MAAKI 4
4
1Tɔ; ka Yisa daa laa n‑gbaai yɛttɔ'a n‑wulisiri niriba, Galilii mɔ'ari kpaŋŋa. Niriba ban daa la'am u saani maa daa zoaaya pam, dizugu u daa kpɛ la nyariŋŋu puuni nti zinni. Nyariŋŋu maa daa bɛ la koom puuni ka daadam maa daa kpalim mɔ'ari maa gbiriŋŋu n‑wumna. 2Ka u daa nyɛsi ba nyɛsa ka a wulisi ba yɛla pam; 3ka daa laa n‑yɛli ba, “Ya wumma! Dɔsɔ n daa kyaŋŋi puu, ni u ti waali u bumbura; 4ka ŋɔn daa waanni maa, a seesi daa lu la sɔkpaŋŋa, ka niinsi daa kyɛ na n‑di a zaa. 5Tɔ, di saha maa ka u bumburiseesi daa lu kuga ziiya ka tanni ka ni see beela fiiŋ, ka daa tɔ bula yooma dama tanni maa daa bu zoaai; 6amaa wuntaŋŋa daa bii ka ka bula maa daa gyɛkki n‑kpi, dama a nya'a daa bu sigi wa'aligu. 7Ka seesi gba daa lu la goosi ni, ka goosi maa daa zoaai na n‑gabi kabula maa ka a daa kɔŋŋi dɔ'abu. 8Amaa kaburiseesi daa lu la tam ziiya n‑tɔ bula, n‑zoaai, ka daa dɔ'ai n‑niŋi kyi, seesi daa niŋi m‑paai kabeelim pisitata, seesi pisiyooyoobu, seesi mun kɔbkɔbga.”
9Tɔ; ka Yisa ŋɔn daa ti ya n‑naai u yɛttɔ'a maa u daa yɛli ba, “Ŋɔnkam mari tuba n nin wum, ŋɔn wumma!”
10Ka Yisa ŋɔn daa ti ziya u kɔkɔa, ninvugseeba ban daa wum u lala yɛttɔ'a maa daa dɔli u tuumudima piiya ni ayi la n‑kyɛ u saani na nti susi u, ni, u wulisim ba nyɛsiri wa gbinni ŋɔn nyɛ seem. 11Ka u daa yɛli ba, ni, “Yarim muna - Naawunni siri ti ya soori ni ya baŋŋi u naam yɛlisɔ'ara ŋɔn nyɛ seem zaa. Amaa ban kpalim la nin wum yɛla zaa ka a bɛ nyɛsa ni. 12Ni#:-
‘Ba nin gɔsi m‑maali n‑gɔsi,
Amaa ba ku nya seela:
Ba mun nin wum m‑maali n‑wum,
Amaa ba ku baŋŋi di gbinni.
Di yi pa lala, ba da naa n‑labi Naawunni saani na,
Ka u da kyɛ ba taalli m‑pɛŋŋi ba.’ ”
13Di saha Yisa daa boosi ba n‑yɛli, “Ya bu baŋŋi nyɛsiri wa gbinni? Ka ya ya niŋi la wula m‑baŋŋi nyɛsa zaa gbina? 14Tɔ, ya wumma: ŋɔn butti kyi la n nyɛ hoo ŋɔn moonni Naawunni yɛligu. 15Ninvugseeba ban ŋmani la bumbura an lu soori ni la n nyɛ seeba ban yi wum yɛligu maa pɔi, ka di bu yuui ka Sintaani naayi kyɛ na n‑fa yɛligu maa ka kyɛ ba. 16Ninvugseeba muna ban ŋmani la bumbura an lu kuga zugu la n nyɛ seeba ban yi wum yɛligu maa sahanseaa ba yi deaai ka ni sufupeelli; 17amaa di bu kpɛ la ba sufu ni ni yɛlimaŋni, ka ba nya'a kaalinsi zugu ba bu yuura: dizugu yɛlibeoo bee vɔlisigu yi ti kyɛ na Naawunni yɛligu maa zugu, ba yi labi la nyaaŋŋa yooma. 18Ninvugseeba muna ban ŋmani la bumbura an lu goosi ni la n nyɛ baseeba ban yi wum yɛligu maa pɔi, 19ka naa n‑zaŋŋi duniya wa yɛla m‑mugsi ba mansi, ni bundaantirigu ni sufuyuubu yɛla n yi ti ta'ai ka ba ku toaai n‑wumni yɛligu maa, dizugu ka Naawunni yɛligu bu toaai m‑bunni ba sufu ni nti zoaai na n‑wanni tunsuma wala. 20Amaa ninvugseeba ban ŋmani la bumbura an lu tam ziiya la n nyɛ baseeba ban wumni Naawunni yɛligu maa ka deaari ka, ka laa n‑wanna: baseeba pisitata, seeba pisiyooyoobu, seeba mun kɔbkɔbga.”
