HABAKKUK 2
2
Habakkuk kuoma Pathien dawnna
1 #
Is 21.8 Ka vêngbûk chunga chun ngîr ka ta, ka kulbîng chunga chun um ka ta, kâwk ka ni phaha ka dawnna ding le ka kuoma ieng am a hril ding ti hmu dingin nghâk zing ka tih.
2Chun, LALPA chun a mi hung dawn a,
“Inlârna thu chu ziek la,
Lungphêkhai chunga chun fietak elin,
A tiemtu chun tlân puma a tiem theina dingin.
3 #
Heb 10.37 Inlârna hi hun ruota hung tlung ding a la na,
A tâwp chu a hnai mêk zing a, inkhêl bawk naw nih;
A muong khawma nghâk zing la,
A hung tlung ngei ding a ni leiin,” tiin.
4 #
Rom 1.17; Gal 3.11; Heb 10.38-39 En ta u, a lungril chu a chapo a, amaa chun ân dik naw a nih,
Mi fel ruok chu a ringna lei chun hring a tih.
5Anih, chu nawa khawm uoin he chu bawsetu,
Mi chapo, a ina um ngailo chu a nih;
Ama chun a châkna chu hrem- hmun angin a suklien a,
Ama chu thina ang a na, suktlai ruol a ni nawh.
Chi po pohai chu a kuoma chun a kei khâwmin,
Hnam po pohai chu a kuomah a lâk khâwm lem a nih.
Mi fel nawhai chungrikna
6Hieng po pohai hin ama chunga tekhina hung hrilin, ama chunga hrilinsîm thu hrilin,
“Ama ta ni si loa insukpung chu ieng chen am nei a ta?
Mâni le mâni banda insiekhumtu chung chu a va rik de!” an ti naw dîm a nih?
7Anni chun thâwklekhatin nang hung sêtu ding che chu suktho an ta,
Hmatieng hnungtienga nawrtu ding chu hung sukharin,
An ta dinga râllâk thil i ni el naw ding maw?
8Hnam tamtak i suksiet ta leiin, mihriem thisen le
Ram le khawpui le a sûnga chênghai chunga
Mihriem thisen le inpâwngnêk- na#Hrohrângsietna thil lo thaw ta po po lei khan,
Nang khawm chi a la um sun- hai po po chun sukse vêng an ti che.
9Mi suol kuta inthawka sansuok a ni theina dinga,
A bû insângtaka a sep theina dinga,
A insûng ta dinga hlâwkna indik naw latu chu a chung a rik ie!
10Mi tamtak chu sât thlain,
I insûng ta ding chun inzakna în tlun tah a;
I hringna chung ngeia khawm thil i suksuol tah a nih.
11Banga inthawk chun lung chuhung khêksuok a ta,
Thing laia tlungpûm chun a hung dawn ding a ni sih a.
12Khuo chu thisena indin a,
Khawpui chu khawhlonaa inngîrtu chung chu a rik ie!
13En ta u, hnamhai chu teploah anni an insuklungkham a,
Chi tinhai chun mei ta dinga sin an inrim hi,
Sipaihai LALPAA inthawk ni lo am a nih?
14 #
Is 11.9
Tuisuoriet chu tuihaiin ân khum angin,
LALPA ropuina hrietna chun hnuoi hi a suksip ding a ni sih a.
15A tuolbâwm kuoma dâwn ding pe a,
Chutaka chun a tûr chu pawl a,
An saruokna chu a hmu theina dinga
Sukruitu chung chu a rik ie!
16Ropuina dinga inzaknaasuksip i ni tah a,
Nang khawma dâwn la, saruok chu ni el rawh!
LALPA kut changtienga no chu i kuomah pêk nîng a ta,
I ropuina chunga chun inzakna tirdakum chu um a tih!
17Lebanon chunga inpâwng- nêkna le,
Ramsahai chunga suksietna, anni sukṭi hlakna chun,
Ram le khawpui le a sûnga chênghai chunga le,
Mihriemhai thisen le thil lo thaw ta po po lei chun,
Nang chu ân khum ding che a nih.
18Milem a kera ker, a siemtuin a iker chun
Ieng am ṭhangkaina a nei?
Milim a sunga sung le khêlhlip inchûktirtu,
Milim ṭawng thei nawhai siem a,
A siemtuin ama sinthaw nâk nâk a ringzoa hin,
Ṭhangkâina ieng am a um a?
19Thing kuoma chun, “Harrawh,” ti a,
Lung kuoma chun, “Tho rawh,” titu chu a chung a rik ie!
Hi hin ân chûktir ding am a nih?
En ta u, rângkachak le tangkaruo inluon khum a na,
Amaa hin inthuokna hrim a um dêr nawh.
20LALPA ruok chu a biekininthienga chun a um a,
Leihnuoi po po chu a hmaah to ṭhiep raw se.
