Vibʼanoʼm inqʼa Apoostol 7
7
Uvaʼs talt Ixh inuqul viyolbʼal quBʼaal Tiuxh xoʼl jankʼal inqʼa iqʼesal
1Yaʼne ech tal viqʼesal inqʼa oksan yol vatz Tiuxh te Ixh s-eche: —¿Nuqxh inqʼa yol uvaʼ nik talax seʼe? —xeʼte.
2Tul ech tal Ixh s-eche: —Jankʼal ex, inmol s-tijaq imam Israeel, atz jankʼal ex, inqʼa iqʼesal qutenam, abʼitaq uvaʼ toq valeʼ: Ikʼutxhetz tibʼ u nimla tatin u quBʼaal Tiuxh tu amlikaʼ te Avraʼaam, u kʼuy qumam, uvaʼs yeʼxnaqich tzaoq Avraʼaam tuulbʼal Mesopotaamia; atz yeʼxnaqich bʼenoq Avraʼaam jeqloq tu tenam Araan. 3Tul ech tal quBʼaal Tiuxh te Avraʼaam s-eche: «Aqʼ ka inqʼa eetzʼin aatzik, tul elen bʼen t-vatxʼavaʼ. Tul aʼ bʼenk axh tu txʼavaʼ uvaʼ toq inkʼutxh see,» xeʼt quBʼaal Tiuxh te Avraʼaam.#Jeenesis 12.1
4Yaʼne el vet tzaan Avraʼaam xoʼl inqʼa kaldeeo. Tul yekich vet Avraʼaam jeqloq tu tenam Araan. Tul tzitzi kamk vet ibʼaal Avraʼaam. Yaʼne tal vet quBʼaal Tiuxh te Avraʼaam, tiʼ uvaʼ laʼich ul vet paqte tu txʼavaʼ, tal uvaʼ jeqlel oʼ s-txheel.#Jeenesis 11.31 5Poro jitoq inbʼeeq u txʼavaʼ taqʼ quBʼaal Tiuxh te Avraʼaam. Pet aʼ talvat ka quBʼaal Tiuxh taqʼax te Avraʼaam tuchʼ inqʼa tij imam kʼuxh mijich invaʼq initxaʼa Avraʼaam.#Jeenesis 12.7 6Tul echat tal quBʼaal Tiuxh te Avraʼaam s-eche: «Laʼetz bʼen inqʼa avij amam jeqeʼvoq t-val u mam tenam uvaʼ jit itenam. Tan txeyel laʼ motx ibʼen aqʼonvoq. Tul tuulbʼal vaʼl kajvaʼl sieen (400) yaʼbʼ laʼ motx kʼaxbʼisal t-aqʼon. 7Pet aʼetz, in laʼ kʼaxbʼisan inqʼa xaol, inqʼa laʼ motx yaʼlun tok inqʼa avij amam tiʼ aqʼon. Tul xamtel laʼ motx txhaqp tzaan inqʼa avij amam. Tul aʼ laʼ ul inatxhkʼuulavat in tzitza,» xeʼt quBʼaal Tiuxh.#Jeenesis 15.13-14
8Yaʼne ijeqbʼa ka quBʼaal Tiuxh val u yol te Avraʼaam uvaʼ laʼich tzokʼox el inbʼiil vitxhiʼoʼl inqʼa talaq xaak, s-tetxhlal uvaʼ itenamich quBʼaal Tiuxh inqʼa tij imam Avraʼaam. Txhejetz vet vikʼaol Avraʼaam uvaʼ toksa Avraʼaam ibʼij s-Isaak. Tul yekichetz itzokʼeʼl Avraʼaam inbʼiil te vitxhiʼoʼl Isaak uvaʼs tel vet Isaak s-vajxaqil qʼij. Echatetzxh ibʼan vet Isaake te Jakoov, vikʼaol. Atz echatxh ibʼan Jakoove te kabʼlaval inqʼa ikʼaol, inqʼa motx bʼen vet s-kʼuy imam kabʼlaval inqʼa tenam.#Jeenesis 17.10-14; 21.2-4; 25.26; 29.31; 35.18 Antetzxh vet oʼ tij imam kabʼlaval inqʼa ikʼaol Jakoov.
9Echetze inqʼa kʼuy qumam, tan xeʼtaq txhiʼanoq taanima tiʼ Xhuʼl. Tul motx ikʼayi vet bʼen tu tenam Ejiipto tiʼ ibʼen vatz kʼaxkʼola aqʼon. Poro yeʼl Xhuʼl aqʼax ka taʼn quBʼaal Tiuxh, tan atich quBʼaal Tiuxh kʼatz Xhuʼl.#Jeenesis 37.11; 37.28; 39.2-21 10Tan antxh quBʼaal Tiuxh eesan el Xhuʼl t-inqʼa kʼaxkʼo. Tul antxh quBʼaal Tiuxh aqʼon vibʼaʼnil tiibʼa Xhuʼl. Atz taqʼ quBʼaal Tiuxh itxumbʼal Xhuʼl vatz faraoon, u mam iqʼesalich tuulbʼal Ejiipto. Echetz toksal Xhuʼle siqʼesal taʼn faraoon tuulbʼal Ejiipto, atz tiibʼa jankʼal inqʼa kamaq tetz faraoon.#Jeenesis 41.39-41
11Yaʼne pal val u mam vaʼy tuulbʼal Ejiipto, atz tuulbʼal Kanaan tal uvaʼ jeqlich Jakoov tuchʼ inqʼa ikʼaol, inqʼa kʼuy qumam. Echetz ipal val u mam kʼaxkʼoe tiibʼa inqʼa kʼuy qumam, tan tira yeʼ nikich motx itxhej vet itxʼix.#Jeenesis 41.54-57 12Tabʼietz vet Jakoov, u kʼuy qumam, uvaʼ atich triigo tuulbʼal Ejiipto, tul itxhaq vet bʼen inqʼa kʼuy qumam tiʼ tiqʼol triigo tinpaqul.#Jeenesis 42.1-12 13Tikaʼpaqichetz vet ibʼen inqʼa kʼuy qumam t-Ejiipto, tul taqʼ tibʼ Xhuʼl ootzaqiloq te inqʼa tatzik. Echetz tootzaqil vete inqʼa tatzik Xhuʼl tuchʼ u titzʼin Xhuʼl taʼn u mam iqʼesal tuulbʼal Ejiipto.#Jeenesis 45.1
14Yaʼne ibʼekʼ vet Xhuʼl tiqʼol qʼes Jakoov, vibʼaal, tuchʼ jankʼal inqʼa initxaʼa tuchʼ inqʼa tij imam qʼes. Oʼlavalichetz vet imutxʼ (75) tatxhul qʼes ibʼaal Xhuʼl tuchʼ inqʼa tij imam. Tul aqʼbʼ tuulbʼal Ejiipto.{*}#7.14 Jeenesis 45.9-10, 17-18; 46.27. Kʼuxhetz nik taleʼ uvaʼ taʼn kuxh Jakoov tuchʼ inqʼa tij imam aqʼbʼ tu Ejiipto, pet ant inqʼa ikʼaol Jakoov tuchʼaq talibʼ, atz tuchʼ inqʼa kʼuulanaq tetz motx aqʼbʼi. 15Echetz taqʼbʼ vet Jakoove tuulbʼal Ejiipto. Tul opoon vet qʼij, tul kam vet Jakoov tzitzi. Atz opoonat vet qʼij, tul kam vet inqʼa ikʼaol Jakoov; aʼe inqʼa kʼuy qumam.#Jeenesis 46.1-7 16Tul een ex muqlik vitxhiʼoʼl Jakoov tuchʼ inqʼa kʼuy qumam tu tal tenam Sikeem t-val u txʼavaʼ uvaʼ maʼtich iloqʼt ka Avraʼaam, u kʼuy qumam, te inqʼa ikʼaol Amoor.#Jeenesis 23.3-16
17Tul aʼlxh nikich inaʼ vet inqʼa kʼuy qumam tuulbʼal Ejiipto, tuulbʼal uvaʼ ilich vet inqʼa qʼij nikich topooneʼ uvaʼ laʼich elaʼp vet inqʼa iyol quBʼaal Tiuxh uvaʼ ijeqbʼa te Avraʼaam tiʼ itxhaqpul inqʼa kʼuy qumam.
