ꠔꠃꠞꠣꠔ ২: ꠢꠤꠎꠞꠔ 2
2
ꠢꠎꠞꠔ ꠝꠥꠍꠣ (ꠀ꠩) ꠅꠞ ꠎꠘꠝ
1ꠄꠞꠝꠣꠎꠦ ꠟꠦꠛꠤ ꠈꠣꠘ꠆ꠖꠣꠘꠞ ꠄꠇꠎꠘ ꠝꠣꠘꠡꠦ, ꠔꠣꠘ ꠘꠤꠎꠞ ꠈꠣꠘ꠆ꠖꠣꠘꠞ ꠄꠇ ꠇꠁꠘꠣꠞꠦ ꠡꠣꠖꠤ ꠇꠞꠟꠣ। 2ꠅꠃ ꠇꠁꠘꠣꠞ ꠊꠞꠅ ꠄꠇ ꠙꠥꠀꠞ ꠎꠘꠝ ꠅꠁꠟ। ꠙꠥꠀꠉꠥ ꠖꠦꠈꠔꠦ ꠈꠥꠛ ꠡꠥꠘ꠆ꠖꠞ ꠅꠀꠄ, ꠔꠤꠘ ꠝꠣꠡ ꠗꠞꠤ ꠟꠥꠇꠣꠁ ꠞꠣꠈꠟꠣ। 3ꠢꠦꠡꠦ ꠀꠞ ꠟꠥꠇꠣꠁꠔꠣ ꠘꠣ ꠙꠣꠞꠤꠀ, ꠔꠣꠁꠘ ꠘꠟ-ꠈꠣꠉꠠꠣꠞ ꠄꠇ ꠐꠥꠇꠞꠤ ꠟꠁꠟꠣ। ꠅꠃ ꠐꠥꠇꠞꠤꠔ ꠝꠣꠐꠤꠀ ꠔꠦꠟ ꠀꠞ ꠀꠟꠇꠣꠔꠞꠣ ꠟꠦꠙꠤꠀ ꠅꠉꠥꠞ ꠜꠤꠔꠞꠦ ꠢꠥꠞꠥꠔ꠆ꠔꠣꠞꠦ ꠢꠣꠞꠣꠁꠀ, ꠉꠣꠋꠉꠞ ꠌꠞꠞ ꠘꠟ ꠛꠘꠞ ꠝꠣꠎꠦ ꠕꠁꠀ ꠀꠁꠟꠣ। 4ꠀꠞ ꠄꠞ ꠇꠤꠔꠣ ꠖꠡꠣ ꠅꠄ ꠖꠦꠈꠣꠞ ꠟꠣꠉꠤ, ꠔꠣꠞ ꠛꠁꠘ ꠖꠥꠞꠁ ꠃꠛꠣꠁꠟ।
5ꠕꠥꠠꠣ ꠛꠣꠖꠦ ꠚꠦꠞꠣꠃꠘꠞ ꠙꠥꠠꠤ ꠉꠣꠋꠉꠅ ꠘꠣꠅꠀꠔ ꠀꠁꠟꠣ। ꠉꠣꠋꠉꠞ ꠙꠣꠞꠅ ꠔꠣꠘ ꠛꠣꠘ꠆ꠖꠤ ꠅꠇꠟ ꠊꠥꠞꠣꠊꠥꠞꠤꠔ ꠀꠍꠤꠟ। ꠔꠣꠁꠘ ꠌꠞꠞ ꠘꠟ-ꠈꠣꠉꠠꠣꠞ ꠝꠣꠎꠦ ꠅꠃ ꠐꠥꠇꠞꠤ ꠖꠦꠈꠤꠀ, ꠔꠣꠘ ꠛꠣꠘ꠆ꠖꠤꠞꠦ ꠇꠁꠟꠣ, “ꠅꠃ ꠐꠥꠇꠞꠤꠉꠥ ꠀꠘ।” 6ꠐꠥꠇꠞꠤꠞ ꠒꠣꠟꠣ ꠈꠥꠟꠤꠀ ꠖꠦꠈꠟꠣ, ꠄꠞ ꠜꠤꠔꠞꠦ ꠄꠇ ꠙꠥꠀꠄ ꠇꠣꠘ꠆ꠖꠦꠞ। ꠖꠦꠈꠤꠀ ꠔꠣꠘ ꠝꠣꠄꠀ ꠟꠣꠉꠤꠉꠦꠟ। ꠔꠣꠁꠘ ꠇꠁꠟꠣ, “ꠁꠡ, ꠁꠉꠥ ꠔ ꠇꠥꠘꠥ ꠁꠛꠞꠣꠘꠤꠞ ꠙꠥꠀ।”
