MAAKI 10
10
1Di saha ka Yisa daa bakki bɛni n‑kyaŋŋi Gyuudii tingbaŋŋu ya'ari, halli nti yakki Gyɔdin mɔ'ari la m‑bɛ ni. Ka zama daa la'am n‑kyɛ u saani na yaasa, ka u daa wulisi ba hoo ŋɔn daa yi pun wulisiri ba seem la. 2Ka Farisiseeba daa kyɛ u saani na ni ba ti da u gbinni. Ba daa boosi u, ni, “Yɛlim ti: ammi, doo mari soori ni u nin toaai n‑kari u pɔ'a n‑yiisi, bee?” 3Ka Yisa labsi m‑boosi ba, ni, “Wula ka Musa daa zaali n‑ti ya?” 4Ka ba daa labsi n‑yɛli u, ni, “Musa daa ti ti soori ni doo nin toaai n‑sɔbi gbaŋŋu n‑ti u pɔ'a ka di wulisi, ni, u yiisi u.” 5Ka Yisa daa labsi n‑yɛli ba, “Ya tuppuwumni la zugu ka Musa daa sɔbi zaaligu wa n‑ti ya maa. 6Amaa duniya piiligu ni, buna zaa naaŋŋu la saha, Naawunni daa naam ba la doowa ni pɔ'a, hoo Litaafi ŋɔn yɛli seem la. 7Ni, ‘dinŋɔ zugu ka doo nin kyɛ u ba ni u ma, ka di pɔ'a, ka ba la'am m‑bɛ ni 8kaman bunni yinni.’ Dinzugu ba laa m‑pa niriba ayi amaa hoo bunni yinni. 9Dinŋɔna Naawunni ŋɔn la'am bunseesi ni a leebi bunyinni maa, ninsaala nira di wɔligi a.” 10Ka ban daa ti labi n‑kpɛ yiri maa ni, u nyaandɔliba maa daa boosi u yɛlli wa gbinni. 11Ka Yisa daa yɛli ba, “Doo yi yiisi u pɔ'a ka laa n‑di pɔ'asɔ, u tum zina n‑nya taalli u pɔ'akurigu saani. 12Lala yaasa, pɔ'a gba yi za'asi u sira ka yi n‑kuli dɔsɔa, pɔ'a maa gba tum taalli.”
13Sahanseaa yaasa ka ba daa mari bibisi n‑kyɛ Yisa saani na ni u zaŋŋi u nuusi n‑siisi ba, ka u nyaandɔliba maa daa nyikki ba di zugu. 14Yisa mun ŋɔn daa ti baŋŋi lala maa, u sufu daa bu maai; ka u daa yɛli u nyaandɔliba maa, ni, “Ya kyɛ ka bibisi maa kyɛ n saani na, yan di ta'ari ba! Dama Naawunni naam nyɛ la banŋɔ taabu dinni. 15Yɛlimaŋni ka n yɛtti ya wa, ni, sɔ yi bu sakki Naawunni naam yɛligu maa hoo bibila ŋɔn sakkri seem la, u ku toaai n‑kpɛ naam maasim maa ni.” 16Dinsaha ka u daa zaŋŋi u nuusi n‑gɔbi biisi maa ka daa susi Naawunni n‑ti ba.
17Ka Yisa ŋɔn daa ya n‑kyaŋŋi u kyɛnni maa yaasa, dɔsɔ n daa zɔ n‑kyɛ u saani na nti gbaani u tooni ka boosi u, ni, “N Karimbasuŋŋu! N ya niŋi la wula n‑nya nyɔvuri kan ka naari?” 18Ka Yisa daa yɛli u, ni, “Wula ka i booli ma, ni, ninvugsuŋŋu? Sɔ n ka ni n‑nyɛ bunsuŋŋu, na'ala Naawunni kɔkɔa. 19Tɔ; ka i mi zaaligu maa ŋɔn nyɛ seem: ni, ‘Di ku ninsaala.’; ni, ‘Di tum zina.’; ni, ‘Di zu.’; ni, ‘Di di ziri sɛhara n‑lusi i kpeaa u yɛlli ni.’; ni, di yɔmsi niriba n‑di ba neema; ni, ‘Tim i ba ni i ma gyirima’. ” 20Ka doo maa yɛli, “N Karimba, anŋɔ zaa ka n daa pun dɔli ka na nyɛ na'akyimbila.” 21Ka Yisa daa gɔsi doo maa ni sufumaasim, ka yɛli u, “Yɛlli yinni kɔkɔ n kpalim ka i kɔŋŋi: kyɛma nti koosi i marigu zaa n‑zaŋŋi n‑tɔri faradima, ka i arizikki maali n‑zoaai Naawunni saani. Ka kyɛ na n‑dɔli man nyaaŋŋa.” 22Tɔ, ka Yisa ŋɔn daa ti yɛli lala maa, doo maa daa miisi u nindaa, ka daa bakki ni sufusa'aŋŋu, dama u daa nyɛ la bundaana ni yɛlimaŋni.