18Oketz vet vaʼt u mam iqʼesal tu mam tenam Ejiipto uvaʼ yeʼich vet abʼimal itziulal Xhuʼl taʼn.#Eeksodo 1.7-8 19Tul itxhok vet u mam iqʼesal yaabʼla txumbʼal tiʼ inqʼa kʼuy qumam. Tul motx ikʼaxbʼisa veteʼ. Atz ibʼekʼ vet u mam iqʼesal te inqʼa kʼuy qumam uvaʼ taʼn laʼich alal inqʼa neʼ xaak, tul yek laʼich yatzʼaxaq el, tul laʼich bʼen aqʼaxoq ka tiʼ aʼ. Echetz yeʼ laʼich inaʼe inqʼa kʼuy qumam.#Eeksodo 1.10-11
20Tuulbʼaletz inqʼa qʼij uvaʼs nikich iyatzʼax el inqʼa neʼ xaak, tul alal Moisees. Tul josqʼilichxh u neʼ xaak, u Moisees vatz quBʼaal Tiuxh. Oxvaʼletz kuxh ichʼ chʼijsal Moisees taʼn itxutx, atz taʼn ibʼaal t-totzotz.#Eeksodo 2.2 21Tul ex aqʼaxoq vet ka Moisees t-val u aʼ, tul kamchilich vet tetz Moisees. Poro ech koqe, tan aʼ, val vimeʼal faraoon, ex leqon Moisees. Atz ichʼijsa vet s-eche tal.#Eeksodo 2.3-10 22Tul aʼ txhusux vet te Moisees inqʼa ootzaqibʼal uvaʼ nikich itxhusux te inqʼa aj Ejiipto. Tul atichxh vet tiqleʼm Moisees tuchʼ u tatineʼ tiʼ viyoloneʼ, atz tiʼ ibʼanax kam kuxh aqʼonil.
23Eletz vet s-nimal yaʼbʼ, tul kaʼviinqilich vet iyaʼbʼ Moisees, tul titzʼa vet Moisees t-taanima isolil inqʼa imol s-tijaq imam Israeel. 24Tiletz vet Moisees val vimol s-tij imam Israeel uvaʼ nikich iqʼosox taʼn val u aj Ejiipto. Tul tira iyatzʼeʼl Moisees u aj Ejiipto tiʼ ikolox vimol. 25Tan aʼ titzʼa Moisees uvaʼ nikich ibʼen te inqʼa imol s-tijaq imam Israeel uvaʼ, aʼ Moisees laʼich ibʼanbʼe quBʼaal Tiuxh tiʼ teesal el t-inqʼa kʼaxkʼo. Poro ech koqe, tan yeʼ nikich ibʼen te inqʼa kʼuy qumam. 26Echetz vet s-eqal, tul til Moisees iqʼost tibʼ kaʼvaʼl inqʼa imol s-tijaq imam Israeelil. Yaʼne ijatx Moisees ixoʼl tiʼ tok bʼaʼnil s-xoʼl. Tul ech tal Moisees s-te s-eche: «Ex, inmol s-tijaq imam Israeel, ¡yeʼvaq kuxh eqʼos etibʼ! Tan ant kuxh ex tijaq imam Israeel sevatzaq,» xeʼt Moisees.
27Aʼetz u vinaq uvaʼ nikich qʼoson vimol, tan tira yeʼ toksa viyol Moisees s-tuul. Tan aʼl ech tal te Moisees s-eche: «¿Jaʼl qat oksan axh s-quqʼesal? Atz ¿jaʼl qat oksan axh s-aqʼol kuʼ yol tinuqul s-quxoʼl? 28¿Maq aʼ asaʼ ayatzʼteʼl in, eche uvaʼ ayatzʼteʼl naq u aj Ejiipto s-evete?» xeʼt te Moisees.
29Tabʼietz vet Moisees u yol uvaʼe, tul itzʼeq vet tibʼ Moisees. Tul aʼ yekich vet Moisees jeqloq t-val u txʼavaʼ Madiaan. Tul jitich aj tenam Moisees tzitzi. Pet aloq tzitzi tzʼalonk vet Moisees, tul txhej vet kaʼvaʼl ikʼaol tu tenam uvaʼe.#Eeksodo 2.11-15; 18.3-4
30Eletz vet s-nimal yaʼbʼ, tul kaʼviinqilich vet yaʼbʼ ijeqeʼv Moisees tzitzi tu Madiaan, tul ikʼutxh tibʼ val u aanxel te Moisees xoʼl val u taqʼ xamal uvaʼ nikich toybʼ xoʼl val u vatom chʼiʼx tu tzaqa txʼavaʼ uvaʼ yeʼl xaol jeqlel s-tuul tu vitz Sinaii.
31Tiletz vet Moisees, tul tira kaj taanima Moisees s-te. Yaʼne ijetxh vet ok tibʼ Moisees tiʼ tilixeʼ. Tul ajtxh tabʼi Moisees iyolon tzaan quBʼaal Tiuxh. Tul ech tal quBʼaal Tiuxh s-eche: 32«Ine u Tiuxh uvaʼ nik inatxhkʼuula inqʼa kʼuy amam. Ine u Tiuxh uvaʼ nik inatxhkʼuula Avraʼaam. Atz ine u Tiuxh uvaʼ nik inatxhkʼuula Isaak. Atz ine u Tiuxh uvaʼ nik inatxhkʼuula Jakoov,» xeʼt quBʼaal Tiuxh te Moisees. Tul xeʼt vet Moisees tʼuntʼutxhoq t-xoʼval. Tul tira yeʼ itxʼol vet Moisees isaqileʼ.