7ꠅꠃ ꠡꠝꠄ ꠙꠥꠀꠞ ꠛꠁꠘ ꠀꠁꠀ ꠚꠦꠞꠣꠃꠘꠞ ꠙꠥꠠꠤꠞꠦ ꠎꠤꠇꠣꠁꠟ, “ꠞꠣꠘꠤ ꠝꠣ, ꠁ ꠢꠥꠞꠥꠔ꠆ꠔꠣꠞꠦ ꠖꠥꠗ ꠈꠣꠅꠀꠘꠤꠞ ꠟꠣꠉꠤ ꠇꠥꠘꠥ ꠁꠛꠞꠣꠘꠤ ꠛꠦꠐꠤꠞꠦ ꠙꠣꠁꠟꠦ ꠀꠙꠘꠣꠞ ꠉꠦꠍꠦ ꠀꠘꠔꠣꠝ ꠘꠤ?” 8ꠚꠦꠞꠣꠃꠘꠞ ꠙꠥꠠꠤꠄ ꠇꠁꠟꠣ, “ꠎꠣ ꠀꠘꠉꠤ।” ꠔꠦꠃ ꠙꠥꠠꠤꠄ ꠉꠤꠀ ꠙꠥꠀꠞ ꠝꠣʼꠞꠦ ꠟꠁꠀ ꠀꠁꠟ। 9ꠚꠦꠞꠣꠃꠘꠞ ꠙꠥꠠꠤꠄ ꠔꠣꠘꠞꠦ ꠇꠁꠟꠣ, “ꠅꠉ, ꠀꠝꠤ ꠔꠥꠝꠣꠞ ꠛꠦꠔꠘ ꠖꠤꠝꠥꠘꠦ, ꠔꠥꠝꠤ ꠀꠝꠣꠞ ꠅꠁꠀ ꠅꠃ ꠙꠥꠀꠉꠥꠞꠦ ꠛꠥꠇꠥꠞ ꠖꠥꠗ ꠈꠣꠅꠀꠅ।” ꠅꠃ ꠢꠤ ꠛꠦꠐꠤꠄ ꠘꠤꠀ ꠢꠥꠞꠥꠔ꠆ꠔꠣꠞꠦ ꠖꠥꠗ ꠈꠣꠅꠀꠁꠀ ꠙꠣꠟꠤꠟꠣ। 10ꠙꠥꠀꠉꠥ ꠇꠤꠍꠥ ꠛꠠ ꠅꠀꠞ ꠛꠣꠖꠦ ꠔꠣꠁꠘ ꠘꠤꠀ ꠚꠦꠞꠣꠃꠘꠞ ꠙꠥꠠꠤꠞ ꠉꠦꠍꠦ ꠖꠤꠟꠣꠁꠟꠣ। ꠚꠦꠞꠣꠃꠘꠞ ꠙꠥꠠꠤꠄ ꠄꠘꠞꠦ ꠘꠤꠎꠞ ꠙꠥꠀ ꠛꠣꠘꠣꠁꠀ ꠙꠣꠟꠤꠟꠣ। ꠔꠣꠁꠘ ꠇꠁꠟꠣ, “ꠀꠝꠤ ꠔꠣꠞꠦ ꠙꠣꠘꠤ ꠕꠣꠇꠤ ꠐꠣꠘꠤꠀ ꠔꠥꠟꠍꠤ।” ꠄꠞꠟꠣꠉꠤ ꠔꠣꠞ ꠘꠣꠝ ꠞꠣꠈꠟꠣ ꠝꠥꠍꠣ [ꠝꠣꠘꠤ, ꠐꠣꠘꠤꠀ ꠔꠥꠟꠣ]।
ꠢꠎꠞꠔ ꠝꠥꠍꠣ (ꠀ꠩) ꠝꠤꠡꠞ ꠖꠦꠡ ꠕꠣꠇꠤ ꠜꠣꠉꠤ ꠉꠦꠟꠣ
