MAAKI 15
15
1Ka beoo ŋɔn daa ti kaai, gyeeŋŋu kpambaya maa daa la'am, ban ni kpamma ni karimbadima maa - halli ba sariya karibu dima zaa. Ba daa la'asi n‑gbaai ba gbaari. Ba daa ba Yisa bansi n‑zaŋŋi u n‑kyaŋŋi n‑niŋi Gɔmna Pailiti nuu ni. 2Ka Pailiti daa boosi u, ni, “Nyini n nyɛ Izraɛli dima Naaba la?”, ka Yisa labsi n‑yɛli u, “Nyin yɛli seem maa n nyɛ di.” 3Ka kpamma maa daa galim u zaŋŋi n‑kpa yɛla pam zugu, 4ka Pailiti daa boosi u yaasa, ni, “I bu ya labsi? Wumma ba galinsi maa zaa ŋɔn bɛ seem.” 5Ka Yisa daa bu laa n‑gyɛrigi u seelli yaasa, ka di daa niŋi Pailiti alahazibu.
6Tɔ, ka di daa nyɛ la kaari soori, ni, Kyuu maa saha niriba daa yi wulisi dansarika niriba ninvugsɔ ban boora, ka Gɔmna maa ti yiisi di daama sarika ni na n‑kyɛ m‑basi ka u kyaŋŋi. 7Di saha maa ka dɔsɔ ŋɔn yuuri boonni Barabasi daa bɛ sarika ni: ŋɔna ni u taaba daa pun zabi Gɔmnanti dima maa n‑ku niriba di zugu, ka ba daa gbaai ba n‑niŋi sarika ni. 8Ka daadam maa daa la'am na nti susiri Pailiti, ni, u dɔli lala Kyuu soori la n‑yiisi sɔ n‑ti ba na; 9ka u daa labsi m‑boosi ba, ni, “Ya boori ni m basi Izraɛli dima Naaba wa n‑ti ya na?” 10- dama u daa baŋŋi, ni, nyuuri zugu ka kpamma maa daa zaŋŋi Yisa n‑ti u. 11Ka gyeeŋŋu kpamma maa daa figsi niriba maa n‑kyɛ ka ba yɛli Pailiti ni u basim Barabasi n‑ti ba, ka kyɛ Yisa. 12Ka Pailiti laa n‑yɛli zama maa, ni, “Ka ninvugsɔ ban boonni Izraɛli Naaba la muna? - Ya boori ni n niŋi u la wula?” 13Ka ba tasi n‑labsi, ni, “Kpaasim u n‑tabli dɔpulli zugu!” 14Pailiti daa boosi ba, ni, “Taalli bɔ ka u lee n‑tum?” Ka ba daa maali n‑tasi pam, ni, “Kpaasim u!” 15Tɔ, ka Pailiti daa boori ni u maai daadam maa sufu, ka dizugu u daa yiisi Barabasi m‑basi n‑ti ba, ka daa kyɛ ka ba feebi Yisa ka zaŋŋi u n‑tisi ni ba kpaasi u n‑tabli dɔpulli zugu.
16Di saha ka soogyadima maa daa zaŋŋi Yisa n‑kpɛ zɔŋŋu maa ni - ban boonni ‘Baarikyi’ seela maa - ka booli ba taaba ni ba ti la'am na. 17Ba daa zaŋŋi naam kparigu n‑yeeli Yisa, ka paam goosi m‑pili u zugu hoo naam zupiliga 18ka yi piili m‑puusiri u, ni, “Ndana, m Ba Izraɛli Naaba!” 19Ba daa zaŋŋi kika'ari n‑feebi u zugu, n‑tuusi nantoori n‑niŋi u, n‑gbaantiri u. 20Ka ban daa maali u ansarisi lala n‑naai maa, ba daa yeaai ba kparigu maa ka labsi u maŋtoori neema n‑yeeli u. Ka daa zaŋŋi u n‑yi ni ba ti kpaasi u.