33Yaʼne ech tal quBʼaal Tiuxh te Moisees s-eche: «Eesa el vachichʼ xaʼp tavoq, tan Tiuxhla Atibʼale u txʼavaʼ uvaʼ atil axh. 34Iletze nik vileʼ uvaʼ il vintenam bʼeeno nik ikʼaxbʼeʼ. Tul ile nik vabʼi uvaʼ ile jiqʼjotxh t-oqʼel t-kʼaxbʼichil. Pet opoony vet viqʼiil uvaʼ toq veesa el vintenam t-inqʼa kʼaxbʼichil. Aʼetz axh toq intxhaq bʼen axh tuulbʼal Ejiipto inpaqte,» xeʼt quBʼaal Tiuxh te Moisees.#Eeksodo 3.1-10
35Yeʼetz saʼax Moisees taʼn inqʼa kʼuy qumam. Tan ech alax te Moisees s-eche: «¿Jaʼl nik oksan axh siqʼesalil? Atz ¿jaʼl nik oksan axh s-aqʼol kuʼ yol tinuqul s-quxoʼl?» xeʼt eʼl Moisees. Kʼuxhetz eche, poro aʼetz Moisees, itxhaq bʼen quBʼaal Tiuxh siqʼesal tiʼ teesal tzaan inqʼa kʼuy qumam tuulbʼal Ejiipto. Aʼetz Moisees, bʼen s-chitol tetz. Tan ech uvaʼe alax s-te taʼn u aanxel uvaʼ ikʼutxh tibʼ te Moisees xoʼl u vatom chʼiʼx.
36Tul yaʼne xamtel ex teesa vet tzaan Moisees inqʼa kʼuy qumam tuulbʼal Ejiipto. Tul ikʼutxh Moisees uvaʼ mam yol tilixeʼ tuulbʼal Ejiipto, tetxhlal vibʼaʼnil quBʼaal Tiuxh. Atz tuulbʼal kaʼviinqil yaʼbʼ, tul ikʼutxhat Moisees etxhlal uvaʼs ipal tu mam aʼ, uvaʼ Kaq Atzʼam aʼ ibʼij, atz tu tzaqa txʼavaʼ uvaʼ yeʼl xaol jeqlich s-tuul.#Eeksodo 7.3; 14.21; Nuumeros 14.33 37Tul antxh Moisees uvaʼ ech alon ka te inqʼa kʼuy qumam, inqʼa tij imam Israeel, s-eche: «QuBʼaal Tiuxh laʼ bʼanon, tul antxh laʼ txhejk vaʼt qʼexsan tetz viyol quBʼaal Tiuxh sexoʼl, eche uvaʼ ichʼext in quBʼaal Tiuxh tiʼ iqʼexsal viyol sexoʼl. Tul laʼxh etabʼi viyol,» xeʼt ka Moisees.#Deuteronoomio 18.15-18
38Antetzxh Moiseese, uvaʼ atich xoʼl inqʼa kʼuy qumam vatz quBʼaal Tiuxh tu tzaqa txʼavaʼ, uvaʼ alax yol s-te viʼ u vitz Sinaii taʼn u aanxel. Tul imolich tibʼ Moisees tuchʼ inqʼa kʼuy qumam uvaʼs talax u yol s-te uvaʼ txhusbʼalich qetz, atz tetzich qʼij saq uvaʼ yeʼl iyaʼebʼal imotxebʼal.#Eeksodo 19.1; 20.17
39Poro tira yeʼ inima inqʼa kʼuy qumam u yol uvaʼ tal Moisees. Pet aʼl tixval Moisees taʼn, tan aʼ eenaqich taanima tiʼ iqʼaʼv inpaqte t-Ejiipto.
40Xaʼtetze ech tal inqʼa kʼuy qumam te Aroon s-eche: «Bʼan joloq qutiuxh uvaʼ laʼ iqʼon qubʼey tiʼ quqʼaʼv t-Ejiipto. Tan yeʼ qootzaqle kamebʼ qat ibʼan naq u Moisees uvaʼ eesan tzaan oʼ tuulbʼal Ejiipto. Tan yeʼl vet naq nik ikuʼl viʼ u vitz,» xeʼtaqe.#Eeksodo 32.1
41Yaʼne ibʼitaq vet val vivatzibʼal yakʼa tal vaʼk sitiuxh. Tul motx itzʼeʼsaaq vet ok txoo s-vatz. Tul motx ibʼan vet vaʼl mam nimla qʼij tiʼ vitiuxh uvaʼ aʼ kuxh motx bʼiton tuchʼ iqʼabʼ.#Eeksodo 32.2-6
42Echetz s-tiʼile tira teesa vet el quBʼaal Tiuxh inqʼa kʼuy qumam t-taanima. Tul antxh vet quBʼaal Tiuxh txhaqpunaq ok, tiʼ uvaʼ, aʼ kuxh laʼich motx tal vet sitiuxh jankʼal inqʼa kam inqʼa nik itxiqun vatz amlikaʼ. Tan ech uvaʼe nik tal tuul val u uʼ uvaʼ tzʼibʼamal ka taʼn inqʼa qʼexsanich tetz viyol quBʼaal Tiuxh uvaʼ ech nik tal s-eche:
«Ex tijaq imam Israeel,
¿maq aʼ nik etale
uvaʼ sinvatz
motx etzʼeʼsavat ok
inqʼa txoo inqʼa
nikich eyatzʼ
tuulbʼal kaʼviinqil yaʼbʼ
uvaʼs nikich exaon
tu tzaqa txʼavaʼ?
Echetz koqe.
43Tan kʼuxh aʼich
u vatibʼal
txhelemich etaʼn sevatz,
poro te taanima,
tan aʼ txhelemich etaʼn
vivatzibʼal Molook.
Atz aʼat kuxh atich
tetaanima
inatxhax vaʼt vetiuxh
u txʼumil
uvaʼ Renfaan ibʼij,
inqʼa vatzibʼal uvaʼ junt kuxh
motx ebʼita.{*}#7.43 Eche u bʼij Renfaan tiyolbʼal inqʼa aj Ejiipto, tan aʼ uvaʼe, nik talax s-‹Satuurno› s-txheel vibʼij u nimla txʼumil.
Tul motx enatxhkʼuula.
Echetz toq veesat el exe
tu txʼavaʼ uvaʼ toq vaqʼ sete.