23Yisa daa ŋmaligi n‑gɔsi u nyaandɔliba maa ka yɛli ba, “Di siri nin tɔ pam ni bundaana kpɛ Naawunni naam ni!” 24Ka yɛttɔ'a anŋɔ daa kpeesi u nyaandɔliba maa alahazibu, amaa Yisa daa laa n‑yɛli, “M biisi, di tɔ pam ni nira ti kpɛ Naawunni naam maasim ni! 25Halli arakoomi nin ti kpɛ seeriga vɔbila ni m‑puli n‑yi ka bundaana na ku toaai m‑ma'asi ni u kpɛ Naawunni naam ni.” 26Di daa gyɛri u nyaandɔliba maa pam yɛlli wa zugu, ka ba daa boosiri taaba, ni, “Ka ŋɔni n nin toaai n‑tuligi?” 27Yisa daa gɔsi ba ka yɛli, “Dinŋɔ tɔ pam ninsaalidima saani, amaa Naawunni saani di bu tɔa. Dama Naawunni ku kɔŋŋi bunseelikam niŋbu.” 28Dinsaha ka Piita daa yɛli u, “Nyama, tirima nyɛ seeba ban kyɛ bunseelikam m‑basi ka dɔli i!” 29Ka Yisa daa yɛli ba, “Yɛlimaŋni ka n yɛtti ya wa, sɔ yi bɛ ni n‑kyɛ u yiri, bee u babiisi ni u mabiisi, bee u ba ni u ma, bee u biisi, bee u puri, man zugu, ni Naawunni yɛligu wa zugu, 30di daama nin ti nya bunseesi an gaari anŋɔ zaa pampaŋŋɔ saha - u nin nya yiya kɔbkɔbga, ni mabiisi ni babiisi, ni madima ni badima ni biisi, ni puri kɔbkɔbga m‑paasi - amaa ka u nya wahala ni vɔlisa gba: ka saha din kyɛnni na u nin ti nya nyɔvuri kan ka naari. 31Amaa ban daŋŋi tooni muna - ba pam nin ti kpalim nyaaŋŋa, ka ban kpalimni nyaaŋŋa mun nin ti daŋŋi tooni.”
32Yisa ni u nyaandɔliba daa bɛ la soori ni n‑wa Gyɛrusalɛm. Yisa daa gaari tooni, u nyaandɔliba mun daa dɔli u nyaaŋŋa ka di daa gyɛri ba pam; halli dabeem daa gbaai ninvugseeba ban daa dɔli ba zaa. Yisa daa laa n‑zaŋŋi u nyaandɔliba pii ni ayi maa n yi kpaŋŋa ba kɔkɔ nti yɛli ba yɛliseesi an ti ya paai u. 33U daa yɛli ba, “Ya wumma: ti wa la Gyɛrusalɛm tiŋŋa, bɛni ka ba nin zaŋŋi man Ninsaala Bii n‑ti gyeeŋŋu toondaandima ni karimbadima nuusi ni. Ban nin ti kari n sariya n‑zaŋŋi ma taalli, ni, n sumni kum, ka naayi zaŋŋi ma n‑niŋi ban pa ti butiri niriba la nuu ni, 34ni ba maali ma ansarisi, n‑tusi nantoori n‑niŋi ma, n‑feebi ma ka ku ma. Amaa daba ata daari n nin yisigi kum ni.”
