Alawi 24
24
Ikhandiri cho Vakittu Vatakatifu
(Utt 27:20-21)
1Apwiiya Nlhuku nkayeerelha ashinna Musa wiira, 2“Mwaalhehere attu o Israeli awiihe makhura o izeituni oombone chinene, wo nlhatu no ikhandiri cho Nihema Nitakatifu, wiira ikhandiri chiyo chithepeke upharelha ikatema yoothe. 3Ni Naharuni eesheke chechiyo ikhandiri chiyo nhina Nihema Nitakatifu, vathe wo nipaziya no Nisanduku no Malhehano wiira chipharelhe umihoolho waka uchokholhelha uhiyu mpaka wichishu. Alha phi malheheriyo anohalha inyu uttwara mahuku onkhaye munlhokoni mwinyu. 4Athomieke ikhandiri chiyo vachulhu iphata yo idhahabu yoombone, wiira chipharelhe umihoolho wa Apwiiya Nlhuku mahuku onkhaye.
Mikatte chinokumihiya wa Apwiiya Nlhuku
5“Akusheke iphepa yo shilhia kilo khumi ni piilhi, akoorosheke mikatte khumi ni miilhi. 6Amalhihaka, eesheke isaafu piilhi yo chechiyo mikatte chiyo vachulhu imeza yo idhahabu yoombone, yaani kila isafu mikatte sita, eesheke umihoolho wa Apwiiya Nlhuku. 7Athathaaniheke ikikombe cho idhahabu chihelhiye ubani woombone kila isafu yo mikatte chiyo, wiira ubani uyo upahiyeke badala yo mikatte chiyo, ni ukhalha isadaka yo nuupusho wa Apwiiya Nlhuku. 8Ni kila Nihuku no Wiittuwa, Naharuni athatheke rata isafu yo mikatte cho naanano chiyo umihoolho wa Apwiiya Nlhuku, wo nlhatu no attu o Israeli ukhalha malhehano o mahuku o uhimalha. 9Naharuni ni iyari aya vekha aya phi vahiye ulhia chechiyo mikatte chiyo. Alhelhieke vakittu vatakatifu, ukhalhawaya phi mpatta ntakatifu chinene unokumiheriya aka mii Apwiiya Nlhuku wo mooro. Chechiyo chawaya mahuku onkhaye.”
Utwarushiya we ikekhiaye
10Nihuku nimoka wahokhalha waakhulhaniya unikambini uwo, mmirawo mmoka yariye ni nthiyana Mwisraeli nansho athumwanawe Mmisri, waakhulhana ni Mwisraeli mmoka. 11Yoyo mmirawo uyo aayariye ni nthiyana eehaniya Shelmothi, biti Dibri o nihimo ni Nadani, aholhava ni uruwana nchina na Nlhuku. Paahi attu ahonrweha wa ashinna Musa, 12nkayantteelha mpaani mpaka Apwiiya Nlhuku vanohalha aya waapatakulhelha attu nlhove no umpangelha yoyo mmirawo uyo.
13Paahi Apwiiya Nlhuku nkayeerelha ashinna Musa, 14“Munkusheke mmirawo lhanve uyo munrweheke uchereshere nikambi. Ni attu onkhaye yamwiiwilhe vaaruwana awe, yeesheke miono chaya vamuruni wawe ni nlhoko wonkhaye umwaateke malhuku ni umwiiva. 15Ni inyu mwaahimerieke attu o Israeli wiira ntu riyoothe nohalha unruwana Nlhuku awe, nootwarushiya wo uwonya wawe. 16Ntu riyoothe akhalhe nnenchi ama nlheto naaruwana Apwiiya Nlhuku, nlhoko wonkhaye umwaateke malhuku ni umwiiva.
17“Ntu riyoothe nomwiiva ntu nkina, ni uyo eeviyeke. 18Ntu riyoothe nomwiiva mwannama a nkhunanawe, anlhiveke nkhunanawe mwannama nkumi.
19“Ntu riyoothe nohalha unrakalhiha owaatamana awe, ni uyo arakalhihiyeke wo ulhikaana chinrakalhinhe awe owaatamana awe. 20Yakhalhaka homuntha nikhuva ni uyo onthiyeke nikhuva, niitho wo niitho, ni niino wo niino. Kila ntu nrakalhinhe nkhunanawe ni uyo arakalhihiyeke wo ulhikaana ni ittu impannge awe nkhunanawe. 21Nomwiiva mwannama a nkhunanawe anlhiveke mwannama nkina, nansho ntu riyoothe amwiivaka ntu nkina ni uyo eeviyeke. 22Alha malheheriyo alha anaacha attu onkhaye alheto ni anenchi. Mii phi Apwiiya Nlhuku inyu.”
23Paahi ashinna Musa nkayaahimeria attu o Israeli yayo malheheriyo onkhaye ayo. Nkayanrweha ntu aaruwanne Apwiiya Nlhuku ulhe uchereshere nikambi nkaatiya malhuku, nkeeviya. attu o Israeli nkayaapanga thoko Apwiiya Nlhuku chaalhehenre aya ashinna Musa.
