠘ꠆ꠖꠣꠘꠞ ꠝꠣꠘꠡꠦ ꠁꠔꠣꠞ ꠢꠤꠡꠣꠛ ꠞꠣꠈꠟꠣ। ꠝꠥꠍꠣ ꠘꠛꠤꠄ ꠅꠃ ꠢꠤꠡꠣꠛ ꠞꠣꠈꠣꠞ ꠢꠥꠇꠥꠝ ꠖꠤꠍꠟꠣ। 22ꠝꠣꠛꠥꠖꠦ ꠝꠥꠍꠣꠞꠦ ꠎꠦꠟꠣꠈꠣꠘ ꠢꠥꠇꠥꠝ ꠖꠤꠍꠟꠣ, ꠁ ꠢꠥꠇꠥꠝ ꠝꠣꠚꠤꠇ ꠄꠢꠥꠖꠣ ꠉꠥꠡ꠆ꠐꠤꠞ ꠃꠞꠤꠞ ꠙꠥꠀ ꠛꠣꠔꠍꠦꠟꠟꠦ ꠁꠔꠣ ꠢꠇ꠆ꠇꠟꠔꠣ ꠛꠣꠘꠣꠁꠟꠣ, ꠔꠣꠁꠘ ꠀꠍꠟꠣ ꠢꠥꠞꠞ ꠘꠣꠔꠤ। 23ꠖꠣꠘ ꠉꠥꠡ꠆ꠐꠤꠞ ꠅꠢꠤꠍꠣꠝꠣꠇꠞ ꠙꠥꠀ ꠀꠢꠟꠤꠀꠛꠦ ꠛꠣꠔꠍꠦꠟꠟꠞꠦ ꠡꠣꠁꠎ꠆ꠎ ꠇꠞꠟꠣ। ꠢꠇꠟ ꠎꠣꠔꠞ ꠀꠔꠞ ꠇꠣꠝ ꠀꠞ ꠘꠇꠡꠣ ꠛꠣꠘꠣꠘꠤꠞ ꠇꠣꠝꠅ ꠔꠣꠁꠘ ꠃꠡ꠆ꠔꠣꠖ ꠀꠍꠟꠣ। ꠖꠣꠝꠤ ꠡꠥꠔꠤ ꠇꠣꠙꠠꠞ ꠝꠣꠎꠦ ꠟꠤꠟꠥꠀ, ꠛꠣꠁꠋꠉꠘꠤ, ꠟꠣꠟ ꠡꠥꠔꠣꠖꠤ ꠘꠇꠡꠣ ꠇꠞꠣꠞ ꠇꠣꠝꠅ-ꠅ ꠔꠣꠁꠘ ꠃꠡ꠆ꠔꠣꠖ ꠀꠍꠟꠣ।
24ꠖꠥꠟꠘꠣ ꠇꠥꠞꠛꠣꠘꠤ ꠕꠣꠇꠤ ꠙꠣꠅꠀ ꠃꠘꠔꠤꠡ ꠝꠘ ꠡꠣꠔ-ꠡ ꠔꠤꠡ ꠔꠟꠣ ꠡꠥꠘꠣ ꠅꠃ ꠄꠛꠣꠖꠔ ꠈꠣꠘꠣ ꠛꠣꠘꠣꠁꠔꠦ ꠟꠣꠉꠍꠦ। ꠁ ꠝꠣꠙ ꠅꠁꠟ ꠄꠛꠣꠖꠔ ꠈꠣꠘꠣꠞ ꠔꠟꠣꠞ ꠝꠣꠙꠦ।
25ꠛꠘꠤ ꠁꠍꠞꠣꠁꠟꠞ ꠝꠣꠘꠥꠡ ꠉꠘꠤꠛꠣꠞ ꠛꠣꠟꠣ ꠎꠦꠞꠣꠞꠦ ꠉꠘꠣ ꠅꠁꠍꠤꠟ, ꠔꠣꠞꠣꠞ ꠉꠦꠍ ꠕꠣꠇꠤ ꠄꠇ-ꠡ ꠝꠘ ꠄꠇ ꠀꠎꠣꠞ ꠡꠣꠔ-ꠡ ꠙꠌꠔ꠆ꠔꠁꠞ ꠔꠟꠣ ꠞꠥꠙꠣ ꠙꠣꠅꠀ ꠉꠦꠍꠤꠟ, ꠁ ꠝꠣꠙ ꠅꠁꠟ ꠄꠛꠣꠖꠔ ꠈꠣꠘꠣꠞ ꠝꠣꠙꠦ। 