MAAKI 2
2
1Di daa niŋi dabsa ka Yisa daa labi n‑kuli Kapirinyum na n‑kpɛ yiri ni, ka u lahabaari daa paai sɔkam zaa, ni, u kuli na. 2Ka niriba pam daa la'am halli ka paalu beela daa ka duu maa ni; yiri maa samanni gba daa ka paalu halli beela. Ka Yisa daa tɔ'asiri yɛttɔ'a maa n‑tiri ba. 3Di saha ka niriba anaasi daa zi gbariga m‑paai na. 4Ka daadam ŋɔn daa zoaai seem maa zugu ba daa bu nyaŋŋi m‑mari ba baara maa n‑kpɛ Yisa saani na. Lala maa zugu ba daa du pii maa zugu nti kyiibi voori n‑niŋi sunsukku, Yisa ŋɔn daa bɛ seela maa deede. Ban daa kyiibi n‑naai la, ba daa kyɛ ka gbariga ni u sɔŋŋu maa zaa sigi na nti doonni Yisa tooni. 5Tɔ, ka Yisa ŋɔn daa nya ban niŋi yɛdda seem maa, u daa yɛli baara maa, ni, “M biiya, n kyɛ i taalli m‑pɛŋŋi i.” 6Ka karimbaseeba daa zi bɛni m‑boosiri ba sufu ni teesa, ni, 7“Bɔ ka doo wa tɔ'asiri n‑yɛtti wa? - lala ka u zaŋŋi u maŋŋa n‑zaantiri Naawunni zaaziiya! Ŋɔni n‑lee n‑toaai n‑kyɛ niriba taalli m‑pɛŋŋi ba? Ka pa ni Naawunni kɔkɔa?” 8Yooma ka Yisa daa baŋŋi ba sufu ni teesa maa zaa, ka boosi ba, ni, “Bɔ zugu ka ya birisiri ya sufu ni teesa puuni lala? 9Yɛla ayi wa sunsukkuni kani m bu tɔ - i yi yɛli gbariga, ni, ba kyɛ u taalli m‑pɛŋŋi u, bee i yi yɛli u, ni, u doaama ka zaŋŋi u sɔŋŋu la n‑kyaŋŋi?” 10Ka u daa laa n‑yɛli ba, “Amaa m boori la ya baŋŋi, ni, ba pun ti man Ninsaala Biiya soori ni n kyɛri niriba taalli m‑pɛŋŋi ba duniya wa ni.” Di saha maa ka u ŋmaligi n‑yɛli baara maa, 11ni, “N ya yɛli i ni, ni, i doaama ka kpikki i sɔŋŋu wa n‑kuli!” 12Ka doo maa daa siri doaai n‑zaŋŋi u sɔŋŋu maa n‑yi, ba zaa tooni. Ka di daa niŋi ba zaa alahazibu ka ba daa pɛ'ari Naawunni n‑yɛtta, “Ti na zi n‑nya lala taabu, halli fiiŋ gba!”
13Yisa daa laa n‑labi n‑dɔli mɔ'aduuri maa ni. Ka niriba zaa daa kyɛ u saani na ka u daa piili n‑wulisiri ba. 14U daa kyɛnni n‑gatta, ka naayi nya karikyisɔ, Alifiisi bii Liivai, ka u daa zi ba lampoo tuma ziiya n‑tumna. Ka Yisa yɛli u, “Doaama n‑dɔli ma!” Ka u daa doaai ka dɔli u. 15Ka ba daa kyaŋŋi nti kpɛ ŋɔn Liivai yiri maa, ban ni Yisa nyaandɔliba. Ka lampodeaariba ni ala'akyi dima pam daa dɔli ba n‑kpɛa, ka ba zaa daa la'am nti di bundirigu, dama lala niriba daa zoaaya, ka daa dɔli Yisa. 16Ka karimbadima maa, baseeba ban daa dɔli Farisii dima maa soori la, daa nya ka Yisa la'amni ni lampodeaariba ni ala'akyi dima n‑dira, ka ba daa boosi u nyaandɔliba maa, ni, “Wula ka ŋɔn ni ninvugbanŋɔ taabu n la'amni n‑dira?” 17Ka Yisa daa wum ban tɔ'asi seem maa ka labsi n‑yɛli ba, ni, “Ninvugseeba ban mari alaafɛ bu boori tiimaraana, na'ala ban beeri m boori u. Pa tunsuma dima ka n kyɛ na ni m boonni ba, amaa tumbeeri dima ka m boonna.”