21Ka Yisa daa laa n‑yɛli, “Sɔ na zi n‑nyoaai firila n‑zaŋŋi kuriba m‑pili ka, bee u zaŋŋi ka n‑sɔ'ai gadu lɔŋni. Ay! U yi zaŋŋni ka n‑tɔmni la saazugu. 22Bunsɔ'ariseaa ka ni, ka ka ku ti yi paalu na; bee asiiri seaa ka ni ka ka ku yi na ka ba baŋŋi ka. 23Ŋɔnkam mari tuba n nin wum, ŋɔn wumma!”
24U daa laa n‑yɛli ba, ni, “Ya kpasim suŋŋa ya wumpu ziiya! Yan ma'asiri seem n‑tiri niriba, lala ka ba nin ma'asi n‑ti ya gba, halli ba nin paasi ya lala. 25Ninvugsɔ ŋɔn mari seelli ya n‑nya m‑paasi, amaa ŋɔn ka seelli maa ŋɔna, halli ŋɔn mari seelli fiiŋ maa ka ba nin ti fa ka kyɛ u yɔri.”
26Ni, “Naawunni naam ŋmani la nŋɔa#:- Dɔsɔ n daa bɛ ni n‑daa yaam bumbura u paalu ni n‑naai; 27di nyaaŋŋa u daa doontiri yuŋŋu n‑neaari beoo, n‑doontira, n‑neaara, ka lala saha zaa ka u bumbura maa bunni n‑zoaari tanni puuni, amaa ŋɔn daa bu baŋŋi din niŋi seem. 28Ay! - Tanni maa daa tumni ka maŋtoori tuma n‑kyɛ ka kyi maa ti niŋi: a daa daŋŋi m‑buli m‑pusi n‑dɔ'ai, halli nti piri. 29Ka kyi maa yi ti kuui, doo maa nin zaŋŋi u suuwa n‑yi na n‑ŋma a ni, dama kyi ŋmaabu saha paaya.”
30Ka Yisa daa boosi ba, ni, “Ti nin yɛli, ni, Naawunni naam ŋmani la bɔa? Ma'asiri bɔ ka ti nin zaŋŋi n‑wulisi di gbinni? Tɔ: di ŋmani la nŋɔa#:- 31Dɔsɔ n daa bɛ ni n‑zaŋŋi zinzambeelli, m‑buri ka tiŋŋa ni. Tɔ, bumbilifiiŋ nla, ka bumbura kam zaa n galisi n‑gaari ka. 32Ka ka daa buli, n‑zoaai n‑niŋi buntitaari n‑gaari zeeri bumbula zaasa, ka daa tɔ wula, halli ka niinsi daa tɛ ba teeri a zugu ka nyari ka vaari maasim.”
33Tɔ. Ka Yisa ŋɔn daa tɔ'asiri u yɛligu wa n‑tiri niriba la, u daa kur zaŋŋi ma'asa ni nyɛsa anŋɔ taabu n‑tɔ'asira. Lala ka di daa paai ba zaa yinniyinni bamsim ŋɔn sa'ai seem. 34U daa bu tɔ'asi yɛttɔ'aseelli ka ma'asa ka di ni, amaa ŋɔn daa ti bɛ ni, ŋɔn ni u nyaandɔliba kɔkɔa, sahanseaa la u daa yi wulisiri ba la yɛttɔ'anyɛsa maa gbinni ŋɔn nyɛ seem.