Tul toq inqʼexsa opoon ex
tiʼ bʼen u mam tenam
Vaviloonia,»
xeʼt quBʼaal Tiuxh.#Amoos 5.25-27
44Poro atichetz u bʼuʼq tostiuxh, u tatibʼal quBʼaal Tiuxh, xoʼl inqʼa kʼuy qumam tu tzaqa txʼavaʼ. Tul atich inqʼa sivan s-tuul s-tetxhlal vijeqbʼat quBʼaal Tiuxh viyol tuchʼ inqʼa kʼuy qumam. Aʼ u bʼuʼq tostiuxh uvaʼ ibʼekʼ quBʼaal Tiuxh te Moisees uvaʼ echatxh u atibʼal laʼich ibʼit Moisees, eche uvaʼ ikʼutxh quBʼaal Tiuxh s-te.#Eeksodo 25.9-40 45Antetzxh u bʼuʼq tostiuxhe, u tatibʼal quBʼaal Tiuxh, uvaʼ taqʼ vet ka inqʼa kʼuy qumam te inqʼa tij imam. Tul iqʼomichaq u bʼuʼq tostiuxh taʼn inqʼa kʼuy qumam uvaʼs motx taqʼbʼ vet tuchʼ Josuee tu txʼavaʼ uvaʼ motx ibʼan txhʼaʼo tiʼ imaax te inqʼa xaol, inqʼa jitaqich tij imam Israeel. Tul quBʼaal Tiuxh tukin vet el jolt inqʼa xaol tu txʼavaʼ. Tul tzitzi kajk vet u bʼuʼq tostiuxh xoʼl inqʼa kʼuy qumam tu txʼavaʼ uvaʼ atil oʼ s-txheel, tetxhal topoon ibʼant Daviid iqʼesalil.#Josuee 3.14-17
46Aʼetz vet Daviide uvaʼ oqxhich ichiibʼ quBʼaal Tiuxh s-tiʼ. Tul ijaq vet Daviid te quBʼaal Tiuxh uvaʼ laʼich ibʼit vaʼt tatibʼal viTiuxh u kʼuy qumam Jakoov.#2 Samueel 7.1-16; 1 Kroonikas 17.1-14 47Poro aʼetz vet Salomoon bʼiton u tatibʼal quBʼaal Tiuxh,#1 Reeyes 6.1-38; 2 Kroonikas 3.1-17 48kʼuxh yeʼlichxh u Nimla Vatz quBʼaal Tiuxh laʼich atin t-invaʼq atibʼal uvaʼ, aʼ inqʼa xaol laʼich aqʼon jaʼ, tan ech val u yol tzʼibʼamal ka taʼn val u qʼexsanich tetz viyol quBʼaal Tiuxh s-eche:
49-50«–Aʼ vatibʼal u amlikaʼ
tal uvaʼ kʼuqlel in
tiʼ inbʼant iqʼesalil
tiibʼa inqʼa kam s-kaqaayil.
Tul tilanbʼal voq kuxh tatin
u txʼavaʼ.
Tan ine motx bʼanon
inqʼa kam s-kaqaayil.
Echetz aʼetz kol vet ex
laʼ bʼanon
invaʼq votzotz nik etaleʼ;
atz aʼetz kol nik etitzʼa
uvaʼ ex toq bʼiton vilanbʼal,
–chich quBʼaal Tiuxh,» chich u yol.#Isaiias 66.1-2
51Poro ¡tira yeʼ nik ibʼen sete! Tul ¡tira yeʼ nik etabʼi! ¡Palsanaq yol! Tan ¡tira yeʼl vinatxhkʼuulal Tiuxh tetaanima, eche jit qolel el inbʼeeq te vetxhiʼoʼl tilixeʼ! Echatxh tial ekʼuul, eche tial ikʼuul inqʼa kʼuy qumam, tan ¡tira yeʼ nik esaʼ ibʼant viTiuxhil Tiuxh iqʼesalil tetaanxelal!#Isaiias 63.10 52Tul jankʼalxh inqʼa qʼexsanich tetz viyol quBʼaal Tiuxh kʼaxbʼisal taʼn inqʼa kʼuy emam, atz mij nikich ikaj utxhchil s-tiʼ, tiʼ ikʼaxbʼisaleʼ. Tan motx yatzʼax el inqʼa bʼaxabʼsan talax u tulebʼal u Jikla Vinaq, aʼe u Kriisto uvaʼ etoksa tiqʼabʼ inqʼa iqʼesal. Tul antxh ex alon iyatzʼax el. 53Echetz aʼ exe, uvaʼ kʼulunaʼq tetz inqʼa bʼekʼbʼal uvaʼ aʼxh inqʼa aanxel ul alon te Moisees viʼ u vitz, poro ¡jitoq nik motx enima! —xeʼt Ixh xoʼl inqʼa iqʼesal u tenam. 54Tabʼietz vet inqʼa iqʼesal u tenam inqʼa yol uvaʼ motx tal Ixh, tul tira motx lakp iviʼ s-tiʼ. Atz motx ikʼuxiaq tej t-kʼaʼnal tiʼ Ixh.
55Poro tira nikich inatxh Ixh uvaʼ atich viTiuxhil Tiuxh s-kʼatza. Yaʼne saqin jaʼ Ixh t-amlikaʼ. Tul til Ixh itxiqun vilitzʼkabʼin u nimla tatin vibʼaʼnil quBʼaal Tiuxh. Tul til Ixh uvaʼ atich Jesuus tisebʼal quBʼaal Tiuxh. 56Tul ech tal Ixh s-eche: —¡Il u amlikaʼ jaqlel veteʼ! Tul ¡ile nik vileʼ uvaʼ il Jesuus, u Kʼaola uvaʼ bʼen s-alam aanima, at tisebʼal u quBʼaal Tiuxh! —xeʼt Ixh.
57Tabʼietz vet inqʼa iqʼesal viyol Ixh, tul motx sichʼinaq veteʼ. Atz motx ijupaq vet ixichin. Tul motxaq vet ok tiʼ itxeyex Ixh. 58Yaʼne juxul vet el Ixh taʼn inqʼa iqʼesal tiʼeʼl u tenam. Tul xeʼtaq vet tiʼ ikʼonil Ixh s-sivan. Tul teesa vet ka inqʼa iqinkin txhas oksaʼm. Tul aʼ motx taqʼvat vet ka vatz val u chelem vinaq uvaʼ Saauloich ibʼij. Tul aʼ vet Saaulo xeen ka inqʼa iqinkin txhas oksaʼm.
59Sebʼtichetz ikʼonil Ixh s-sivan, tul xeʼt Ixh tiʼ inatxhax Tiuxh. Tul ech tal Ixh s-eche: —InBʼaal Jesuus, kʼul vet u vaanxelal, —xeʼt Ixh. 60Tul qael ikuʼ Ixh. Atz sichʼin Ixh. Tul ech tal Ixh s-eche: —InBʼaal, yeʼ ooksa vipaʼv inqʼa xaol s-tuul, —xeʼt Ixh. Taletz kuxh vet Ixh u yol uvaʼe, tul kam vet Ixh.
ទើបបានជ្រើសរើសហើយ៖
Vibʼanoʼm inqʼa Apoostol 7: ixlC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2016, Wycliffe Bible Translators, Inc. All rights reserved.