35Ka Zɛbidii biisi, Gyeemsi ni Gyɔni la, daa kyɛ Yisa saani na nti yɛli u, “Ti Karimba, ti kyɛ la i saani na, ni, bunseelli m bɛ ni ka ti boora, ammi i nin niŋi n‑ti ti, bee?” 36Ka u daa boosi ba, ni, “Bumbɔ n nyɛ di? Ni, bumbɔ ka n niŋma n‑ti ya?” 37Ka ba daa labsi n‑yɛli u, “I naam gyirima saha yi ti paai na, ni, ti boori ni ti zini n‑tabli i, yinni i nudirigu, ni yinni i nuzaa ziiya.” 38Ka u daa yɛli, “Ya bu mi yan susiri seelli maa. Ammi, ya nin toaai n‑nyu wahala kɔbɛseaa man ya n‑nyu wa? Bee man ya n‑su tumbeeri kyɛ-m‑pɛŋŋi koom ka ya gba nin su lala maa?” 39Ni, “Ii! Ti nin nyaŋŋi.” Ka Yisa mun yɛli ba, “Ya siri nin ti nyu n wahala kɔbeaa la, ka su n lala koom maa, 40amaa man bu su soori ni n wulisi ban nin zinni n nudirigu bee n nuzaa zii maa. Naawunni pun maali ziziisi wa siri n‑zaali n‑ti ŋɔn gaŋŋi ninvugseeba la.” 41Tɔ, ka u nyaandɔliba piiya ban kpalim la ŋɔn daa ti wum lala maa, ba suuri daa yisigi n‑niŋi Gyeemsi ni Gyɔni. 42Dizugu Yisa daa booli ba, ni ba la'amma taaba na, ka yɛli ba, “Ya mi ninvugseeba ban bu gyeemni Naawunni la yɛla, ni, ba yɛtti, ni, ninvugseeba ban su ba fukumsi mari la yiiko ka tumni ba putoo, ka ba kpamma su ba yɛla ni kpeeŋŋu. 43Amaa di pa lala ya saani. Ya sɔ yi boori kpeema tibsim, see ka u tumni n‑tiri ya zaa. 44Ka sɔ yi boori ni u leebi toondaana, see ka u leebi ya zaa daabri. 45Dama man Ninsaala Bii bu kyɛ na ni ba tumni n‑suŋŋni ma; ay! - n kyɛ na ni n tumni n‑suŋŋni niriba, ka zaŋŋi n nyɔvuri m‑pa talima ka niriba pam nya tiliginsim.”
46Tɔ; ka ba daa paai Gyɛrikoo tiŋŋa n‑kpɛ bɛni. Ka Yisa ŋɔn daa naayi yi tiŋŋa maa ni, ŋɔn ni u nyaandɔliba ni zama pam, ka zoonsɔ daa zi soori kpaŋŋa m‑maanni bara, doo mun yuuri daa boonni Baatimeeyusi, ni, Timeeyusi biiya. 47Ŋɔna daa ti wum, ni, di nyɛ la Yisa, Nazarɛti doo la, n‑gatti maa, ka u daa tasi, n‑yɛli, “Yisa, NaaDauda biiya, zɔm ma namboo!” 48Ka niriba pam daa nyikki u n‑yɛli, ni, u sina u vuuri. Amaa u daa laa n‑tasi pampam, ni, “Yisa, NaaDauda biiya, zɔm ma namboo!” 49Ka Yisa daa zaani, ka yɛli, “Ya boolim u na!”, ka ba daa booli zooma maa na, ka yɛli u, “Mari sufupeelli, doaam na! Ka u boonni i maa.” 50Tɔ, ka zooma maa daa yisigi n‑zaani, ka yeaai u waari kparigu m‑basi, ka vaai n‑zɔ n‑kyaŋŋi Yisa saani. 51Ka Yisa daa boosi u, ni, “Bɔ ka i boori ni n niŋi n‑ti i?” Ni, “N Karimba, m boori ni n nyari yaasa.” 52Ka Yisa daa labsi n‑yɛli u, ni, “Kyɛma! - i yɛdda maa taasi la sookyi na n‑ti i.” Ka di saha maa u nini maa daa neaai, ka u daa doaai n‑dɔli Yisa ka ba kyɛnna.
ទើបបានជ្រើសរើសហើយ៖
MAAKI 10: maw
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2002, Wycliffe Bible Translators, Inc. All rights reserved.