21Ban daa yi soori ba daa paai dɔsɔ ŋɔn yuuri boonni Saimoon. Ŋɔn daa kpeeri timpuuni ka ba daa mugsi u ka u zi Yisa dɔpulli daari maa. (Saimoon ŋɔnwa daa nyɛ Sairiini tingbaŋŋu nira: Alɛkzanda ni Ruufusi ba nla.) 22Ba daa zaŋŋi Yisa n‑kyaŋŋi Gɔligɔtta ziiya (dinŋɔ gbinni nyɛ la, ‘Zuguŋmaaŋŋu Ziiya’). 23Bɛni ka ba daa mari daam ka niŋi tiim n‑niŋi, n‑zaŋŋi n‑ti u ni u nyu; amaa u daa bu sakki. 24Ka ba daa kpaasi u n‑tabli dɔpulli zugu, ka zaŋŋi ka n‑sa. Ka ba daa puri u sutura ni ba tɔri taaba, n‑toori tɛtɛ ni ba nya ŋɔn ya deaai. 25Di daa nyɛ la hoo asuba kurigu awai, nɔnyeesiri saha, ban daa kpaasi u maa. 26Ban daa sɔbi seelli n‑galimni u ni maa daa nyɛ la, ni, “Yɛhudiyadima Naaba la nŋɔa.” 27-28Bɛni maa ka ba daa kpaasi na'ayigsi ayi gba: ka daa sa ba yinni u nudirigu ya'ari, ni yinni u nuzaa ya'ari. 29Niriba ban daa gatti daa lɔbri ba zugu ka tuuri Yisa, ni, “Ɔhɔ! Nyini n daa yɛtti yɛttɔ'ayɔya wa - ni, i nin wurim Gyeeŋŋu Yiri la n‑lusi, ka zaŋŋi daba ata m‑mɛ ka la yaasa! 30Pampaŋŋɔ yim dɔpulli maa zugu n‑sigi na n‑fa i maŋŋa m‑basi!” 31Lala ka gyeeŋŋu kpamma maa daa laari Yisa, ban ni karimbadima maa gba, ka yɛtti taaba, ni, “U daa faari la niriba m‑basira, amaa ka bu nyaŋŋi n‑fa u maŋŋa m‑basi! 32Kyɛ ka ti nya Masiiya maa, Izraɛli Naa maa, ka u yi dɔpulli maa zugu n‑sigi na ka ti niŋi u yɛdda!” Ka niriba ayi seeba ban daa kpaasi n‑sa Yisa ya'a ayi maa gba daa tuuri u.
33Agbaa saha ŋɔn daa paaya, tingbaŋŋu maa zaa daa niŋi zimm, ka zibsim daa ligi zaa n‑yuui m‑paai zaanoori hoo kurigu ata, wuntankabri saha. 34Di saha maa ka Yisa daa kaasi pampam, ni, “Ɛlooyi, Ɛlooyi, lama sabakyitani?” - dinŋɔ gbinni nyɛ la, ‘N Naawunni, n Naawunni, wula ka i kyɛ ma m‑basi?’ 35Niriba ban daa zɛ n‑tabi bɛni maa seeba daa wum u yɛttɔ'a maa ka yɛli, ni, “Ya wumma! U boonni la Ilaygya!” 36Ka ba ninvugyinni daa zɔ na ni sɔ'asu n‑sukki damiisiri ni n‑zaŋŋi n‑kusi kika'ari ni n‑zaŋŋi n‑duusi m‑paai ni Yisa ti nyu, ni, “Kyɛla! - ka ti nya Ilaygya nin kyɛ na n‑sigsi u na, bee?” 37Ka Yisa daa tasi pampam ka kpi. 38Ka pateesa kan daa ya'ai Gyeeŋŋu Yiri Dutitaari puuni maa daa toaai buyi, n‑yi ka saazugu zaŋŋi n‑sigri tiŋni. 39Soogyadima kpeensɔ n daa zɛ dɔpulli maa tooni: ka ŋɔn daa nya Yisa ŋɔn kpi seem maa, u daa yɛli, ni, “Doo wa siri daa nyɛ la Wumbiiya.” 40Ka pɔ'aseeba daa bɛ kpaŋŋa sa ka gɔsiri na. Mariama ŋɔn daa yi Magdala na n daa bɛ ba sunsukkuni, ni Mariama ŋɔn daa nyɛ Gyeemsi bila ni Gyɔseesi ma, ni Saloomi. 41Ban n daa pun dɔli Yisa ŋɔn daa na bɛ Galilii tingbaŋŋu saha la, ka daa suŋŋni u. Pɔ'aba pam ban daa dɔli u Gyɛrusalɛm na gba daa bɛ bɛni.