35Di daari zaanoori maa ka Yisa daa yɛli u nyaandɔliba la, ni, “Ya kyɛ ka ti lɔŋŋi mɔ'ari wa ya'ari sa.” 36Ka ba daa zaŋŋi u ŋɔn daa pun bɛ nyariŋŋu seaa la ni, ka bakki n‑kyɛ zama maa mɔ'aduuri ni. Ka nyarinseesi gba daa dɔli u m‑paasi. 37Di daa bu yuui ka pɛbsititaari daa ti yisigi ka daa mari nyariŋŋu maa n‑laantiri ni, halli ka koom daa ti kpɛ ka ni. 38Yisa daa bɛ la nyariŋŋu maa nyaaŋŋa ziiya n‑kukki dafeeru n‑gbisira. Ka ba daa neaai u ka yɛli u, “Ti Karimba, di bu mugsi i tin ya kpi wa zugu?” 39Ka u daa neaai ka tasi pɛbsigu ni koom maa, ni, “Ya sina! Kur kyɛla!”, ka a daa siri kyɛya, ka di lu n‑fɔ surimm! 40Din saha ka Yisa daa yɛli u nyaandɔliba maa, ni, “Bɔzugu ka dabeem gbaai ya lala? Ammi, ya na bu niŋi yɛdda, bee?” 41Ka dabeem pam daa maali n‑gbaai ba, ka ba daa tɔ'asiri n‑tiri taaba, ni, “Bɔ nira nŋɔa? - halli ka u mari yiiko n‑toaai n‑tɔ'asiri pɛbsigu ni mɔ'ari gba ka a wumna!”
ទើបបានជ្រើសរើសហើយ៖
MAAKI 4: maw
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2002, Wycliffe Bible Translators, Inc. All rights reserved.
MAAKI 4
4
1Tɔ; ka Yisa daa laa n‑gbaai yɛttɔ'a n‑wulisiri niriba, Galilii mɔ'ari kpaŋŋa. Niriba ban daa la'am u saani maa daa zoaaya pam, dizugu u daa kpɛ la nyariŋŋu puuni nti zinni. Nyariŋŋu maa daa bɛ la koom puuni ka daadam maa daa kpalim mɔ'ari maa gbiriŋŋu n‑wumna. 2Ka u daa nyɛsi ba nyɛsa ka a wulisi ba yɛla pam; 3ka daa laa n‑yɛli ba, “Ya wumma! Dɔsɔ n daa kyaŋŋi puu, ni u ti waali u bumbura; 4ka ŋɔn daa waanni maa, a seesi daa lu la sɔkpaŋŋa, ka niinsi daa kyɛ na n‑di a zaa. 5Tɔ, di saha maa ka u bumburiseesi daa lu kuga ziiya ka tanni ka ni see beela fiiŋ, ka daa tɔ bula yooma dama tanni maa daa bu zoaai; 6amaa wuntaŋŋa daa bii ka ka bula maa daa gyɛkki n‑kpi, dama a nya'a daa bu sigi wa'aligu. 7Ka seesi gba daa lu la goosi ni, ka goosi maa daa zoaai na n‑gabi kabula maa ka a daa kɔŋŋi dɔ'abu. 8Amaa kaburiseesi daa lu la tam ziiya n‑tɔ bula, n‑zoaai, ka daa dɔ'ai n‑niŋi kyi, seesi daa niŋi m‑paai kabeelim pisitata, seesi pisiyooyoobu, seesi mun kɔbkɔbga.”
9Tɔ; ka Yisa ŋɔn daa ti ya n‑naai u yɛttɔ'a maa u daa yɛli ba, “Ŋɔnkam mari tuba n nin wum, ŋɔn wumma!”