MAAKI 10
10
1Di saha ka Yisa daa bakki bɛni n‑kyaŋŋi Gyuudii tingbaŋŋu ya'ari, halli nti yakki Gyɔdin mɔ'ari la m‑bɛ ni. Ka zama daa la'am n‑kyɛ u saani na yaasa, ka u daa wulisi ba hoo ŋɔn daa yi pun wulisiri ba seem la. 2Ka Farisiseeba daa kyɛ u saani na ni ba ti da u gbinni. Ba daa boosi u, ni, “Yɛlim ti: ammi, doo mari soori ni u nin toaai n‑kari u pɔ'a n‑yiisi, bee?” 3Ka Yisa labsi m‑boosi ba, ni, “Wula ka Musa daa zaali n‑ti ya?” 4Ka ba daa labsi n‑yɛli u, ni, “Musa daa ti ti soori ni doo nin toaai n‑sɔbi gbaŋŋu n‑ti u pɔ'a ka di wulisi, ni, u yiisi u.” 5Ka Yisa daa labsi n‑yɛli ba, “Ya tuppuwumni la zugu ka Musa daa sɔbi zaaligu wa n‑ti ya maa. 6Amaa duniya piiligu ni, buna zaa naaŋŋu la saha, Naawunni daa naam ba la doowa ni pɔ'a, hoo Litaafi ŋɔn yɛli seem la. 7Ni, ‘dinŋɔ zugu ka doo nin kyɛ u ba ni u ma, ka di pɔ'a, ka ba la'am m‑bɛ ni 8kaman bunni yinni.’ Dinzugu ba laa m‑pa niriba ayi amaa hoo bunni yinni. 9Dinŋɔna Naawunni ŋɔn la'am bunseesi ni a leebi bunyinni maa, ninsaala nira di wɔligi a.” 10Ka ban daa ti labi n‑kpɛ yiri maa ni, u nyaandɔliba maa daa boosi u yɛlli wa gbinni. 11Ka Yisa daa yɛli ba, “Doo yi yiisi u pɔ'a ka laa n‑di pɔ'asɔ, u tum zina n‑nya taalli u pɔ'akurigu saani. 12Lala yaasa, pɔ'a gba yi za'asi u sira ka yi n‑kuli dɔsɔa, pɔ'a maa gba tum taalli.”
13Sahanseaa yaasa ka ba daa mari bibisi n‑kyɛ Yisa saani na ni u zaŋŋi u nuusi n‑siisi ba, ka u nyaandɔliba maa daa nyikki ba di zugu. 14Yisa mun ŋɔn daa ti baŋŋi lala maa, u sufu daa bu maai; ka u daa yɛli u nyaandɔliba maa, ni, “Ya kyɛ ka bibisi maa kyɛ n saani na, yan di ta'ari ba! Dama Naawunni naam nyɛ la banŋɔ taabu dinni. 15Yɛlimaŋni ka n yɛtti ya wa, ni, sɔ yi bu sakki Naawunni naam yɛligu maa hoo bibila ŋɔn sakkri seem la, u ku toaai n‑kpɛ naam maasim maa ni.” 16Dinsaha ka u daa zaŋŋi u nuusi n‑gɔbi biisi maa ka daa susi Naawunni n‑ti ba.
17Ka Yisa ŋɔn daa ya n‑kyaŋŋi u kyɛnni maa yaasa, dɔsɔ n daa zɔ n‑kyɛ u saani na nti gbaani u tooni ka boosi u, ni, “N Karimbasuŋŋu! N ya niŋi la wula n‑nya nyɔvuri kan ka naari?” 18Ka Yisa daa yɛli u, ni, “Wula ka i booli ma, ni, ninvugsuŋŋu? Sɔ n ka ni n‑nyɛ bunsuŋŋu, na'ala Naawunni kɔkɔa. 19Tɔ; ka i mi zaaligu maa ŋɔn nyɛ seem: ni, ‘Di ku ninsaala.’; ni, ‘Di tum zina.’; ni, ‘Di zu.’; ni, ‘Di di ziri sɛhara n‑lusi i kpeaa u yɛlli ni.’; ni, di yɔmsi niriba n‑di ba neema; ni, ‘Tim i ba ni i ma gyirima’. ” 20Ka doo maa yɛli, “N Karimba, anŋɔ zaa ka n daa pun dɔli ka na nyɛ na'akyimbila.” 21Ka Yisa daa gɔsi doo maa ni sufumaasim, ka yɛli u, “Yɛlli yinni kɔkɔ n kpalim ka i kɔŋŋi: kyɛma nti koosi i marigu zaa n‑zaŋŋi n‑tɔri faradima, ka i arizikki maali n‑zoaai Naawunni saani. Ka kyɛ na n‑dɔli man nyaaŋŋa.” 22Tɔ, ka Yisa ŋɔn daa ti yɛli lala maa, doo maa daa miisi u nindaa, ka daa bakki ni sufusa'aŋŋu, dama u daa nyɛ la bundaana ni yɛlimaŋni.
