Alawi 5
5
Isadaka chikina cho uthamiha uwonya
1Isadaka cho uthamiha uwonya chikumihiyeke yakhalhaka: “Ntu riyoothe nowiihaniya wiipuwa wiira ahimiecheshe mwaha woonilhe awe ama wiiwa, ni uyo nkaakhota wuulhumacha ittu, paahi wowo phi uhilhoka, ni uyo noohukumulhiya ni utwarushiya.
2“Ama yakhalhaka ntu riyoothe munlhokoni mwinyu honyalha wo iphiro chihinolhoka ulhapelha mmihoolho wa Apwiiya Nlhuku wo uhichuwelha, wo uvara ittu iriyoothe yo unyalha, ikhalhe ntembo wo mwannama o mwiithuphini ama o uhuwiya ama ashimwettu o wiipurulha, nookhalha ntu o utteka.
3“Ama, ntu avaraka ittu iriyoothe yo unyalha inokhuma mwiiruttuni mwa ntu, ikhalhe iriyoothe inooria unnyalhiha, vanohalha awe uchuwelha vawo nookhalha ntu o utteka.
4“Tho, yakhalhaka ntu noolhupelha upanga ittu iriyoothe, yoombone ama yo uhilhoka, wo uhupuwelha thoko, vanohalha awe uchuwelha vawo, nookhalha ntu o utteka.
5“Paahi ntu vanotteka awe chittu chinaacha chechiyo miaha chiyo, noothananiya wiira arumelhelhe uwonya upannge awe uwo, 6ni uyo awiiheke wa Apwiiya Nlhuku isadaka awe yo uthamiha utteka uwo. Wo nlhatu no uwonya upannge awe awiiheke ikhondoro nkholho ama ipuri nkholho inokhuma munkutironi mwawe, awe aakumiha isadaka yo uthamiha uwonya. Ni opochera ishaani anompangelha ittu yo umwathaaniha wo nlhatu wo uwonya wawe uwo.
7“Nansho yakhalhaka kharina ikhondoro ama ipuri yo ukumiha isadaka yo uthamiha utteka wo nlhatu wo uwonya upannge awe, paahi aawiihereke Apwiiya Nlhuku ikhunda piilhi ama makhandi meelhi o machiya. Nimoka wo nlhatu wo isadaka yo uthamiha uwonya, ni nikina wo nlhatu no isadaka yo upahiya vamooroni. 8Aawiiheke wo opochera ishaani, ni ayo opochera ishaani anookumiha nimoka nikhalhe isadaka yo uthamiha uwonya wo uchipulha ishiko aya wo uhitupulha muru aya. 9Amichamichereke iphome aya mpararini mwo madhubahu ni iphome ikina inohalha yonkhaye arihelheke varii ikhalhelho yo madhubahu. Yeyo phi isadaka yo uthamiha uwonya. 10Yamalhaka akumiheke no nayelhi nne ukhalha isadaka yo upahiya wo ulhikaana ni malheheriyo chinohimia aya. Opochera ishaani anompangelha yoyo ntu uyo ittu yo umwaathaniha wo nlhatu no uwonya wawe, ni uyo noohiyerera.
11“Yakhalhaka kharina ikhunda piilhi ama makhandi o machiya meelhi o ukumiha isadaka yo uthamiha uwonya upannge aya, paahi, awiiheke iphepa ikilo imoka. Nansho hihelhe makhura mena ubani ukhalhawaya phi isadaka yo uthamiha uwonya. 12Awiiheke wa opochera ishaani, ni ayo anookusha yeyo iphepa iyo nthatha nimoka ni upaha vachulhu madhubahu ukhalha yo wooniha wiira isadaka yonkhaye phi yawaya Apwiiya Nlhuku, thoko isadaka yo choolhia inokumihiya wa Apwiiya Nlhuku wo mooro. Yeyo phi isadaka yo uthamiha uwonya. 13Paahi opochera ishaani anompangelha yoyo ntu uyo ittu yo waathanihiya wo nlhatu wo uwonya wawe, ni uyo noohiyereriya. Iphepa inohalha iyo inokhalha yawaya opochera ishaani thoko chinolheheriya vanaachiya isadaka yo choolhia.”