10Ka Yisa ŋɔn daa ti ziya u kɔkɔa, ninvugseeba ban daa wum u lala yɛttɔ'a maa daa dɔli u tuumudima piiya ni ayi la n‑kyɛ u saani na nti susi u, ni, u wulisim ba nyɛsiri wa gbinni ŋɔn nyɛ seem. 11Ka u daa yɛli ba, ni, “Yarim muna - Naawunni siri ti ya soori ni ya baŋŋi u naam yɛlisɔ'ara ŋɔn nyɛ seem zaa. Amaa ban kpalim la nin wum yɛla zaa ka a bɛ nyɛsa ni. 12Ni#:-
‘Ba nin gɔsi m‑maali n‑gɔsi,
Amaa ba ku nya seela:
Ba mun nin wum m‑maali n‑wum,
Amaa ba ku baŋŋi di gbinni.
Di yi pa lala, ba da naa n‑labi Naawunni saani na,
Ka u da kyɛ ba taalli m‑pɛŋŋi ba.’ ”
13Di saha Yisa daa boosi ba n‑yɛli, “Ya bu baŋŋi nyɛsiri wa gbinni? Ka ya ya niŋi la wula m‑baŋŋi nyɛsa zaa gbina? 14Tɔ, ya wumma: ŋɔn butti kyi la n nyɛ hoo ŋɔn moonni Naawunni yɛligu. 15Ninvugseeba ban ŋmani la bumbura an lu soori ni la n nyɛ seeba ban yi wum yɛligu maa pɔi, ka di bu yuui ka Sintaani naayi kyɛ na n‑fa yɛligu maa ka kyɛ ba. 16Ninvugseeba muna ban ŋmani la bumbura an lu kuga zugu la n nyɛ seeba ban yi wum yɛligu maa sahanseaa ba yi deaai ka ni sufupeelli; 17amaa di bu kpɛ la ba sufu ni ni yɛlimaŋni, ka ba nya'a kaalinsi zugu ba bu yuura: dizugu yɛlibeoo bee vɔlisigu yi ti kyɛ na Naawunni yɛligu maa zugu, ba yi labi la nyaaŋŋa yooma. 18Ninvugseeba muna ban ŋmani la bumbura an lu goosi ni la n nyɛ baseeba ban yi wum yɛligu maa pɔi, 19ka naa n‑zaŋŋi duniya wa yɛla m‑mugsi ba mansi, ni bundaantirigu ni sufuyuubu yɛla n yi ti ta'ai ka ba ku toaai n‑wumni yɛligu maa, dizugu ka Naawunni yɛligu bu toaai m‑bunni ba sufu ni nti zoaai na n‑wanni tunsuma wala. 20Amaa ninvugseeba ban ŋmani la bumbura an lu tam ziiya la n nyɛ baseeba ban wumni Naawunni yɛligu maa ka deaari ka, ka laa n‑wanna: baseeba pisitata, seeba pisiyooyoobu, seeba mun kɔbkɔbga.”
21Ka Yisa daa laa n‑yɛli, “Sɔ na zi n‑nyoaai firila n‑zaŋŋi kuriba m‑pili ka, bee u zaŋŋi ka n‑sɔ'ai gadu lɔŋni. Ay! U yi zaŋŋni ka n‑tɔmni la saazugu. 22Bunsɔ'ariseaa ka ni, ka ka ku ti yi paalu na; bee asiiri seaa ka ni ka ka ku yi na ka ba baŋŋi ka. 23Ŋɔnkam mari tuba n nin wum, ŋɔn wumma!”
24U daa laa n‑yɛli ba, ni, “Ya kpasim suŋŋa ya wumpu ziiya! Yan ma'asiri seem n‑tiri niriba, lala ka ba nin ma'asi n‑ti ya gba, halli ba nin paasi ya lala. 25Ninvugsɔ ŋɔn mari seelli ya n‑nya m‑paasi, amaa ŋɔn ka seelli maa ŋɔna, halli ŋɔn mari seelli fiiŋ maa ka ba nin ti fa ka kyɛ u yɔri.”