11ꠢꠦꠡꠦ ꠝꠥꠍꠣ ꠛꠠ ꠅꠁꠉꠦꠟꠦ ꠄꠇꠖꠤꠘ ꠔꠣꠘ ꠘꠤꠎꠞ ꠎꠣꠔꠤꠞ ꠜꠣꠁꠀꠁꠘ꠆ꠔꠞ ꠉꠦꠍꠦ ꠉꠤꠀ ꠖꠦꠈꠟꠣ, ꠔꠣꠞꠣ ꠈꠥꠛ ꠇꠡ꠆ꠐꠞ ꠇꠣꠝ ꠇꠞꠞꠣ। ꠄꠞꠝꠣꠎꠦ ꠖꠦꠈꠟꠣ, ꠔꠣꠘ ꠘꠤꠎꠞ ꠁꠛꠞꠣꠘꠤ ꠎꠣꠔꠤꠞ ꠄꠇ ꠛꠦꠐꠣꠞꠦ, ꠄꠇ ꠝꠤꠡꠞꠤꠄ ꠝꠣꠁꠞ-ꠗꠁꠞ ꠇꠞꠦꠞ। 12ꠖꠦꠈꠤꠀ ꠌꠣꠁꠞꠅꠛꠣꠄ ꠌꠣꠁꠀ ꠀꠞ ꠇꠥꠘꠥ ꠝꠣꠘꠥꠡ ꠘꠣ ꠖꠦꠈꠣꠄ, ꠔꠣꠁꠘ ꠢꠃ ꠝꠤꠡꠞꠤꠞꠦ ꠈꠥꠘ ꠇꠞꠤꠀ ꠛꠣꠟꠥꠞ ꠔꠟꠦ ꠉꠣꠠꠤꠟ꠆ꠟꠣ। 13ꠛꠣꠖꠞ ꠖꠤꠘꠅ ꠔꠣꠁꠘ ꠢꠤꠞꠛꠣꠞ ꠛꠣꠞꠦ ꠉꠦꠟꠣ। ꠉꠤꠀ ꠖꠦꠈꠟꠣ, ꠖꠥꠁꠎꠘ ꠁꠛꠞꠣꠘꠤꠄ ꠘꠤꠎꠦ ꠘꠤꠎꠦ ꠝꠣꠞꠣ-ꠝꠣꠞꠤ ꠇꠞꠦꠞ। ꠅꠃ ꠔꠣꠁꠘ ꠖꠥꠡꠤ ꠎꠘꠞꠦ ꠇꠁꠟꠣ, “ꠅꠛꠣ, ꠔꠥꠝꠣꠞ ꠜꠣꠁꠞꠦ ꠇꠦꠘꠦ ꠝꠣꠞꠞꠣꠄ?” 14ꠢꠦ ꠇꠁꠟ, “ꠔꠥꠝꠣꠞꠦ ꠇꠦꠉꠤꠄ ꠀꠝꠞꠣꠞ ꠢꠣꠇꠤꠝ ꠛꠣꠘꠣꠁꠀ ꠛꠤꠌꠣꠞ ꠇꠞꠣꠔ ꠙꠣꠑꠣꠁꠟ? ꠇꠣꠁꠟ ꠎꠦꠟꠣ ꠢꠃ ꠝꠤꠡꠞꠤꠞꠦ ꠈꠥꠘ ꠇꠞꠍ, ꠅꠃꠟꠣ ꠀꠝꠣꠞꠦꠅ ꠈꠥꠘ ꠇꠞꠤꠟꠔꠣꠄ ꠌꠣꠁꠞꠣꠄ ꠘꠤ?” ꠅꠃ ꠝꠥꠍꠣꠄ ꠒꠞꠣꠁꠉꠦꠟꠣ। ꠔꠣꠁꠘ ꠛꠥꠎꠟꠣ ꠁꠔꠣ ꠔ ꠎꠣꠘꠣ-ꠎꠣꠘꠤ ꠅꠁꠉꠦꠍꠦ।
