EKSODAS 2
2
Mosi Pianna
1Huan Levi inn a pan pasal khat apaikhia a, Levi tanu zi in anei hi. 2Huai numei in nau apai a, tapa anei a, naupang melhoih ahi chih atheih in kha thum sung aselta hi. 3Asel zoh nawn louhtak in, phaiphek bawm abawlsak a, vahaibuan leh chim in azutbit a, asung ah nau akoih a; luipang ah loupa kawm ah akoih hi. 4Asanggamnu'n bang hong suak hiam chih thei ding in gamla kuam ah adingh hi.
5Pharaoh tanu lui ah kisil ding in ahong paisuk a; anungzui numeite toh lui gei ah avak uhi. Loupa lak a bawm amu a, asikha numei khat va la ding in asawl hi. 6Ahonleh, naupang amuta a, ngai in, naungek akapta hi. Alainat a, “Hiai Hebru tate lak a khat ahi,” achi hi.
7Asanggamnu'n Pharaoh tanu kiang ah, “Naungek hon donsak ding, Hebru numeite lak a naudonmi khat hon va sapsak leng na ut hia?” achi hi.
8Pharaoh tanu in akiang ah, “Va kuan in,” achi hi. Nungak akuanta a, naungek nu ava samta hi. 9Pharaoh tanu in akiang ah, “Hiai naungek la inla, hon donsak in. Na loh ka hon pe na ding,” achi hi. Huchi in huai numei in nau alata a, adonta hi. 10Naungek ahong khanglian a, Pharaoh tanu kiang ah ahon pi a, huchi in atapa ahong hita hi. “Tui a pan ka kaihkhiak ahih ziak in, chi in amin Mosi asa hi.”
Midian Ah Mosi Asuakta
11Huai lai in hichi ahong hi a, Mosi ahong khanlet in chipihte kiang ah ava hoh a, apuakgikte uh ava mu hi. Asanggamte lak a khat, Hebru mi khat Aigupta mi in avuak lai ava muta hi. 12Adak loplop a, kuamah a-om kei chih atheihtak in, Aigupta mi athat a, piaunel ah asel hi. 13Huan ani nih ni a, ava hoh nawnleh, ngai in, Hebru mite lak a mi nih ana kisual ua; gilou hihpa kiang ah, “Bangziak a na lawm vua na hia?” achi hi.
14Ama'n, “Ka tung ua lal leh vaihawm dia nang kua'n hon bawl ahia? Aigupta mi na thah bang a, hon thah tum na hi maw?” achi hi. Huchi in Mosi in alau a, “Hiai thil kitheikhe petmah ahita ve,” achi hi. 15Pharaoh in hiai azak in, thah ding in Mosi azongta hi. Himahleh Pharaoh mai a pan Mosi ataimang a, Midian gam ah ava teng a; tuileh kiang ah atu hi. 16Midian siampu in tanu sagih anei a, amau ahong pai ua, tui ahong tawi ua, apa uh belamhonte piak ding in atuitheite adim uhi. 17Belamchingte ahong pai ua, ahawlmangsak uhi. Himahleh, Mosi adingtou a, amau apanpih a, abelamhonte uh tui apia hi. 18Apa uh Reuel kiang a ahong paitak un, “Bangziak a, tuni'n hong pai baih ve uchia?” ana chi hi.
19Amau, “Belamchingte khut a pan Aigupta mi khat in hon hunkhia a, tui leng ahon tawisak a, belamhonte tui apia hi,” achi uhi.
20Ama'n atanute kiang ah, “Ahihleh amah koi a om ahia? Bangziak a huai mi hon nusia? An ne ding in va sam ve ua,” achi hi.
21Huchi in Mosi bel huai mi kiang a ten alungkim a, ama'n atanu Zipporah, Mosi apeta hi. 22Ama'n tapa aneihsak a, “Melmak gam ah mikhual ka hita,” achih ziak in amin Gershom asa hi.
23Hun hong pai zel in hichi ahong hi a, Aigupta kumpipa asita a, huchi in akoltan ziak un Israel suante athumthum ua, akap ua, koltan ziak a akahna uh Pathian kiang atungtou hi. 24Amauna uh Pathian in aza a, huchi in Pathian in Abraham toh, Isak toh leh Jakob toh athukhun atheigige hi. 25Pathian in Israel suante a-en a, Pathian in amau aphawk hi.