18Tɔ. Di saha maa ka Gyɔni Kɔsuura nyaandɔliba ni Farisii dima daa ti loori noori, ka ninvugseeba daa kyɛ Yisa saani na m‑boosi u, ni, “Bɔ n niŋi ka Gyɔni nyaandɔliba maa loori noori, ban ni Farisii dima maa, ka nyin mun nyaandɔliba bu loora?” 19Ka Yisa labsi m‑boosi ba, ni, “Dɔsɔ yi ti di pɔ'apaalli ka ba mari la deema di zugu, ammi, pɔ'apaalli maa sira yi ti bɛ u saamma sunsukkuni, ba nin lɔ noori di saha, bee? Ay! Pɔ'apaalli daana yi ti kpalim m‑bɛ ba saani ba ku toaai n‑lɔ noori. 20Amaa sahanseaa kyɛnni na ka ba nin ti yiisi amriya doo maa ba saani - di dabsa maa puuni ba nin ti lɔa.”
21Ka u daa laa m‑paasi ba nyɛsiri n‑yɛli, “Sɔ na zi n‑zaŋŋi kyinkyimpaalli tanni n‑sɛ n‑ligi bunyeerikurigu. U yi niŋi lala, tampaalli maa yi yiisi kan ligi seela maa ka kyeaai bunkurigu la, ka ka maali n‑sa'am m‑paasi. 22Bee, sɔ mun ku laa n‑sakki n‑zaŋŋi dapaalli n‑lɛ daga'akura ni. U yi niŋi lala, daam maa nin ŋma ga'akura maa ka sa'am m‑basi, ka ga'a maa gba sa'am. Ay! ga'apaala n zaŋŋni dapaalli.”
23Di daa niŋi ka Vuusim dindahinseaa ka Yisa daa dɔli puri ni n‑gatta. U nyaandɔliba n daa kyɛnni n‑dɔli u, ka ba daa kabri kasana maa. 24Ka Farisii dima daa yɛli u, “Nyama! Wula ka ba tumni puri tuma wa? Ba galimni zaaligu maa zaŋŋi n‑kyaŋŋi Vuusim Dabsiri wa.” 25Ka Yisa yɛli ba, “Ammi, ya na zi n‑karim NaaDauda yɛla maa? Ni, Abiyaata ŋɔn daa di maalimaanniba zuguraana saha maa, ka bukaata daa dooni ŋɔn NaaDauda zugu ka u daa bɛ ni, ŋɔn ni u taaba; ka kɔm daa gbaai ba, 26ka u daa kpɛ la Naawunni gyeeŋŋu zii maa n‑zaŋŋi boroboro n‑ŋɔbi. Pa boroboro anŋɔ taabu ka ba dooli Naawunni tooni ka a kyisiri ni? - na'ala maalimaanniba kɔkɔ n ŋɔbri a ni. Halli ka u daa laa n‑tisi u taaba maa ka ba daa ŋɔbi.” 27Ka Yisa daa naa n‑yɛli ba, “Vuusim dabsiri ka ba daa zaali ninsaala zugu, pa la Vuusim Dabsiri zugu ka ba daa maali ninsaala. 28Dizugu man Ninsaala Bii n su Vuusim Dabsiri fukumsi gba.”
ទើបបានជ្រើសរើសហើយ៖
MAAKI 2: maw
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2002, Wycliffe Bible Translators, Inc. All rights reserved.
