NAHUM 3
3
1Thisen insuo hmang khawpui chu a chung a rik ie! Khêl le inrawk- nain a sip vawng a; an sase chu a chatlak nawh.
2Vuokna vai rîk dâm, tawlailîr ke innghawr ri dâm, sakawr inchâwm dâm, tawlailîr tlân tlut tlut dâm leh; 3sakawr chung chuong mi, sakawr- a chuong dâm, kâwlhnâm tle zawr zawr dâm, fei tle pawp pawp dâm le, mi that um rem rum dâm, ruong um rei rui dâm leh; ruong chu tâwp ti hrim a nei nawh, an ruong haia chun an insui a;
4chuong chu, nawchizawr hmêl ṭha, dawithiemnu, a uiretna leia hnam zawr a, dawi chîngna leia sûngkuo zawrtu uiretna nasatak leia hung um a nih.
5Sipaihai LALPA chun hieng ang hin a tih, Ngai ta, ka do che a nih; i hmai tieng i puon hlîm ka ta; i saruokna hnamhai kuoma le i muol- phona lal ramhai kuomah inentir ka tih.
6Hmunhnawk tirdakumtakin thêng ka ti cheh a, inzakumtakin siem ka ti che a, ennuom dingin sieng ka ti che.
7Chun, hieng ang hi hung nîng a ta, a hmu taphawt che chu i kuoma inthawkin tlân hmang an tih. Ninevi khuo chu a hung tâwp tah a nih; tuin am sûn a ta? Khâwlaia inthawkin am i ta dingin lungmuongna ei zawng ding chu aw! tîng an tih.
8Vadunghai kâra um, No-amon, a vêla tuiin ân huol, a kul dinga tui- pui hmanga, a kul bang ding tui- pui nei nêk khan i ṭha lem am a nih?
9Ethiopia le Aigupta chu a hrâtna a na, chu chu tâwp chin nei lo a nih; Put le Lubim chu nangma ṭhangpui- tuhai an nih.
10Chuong sa khawm chun lâk hmangin a um a, salah ân tâng a: kawtthlêr tin tâwpah a naupangtehai chu an pei nawipêk a; a mi ṭhahai ta dingin ai an sân a, a mi lienhai po po chu khaidieta khuop an nih.
11Nang khawm inrui bawk i ta, thuphmangin um i tih; hmêlma leiin kul det zawng bawk i tih.
12I kul po po chu theichang kûng, ra hmin hmasa put ang nîng an ta, an inhnîng phawt chun a fatu bauah an tla lût hlak.
13Ngai ta, i sûnga i mipuihai chu nuhmei an na, i hmêlmahai ta dingin i ram kawtkhâr chu ân hawng huoi a, în kalna thîr tluonhai chu meiin a kâng hmang a nih.
14Inhuol vêla i um sûnga dingin tui chawi la, i kulhai sukdet rawh; pilpawk umnaa chun fe la, lung chârna chu chîl la, ṭêklei râwna thuk chu sukdet rawh.
15Chutaka chun meiin kâng hmang a ti cheh a, kâwlhnâmin sât hlum a ti che, khâu angin sukbohmang a ti che: khâu angin insukpung la, khâuhawn angin insukpung rawh.
16I sumdâwngtuhai chu vâna ara- sihai nêka tamin i sukpung a, khâu chun a suksiet a, a vuong hmang el hlak.
17I mi lallukhum khumhai chu khâuhawn ang an na, i sipai hotuhai chu khaw dei nia khâu ruol pala fu khâwm ang an nih, amiruokchu, nisa a hung suok a, an vuong hmang a, an umna hmun hrim hriet a ni nawh.
18Aw Assuria lal, i berâm vêngtu- hai chu an inlusu ie, i mi lienhai chu an châwl a, i mipuihai chu tlânghaia chun an indar zo a, ṭhuoi khâwmtu tukhawm an um nawh.
19I na chu a damna ding a um nawh, i hliemna chu a nasa hle a nih; i ri hre taphawt chun kut an ben- khum che; i rîtlona hin a chîm rawp naw tu am a um a?