ទើបបានជ្រើសរើសហើយ៖
EKSODAS 2: PAITBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
EKSODAS 2
2
Mosi Pianna
1Huan Levi inn a pan pasal khat apaikhia a, Levi tanu zi in anei hi. 2Huai numei in nau apai a, tapa anei a, naupang melhoih ahi chih atheih in kha thum sung aselta hi. 3Asel zoh nawn louhtak in, phaiphek bawm abawlsak a, vahaibuan leh chim in azutbit a, asung ah nau akoih a; luipang ah loupa kawm ah akoih hi. 4Asanggamnu'n bang hong suak hiam chih thei ding in gamla kuam ah adingh hi.
5Pharaoh tanu lui ah kisil ding in ahong paisuk a; anungzui numeite toh lui gei ah avak uhi. Loupa lak a bawm amu a, asikha numei khat va la ding in asawl hi. 6Ahonleh, naupang amuta a, ngai in, naungek akapta hi. Alainat a, “Hiai Hebru tate lak a khat ahi,” achi hi.
7Asanggamnu'n Pharaoh tanu kiang ah, “Naungek hon donsak ding, Hebru numeite lak a naudonmi khat hon va sapsak leng na ut hia?” achi hi.
8Pharaoh tanu in akiang ah, “Va kuan in,” achi hi. Nungak akuanta a, naungek nu ava samta hi. 9Pharaoh tanu in akiang ah, “Hiai naungek la inla, hon donsak in. Na loh ka hon pe na ding,” achi hi. Huchi in huai numei in nau alata a, adonta hi. 10Naungek ahong khanglian a, Pharaoh tanu kiang ah ahon pi a, huchi in atapa ahong hita hi. “Tui a pan ka kaihkhiak ahih ziak in, chi in amin Mosi asa hi.”
Midian Ah Mosi Asuakta
11Huai lai in hichi ahong hi a, Mosi ahong khanlet in chipihte kiang ah ava hoh a, apuakgikte uh ava mu hi. Asanggamte lak a khat, Hebru mi khat Aigupta mi in avuak lai ava muta hi. 12Adak loplop a, kuamah a-om kei chih atheihtak in, Aigupta mi athat a, piaunel ah asel hi. 13Huan ani nih ni a, ava hoh nawnleh, ngai in, Hebru mite lak a mi nih ana kisual ua; gilou hihpa kiang ah, “Bangziak a na lawm vua na hia?” achi hi.
14Ama'n, “Ka tung ua lal leh vaihawm dia nang kua'n hon bawl ahia? Aigupta mi na thah bang a, hon thah tum na hi maw?” achi hi. Huchi in Mosi in alau a, “Hiai thil kitheikhe petmah ahita ve,” achi hi. 15Pharaoh in hiai azak in, thah ding in Mosi azongta hi. Himahleh Pharaoh mai a pan Mosi ataimang a, Midian gam ah ava teng a; tuileh kiang ah atu hi. 16Midian siampu in tanu sagih anei a, amau ahong pai ua, tui ahong tawi ua, apa uh belamhonte piak ding in atuitheite adim uhi. 17Belamchingte ahong pai ua, ahawlmangsak uhi. Himahleh, Mosi adingtou a, amau apanpih a, abelamhonte uh tui apia hi. 18Apa uh Reuel kiang a ahong paitak un, “Bangziak a, tuni'n hong pai baih ve uchia?” ana chi hi.
19Amau, “Belamchingte khut a pan Aigupta mi khat in hon hunkhia a, tui leng ahon tawisak a, belamhonte tui apia hi,” achi uhi.
20Ama'n atanute kiang ah, “Ahihleh amah koi a om ahia? Bangziak a huai mi hon nusia? An ne ding in va sam ve ua,” achi hi.
21Huchi in Mosi bel huai mi kiang a ten alungkim a, ama'n atanu Zipporah, Mosi apeta hi. 22Ama'n tapa aneihsak a, “Melmak gam ah mikhual ka hita,” achih ziak in amin Gershom asa hi.
23Hun hong pai zel in hichi ahong hi a, Aigupta kumpipa asita a, huchi in akoltan ziak un Israel suante athumthum ua, akap ua, koltan ziak a akahna uh Pathian kiang atungtou hi. 24Amauna uh Pathian in aza a, huchi in Pathian in Abraham toh, Isak toh leh Jakob toh athukhun atheigige hi. 25Pathian in Israel suante a-en a, Pathian in amau aphawk hi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.