26ꠉꠘꠣ ꠅꠁꠍꠦ ꠅꠃꠟꠣ ꠝꠣꠘꠥꠡ, ꠝꠣꠘꠤ ꠛꠤꠡ ꠛꠞꠍ ꠛꠣ ꠄꠞ ꠌꠣꠁꠔꠦ ꠛꠦꠡꠤ ꠛꠄꠅꠡ ꠀꠟꠣ, ꠢꠃ ꠍꠄ ꠟꠣꠈ ꠔꠤꠘ ꠀꠎꠣꠞ ꠡꠣꠠꠦ ꠙꠣꠌ-ꠡ ꠝꠣꠘꠡꠦ ꠄꠛꠣꠖꠔ ꠈꠣꠘꠣꠞ ꠝꠣꠙꠦ ꠝꠣꠕꠣ ꠙꠤꠍꠥ ꠀꠗꠣ ꠔꠟꠣ ꠇꠞꠤ ꠞꠥꠙꠣ ꠖꠤꠍꠤꠟ। 27ꠁ ꠞꠥꠙꠣ ꠕꠣꠇꠤ ꠄꠇ-ꠡ ꠝꠘ ꠞꠥꠙꠣ ꠖꠤꠀ ꠄꠛꠣꠖꠔ ꠈꠣꠘꠣ ꠀꠞ ꠙꠞ꠆ꠖꠣꠞ ꠈꠥꠐꠤꠞ ꠔꠟꠞ ꠌꠥꠘ꠆ꠉꠤ ꠛꠣꠘꠣꠁꠟ ꠅꠁꠍꠤꠟ। ꠄꠇ ꠄꠇ ꠌꠥꠘ꠆ꠉꠤꠔ ꠄꠇ ꠝꠘ ꠞꠥꠙꠣ ꠖꠤꠀ ꠝꠥꠐ ꠄꠇ-ꠡꠉꠥ ꠌꠥꠘ꠆ꠉꠤ ꠛꠣꠘꠣꠁꠟ ꠅꠁꠍꠦ। 28ꠀꠞ ꠛꠣꠇꠤ ꠄꠇ ꠀꠎꠣꠞ ꠡꠣꠔ-ꠡ ꠙꠌꠔ꠆ꠔꠁꠞ ꠔꠟꠣ ꠞꠥꠙꠣ ꠈꠥꠐꠤꠞ ꠇꠠꠣ, ꠈꠥꠐꠤꠞ ꠝꠣꠕꠣ ꠙꠦꠌꠣꠘꠤ, ꠀꠞ ꠛꠣꠘ꠆ꠖꠤꠛꠣꠞ ꠔꠣꠞ ꠛꠣꠘꠣꠘꠤꠔ ꠟꠣꠉꠍꠦ।
29ꠖꠥꠟꠘꠣ ꠇꠥꠞꠛꠣꠘꠤ ꠕꠣꠇꠤ ꠟꠤꠟ꠆ꠟꠣꠞ ꠙꠤꠔꠟ ꠖꠟꠣ ꠅꠁꠍꠤꠟ ꠡꠔ꠆ꠔꠁꠞ ꠝꠘ ꠖꠥꠁ ꠀꠎꠣꠞ ꠌꠣꠁꠞ-ꠡ ꠔꠟꠣ। 30ꠁꠔꠣ ꠖꠤꠀ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠌꠥꠘ꠆ꠉꠤ, ꠙꠤꠔꠟꠞ ꠇꠥꠞꠛꠣꠘꠤ ꠈꠣꠘꠣ, ꠄꠞ ꠙꠤꠔꠟꠞ ꠎꠣꠟꠤ ꠀꠞ ꠇꠥꠞꠛꠣꠘꠤ ꠈꠣꠘꠣꠞ ꠢꠇ꠆ꠇꠟ ꠌꠤꠎ ꠛꠣꠘꠣꠁꠟ ꠅꠁꠍꠦ, 31ꠃꠑꠣꠘꠞ ꠌꠣꠁꠞꠅ ꠉꠣꠟꠣꠞ ꠌꠥꠘ꠆ꠉꠤ, ꠉꠦꠁꠐꠞ ꠌꠥꠘ꠆ꠉꠤ, ꠔꠣꠝ꠆ꠛꠥ ꠀꠞ ꠃꠑꠣꠘꠞ ꠌꠣꠁꠞꠅ ꠉꠣꠟꠣꠞ ꠈꠥꠐꠤꠞ ꠙꠦꠞꠦꠉ ꠛꠣꠘꠣꠁꠟ ꠅꠁꠍꠦ।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Ahle Kitab Society. All rights reserved.