26Ni, “Naawunni naam ŋmani la nŋɔa#:- Dɔsɔ n daa bɛ ni n‑daa yaam bumbura u paalu ni n‑naai; 27di nyaaŋŋa u daa doontiri yuŋŋu n‑neaari beoo, n‑doontira, n‑neaara, ka lala saha zaa ka u bumbura maa bunni n‑zoaari tanni puuni, amaa ŋɔn daa bu baŋŋi din niŋi seem. 28Ay! - Tanni maa daa tumni ka maŋtoori tuma n‑kyɛ ka kyi maa ti niŋi: a daa daŋŋi m‑buli m‑pusi n‑dɔ'ai, halli nti piri. 29Ka kyi maa yi ti kuui, doo maa nin zaŋŋi u suuwa n‑yi na n‑ŋma a ni, dama kyi ŋmaabu saha paaya.”
30Ka Yisa daa boosi ba, ni, “Ti nin yɛli, ni, Naawunni naam ŋmani la bɔa? Ma'asiri bɔ ka ti nin zaŋŋi n‑wulisi di gbinni? Tɔ: di ŋmani la nŋɔa#:- 31Dɔsɔ n daa bɛ ni n‑zaŋŋi zinzambeelli, m‑buri ka tiŋŋa ni. Tɔ, bumbilifiiŋ nla, ka bumbura kam zaa n galisi n‑gaari ka. 32Ka ka daa buli, n‑zoaai n‑niŋi buntitaari n‑gaari zeeri bumbula zaasa, ka daa tɔ wula, halli ka niinsi daa tɛ ba teeri a zugu ka nyari ka vaari maasim.”
33Tɔ. Ka Yisa ŋɔn daa tɔ'asiri u yɛligu wa n‑tiri niriba la, u daa kur zaŋŋi ma'asa ni nyɛsa anŋɔ taabu n‑tɔ'asira. Lala ka di daa paai ba zaa yinniyinni bamsim ŋɔn sa'ai seem. 34U daa bu tɔ'asi yɛttɔ'aseelli ka ma'asa ka di ni, amaa ŋɔn daa ti bɛ ni, ŋɔn ni u nyaandɔliba kɔkɔa, sahanseaa la u daa yi wulisiri ba la yɛttɔ'anyɛsa maa gbinni ŋɔn nyɛ seem.
35Di daari zaanoori maa ka Yisa daa yɛli u nyaandɔliba la, ni, “Ya kyɛ ka ti lɔŋŋi mɔ'ari wa ya'ari sa.” 36Ka ba daa zaŋŋi u ŋɔn daa pun bɛ nyariŋŋu seaa la ni, ka bakki n‑kyɛ zama maa mɔ'aduuri ni. Ka nyarinseesi gba daa dɔli u m‑paasi. 37Di daa bu yuui ka pɛbsititaari daa ti yisigi ka daa mari nyariŋŋu maa n‑laantiri ni, halli ka koom daa ti kpɛ ka ni. 38Yisa daa bɛ la nyariŋŋu maa nyaaŋŋa ziiya n‑kukki dafeeru n‑gbisira. Ka ba daa neaai u ka yɛli u, “Ti Karimba, di bu mugsi i tin ya kpi wa zugu?” 39Ka u daa neaai ka tasi pɛbsigu ni koom maa, ni, “Ya sina! Kur kyɛla!”, ka a daa siri kyɛya, ka di lu n‑fɔ surimm! 40Din saha ka Yisa daa yɛli u nyaandɔliba maa, ni, “Bɔzugu ka dabeem gbaai ya lala? Ammi, ya na bu niŋi yɛdda, bee?” 41Ka dabeem pam daa maali n‑gbaai ba, ka ba daa tɔ'asiri n‑tiri taaba, ni, “Bɔ nira nŋɔa? - halli ka u mari yiiko n‑toaai n‑tɔ'asiri pɛbsigu ni mɔ'ari gba ka a wumna!”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2002, Wycliffe Bible Translators, Inc. All rights reserved.