Éxodo 27
27
Mbaerenda jiero bronce pewa
1Tumpa jei wi Moisés pe: “Iyapoka mbaerendarä irundɨ itiäkua wae ɨwɨra acacia pewa,” jei. “Ndiyapokata ko mbaerenda kuärái: mokui metro veinticinco centímetro puku wae, jare mokui metro veinticinco centímetro ipɨwasu wae, jare pëti metro veinticinco centímetro ɨwate wae. Jukuärái ndiyapokata. 2Iyapoka mbaerenda irundɨ itiäkua reta iáramo wakaräti echa rami, erëi tuyeyapo pëti wae wiño. Jare iñowaka opaete mbaerenda jiero bronce pɨpe,” jei Tumpa Moisés pe.
(3-8Kërái uyapo reta waerä mbaerenda jare jembiporu reta rewa.)
Tupao joka rewa
9Tumpa jei wi Moisés pe: “Ikëseka tupao joka,” jei. “Iyapoka kesemba itarapo lino#27.9 Lino ko jae temitɨ uiporu reta uyapo waerä tela ikawiete wae. ikawi wae pewa. Kesemba itarapo sur kotɨwa tuiko cuarenta y cinco metro puku wae. 10Tarapo reta tusawawa toï veinte poste jiero bronce pewa re. Pëti pëti poste uwapɨta ko iwapɨka bronce pewa re. Jare iyapoka wi ngächu#27.10 Amokue wae reta jei chupe “tɨ̈ai.” reta jare pepoäkarewa echa reta korepoti tïi wae pewa uñeñonoka waerä poste reta re,” jei.
11“Jae ramiño wi kesemba itarapo norte kotɨwa tuiko cuarenta y cinco metro puku wae, veinte iposte uwapɨ ñonoï veinte poste iwapɨka jiero bronce pewa re. Jare ngächu reta jare pepoäkarewa echa reta poste reta re ñonoï wae toï korepoti tïi wae pewa,” jei.
12“Kesemba itarapo warasɨ oë wae kotɨwa tuiko veintidós metro mbɨte puku wae, jare payandepo iposte uwapɨ ñonoï payandepo poste iwapɨka re,” jei.
13“Jae ramiño wi kesemba itarapo warasɨ uike wae kotɨwa tuiko veintidós metro mbɨte puku wae,” jei Tumpa Moisés pe.
(14-19Uikuaaka ïru mbaembae jokua tupao joka rewa.)
(20-21Uikuaaka aceite mechero reta pewarä rewa.)
ទើបបានជ្រើសរើសហើយ៖
Éxodo 27: gnwPB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017, Ethnos360 (New Tribes Mission). All rights reserved.