15ꠀꠞ ꠚꠦꠞꠣꠃꠘꠦꠅ ꠁꠔꠣ ꠢꠥꠘꠤꠀ ꠝꠥꠍꠣꠞꠦ ꠝꠣꠞꠤꠟꠔꠣ ꠌꠣꠁꠟꠣ। ꠅꠃ ꠡꠝꠄ ꠝꠥꠍꠣ ꠚꠦꠞꠣꠃꠘꠞ ꠉꠦꠍ ꠕꠣꠇꠤ ꠜꠣꠉꠤ ꠉꠦꠟꠣ। ꠜꠣꠉꠤꠀ ꠝꠣꠖꠤꠀꠘ ꠖꠦꠡꠅ ꠛꠡꠔ ꠇꠞꠣꠞ ꠟꠣꠉꠤ ꠀꠁꠟꠣ। ꠀꠁꠀ ꠢꠘꠞ ꠄꠇ ꠇꠥꠀꠞ ꠇꠣꠍꠣꠔ ꠛꠁꠟꠣ। 16ꠝꠣꠖꠤꠀꠘ ꠖꠦꠡꠅ ꠡꠥꠀꠁꠛ ꠘꠣꠝꠞ ꠄꠇ ꠁꠝꠣꠝ ꠍꠣꠛ ꠀꠍꠟꠣ। ꠔꠣꠘ ꠡꠣꠔꠎꠘ ꠙꠥꠠꠤꠘ ꠀꠍꠂꠘ। ꠅꠃ ꠙꠥꠠꠤꠘ꠆ꠔꠦ ꠇꠥꠀꠞ ꠙꠣꠞꠅ ꠀꠁꠀ, ꠔꠣꠞꠣꠞ ꠛꠣꠚꠞ ꠍꠣꠉꠟ-ꠝꠦꠠꠣꠞꠦ ꠙꠣꠘꠤ ꠈꠣꠅꠀꠘꠤꠞ ꠟꠣꠉꠤ ꠉꠣꠝꠟꠣ ꠜꠞꠣꠔ ꠟꠣꠉꠟꠣ। 17ꠅꠃ ꠡꠝꠄ ꠅꠁꠘ꠆ꠘ ꠞꠣꠈꠣꠟ ꠅꠇꠟꠦ ꠔꠣꠞꠣꠞꠦ ꠈꠦꠖꠣꠁꠀ ꠖꠤꠟꠣꠁꠟ। ꠅꠁꠟꠦ ꠝꠥꠍꠣ ꠃꠛꠣꠁꠀ ꠔꠣꠞꠣꠞꠦ ꠡꠣꠁꠎ꠆ꠎ ꠇꠞꠟꠣ, ꠀꠞ ꠔꠣꠞꠣꠞ ꠙꠣꠟꠞꠦ ꠙꠣꠘꠤ ꠈꠣꠅꠀꠁꠟꠣ। 18ꠔꠣꠞꠣ ꠔꠣꠞꠣꠞ ꠛꠣꠚꠞ ꠗꠣꠞꠅ ꠉꠤꠀ ꠢꠣꠞꠟꠦ ꠔꠣꠁꠘ ꠎꠤꠇꠣꠁꠟꠣ, “ꠔꠥꠝꠞꠣ ꠀꠁꠎ ꠅꠔ ꠎꠟꠖꠤ ꠇꠦꠝꠘꠦ ꠀꠁꠟꠣꠄ?” 19ꠔꠣꠞꠣ ꠇꠁꠟꠣ, “ꠄꠇ ꠝꠤꠡꠞꠤ ꠛꠦꠐꠣꠄ ꠀꠝꠞꠣꠞꠦ ꠞꠣꠈꠣꠟ ꠅꠇꠟꠞ ꠀꠔ ꠕꠣꠇꠤ ꠛꠣꠌꠣꠁꠍꠂꠘ। ꠄꠁꠘ ꠀꠝꠞꠣꠞ ꠍꠣꠉꠟ-ꠝꠦꠠꠣꠞꠦ ꠙꠣꠘꠤ ꠔꠥꠟꠤꠀ ꠈꠣꠅꠀꠁꠍꠂꠘ।” 20ꠔꠦꠃ ꠔꠣꠁꠘ ꠎꠤꠇꠣꠁꠟꠣ, “ꠁ ꠝꠣꠘꠥꠡꠉꠥ ꠇꠥꠀꠁ? ꠔꠥꠝꠞꠣ ꠔꠣꠞꠦ ꠕꠁꠀ ꠀꠁꠟ꠆ꠟꠣꠄ ꠇꠦꠘꠦ? ꠄꠞꠦ ꠒꠣꠇꠤꠀ ꠀꠘꠤꠀ ꠈꠣꠘꠣ ꠈꠣꠅꠀꠅ।” 