Vibʼanoʼm inqʼa Apoostol 7
7
Uvaʼs talt Ixh inuqul viyolbʼal quBʼaal Tiuxh xoʼl jankʼal inqʼa iqʼesal
1Yaʼne ech tal viqʼesal inqʼa oksan yol vatz Tiuxh te Ixh s-eche: —¿Nuqxh inqʼa yol uvaʼ nik talax seʼe? —xeʼte.
2Tul ech tal Ixh s-eche: —Jankʼal ex, inmol s-tijaq imam Israeel, atz jankʼal ex, inqʼa iqʼesal qutenam, abʼitaq uvaʼ toq valeʼ: Ikʼutxhetz tibʼ u nimla tatin u quBʼaal Tiuxh tu amlikaʼ te Avraʼaam, u kʼuy qumam, uvaʼs yeʼxnaqich tzaoq Avraʼaam tuulbʼal Mesopotaamia; atz yeʼxnaqich bʼenoq Avraʼaam jeqloq tu tenam Araan. 3Tul ech tal quBʼaal Tiuxh te Avraʼaam s-eche: «Aqʼ ka inqʼa eetzʼin aatzik, tul elen bʼen t-vatxʼavaʼ. Tul aʼ bʼenk axh tu txʼavaʼ uvaʼ toq inkʼutxh see,» xeʼt quBʼaal Tiuxh te Avraʼaam.#Jeenesis 12.1
4Yaʼne el vet tzaan Avraʼaam xoʼl inqʼa kaldeeo. Tul yekich vet Avraʼaam jeqloq tu tenam Araan. Tul tzitzi kamk vet ibʼaal Avraʼaam. Yaʼne tal vet quBʼaal Tiuxh te Avraʼaam, tiʼ uvaʼ laʼich ul vet paqte tu txʼavaʼ, tal uvaʼ jeqlel oʼ s-txheel.#Jeenesis 11.31 5Poro jitoq inbʼeeq u txʼavaʼ taqʼ quBʼaal Tiuxh te Avraʼaam. Pet aʼ talvat ka quBʼaal Tiuxh taqʼax te Avraʼaam tuchʼ inqʼa tij imam kʼuxh mijich invaʼq initxaʼa Avraʼaam.#Jeenesis 12.7 6Tul echat tal quBʼaal Tiuxh te Avraʼaam s-eche: «Laʼetz bʼen inqʼa avij amam jeqeʼvoq t-val u mam tenam uvaʼ jit itenam. Tan txeyel laʼ motx ibʼen aqʼonvoq. Tul tuulbʼal vaʼl kajvaʼl sieen (400) yaʼbʼ laʼ motx kʼaxbʼisal t-aqʼon. 7Pet aʼetz, in laʼ kʼaxbʼisan inqʼa xaol, inqʼa laʼ motx yaʼlun tok inqʼa avij amam tiʼ aqʼon. Tul xamtel laʼ motx txhaqp tzaan inqʼa avij amam. Tul aʼ laʼ ul inatxhkʼuulavat in tzitza,» xeʼt quBʼaal Tiuxh.#Jeenesis 15.13-14
8Yaʼne ijeqbʼa ka quBʼaal Tiuxh val u yol te Avraʼaam uvaʼ laʼich tzokʼox el inbʼiil vitxhiʼoʼl inqʼa talaq xaak, s-tetxhlal uvaʼ itenamich quBʼaal Tiuxh inqʼa tij imam Avraʼaam. Txhejetz vet vikʼaol Avraʼaam uvaʼ toksa Avraʼaam ibʼij s-Isaak. Tul yekichetz itzokʼeʼl Avraʼaam inbʼiil te vitxhiʼoʼl Isaak uvaʼs tel vet Isaak s-vajxaqil qʼij. Echatetzxh ibʼan vet Isaake te Jakoov, vikʼaol. Atz echatxh ibʼan Jakoove te kabʼlaval inqʼa ikʼaol, inqʼa motx bʼen vet s-kʼuy imam kabʼlaval inqʼa tenam.#Jeenesis 17.10-14; 21.2-4; 25.26; 29.31; 35.18 Antetzxh vet oʼ tij imam kabʼlaval inqʼa ikʼaol Jakoov.
9Echetze inqʼa kʼuy qumam, tan xeʼtaq txhiʼanoq taanima tiʼ Xhuʼl. Tul motx ikʼayi vet bʼen tu tenam Ejiipto tiʼ ibʼen vatz kʼaxkʼola aqʼon. Poro yeʼl Xhuʼl aqʼax ka taʼn quBʼaal Tiuxh, tan atich quBʼaal Tiuxh kʼatz Xhuʼl.#Jeenesis 37.11; 37.28; 39.2-21 10Tan antxh quBʼaal Tiuxh eesan el Xhuʼl t-inqʼa kʼaxkʼo. Tul antxh quBʼaal Tiuxh aqʼon vibʼaʼnil tiibʼa Xhuʼl. Atz taqʼ quBʼaal Tiuxh itxumbʼal Xhuʼl vatz faraoon, u mam iqʼesalich tuulbʼal Ejiipto. Echetz toksal Xhuʼle siqʼesal taʼn faraoon tuulbʼal Ejiipto, atz tiibʼa jankʼal inqʼa kamaq tetz faraoon.#Jeenesis 41.39-41
11Yaʼne pal val u mam vaʼy tuulbʼal Ejiipto, atz tuulbʼal Kanaan tal uvaʼ jeqlich Jakoov tuchʼ inqʼa ikʼaol, inqʼa kʼuy qumam. Echetz ipal val u mam kʼaxkʼoe tiibʼa inqʼa kʼuy qumam, tan tira yeʼ nikich motx itxhej vet itxʼix.#Jeenesis 41.54-57 12Tabʼietz vet Jakoov, u kʼuy qumam, uvaʼ atich triigo tuulbʼal Ejiipto, tul itxhaq vet bʼen inqʼa kʼuy qumam tiʼ tiqʼol triigo tinpaqul.#Jeenesis 42.1-12 13Tikaʼpaqichetz vet ibʼen inqʼa kʼuy qumam t-Ejiipto, tul taqʼ tibʼ Xhuʼl ootzaqiloq te inqʼa tatzik. Echetz tootzaqil vete inqʼa tatzik Xhuʼl tuchʼ u titzʼin Xhuʼl taʼn u mam iqʼesal tuulbʼal Ejiipto.#Jeenesis 45.1
14Yaʼne ibʼekʼ vet Xhuʼl tiqʼol qʼes Jakoov, vibʼaal, tuchʼ jankʼal inqʼa initxaʼa tuchʼ inqʼa tij imam qʼes. Oʼlavalichetz vet imutxʼ (75) tatxhul qʼes ibʼaal Xhuʼl tuchʼ inqʼa tij imam. Tul aqʼbʼ tuulbʼal Ejiipto.{*}#7.14 Jeenesis 45.9-10, 17-18; 46.27. Kʼuxhetz nik taleʼ uvaʼ taʼn kuxh Jakoov tuchʼ inqʼa tij imam aqʼbʼ tu Ejiipto, pet ant inqʼa ikʼaol Jakoov tuchʼaq talibʼ, atz tuchʼ inqʼa kʼuulanaq tetz motx aqʼbʼi. 15Echetz taqʼbʼ vet Jakoove tuulbʼal Ejiipto. Tul opoon vet qʼij, tul kam vet Jakoov tzitzi. Atz opoonat vet qʼij, tul kam vet inqʼa ikʼaol Jakoov; aʼe inqʼa kʼuy qumam.#Jeenesis 46.1-7 16Tul een ex muqlik vitxhiʼoʼl Jakoov tuchʼ inqʼa kʼuy qumam tu tal tenam Sikeem t-val u txʼavaʼ uvaʼ maʼtich iloqʼt ka Avraʼaam, u kʼuy qumam, te inqʼa ikʼaol Amoor.#Jeenesis 23.3-16
17Tul aʼlxh nikich inaʼ vet inqʼa kʼuy qumam tuulbʼal Ejiipto, tuulbʼal uvaʼ ilich vet inqʼa qʼij nikich topooneʼ uvaʼ laʼich elaʼp vet inqʼa iyol quBʼaal Tiuxh uvaʼ ijeqbʼa te Avraʼaam tiʼ itxhaqpul inqʼa kʼuy qumam.