ទើបបានជ្រើសរើសហើយ៖
NAHUM 3: HMARCLBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
NAHUM 3
3
1Thisen insuo hmang khawpui chu a chung a rik ie! Khêl le inrawk- nain a sip vawng a; an sase chu a chatlak nawh.
2Vuokna vai rîk dâm, tawlailîr ke innghawr ri dâm, sakawr inchâwm dâm, tawlailîr tlân tlut tlut dâm leh; 3sakawr chung chuong mi, sakawr- a chuong dâm, kâwlhnâm tle zawr zawr dâm, fei tle pawp pawp dâm le, mi that um rem rum dâm, ruong um rei rui dâm leh; ruong chu tâwp ti hrim a nei nawh, an ruong haia chun an insui a;
4chuong chu, nawchizawr hmêl ṭha, dawithiemnu, a uiretna leia hnam zawr a, dawi chîngna leia sûngkuo zawrtu uiretna nasatak leia hung um a nih.
5Sipaihai LALPA chun hieng ang hin a tih, Ngai ta, ka do che a nih; i hmai tieng i puon hlîm ka ta; i saruokna hnamhai kuoma le i muol- phona lal ramhai kuomah inentir ka tih.
6Hmunhnawk tirdakumtakin thêng ka ti cheh a, inzakumtakin siem ka ti che a, ennuom dingin sieng ka ti che.
7Chun, hieng ang hi hung nîng a ta, a hmu taphawt che chu i kuoma inthawkin tlân hmang an tih. Ninevi khuo chu a hung tâwp tah a nih; tuin am sûn a ta? Khâwlaia inthawkin am i ta dingin lungmuongna ei zawng ding chu aw! tîng an tih.
8Vadunghai kâra um, No-amon, a vêla tuiin ân huol, a kul dinga tui- pui hmanga, a kul bang ding tui- pui nei nêk khan i ṭha lem am a nih?
9Ethiopia le Aigupta chu a hrâtna a na, chu chu tâwp chin nei lo a nih; Put le Lubim chu nangma ṭhangpui- tuhai an nih.
10Chuong sa khawm chun lâk hmangin a um a, salah ân tâng a: kawtthlêr tin tâwpah a naupangtehai chu an pei nawipêk a; a mi ṭhahai ta dingin ai an sân a, a mi lienhai po po chu khaidieta khuop an nih.
11Nang khawm inrui bawk i ta, thuphmangin um i tih; hmêlma leiin kul det zawng bawk i tih.
12I kul po po chu theichang kûng, ra hmin hmasa put ang nîng an ta, an inhnîng phawt chun a fatu bauah an tla lût hlak.
13Ngai ta, i sûnga i mipuihai chu nuhmei an na, i hmêlmahai ta dingin i ram kawtkhâr chu ân hawng huoi a, în kalna thîr tluonhai chu meiin a kâng hmang a nih.
14Inhuol vêla i um sûnga dingin tui chawi la, i kulhai sukdet rawh; pilpawk umnaa chun fe la, lung chârna chu chîl la, ṭêklei râwna thuk chu sukdet rawh.
15Chutaka chun meiin kâng hmang a ti cheh a, kâwlhnâmin sât hlum a ti che, khâu angin sukbohmang a ti che: khâu angin insukpung la, khâuhawn angin insukpung rawh.
16I sumdâwngtuhai chu vâna ara- sihai nêka tamin i sukpung a, khâu chun a suksiet a, a vuong hmang el hlak.
17I mi lallukhum khumhai chu khâuhawn ang an na, i sipai hotuhai chu khaw dei nia khâu ruol pala fu khâwm ang an nih, amiruokchu, nisa a hung suok a, an vuong hmang a, an umna hmun hrim hriet a ni nawh.
18Aw Assuria lal, i berâm vêngtu- hai chu an inlusu ie, i mi lienhai chu an châwl a, i mipuihai chu tlânghaia chun an indar zo a, ṭhuoi khâwmtu tukhawm an um nawh.
19I na chu a damna ding a um nawh, i hliemna chu a nasa hle a nih; i ri hre taphawt chun kut an ben- khum che; i rîtlona hin a chîm rawp naw tu am a um a?
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.