ទើបបានជ្រើសរើសហើយ៖
Alawi 24: MOT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.
Alawi 24
24
Ikhandiri cho Vakittu Vatakatifu
(Utt 27:20-21)
1Apwiiya Nlhuku nkayeerelha ashinna Musa wiira, 2“Mwaalhehere attu o Israeli awiihe makhura o izeituni oombone chinene, wo nlhatu no ikhandiri cho Nihema Nitakatifu, wiira ikhandiri chiyo chithepeke upharelha ikatema yoothe. 3Ni Naharuni eesheke chechiyo ikhandiri chiyo nhina Nihema Nitakatifu, vathe wo nipaziya no Nisanduku no Malhehano wiira chipharelhe umihoolho waka uchokholhelha uhiyu mpaka wichishu. Alha phi malheheriyo anohalha inyu uttwara mahuku onkhaye munlhokoni mwinyu. 4Athomieke ikhandiri chiyo vachulhu iphata yo idhahabu yoombone, wiira chipharelhe umihoolho wa Apwiiya Nlhuku mahuku onkhaye.
Mikatte chinokumihiya wa Apwiiya Nlhuku
5“Akusheke iphepa yo shilhia kilo khumi ni piilhi, akoorosheke mikatte khumi ni miilhi. 6Amalhihaka, eesheke isaafu piilhi yo chechiyo mikatte chiyo vachulhu imeza yo idhahabu yoombone, yaani kila isafu mikatte sita, eesheke umihoolho wa Apwiiya Nlhuku. 7Athathaaniheke ikikombe cho idhahabu chihelhiye ubani woombone kila isafu yo mikatte chiyo, wiira ubani uyo upahiyeke badala yo mikatte chiyo, ni ukhalha isadaka yo nuupusho wa Apwiiya Nlhuku. 8Ni kila Nihuku no Wiittuwa, Naharuni athatheke rata isafu yo mikatte cho naanano chiyo umihoolho wa Apwiiya Nlhuku, wo nlhatu no attu o Israeli ukhalha malhehano o mahuku o uhimalha. 9Naharuni ni iyari aya vekha aya phi vahiye ulhia chechiyo mikatte chiyo. Alhelhieke vakittu vatakatifu, ukhalhawaya phi mpatta ntakatifu chinene unokumiheriya aka mii Apwiiya Nlhuku wo mooro. Chechiyo chawaya mahuku onkhaye.”
Utwarushiya we ikekhiaye
10Nihuku nimoka wahokhalha waakhulhaniya unikambini uwo, mmirawo mmoka yariye ni nthiyana Mwisraeli nansho athumwanawe Mmisri, waakhulhana ni Mwisraeli mmoka. 11Yoyo mmirawo uyo aayariye ni nthiyana eehaniya Shelmothi, biti Dibri o nihimo ni Nadani, aholhava ni uruwana nchina na Nlhuku. Paahi attu ahonrweha wa ashinna Musa, 12nkayantteelha mpaani mpaka Apwiiya Nlhuku vanohalha aya waapatakulhelha attu nlhove no umpangelha yoyo mmirawo uyo.
13Paahi Apwiiya Nlhuku nkayeerelha ashinna Musa, 14“Munkusheke mmirawo lhanve uyo munrweheke uchereshere nikambi. Ni attu onkhaye yamwiiwilhe vaaruwana awe, yeesheke miono chaya vamuruni wawe ni nlhoko wonkhaye umwaateke malhuku ni umwiiva. 15Ni inyu mwaahimerieke attu o Israeli wiira ntu riyoothe nohalha unruwana Nlhuku awe, nootwarushiya wo uwonya wawe. 16Ntu riyoothe akhalhe nnenchi ama nlheto naaruwana Apwiiya Nlhuku, nlhoko wonkhaye umwaateke malhuku ni umwiiva.
17“Ntu riyoothe nomwiiva ntu nkina, ni uyo eeviyeke. 18Ntu riyoothe nomwiiva mwannama a nkhunanawe, anlhiveke nkhunanawe mwannama nkumi.
19“Ntu riyoothe nohalha unrakalhiha owaatamana awe, ni uyo arakalhihiyeke wo ulhikaana chinrakalhinhe awe owaatamana awe. 20Yakhalhaka homuntha nikhuva ni uyo onthiyeke nikhuva, niitho wo niitho, ni niino wo niino. Kila ntu nrakalhinhe nkhunanawe ni uyo arakalhihiyeke wo ulhikaana ni ittu impannge awe nkhunanawe. 21Nomwiiva mwannama a nkhunanawe anlhiveke mwannama nkina, nansho ntu riyoothe amwiivaka ntu nkina ni uyo eeviyeke. 22Alha malheheriyo alha anaacha attu onkhaye alheto ni anenchi. Mii phi Apwiiya Nlhuku inyu.”
23Paahi ashinna Musa nkayaahimeria attu o Israeli yayo malheheriyo onkhaye ayo. Nkayanrweha ntu aaruwanne Apwiiya Nlhuku ulhe uchereshere nikambi nkaatiya malhuku, nkeeviya. attu o Israeli nkayaapanga thoko Apwiiya Nlhuku chaalhehenre aya ashinna Musa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.