MAAKI 2
2
1Di daa niŋi dabsa ka Yisa daa labi n‑kuli Kapirinyum na n‑kpɛ yiri ni, ka u lahabaari daa paai sɔkam zaa, ni, u kuli na. 2Ka niriba pam daa la'am halli ka paalu beela daa ka duu maa ni; yiri maa samanni gba daa ka paalu halli beela. Ka Yisa daa tɔ'asiri yɛttɔ'a maa n‑tiri ba. 3Di saha ka niriba anaasi daa zi gbariga m‑paai na. 4Ka daadam ŋɔn daa zoaai seem maa zugu ba daa bu nyaŋŋi m‑mari ba baara maa n‑kpɛ Yisa saani na. Lala maa zugu ba daa du pii maa zugu nti kyiibi voori n‑niŋi sunsukku, Yisa ŋɔn daa bɛ seela maa deede. Ban daa kyiibi n‑naai la, ba daa kyɛ ka gbariga ni u sɔŋŋu maa zaa sigi na nti doonni Yisa tooni. 5Tɔ, ka Yisa ŋɔn daa nya ban niŋi yɛdda seem maa, u daa yɛli baara maa, ni, “M biiya, n kyɛ i taalli m‑pɛŋŋi i.” 6Ka karimbaseeba daa zi bɛni m‑boosiri ba sufu ni teesa, ni, 7“Bɔ ka doo wa tɔ'asiri n‑yɛtti wa? - lala ka u zaŋŋi u maŋŋa n‑zaantiri Naawunni zaaziiya! Ŋɔni n‑lee n‑toaai n‑kyɛ niriba taalli m‑pɛŋŋi ba? Ka pa ni Naawunni kɔkɔa?” 8Yooma ka Yisa daa baŋŋi ba sufu ni teesa maa zaa, ka boosi ba, ni, “Bɔ zugu ka ya birisiri ya sufu ni teesa puuni lala? 9Yɛla ayi wa sunsukkuni kani m bu tɔ - i yi yɛli gbariga, ni, ba kyɛ u taalli m‑pɛŋŋi u, bee i yi yɛli u, ni, u doaama ka zaŋŋi u sɔŋŋu la n‑kyaŋŋi?” 10Ka u daa laa n‑yɛli ba, “Amaa m boori la ya baŋŋi, ni, ba pun ti man Ninsaala Biiya soori ni n kyɛri niriba taalli m‑pɛŋŋi ba duniya wa ni.” Di saha maa ka u ŋmaligi n‑yɛli baara maa, 11ni, “N ya yɛli i ni, ni, i doaama ka kpikki i sɔŋŋu wa n‑kuli!” 12Ka doo maa daa siri doaai n‑zaŋŋi u sɔŋŋu maa n‑yi, ba zaa tooni. Ka di daa niŋi ba zaa alahazibu ka ba daa pɛ'ari Naawunni n‑yɛtta, “Ti na zi n‑nya lala taabu, halli fiiŋ gba!”
13Yisa daa laa n‑labi n‑dɔli mɔ'aduuri maa ni. Ka niriba zaa daa kyɛ u saani na ka u daa piili n‑wulisiri ba. 14U daa kyɛnni n‑gatta, ka naayi nya karikyisɔ, Alifiisi bii Liivai, ka u daa zi ba lampoo tuma ziiya n‑tumna. Ka Yisa yɛli u, “Doaama n‑dɔli ma!” Ka u daa doaai ka dɔli u. 15Ka ba daa kyaŋŋi nti kpɛ ŋɔn Liivai yiri maa, ban ni Yisa nyaandɔliba. Ka lampodeaariba ni ala'akyi dima pam daa dɔli ba n‑kpɛa, ka ba zaa daa la'am nti di bundirigu, dama lala niriba daa zoaaya, ka daa dɔli Yisa. 16Ka karimbadima maa, baseeba ban daa dɔli Farisii dima maa soori la, daa nya ka Yisa la'amni ni lampodeaariba ni ala'akyi dima n‑dira, ka ba daa boosi u nyaandɔliba maa, ni, “Wula ka ŋɔn ni ninvugbanŋɔ taabu n la'amni n‑dira?” 17Ka Yisa daa wum ban tɔ'asi seem maa ka labsi n‑yɛli ba, ni, “Ninvugseeba ban mari alaafɛ bu boori tiimaraana, na'ala ban beeri m boori u. Pa tunsuma dima ka n kyɛ na ni m boonni ba, amaa tumbeeri dima ka m boonna.”