18Oketz vet vaʼt u mam iqʼesal tu mam tenam Ejiipto uvaʼ yeʼich vet abʼimal itziulal Xhuʼl taʼn.#Eeksodo 1.7-8 19Tul itxhok vet u mam iqʼesal yaabʼla txumbʼal tiʼ inqʼa kʼuy qumam. Tul motx ikʼaxbʼisa veteʼ. Atz ibʼekʼ vet u mam iqʼesal te inqʼa kʼuy qumam uvaʼ taʼn laʼich alal inqʼa neʼ xaak, tul yek laʼich yatzʼaxaq el, tul laʼich bʼen aqʼaxoq ka tiʼ aʼ. Echetz yeʼ laʼich inaʼe inqʼa kʼuy qumam.#Eeksodo 1.10-11
20Tuulbʼaletz inqʼa qʼij uvaʼs nikich iyatzʼax el inqʼa neʼ xaak, tul alal Moisees. Tul josqʼilichxh u neʼ xaak, u Moisees vatz quBʼaal Tiuxh. Oxvaʼletz kuxh ichʼ chʼijsal Moisees taʼn itxutx, atz taʼn ibʼaal t-totzotz.#Eeksodo 2.2 21Tul ex aqʼaxoq vet ka Moisees t-val u aʼ, tul kamchilich vet tetz Moisees. Poro ech koqe, tan aʼ, val vimeʼal faraoon, ex leqon Moisees. Atz ichʼijsa vet s-eche tal.#Eeksodo 2.3-10 22Tul aʼ txhusux vet te Moisees inqʼa ootzaqibʼal uvaʼ nikich itxhusux te inqʼa aj Ejiipto. Tul atichxh vet tiqleʼm Moisees tuchʼ u tatineʼ tiʼ viyoloneʼ, atz tiʼ ibʼanax kam kuxh aqʼonil.
23Eletz vet s-nimal yaʼbʼ, tul kaʼviinqilich vet iyaʼbʼ Moisees, tul titzʼa vet Moisees t-taanima isolil inqʼa imol s-tijaq imam Israeel. 24Tiletz vet Moisees val vimol s-tij imam Israeel uvaʼ nikich iqʼosox taʼn val u aj Ejiipto. Tul tira iyatzʼeʼl Moisees u aj Ejiipto tiʼ ikolox vimol. 25Tan aʼ titzʼa Moisees uvaʼ nikich ibʼen te inqʼa imol s-tijaq imam Israeel uvaʼ, aʼ Moisees laʼich ibʼanbʼe quBʼaal Tiuxh tiʼ teesal el t-inqʼa kʼaxkʼo. Poro ech koqe, tan yeʼ nikich ibʼen te inqʼa kʼuy qumam. 26Echetz vet s-eqal, tul til Moisees iqʼost tibʼ kaʼvaʼl inqʼa imol s-tijaq imam Israeelil. Yaʼne ijatx Moisees ixoʼl tiʼ tok bʼaʼnil s-xoʼl. Tul ech tal Moisees s-te s-eche: «Ex, inmol s-tijaq imam Israeel, ¡yeʼvaq kuxh eqʼos etibʼ! Tan ant kuxh ex tijaq imam Israeel sevatzaq,» xeʼt Moisees.
27Aʼetz u vinaq uvaʼ nikich qʼoson vimol, tan tira yeʼ toksa viyol Moisees s-tuul. Tan aʼl ech tal te Moisees s-eche: «¿Jaʼl qat oksan axh s-quqʼesal? Atz ¿jaʼl qat oksan axh s-aqʼol kuʼ yol tinuqul s-quxoʼl? 28¿Maq aʼ asaʼ ayatzʼteʼl in, eche uvaʼ ayatzʼteʼl naq u aj Ejiipto s-evete?» xeʼt te Moisees.
29Tabʼietz vet Moisees u yol uvaʼe, tul itzʼeq vet tibʼ Moisees. Tul aʼ yekich vet Moisees jeqloq t-val u txʼavaʼ Madiaan. Tul jitich aj tenam Moisees tzitzi. Pet aloq tzitzi tzʼalonk vet Moisees, tul txhej vet kaʼvaʼl ikʼaol tu tenam uvaʼe.#Eeksodo 2.11-15; 18.3-4
30Eletz vet s-nimal yaʼbʼ, tul kaʼviinqilich vet yaʼbʼ ijeqeʼv Moisees tzitzi tu Madiaan, tul ikʼutxh tibʼ val u aanxel te Moisees xoʼl val u taqʼ xamal uvaʼ nikich toybʼ xoʼl val u vatom chʼiʼx tu tzaqa txʼavaʼ uvaʼ yeʼl xaol jeqlel s-tuul tu vitz Sinaii.
31Tiletz vet Moisees, tul tira kaj taanima Moisees s-te. Yaʼne ijetxh vet ok tibʼ Moisees tiʼ tilixeʼ. Tul ajtxh tabʼi Moisees iyolon tzaan quBʼaal Tiuxh. Tul ech tal quBʼaal Tiuxh s-eche: 32«Ine u Tiuxh uvaʼ nik inatxhkʼuula inqʼa kʼuy amam. Ine u Tiuxh uvaʼ nik inatxhkʼuula Avraʼaam. Atz ine u Tiuxh uvaʼ nik inatxhkʼuula Isaak. Atz ine u Tiuxh uvaʼ nik inatxhkʼuula Jakoov,» xeʼt quBʼaal Tiuxh te Moisees. Tul xeʼt vet Moisees tʼuntʼutxhoq t-xoʼval. Tul tira yeʼ itxʼol vet Moisees isaqileʼ.