21ꠄꠞꠛꠣꠖꠦ ꠝꠥꠍꠣꠄ ꠅꠃ ꠁꠝꠣꠝꠞ ꠛꠣꠠꠤꠔ ꠞꠁꠔꠦ ꠞꠣꠎꠤ ꠅꠁꠟꠣ। ꠁꠝꠣꠝ ꠍꠣꠛꠦ ꠔꠣꠘ ꠙꠥꠠꠤ ꠍꠚꠥꠞꠣꠞꠦ ꠝꠥꠍꠣꠞ ꠟꠉꠦ ꠡꠣꠖꠤ ꠖꠤꠟꠣ। 22ꠛꠣꠖꠦ ꠍꠚꠥꠞꠣꠞ ꠊꠞꠅ ꠄꠇ ꠙꠥꠀ ꠅꠁꠟꠦ ꠝꠥꠍꠣꠄ ꠇꠁꠟꠣ, “ꠀꠝꠤ ꠔ ꠛꠂꠔꠟ ꠛꠘꠤꠀ ꠛꠤꠖꠦꠡꠅ ꠞꠁꠞꠣꠝ।” ꠄꠞꠟꠣꠉꠤ ꠅꠃ ꠙꠥꠀꠞ ꠘꠣꠝ ꠞꠣꠈꠟꠣ ꠎꠣꠞꠍꠥꠝ [ꠝꠣꠘꠤ, ꠛꠂꠔꠟ]।
23ꠛꠃꠔ ꠖꠤꠘ ꠛꠣꠖꠦ ꠝꠤꠡꠞꠞ ꠛꠣꠖꠡꠣ ꠝꠞꠤꠉꠦꠟꠣ। ꠛꠘꠤ ꠁꠍꠞꠣꠁꠟꠦ ꠉꠥꠟꠣꠝꠤꠞ ꠟꠣꠉꠤ ꠇꠣꠔꠞ ꠅꠁꠀ ꠇꠣꠘ꠆ꠖꠣ-ꠇꠣꠐꠤ ꠇꠞꠟ। ꠔꠣꠞꠣꠞ ꠇꠣꠘ꠆ꠖꠘ ꠀꠟ꠆ꠟꠣꠞ ꠉꠦꠍꠦ ꠇꠛꠥꠟ ꠅꠁꠉꠦꠟ। 24ꠀꠟ꠆ꠟꠣꠄ ꠔꠣꠞꠣꠞ ꠚꠞꠤꠀꠖ ꠢꠥꠘꠟꠣ। ꠔꠣꠁꠘ ꠁꠛ꠆ꠞꠣꠢꠤꠝ, ꠁꠍꠢꠣꠇ ꠀꠞ ꠁꠀꠇꠥꠛꠞ ꠟꠉꠦ ꠔꠣꠘ ꠅꠀꠖꠣꠞ ꠇꠕꠣ ꠁꠀꠖ ꠇꠞꠟꠣ। 25ꠀꠞ ꠛꠘꠤ ꠁꠍꠞꠣꠁꠟꠞ ꠛꠣꠄ ꠝꠥꠈ ꠚꠤꠞꠣꠁꠟꠣ, ꠖꠄꠀꠞ ꠘꠎꠞꠦ ꠔꠣꠞꠣꠞ ꠛꠣꠄ ꠌꠣꠁꠟꠣ।
ទើបបានជ្រើសរើសហើយ៖
ꠔꠃꠞꠣꠔ ২: ꠢꠤꠎꠞꠔ 2: sylN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Ahle Kitab Society. All rights reserved.