42-43Tɔ. Dɔsɔ n daa bɛ ni ŋɔn daa nyɛ gyirima daana kpamma maa sunsukkuni, ka daa guusiri Naawunni naam kyɛnni na m‑paasi. U yuuri daa boonni la Gyoosɛfi, ka u daa yi Arimatiiya tiŋŋa ni na. Di saha ka zaanoori daa ti maai Sɛ'asigu daari maa - Vuusim Dabsiri siri maaligu dabsiri nla - ka ŋɔn Gyoosɛfi daa mari u sufukpeemni n‑kyaŋŋi m‑paai Gɔmna Pailiti na nti susi u soori ni u kyɛ ka u zaŋŋi Yisa ningbiŋŋu nti sɔ'ai. 44Ka Pailiti ŋɔn daa wum, ni, Yisa pun kpi la, di daa gyɛri u pam, 45ka u daa booli soogyadima kpeema maa na nti boosi u, ni, Yisa pun kpi ka di yuui, bee? Ka Pailiti ŋɔn daa wum kpeema maa lahabaari maa n‑naai u daa zaŋŋi ningbiŋŋu maa yɛla n‑niŋi Gyoosɛfi nuu ni. 46Ka Gyoosɛfi daa da kasiŋŋa ka sigsi kum maa na n‑zaŋŋi kasiŋŋa maa n‑vili u n‑zaŋŋi u n‑niŋi gbaliseaa ban pun kyiibi ka tampifeoo ni. Ka ba daa bilim kugtitaari n‑ligi ka noori. 47Mariama Magdalapɔ'a la, ni Gyɔseesi ma Mariama, daa gɔsiri ni, ka nya ban daa zaŋŋi Yisa ningbiŋŋu n‑sɔ'ai seela.
ទើបបានជ្រើសរើសហើយ៖
MAAKI 15: maw
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2002, Wycliffe Bible Translators, Inc. All rights reserved.
MAAKI 15
15
1Ka beoo ŋɔn daa ti kaai, gyeeŋŋu kpambaya maa daa la'am, ban ni kpamma ni karimbadima maa - halli ba sariya karibu dima zaa. Ba daa la'asi n‑gbaai ba gbaari. Ba daa ba Yisa bansi n‑zaŋŋi u n‑kyaŋŋi n‑niŋi Gɔmna Pailiti nuu ni. 2Ka Pailiti daa boosi u, ni, “Nyini n nyɛ Izraɛli dima Naaba la?”, ka Yisa labsi n‑yɛli u, “Nyin yɛli seem maa n nyɛ di.” 3Ka kpamma maa daa galim u zaŋŋi n‑kpa yɛla pam zugu, 4ka Pailiti daa boosi u yaasa, ni, “I bu ya labsi? Wumma ba galinsi maa zaa ŋɔn bɛ seem.” 5Ka Yisa daa bu laa n‑gyɛrigi u seelli yaasa, ka di daa niŋi Pailiti alahazibu.
6Tɔ, ka di daa nyɛ la kaari soori, ni, Kyuu maa saha niriba daa yi wulisi dansarika niriba ninvugsɔ ban boora, ka Gɔmna maa ti yiisi di daama sarika ni na n‑kyɛ m‑basi ka u kyaŋŋi. 7Di saha maa ka dɔsɔ ŋɔn yuuri boonni Barabasi daa bɛ sarika ni: ŋɔna ni u taaba daa pun zabi Gɔmnanti dima maa n‑ku niriba di zugu, ka ba daa gbaai ba n‑niŋi sarika ni. 8Ka daadam maa daa la'am na nti susiri Pailiti, ni, u dɔli lala Kyuu soori la n‑yiisi sɔ n‑ti ba na; 9ka u daa labsi m‑boosi ba, ni, “Ya boori ni m basi Izraɛli dima Naaba wa n‑ti ya na?” 10- dama u daa baŋŋi, ni, nyuuri zugu ka kpamma maa daa zaŋŋi Yisa n‑ti u. 11Ka gyeeŋŋu kpamma maa daa figsi niriba maa n‑kyɛ ka ba yɛli Pailiti ni u basim Barabasi n‑ti ba, ka kyɛ Yisa. 12Ka Pailiti laa n‑yɛli zama maa, ni, “Ka ninvugsɔ ban boonni Izraɛli Naaba la muna? - Ya boori ni n niŋi u la wula?” 13Ka ba tasi n‑labsi, ni, “Kpaasim u n‑tabli dɔpulli zugu!” 14Pailiti daa boosi ba, ni, “Taalli bɔ ka u lee n‑tum?” Ka ba daa maali n‑tasi pam, ni, “Kpaasim u!” 15Tɔ, ka Pailiti daa boori ni u maai daadam maa sufu, ka dizugu u daa yiisi Barabasi m‑basi n‑ti ba, ka daa kyɛ ka ba feebi Yisa ka zaŋŋi u n‑tisi ni ba kpaasi u n‑tabli dɔpulli zugu.