33Yaʼne ech tal quBʼaal Tiuxh te Moisees s-eche: «Eesa el vachichʼ xaʼp tavoq, tan Tiuxhla Atibʼale u txʼavaʼ uvaʼ atil axh. 34Iletze nik vileʼ uvaʼ il vintenam bʼeeno nik ikʼaxbʼeʼ. Tul ile nik vabʼi uvaʼ ile jiqʼjotxh t-oqʼel t-kʼaxbʼichil. Pet opoony vet viqʼiil uvaʼ toq veesa el vintenam t-inqʼa kʼaxbʼichil. Aʼetz axh toq intxhaq bʼen axh tuulbʼal Ejiipto inpaqte,» xeʼt quBʼaal Tiuxh te Moisees.#Eeksodo 3.1-10
35Yeʼetz saʼax Moisees taʼn inqʼa kʼuy qumam. Tan ech alax te Moisees s-eche: «¿Jaʼl nik oksan axh siqʼesalil? Atz ¿jaʼl nik oksan axh s-aqʼol kuʼ yol tinuqul s-quxoʼl?» xeʼt eʼl Moisees. Kʼuxhetz eche, poro aʼetz Moisees, itxhaq bʼen quBʼaal Tiuxh siqʼesal tiʼ teesal tzaan inqʼa kʼuy qumam tuulbʼal Ejiipto. Aʼetz Moisees, bʼen s-chitol tetz. Tan ech uvaʼe alax s-te taʼn u aanxel uvaʼ ikʼutxh tibʼ te Moisees xoʼl u vatom chʼiʼx.
36Tul yaʼne xamtel ex teesa vet tzaan Moisees inqʼa kʼuy qumam tuulbʼal Ejiipto. Tul ikʼutxh Moisees uvaʼ mam yol tilixeʼ tuulbʼal Ejiipto, tetxhlal vibʼaʼnil quBʼaal Tiuxh. Atz tuulbʼal kaʼviinqil yaʼbʼ, tul ikʼutxhat Moisees etxhlal uvaʼs ipal tu mam aʼ, uvaʼ Kaq Atzʼam aʼ ibʼij, atz tu tzaqa txʼavaʼ uvaʼ yeʼl xaol jeqlich s-tuul.#Eeksodo 7.3; 14.21; Nuumeros 14.33 37Tul antxh Moisees uvaʼ ech alon ka te inqʼa kʼuy qumam, inqʼa tij imam Israeel, s-eche: «QuBʼaal Tiuxh laʼ bʼanon, tul antxh laʼ txhejk vaʼt qʼexsan tetz viyol quBʼaal Tiuxh sexoʼl, eche uvaʼ ichʼext in quBʼaal Tiuxh tiʼ iqʼexsal viyol sexoʼl. Tul laʼxh etabʼi viyol,» xeʼt ka Moisees.#Deuteronoomio 18.15-18
38Antetzxh Moiseese, uvaʼ atich xoʼl inqʼa kʼuy qumam vatz quBʼaal Tiuxh tu tzaqa txʼavaʼ, uvaʼ alax yol s-te viʼ u vitz Sinaii taʼn u aanxel. Tul imolich tibʼ Moisees tuchʼ inqʼa kʼuy qumam uvaʼs talax u yol s-te uvaʼ txhusbʼalich qetz, atz tetzich qʼij saq uvaʼ yeʼl iyaʼebʼal imotxebʼal.#Eeksodo 19.1; 20.17
39Poro tira yeʼ inima inqʼa kʼuy qumam u yol uvaʼ tal Moisees. Pet aʼl tixval Moisees taʼn, tan aʼ eenaqich taanima tiʼ iqʼaʼv inpaqte t-Ejiipto.
40Xaʼtetze ech tal inqʼa kʼuy qumam te Aroon s-eche: «Bʼan joloq qutiuxh uvaʼ laʼ iqʼon qubʼey tiʼ quqʼaʼv t-Ejiipto. Tan yeʼ qootzaqle kamebʼ qat ibʼan naq u Moisees uvaʼ eesan tzaan oʼ tuulbʼal Ejiipto. Tan yeʼl vet naq nik ikuʼl viʼ u vitz,» xeʼtaqe.#Eeksodo 32.1
41Yaʼne ibʼitaq vet val vivatzibʼal yakʼa tal vaʼk sitiuxh. Tul motx itzʼeʼsaaq vet ok txoo s-vatz. Tul motx ibʼan vet vaʼl mam nimla qʼij tiʼ vitiuxh uvaʼ aʼ kuxh motx bʼiton tuchʼ iqʼabʼ.#Eeksodo 32.2-6
42Echetz s-tiʼile tira teesa vet el quBʼaal Tiuxh inqʼa kʼuy qumam t-taanima. Tul antxh vet quBʼaal Tiuxh txhaqpunaq ok, tiʼ uvaʼ, aʼ kuxh laʼich motx tal vet sitiuxh jankʼal inqʼa kam inqʼa nik itxiqun vatz amlikaʼ. Tan ech uvaʼe nik tal tuul val u uʼ uvaʼ tzʼibʼamal ka taʼn inqʼa qʼexsanich tetz viyol quBʼaal Tiuxh uvaʼ ech nik tal s-eche:
«Ex tijaq imam Israeel,
¿maq aʼ nik etale
uvaʼ sinvatz
motx etzʼeʼsavat ok
inqʼa txoo inqʼa
nikich eyatzʼ
tuulbʼal kaʼviinqil yaʼbʼ
uvaʼs nikich exaon
tu tzaqa txʼavaʼ?
Echetz koqe.
43Tan kʼuxh aʼich
u vatibʼal
txhelemich etaʼn sevatz,
poro te taanima,
tan aʼ txhelemich etaʼn
vivatzibʼal Molook.
Atz aʼat kuxh atich
tetaanima
inatxhax vaʼt vetiuxh
u txʼumil
uvaʼ Renfaan ibʼij,
inqʼa vatzibʼal uvaʼ junt kuxh
motx ebʼita.{*}#7.43 Eche u bʼij Renfaan tiyolbʼal inqʼa aj Ejiipto, tan aʼ uvaʼe, nik talax s-‹Satuurno› s-txheel vibʼij u nimla txʼumil.
Tul motx enatxhkʼuula.
Echetz toq veesat el exe
tu txʼavaʼ uvaʼ toq vaqʼ sete.