Isadaka cho ulhivelhelhihera
14Tho, Apwiiya Nlhuku aheerelha ashinna Musa wiira, 15“Yakhalhaka ntu riyoothe nootteka ni uwonya wo uhichuwelha inaacha ukumiha chittu chitakatifu chinokumihiya wa Apwiiya Nlhuku, awiiheke ikhondoro ilhopwana ihiremanre ukhuma munkutironi mwawe. Inyuva mphimeke wo ulhikaana ni maphimelhiyo o isiliva anochuwania u Nihema Nitakatifu. Yeyo phi isadaka yo uthamiha utteka. 16Wo uthepa yayo, yoyo ntu uyo alhiveke ihasara yonkhaye ikhumelhelhinhe awe inaacha chittu chitakatifu wo wuncherera mpatta mmoka wo mipatta mithanu chinothananiya, ni waavaha opochera ishaani chonkhaye. Paahi opochera ishaani ampangelheke ittu umwaathaniha wo nlhatu no wowo uwonya uwo wo yeyo ikhondoro ilhopwana irii isadaka yo uthamiha utteka iyo, ni uyo noohiyereriya.
17“Yakhalhaka ntu riyoothe howonya wo uhichuwelha, wo uhiya uvarechesha malheheriyo ariyoothe a Apwiiya Nlhuku yoyo hotteka, ni uyo nootwarushiya wo utteka wawe uwo. 18Vanochuwelha awe, awiiheke wa opochera ishaani ikhondoro ilhopwana ihiremanre ukhuma munkutironi mwawe, mwannama uyo alhikaanihiyaka ni isadaka yo mwannama o ulhivelhelhilhera utteka ilhe. Ni opochera ishaani anompangelha yoyo ntu uyo ittu yo waathanihiya wo uwonya uttekilhe awe, ni uyo noohiyereriya. 19Yeyo phi isadaka yo ulhivelhelhihera milhatu cho uwonya, chittekilhe awe umihoolho wa Apwiiya Nlhuku.”
ទើបបានជ្រើសរើសហើយ៖
Alawi 5: MOT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.
Alawi 5
5
Isadaka chikina cho uthamiha uwonya
1Isadaka cho uthamiha uwonya chikumihiyeke yakhalhaka: “Ntu riyoothe nowiihaniya wiipuwa wiira ahimiecheshe mwaha woonilhe awe ama wiiwa, ni uyo nkaakhota wuulhumacha ittu, paahi wowo phi uhilhoka, ni uyo noohukumulhiya ni utwarushiya.
2“Ama yakhalhaka ntu riyoothe munlhokoni mwinyu honyalha wo iphiro chihinolhoka ulhapelha mmihoolho wa Apwiiya Nlhuku wo uhichuwelha, wo uvara ittu iriyoothe yo unyalha, ikhalhe ntembo wo mwannama o mwiithuphini ama o uhuwiya ama ashimwettu o wiipurulha, nookhalha ntu o utteka.
3“Ama, ntu avaraka ittu iriyoothe yo unyalha inokhuma mwiiruttuni mwa ntu, ikhalhe iriyoothe inooria unnyalhiha, vanohalha awe uchuwelha vawo nookhalha ntu o utteka.
4“Tho, yakhalhaka ntu noolhupelha upanga ittu iriyoothe, yoombone ama yo uhilhoka, wo uhupuwelha thoko, vanohalha awe uchuwelha vawo, nookhalha ntu o utteka.
5“Paahi ntu vanotteka awe chittu chinaacha chechiyo miaha chiyo, noothananiya wiira arumelhelhe uwonya upannge awe uwo, 6ni uyo awiiheke wa Apwiiya Nlhuku isadaka awe yo uthamiha utteka uwo. Wo nlhatu no uwonya upannge awe awiiheke ikhondoro nkholho ama ipuri nkholho inokhuma munkutironi mwawe, awe aakumiha isadaka yo uthamiha uwonya. Ni opochera ishaani anompangelha ittu yo umwathaaniha wo nlhatu wo uwonya wawe uwo.