18Tɔ. Di saha maa ka Gyɔni Kɔsuura nyaandɔliba ni Farisii dima daa ti loori noori, ka ninvugseeba daa kyɛ Yisa saani na m‑boosi u, ni, “Bɔ n niŋi ka Gyɔni nyaandɔliba maa loori noori, ban ni Farisii dima maa, ka nyin mun nyaandɔliba bu loora?” 19Ka Yisa labsi m‑boosi ba, ni, “Dɔsɔ yi ti di pɔ'apaalli ka ba mari la deema di zugu, ammi, pɔ'apaalli maa sira yi ti bɛ u saamma sunsukkuni, ba nin lɔ noori di saha, bee? Ay! Pɔ'apaalli daana yi ti kpalim m‑bɛ ba saani ba ku toaai n‑lɔ noori. 20Amaa sahanseaa kyɛnni na ka ba nin ti yiisi amriya doo maa ba saani - di dabsa maa puuni ba nin ti lɔa.”
21Ka u daa laa m‑paasi ba nyɛsiri n‑yɛli, “Sɔ na zi n‑zaŋŋi kyinkyimpaalli tanni n‑sɛ n‑ligi bunyeerikurigu. U yi niŋi lala, tampaalli maa yi yiisi kan ligi seela maa ka kyeaai bunkurigu la, ka ka maali n‑sa'am m‑paasi. 22Bee, sɔ mun ku laa n‑sakki n‑zaŋŋi dapaalli n‑lɛ daga'akura ni. U yi niŋi lala, daam maa nin ŋma ga'akura maa ka sa'am m‑basi, ka ga'a maa gba sa'am. Ay! ga'apaala n zaŋŋni dapaalli.”
23Di daa niŋi ka Vuusim dindahinseaa ka Yisa daa dɔli puri ni n‑gatta. U nyaandɔliba n daa kyɛnni n‑dɔli u, ka ba daa kabri kasana maa. 24Ka Farisii dima daa yɛli u, “Nyama! Wula ka ba tumni puri tuma wa? Ba galimni zaaligu maa zaŋŋi n‑kyaŋŋi Vuusim Dabsiri wa.” 25Ka Yisa yɛli ba, “Ammi, ya na zi n‑karim NaaDauda yɛla maa? Ni, Abiyaata ŋɔn daa di maalimaanniba zuguraana saha maa, ka bukaata daa dooni ŋɔn NaaDauda zugu ka u daa bɛ ni, ŋɔn ni u taaba; ka kɔm daa gbaai ba, 26ka u daa kpɛ la Naawunni gyeeŋŋu zii maa n‑zaŋŋi boroboro n‑ŋɔbi. Pa boroboro anŋɔ taabu ka ba dooli Naawunni tooni ka a kyisiri ni? - na'ala maalimaanniba kɔkɔ n ŋɔbri a ni. Halli ka u daa laa n‑tisi u taaba maa ka ba daa ŋɔbi.” 27Ka Yisa daa naa n‑yɛli ba, “Vuusim dabsiri ka ba daa zaali ninsaala zugu, pa la Vuusim Dabsiri zugu ka ba daa maali ninsaala. 28Dizugu man Ninsaala Bii n su Vuusim Dabsiri fukumsi gba.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2002, Wycliffe Bible Translators, Inc. All rights reserved.