Tul toq inqʼexsa opoon ex
tiʼ bʼen u mam tenam
Vaviloonia,»
xeʼt quBʼaal Tiuxh.#Amoos 5.25-27
44Poro atichetz u bʼuʼq tostiuxh, u tatibʼal quBʼaal Tiuxh, xoʼl inqʼa kʼuy qumam tu tzaqa txʼavaʼ. Tul atich inqʼa sivan s-tuul s-tetxhlal vijeqbʼat quBʼaal Tiuxh viyol tuchʼ inqʼa kʼuy qumam. Aʼ u bʼuʼq tostiuxh uvaʼ ibʼekʼ quBʼaal Tiuxh te Moisees uvaʼ echatxh u atibʼal laʼich ibʼit Moisees, eche uvaʼ ikʼutxh quBʼaal Tiuxh s-te.#Eeksodo 25.9-40 45Antetzxh u bʼuʼq tostiuxhe, u tatibʼal quBʼaal Tiuxh, uvaʼ taqʼ vet ka inqʼa kʼuy qumam te inqʼa tij imam. Tul iqʼomichaq u bʼuʼq tostiuxh taʼn inqʼa kʼuy qumam uvaʼs motx taqʼbʼ vet tuchʼ Josuee tu txʼavaʼ uvaʼ motx ibʼan txhʼaʼo tiʼ imaax te inqʼa xaol, inqʼa jitaqich tij imam Israeel. Tul quBʼaal Tiuxh tukin vet el jolt inqʼa xaol tu txʼavaʼ. Tul tzitzi kajk vet u bʼuʼq tostiuxh xoʼl inqʼa kʼuy qumam tu txʼavaʼ uvaʼ atil oʼ s-txheel, tetxhal topoon ibʼant Daviid iqʼesalil.#Josuee 3.14-17
46Aʼetz vet Daviide uvaʼ oqxhich ichiibʼ quBʼaal Tiuxh s-tiʼ. Tul ijaq vet Daviid te quBʼaal Tiuxh uvaʼ laʼich ibʼit vaʼt tatibʼal viTiuxh u kʼuy qumam Jakoov.#2 Samueel 7.1-16; 1 Kroonikas 17.1-14 47Poro aʼetz vet Salomoon bʼiton u tatibʼal quBʼaal Tiuxh,#1 Reeyes 6.1-38; 2 Kroonikas 3.1-17 48kʼuxh yeʼlichxh u Nimla Vatz quBʼaal Tiuxh laʼich atin t-invaʼq atibʼal uvaʼ, aʼ inqʼa xaol laʼich aqʼon jaʼ, tan ech val u yol tzʼibʼamal ka taʼn val u qʼexsanich tetz viyol quBʼaal Tiuxh s-eche:
49-50«–Aʼ vatibʼal u amlikaʼ
tal uvaʼ kʼuqlel in
tiʼ inbʼant iqʼesalil
tiibʼa inqʼa kam s-kaqaayil.
Tul tilanbʼal voq kuxh tatin
u txʼavaʼ.
Tan ine motx bʼanon
inqʼa kam s-kaqaayil.
Echetz aʼetz kol vet ex
laʼ bʼanon
invaʼq votzotz nik etaleʼ;
atz aʼetz kol nik etitzʼa
uvaʼ ex toq bʼiton vilanbʼal,
–chich quBʼaal Tiuxh,» chich u yol.#Isaiias 66.1-2
51Poro ¡tira yeʼ nik ibʼen sete! Tul ¡tira yeʼ nik etabʼi! ¡Palsanaq yol! Tan ¡tira yeʼl vinatxhkʼuulal Tiuxh tetaanima, eche jit qolel el inbʼeeq te vetxhiʼoʼl tilixeʼ! Echatxh tial ekʼuul, eche tial ikʼuul inqʼa kʼuy qumam, tan ¡tira yeʼ nik esaʼ ibʼant viTiuxhil Tiuxh iqʼesalil tetaanxelal!#Isaiias 63.10 52Tul jankʼalxh inqʼa qʼexsanich tetz viyol quBʼaal Tiuxh kʼaxbʼisal taʼn inqʼa kʼuy emam, atz mij nikich ikaj utxhchil s-tiʼ, tiʼ ikʼaxbʼisaleʼ. Tan motx yatzʼax el inqʼa bʼaxabʼsan talax u tulebʼal u Jikla Vinaq, aʼe u Kriisto uvaʼ etoksa tiqʼabʼ inqʼa iqʼesal. Tul antxh ex alon iyatzʼax el. 53Echetz aʼ exe, uvaʼ kʼulunaʼq tetz inqʼa bʼekʼbʼal uvaʼ aʼxh inqʼa aanxel ul alon te Moisees viʼ u vitz, poro ¡jitoq nik motx enima! —xeʼt Ixh xoʼl inqʼa iqʼesal u tenam. 54Tabʼietz vet inqʼa iqʼesal u tenam inqʼa yol uvaʼ motx tal Ixh, tul tira motx lakp iviʼ s-tiʼ. Atz motx ikʼuxiaq tej t-kʼaʼnal tiʼ Ixh.
55Poro tira nikich inatxh Ixh uvaʼ atich viTiuxhil Tiuxh s-kʼatza. Yaʼne saqin jaʼ Ixh t-amlikaʼ. Tul til Ixh itxiqun vilitzʼkabʼin u nimla tatin vibʼaʼnil quBʼaal Tiuxh. Tul til Ixh uvaʼ atich Jesuus tisebʼal quBʼaal Tiuxh. 56Tul ech tal Ixh s-eche: —¡Il u amlikaʼ jaqlel veteʼ! Tul ¡ile nik vileʼ uvaʼ il Jesuus, u Kʼaola uvaʼ bʼen s-alam aanima, at tisebʼal u quBʼaal Tiuxh! —xeʼt Ixh.
57Tabʼietz vet inqʼa iqʼesal viyol Ixh, tul motx sichʼinaq veteʼ. Atz motx ijupaq vet ixichin. Tul motxaq vet ok tiʼ itxeyex Ixh. 58Yaʼne juxul vet el Ixh taʼn inqʼa iqʼesal tiʼeʼl u tenam. Tul xeʼtaq vet tiʼ ikʼonil Ixh s-sivan. Tul teesa vet ka inqʼa iqinkin txhas oksaʼm. Tul aʼ motx taqʼvat vet ka vatz val u chelem vinaq uvaʼ Saauloich ibʼij. Tul aʼ vet Saaulo xeen ka inqʼa iqinkin txhas oksaʼm.
59Sebʼtichetz ikʼonil Ixh s-sivan, tul xeʼt Ixh tiʼ inatxhax Tiuxh. Tul ech tal Ixh s-eche: —InBʼaal Jesuus, kʼul vet u vaanxelal, —xeʼt Ixh. 60Tul qael ikuʼ Ixh. Atz sichʼin Ixh. Tul ech tal Ixh s-eche: —InBʼaal, yeʼ ooksa vipaʼv inqʼa xaol s-tuul, —xeʼt Ixh. Taletz kuxh vet Ixh u yol uvaʼe, tul kam vet Ixh.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2016, Wycliffe Bible Translators, Inc. All rights reserved.