16Di saha ka soogyadima maa daa zaŋŋi Yisa n‑kpɛ zɔŋŋu maa ni - ban boonni ‘Baarikyi’ seela maa - ka booli ba taaba ni ba ti la'am na. 17Ba daa zaŋŋi naam kparigu n‑yeeli Yisa, ka paam goosi m‑pili u zugu hoo naam zupiliga 18ka yi piili m‑puusiri u, ni, “Ndana, m Ba Izraɛli Naaba!” 19Ba daa zaŋŋi kika'ari n‑feebi u zugu, n‑tuusi nantoori n‑niŋi u, n‑gbaantiri u. 20Ka ban daa maali u ansarisi lala n‑naai maa, ba daa yeaai ba kparigu maa ka labsi u maŋtoori neema n‑yeeli u. Ka daa zaŋŋi u n‑yi ni ba ti kpaasi u.
21Ban daa yi soori ba daa paai dɔsɔ ŋɔn yuuri boonni Saimoon. Ŋɔn daa kpeeri timpuuni ka ba daa mugsi u ka u zi Yisa dɔpulli daari maa. (Saimoon ŋɔnwa daa nyɛ Sairiini tingbaŋŋu nira: Alɛkzanda ni Ruufusi ba nla.) 22Ba daa zaŋŋi Yisa n‑kyaŋŋi Gɔligɔtta ziiya (dinŋɔ gbinni nyɛ la, ‘Zuguŋmaaŋŋu Ziiya’). 23Bɛni ka ba daa mari daam ka niŋi tiim n‑niŋi, n‑zaŋŋi n‑ti u ni u nyu; amaa u daa bu sakki. 24Ka ba daa kpaasi u n‑tabli dɔpulli zugu, ka zaŋŋi ka n‑sa. Ka ba daa puri u sutura ni ba tɔri taaba, n‑toori tɛtɛ ni ba nya ŋɔn ya deaai. 25Di daa nyɛ la hoo asuba kurigu awai, nɔnyeesiri saha, ban daa kpaasi u maa. 26Ban daa sɔbi seelli n‑galimni u ni maa daa nyɛ la, ni, “Yɛhudiyadima Naaba la nŋɔa.” 27-28Bɛni maa ka ba daa kpaasi na'ayigsi ayi gba: ka daa sa ba yinni u nudirigu ya'ari, ni yinni u nuzaa ya'ari. 29Niriba ban daa gatti daa lɔbri ba zugu ka tuuri Yisa, ni, “Ɔhɔ! Nyini n daa yɛtti yɛttɔ'ayɔya wa - ni, i nin wurim Gyeeŋŋu Yiri la n‑lusi, ka zaŋŋi daba ata m‑mɛ ka la yaasa! 30Pampaŋŋɔ yim dɔpulli maa zugu n‑sigi na n‑fa i maŋŋa m‑basi!” 31Lala ka gyeeŋŋu kpamma maa daa laari Yisa, ban ni karimbadima maa gba, ka yɛtti taaba, ni, “U daa faari la niriba m‑basira, amaa ka bu nyaŋŋi n‑fa u maŋŋa m‑basi! 32Kyɛ ka ti nya Masiiya maa, Izraɛli Naa maa, ka u yi dɔpulli maa zugu n‑sigi na ka ti niŋi u yɛdda!” Ka niriba ayi seeba ban daa kpaasi n‑sa Yisa ya'a ayi maa gba daa tuuri u.