7“Nansho yakhalhaka kharina ikhondoro ama ipuri yo ukumiha isadaka yo uthamiha utteka wo nlhatu wo uwonya upannge awe, paahi aawiihereke Apwiiya Nlhuku ikhunda piilhi ama makhandi meelhi o machiya. Nimoka wo nlhatu wo isadaka yo uthamiha uwonya, ni nikina wo nlhatu no isadaka yo upahiya vamooroni. 8Aawiiheke wo opochera ishaani, ni ayo opochera ishaani anookumiha nimoka nikhalhe isadaka yo uthamiha uwonya wo uchipulha ishiko aya wo uhitupulha muru aya. 9Amichamichereke iphome aya mpararini mwo madhubahu ni iphome ikina inohalha yonkhaye arihelheke varii ikhalhelho yo madhubahu. Yeyo phi isadaka yo uthamiha uwonya. 10Yamalhaka akumiheke no nayelhi nne ukhalha isadaka yo upahiya wo ulhikaana ni malheheriyo chinohimia aya. Opochera ishaani anompangelha yoyo ntu uyo ittu yo umwaathaniha wo nlhatu no uwonya wawe, ni uyo noohiyerera.
11“Yakhalhaka kharina ikhunda piilhi ama makhandi o machiya meelhi o ukumiha isadaka yo uthamiha uwonya upannge aya, paahi, awiiheke iphepa ikilo imoka. Nansho hihelhe makhura mena ubani ukhalhawaya phi isadaka yo uthamiha uwonya. 12Awiiheke wa opochera ishaani, ni ayo anookusha yeyo iphepa iyo nthatha nimoka ni upaha vachulhu madhubahu ukhalha yo wooniha wiira isadaka yonkhaye phi yawaya Apwiiya Nlhuku, thoko isadaka yo choolhia inokumihiya wa Apwiiya Nlhuku wo mooro. Yeyo phi isadaka yo uthamiha uwonya. 13Paahi opochera ishaani anompangelha yoyo ntu uyo ittu yo waathanihiya wo nlhatu wo uwonya wawe, ni uyo noohiyereriya. Iphepa inohalha iyo inokhalha yawaya opochera ishaani thoko chinolheheriya vanaachiya isadaka yo choolhia.”
Isadaka cho ulhivelhelhihera
14Tho, Apwiiya Nlhuku aheerelha ashinna Musa wiira, 15“Yakhalhaka ntu riyoothe nootteka ni uwonya wo uhichuwelha inaacha ukumiha chittu chitakatifu chinokumihiya wa Apwiiya Nlhuku, awiiheke ikhondoro ilhopwana ihiremanre ukhuma munkutironi mwawe. Inyuva mphimeke wo ulhikaana ni maphimelhiyo o isiliva anochuwania u Nihema Nitakatifu. Yeyo phi isadaka yo uthamiha utteka. 16Wo uthepa yayo, yoyo ntu uyo alhiveke ihasara yonkhaye ikhumelhelhinhe awe inaacha chittu chitakatifu wo wuncherera mpatta mmoka wo mipatta mithanu chinothananiya, ni waavaha opochera ishaani chonkhaye. Paahi opochera ishaani ampangelheke ittu umwaathaniha wo nlhatu no wowo uwonya uwo wo yeyo ikhondoro ilhopwana irii isadaka yo uthamiha utteka iyo, ni uyo noohiyereriya.
17“Yakhalhaka ntu riyoothe howonya wo uhichuwelha, wo uhiya uvarechesha malheheriyo ariyoothe a Apwiiya Nlhuku yoyo hotteka, ni uyo nootwarushiya wo utteka wawe uwo. 18Vanochuwelha awe, awiiheke wa opochera ishaani ikhondoro ilhopwana ihiremanre ukhuma munkutironi mwawe, mwannama uyo alhikaanihiyaka ni isadaka yo mwannama o ulhivelhelhilhera utteka ilhe. Ni opochera ishaani anompangelha yoyo ntu uyo ittu yo waathanihiya wo uwonya uttekilhe awe, ni uyo noohiyereriya. 19Yeyo phi isadaka yo ulhivelhelhihera milhatu cho uwonya, chittekilhe awe umihoolho wa Apwiiya Nlhuku.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.