ទើបបានជ្រើសរើសហើយ៖
HABAKKUK 2: HMARCLBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
HABAKKUK 2
2
Habakkuk kuoma Pathien dawnna
1 #
Is 21.8 Ka vêngbûk chunga chun ngîr ka ta, ka kulbîng chunga chun um ka ta, kâwk ka ni phaha ka dawnna ding le ka kuoma ieng am a hril ding ti hmu dingin nghâk zing ka tih.
2Chun, LALPA chun a mi hung dawn a,
“Inlârna thu chu ziek la,
Lungphêkhai chunga chun fietak elin,
A tiemtu chun tlân puma a tiem theina dingin.
3 #
Heb 10.37 Inlârna hi hun ruota hung tlung ding a la na,
A tâwp chu a hnai mêk zing a, inkhêl bawk naw nih;
A muong khawma nghâk zing la,
A hung tlung ngei ding a ni leiin,” tiin.
4 #
Rom 1.17; Gal 3.11; Heb 10.38-39 En ta u, a lungril chu a chapo a, amaa chun ân dik naw a nih,
Mi fel ruok chu a ringna lei chun hring a tih.
5Anih, chu nawa khawm uoin he chu bawsetu,
Mi chapo, a ina um ngailo chu a nih;
Ama chun a châkna chu hrem- hmun angin a suklien a,
Ama chu thina ang a na, suktlai ruol a ni nawh.
Chi po pohai chu a kuoma chun a kei khâwmin,
Hnam po pohai chu a kuomah a lâk khâwm lem a nih.
Mi fel nawhai chungrikna
6Hieng po pohai hin ama chunga tekhina hung hrilin, ama chunga hrilinsîm thu hrilin,
“Ama ta ni si loa insukpung chu ieng chen am nei a ta?
Mâni le mâni banda insiekhumtu chung chu a va rik de!” an ti naw dîm a nih?
7Anni chun thâwklekhatin nang hung sêtu ding che chu suktho an ta,
Hmatieng hnungtienga nawrtu ding chu hung sukharin,
An ta dinga râllâk thil i ni el naw ding maw?
8Hnam tamtak i suksiet ta leiin, mihriem thisen le
Ram le khawpui le a sûnga chênghai chunga
Mihriem thisen le inpâwngnêk- na#Hrohrângsietna thil lo thaw ta po po lei khan,
Nang khawm chi a la um sun- hai po po chun sukse vêng an ti che.
9Mi suol kuta inthawka sansuok a ni theina dinga,
A bû insângtaka a sep theina dinga,
A insûng ta dinga hlâwkna indik naw latu chu a chung a rik ie!
10Mi tamtak chu sât thlain,
I insûng ta ding chun inzakna în tlun tah a;
I hringna chung ngeia khawm thil i suksuol tah a nih.
11Banga inthawk chun lung chuhung khêksuok a ta,
Thing laia tlungpûm chun a hung dawn ding a ni sih a.
12Khuo chu thisena indin a,
Khawpui chu khawhlonaa inngîrtu chung chu a rik ie!
13En ta u, hnamhai chu teploah anni an insuklungkham a,
Chi tinhai chun mei ta dinga sin an inrim hi,
Sipaihai LALPAA inthawk ni lo am a nih?
14 #
Is 11.9
Tuisuoriet chu tuihaiin ân khum angin,
LALPA ropuina hrietna chun hnuoi hi a suksip ding a ni sih a.
15A tuolbâwm kuoma dâwn ding pe a,
Chutaka chun a tûr chu pawl a,
An saruokna chu a hmu theina dinga
Sukruitu chung chu a rik ie!
16Ropuina dinga inzaknaasuksip i ni tah a,
Nang khawma dâwn la, saruok chu ni el rawh!
LALPA kut changtienga no chu i kuomah pêk nîng a ta,
I ropuina chunga chun inzakna tirdakum chu um a tih!
17Lebanon chunga inpâwng- nêkna le,
Ramsahai chunga suksietna, anni sukṭi hlakna chun,
Ram le khawpui le a sûnga chênghai chunga le,
Mihriemhai thisen le thil lo thaw ta po po lei chun,
Nang chu ân khum ding che a nih.
18Milem a kera ker, a siemtuin a iker chun
Ieng am ṭhangkaina a nei?
Milim a sunga sung le khêlhlip inchûktirtu,
Milim ṭawng thei nawhai siem a,
A siemtuin ama sinthaw nâk nâk a ringzoa hin,
Ṭhangkâina ieng am a um a?
19Thing kuoma chun, “Harrawh,” ti a,
Lung kuoma chun, “Tho rawh,” titu chu a chung a rik ie!
Hi hin ân chûktir ding am a nih?
En ta u, rângkachak le tangkaruo inluon khum a na,
Amaa hin inthuokna hrim a um dêr nawh.
20LALPA ruok chu a biekininthienga chun a um a,
Leihnuoi po po chu a hmaah to ṭhiep raw se.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.