23Yisa daa ŋmaligi n‑gɔsi u nyaandɔliba maa ka yɛli ba, “Di siri nin tɔ pam ni bundaana kpɛ Naawunni naam ni!” 24Ka yɛttɔ'a anŋɔ daa kpeesi u nyaandɔliba maa alahazibu, amaa Yisa daa laa n‑yɛli, “M biisi, di tɔ pam ni nira ti kpɛ Naawunni naam maasim ni! 25Halli arakoomi nin ti kpɛ seeriga vɔbila ni m‑puli n‑yi ka bundaana na ku toaai m‑ma'asi ni u kpɛ Naawunni naam ni.” 26Di daa gyɛri u nyaandɔliba maa pam yɛlli wa zugu, ka ba daa boosiri taaba, ni, “Ka ŋɔni n nin toaai n‑tuligi?” 27Yisa daa gɔsi ba ka yɛli, “Dinŋɔ tɔ pam ninsaalidima saani, amaa Naawunni saani di bu tɔa. Dama Naawunni ku kɔŋŋi bunseelikam niŋbu.” 28Dinsaha ka Piita daa yɛli u, “Nyama, tirima nyɛ seeba ban kyɛ bunseelikam m‑basi ka dɔli i!” 29Ka Yisa daa yɛli ba, “Yɛlimaŋni ka n yɛtti ya wa, sɔ yi bɛ ni n‑kyɛ u yiri, bee u babiisi ni u mabiisi, bee u ba ni u ma, bee u biisi, bee u puri, man zugu, ni Naawunni yɛligu wa zugu, 30di daama nin ti nya bunseesi an gaari anŋɔ zaa pampaŋŋɔ saha - u nin nya yiya kɔbkɔbga, ni mabiisi ni babiisi, ni madima ni badima ni biisi, ni puri kɔbkɔbga m‑paasi - amaa ka u nya wahala ni vɔlisa gba: ka saha din kyɛnni na u nin ti nya nyɔvuri kan ka naari. 31Amaa ban daŋŋi tooni muna - ba pam nin ti kpalim nyaaŋŋa, ka ban kpalimni nyaaŋŋa mun nin ti daŋŋi tooni.”
32Yisa ni u nyaandɔliba daa bɛ la soori ni n‑wa Gyɛrusalɛm. Yisa daa gaari tooni, u nyaandɔliba mun daa dɔli u nyaaŋŋa ka di daa gyɛri ba pam; halli dabeem daa gbaai ninvugseeba ban daa dɔli ba zaa. Yisa daa laa n‑zaŋŋi u nyaandɔliba pii ni ayi maa n yi kpaŋŋa ba kɔkɔ nti yɛli ba yɛliseesi an ti ya paai u. 33U daa yɛli ba, “Ya wumma: ti wa la Gyɛrusalɛm tiŋŋa, bɛni ka ba nin zaŋŋi man Ninsaala Bii n‑ti gyeeŋŋu toondaandima ni karimbadima nuusi ni. Ban nin ti kari n sariya n‑zaŋŋi ma taalli, ni, n sumni kum, ka naayi zaŋŋi ma n‑niŋi ban pa ti butiri niriba la nuu ni, 34ni ba maali ma ansarisi, n‑tusi nantoori n‑niŋi ma, n‑feebi ma ka ku ma. Amaa daba ata daari n nin yisigi kum ni.”
