ꠁꠘ꠆ꠎꠤꠟ ৫: ꠍꠣꠢꠣꠛꠤ ꠘꠣꠝꠣ 5:3-5

ꠔꠦꠃ ꠙꠤꠔꠞꠦ ꠇꠁꠟꠣ, “ꠅꠘꠘꠤꠅ, ꠡꠄꠔꠣꠘꠦ ꠇꠦꠝꠘꠦ ꠔꠥꠝꠣꠞ ꠖꠤꠟꠞꠦ ꠖꠈꠟ ꠇꠞꠟ, ꠔꠥꠝꠤ ꠙꠣꠇ ꠞꠥꠢꠥꠞ ꠉꠦꠍꠦ ꠇꠤꠟꠣ ꠝꠤꠍꠣ ꠝꠣꠔꠟꠣꠄ, ꠀꠞ ꠎꠝꠤꠘ ꠛꠦꠌꠣꠞ ꠐꠦꠇꠣ ꠇꠤꠍꠥ ꠟꠥꠇꠣꠁ ꠞꠣꠈꠟꠣꠄ? ꠛꠦꠌꠣꠞ ꠀꠉꠦ ꠎꠝꠤꠘꠈꠣꠘ ꠇꠤꠔꠣ ꠔꠥꠝꠣꠞ ꠀꠍꠤꠟ ꠘꠣ ꠘꠤ? ꠀꠞ ꠛꠦꠌꠣꠞ ꠛꠣꠖꠦꠅ ꠔ ꠁ ꠐꠦꠇꠣ ꠔꠥꠝꠣꠞ ꠄꠈꠔꠤꠀꠞꠅ ꠀꠍꠤꠟ, ꠔꠦ ꠇꠦꠘꠦ ꠔꠥꠝꠣꠞ ꠜꠤꠔꠞꠦ ꠁꠔꠣ ꠢꠣꠝꠣꠁꠟ? ꠔꠥꠝꠤ ꠔ ꠝꠣꠘꠡꠞ ꠉꠦꠍꠦ ꠝꠤꠍꠣ ꠝꠣꠔꠍ ꠘꠣ, ꠀꠟ꠆ꠟꠣꠞ ꠉꠦꠍꠦꠃ ꠝꠤꠍꠣ ꠝꠣꠔꠟꠣꠄ।” ꠁꠔꠣ ꠢꠥꠘꠣꠞ ꠟꠉꠦ ꠟꠉꠦꠃ ꠅꠘꠘꠤꠅ ꠝꠣꠐꠤꠔ ꠙꠠꠤꠀ ꠝꠞꠤꠉꠦꠟ। ꠀꠞ ꠎꠦꠞꠣ ꠁ ꠊꠐꠘꠣ ꠢꠥꠘꠟ ꠔꠣꠞꠣ ꠢꠇꠟꠦꠃ ꠈꠥꠛ ꠒꠞꠣꠁꠉꠦꠟ।