33Agbaa saha ŋɔn daa paaya, tingbaŋŋu maa zaa daa niŋi zimm, ka zibsim daa ligi zaa n‑yuui m‑paai zaanoori hoo kurigu ata, wuntankabri saha. 34Di saha maa ka Yisa daa kaasi pampam, ni, “Ɛlooyi, Ɛlooyi, lama sabakyitani?” - dinŋɔ gbinni nyɛ la, ‘N Naawunni, n Naawunni, wula ka i kyɛ ma m‑basi?’ 35Niriba ban daa zɛ n‑tabi bɛni maa seeba daa wum u yɛttɔ'a maa ka yɛli, ni, “Ya wumma! U boonni la Ilaygya!” 36Ka ba ninvugyinni daa zɔ na ni sɔ'asu n‑sukki damiisiri ni n‑zaŋŋi n‑kusi kika'ari ni n‑zaŋŋi n‑duusi m‑paai ni Yisa ti nyu, ni, “Kyɛla! - ka ti nya Ilaygya nin kyɛ na n‑sigsi u na, bee?” 37Ka Yisa daa tasi pampam ka kpi. 38Ka pateesa kan daa ya'ai Gyeeŋŋu Yiri Dutitaari puuni maa daa toaai buyi, n‑yi ka saazugu zaŋŋi n‑sigri tiŋni. 39Soogyadima kpeensɔ n daa zɛ dɔpulli maa tooni: ka ŋɔn daa nya Yisa ŋɔn kpi seem maa, u daa yɛli, ni, “Doo wa siri daa nyɛ la Wumbiiya.” 40Ka pɔ'aseeba daa bɛ kpaŋŋa sa ka gɔsiri na. Mariama ŋɔn daa yi Magdala na n daa bɛ ba sunsukkuni, ni Mariama ŋɔn daa nyɛ Gyeemsi bila ni Gyɔseesi ma, ni Saloomi. 41Ban n daa pun dɔli Yisa ŋɔn daa na bɛ Galilii tingbaŋŋu saha la, ka daa suŋŋni u. Pɔ'aba pam ban daa dɔli u Gyɛrusalɛm na gba daa bɛ bɛni.
42-43Tɔ. Dɔsɔ n daa bɛ ni ŋɔn daa nyɛ gyirima daana kpamma maa sunsukkuni, ka daa guusiri Naawunni naam kyɛnni na m‑paasi. U yuuri daa boonni la Gyoosɛfi, ka u daa yi Arimatiiya tiŋŋa ni na. Di saha ka zaanoori daa ti maai Sɛ'asigu daari maa - Vuusim Dabsiri siri maaligu dabsiri nla - ka ŋɔn Gyoosɛfi daa mari u sufukpeemni n‑kyaŋŋi m‑paai Gɔmna Pailiti na nti susi u soori ni u kyɛ ka u zaŋŋi Yisa ningbiŋŋu nti sɔ'ai. 44Ka Pailiti ŋɔn daa wum, ni, Yisa pun kpi la, di daa gyɛri u pam, 45ka u daa booli soogyadima kpeema maa na nti boosi u, ni, Yisa pun kpi ka di yuui, bee? Ka Pailiti ŋɔn daa wum kpeema maa lahabaari maa n‑naai u daa zaŋŋi ningbiŋŋu maa yɛla n‑niŋi Gyoosɛfi nuu ni. 46Ka Gyoosɛfi daa da kasiŋŋa ka sigsi kum maa na n‑zaŋŋi kasiŋŋa maa n‑vili u n‑zaŋŋi u n‑niŋi gbaliseaa ban pun kyiibi ka tampifeoo ni. Ka ba daa bilim kugtitaari n‑ligi ka noori. 47Mariama Magdalapɔ'a la, ni Gyɔseesi ma Mariama, daa gɔsiri ni, ka nya ban daa zaŋŋi Yisa ningbiŋŋu n‑sɔ'ai seela.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2002, Wycliffe Bible Translators, Inc. All rights reserved.