35Ka Zɛbidii biisi, Gyeemsi ni Gyɔni la, daa kyɛ Yisa saani na nti yɛli u, “Ti Karimba, ti kyɛ la i saani na, ni, bunseelli m bɛ ni ka ti boora, ammi i nin niŋi n‑ti ti, bee?” 36Ka u daa boosi ba, ni, “Bumbɔ n nyɛ di? Ni, bumbɔ ka n niŋma n‑ti ya?” 37Ka ba daa labsi n‑yɛli u, “I naam gyirima saha yi ti paai na, ni, ti boori ni ti zini n‑tabli i, yinni i nudirigu, ni yinni i nuzaa ziiya.” 38Ka u daa yɛli, “Ya bu mi yan susiri seelli maa. Ammi, ya nin toaai n‑nyu wahala kɔbɛseaa man ya n‑nyu wa? Bee man ya n‑su tumbeeri kyɛ-m‑pɛŋŋi koom ka ya gba nin su lala maa?” 39Ni, “Ii! Ti nin nyaŋŋi.” Ka Yisa mun yɛli ba, “Ya siri nin ti nyu n wahala kɔbeaa la, ka su n lala koom maa, 40amaa man bu su soori ni n wulisi ban nin zinni n nudirigu bee n nuzaa zii maa. Naawunni pun maali ziziisi wa siri n‑zaali n‑ti ŋɔn gaŋŋi ninvugseeba la.” 41Tɔ, ka u nyaandɔliba piiya ban kpalim la ŋɔn daa ti wum lala maa, ba suuri daa yisigi n‑niŋi Gyeemsi ni Gyɔni. 42Dizugu Yisa daa booli ba, ni ba la'amma taaba na, ka yɛli ba, “Ya mi ninvugseeba ban bu gyeemni Naawunni la yɛla, ni, ba yɛtti, ni, ninvugseeba ban su ba fukumsi mari la yiiko ka tumni ba putoo, ka ba kpamma su ba yɛla ni kpeeŋŋu. 43Amaa di pa lala ya saani. Ya sɔ yi boori kpeema tibsim, see ka u tumni n‑tiri ya zaa. 44Ka sɔ yi boori ni u leebi toondaana, see ka u leebi ya zaa daabri. 45Dama man Ninsaala Bii bu kyɛ na ni ba tumni n‑suŋŋni ma; ay! - n kyɛ na ni n tumni n‑suŋŋni niriba, ka zaŋŋi n nyɔvuri m‑pa talima ka niriba pam nya tiliginsim.”
46Tɔ; ka ba daa paai Gyɛrikoo tiŋŋa n‑kpɛ bɛni. Ka Yisa ŋɔn daa naayi yi tiŋŋa maa ni, ŋɔn ni u nyaandɔliba ni zama pam, ka zoonsɔ daa zi soori kpaŋŋa m‑maanni bara, doo mun yuuri daa boonni Baatimeeyusi, ni, Timeeyusi biiya. 47Ŋɔna daa ti wum, ni, di nyɛ la Yisa, Nazarɛti doo la, n‑gatti maa, ka u daa tasi, n‑yɛli, “Yisa, NaaDauda biiya, zɔm ma namboo!” 48Ka niriba pam daa nyikki u n‑yɛli, ni, u sina u vuuri. Amaa u daa laa n‑tasi pampam, ni, “Yisa, NaaDauda biiya, zɔm ma namboo!” 49Ka Yisa daa zaani, ka yɛli, “Ya boolim u na!”, ka ba daa booli zooma maa na, ka yɛli u, “Mari sufupeelli, doaam na! Ka u boonni i maa.” 50Tɔ, ka zooma maa daa yisigi n‑zaani, ka yeaai u waari kparigu m‑basi, ka vaai n‑zɔ n‑kyaŋŋi Yisa saani. 51Ka Yisa daa boosi u, ni, “Bɔ ka i boori ni n niŋi n‑ti i?” Ni, “N Karimba, m boori ni n nyari yaasa.” 52Ka Yisa daa labsi n‑yɛli u, ni, “Kyɛma! - i yɛdda maa taasi la sookyi na n‑ti i.” Ka di saha maa u nini maa daa neaai, ka u daa doaai n‑dɔli Yisa ka ba kyɛnna.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2002, Wycliffe Bible Translators, Inc. All rights reserved.