Alawi 10
10
Uwonya wa Naadabu ni Naabihu
1Ni ayo Naadabu ni Abihu, achishaana a Naharuni, yahokusha kila mmoka inyipo awe yo upahera ubani, nkayaahelha mooro ni ubani, nkayaakumihera Apwiiya Nlhuku mooro uhinorumelhelhiya, wahaalheheriye ni Apwiiya Nlhuku. 2Paahi vavawo vavawo, mooro waakhuma wa Apwiiya Nlhuku, wahokhuruwa, nkawaapaha yayo ashimirawo ayo, nkayaakhwacha. 3Paahi vavawo ashinna Musa nkayeerelha Naharuni, “Wo ulha mwaha ulha Apwiiya Nlhuku ahowoonihani maana o alhe malhove yaahimmie aya alhe wiira,
‘Kinowiichoniha wiira mi ki ntakatifu,
variyari wo alhe arii vakhiviru ni mi alhe,
ni attu onkhaye anookithimicha mii!’ ”
Naharuni nkayaamaalha yii.
4Paahi ashinna Musa nkayeehana Namishaeli ni Naelisafani, achishaana a Nauzieli, athumwanaya aakani Naharuni, nkayeerelha awe athamihe mitembo cha achihima aya va Nihema Nitakatifu vawo, arweehe uchereshere nikambi. 5Paahi ahowaacha nkayaakusha mitembo cha achihima aya ni urweeha uchereshere nikambi, uno bado chinari ni ikuwo chaawanre aya, thoko ashinna Musa chaalhehenre aya.
6Yamalheke ashinna Musa nkayeerelha Naharuni ni achishaana aya, Eleazari ni Ithamari wiira, “Nhihiye uvacha ikharari chinyu ni mena nhaahulhache ikuwo chinyu. Mwapangaka chiicho nnookhwa ni wiithapaniha, ni waarusha Apwiiya Nlhuku. Nansho ashilhoko inyu yaani nlhoko wonkhaye wo attu o Israeli, onlheke wo nlhatu no ulha mooro ukurushilhe aya Apwiiya Nlhuku ulha. 7Nhikhume untenjeni, vathe wo Nihema Nitakatifu, mweeraka chiicho nnookhwa, ukhalhawaya inyuva nhohikiya makhura a Apwiiya Nlhuku.” Naharuni ni achishaana aya nkayaapangacha thoko ashinna Musa chaahimmie aya.
Ikano wa attu opochera ishaani
8Apwiiya Nlhuku nkayeerelha Naharuni wiira, 9“Vanokelha inyu Nihema Nitakatifu, inyuva ni achishaana inyu nhiwurie idivai mena utheka uriyoothe, mweeraka chiicho nnookhwa. Yeyo phi nohalha ukhalha ikano yo mahuku o uhimalha mwi iyari inyu yonkhaye. 10Mmwalhaaniheke chittu chitakatifu ni chittu chihirii chitakatifu, chittu chinorumelhelhiya, ni chittu chihinorumelhelhiya wo iphiro cho waalhapelha Apwiiya Nlhuku. 11Mweettuchiheke attu o Israeli malheheriyo onkhaye aavahilhe aka ashinna Musa wiira ohimerieni.”
12Ashinna Musa nkayeerelha Naharuni ni achishaana aya yaahanlhe, Eleazari ni Ithamari wiira, “Nkushacheke iphepa ihanlhe ukhuma isadaka inokumiheriya Apwiiya Nlhuku wo mooro ilhe, nkoorosheke nkatte wo uhihelhiya ihengedure, nlhelhieke vamadhubahuni vawo, ukhalhawaya phiri itakatifu chinene. 13Nlhieke vakittu varii vatakatifu ukhalhawaya yeyo phi mpatta inyu ni iyari inyu, ukhuma isadaka chinokumiheriya aya Apwiiya Nlhuku wo mooro. Ukhalhawaya phi chiichammo chilheeheriye aka. 14Nansho inyuva ni achishaana inyu nkhuureke ikidari ni mphanja chinotheeshiya wooniha wiira chihokumihiya isadaka wa Apwiiya Nlhuku. Nkhuurelheke vakittu varumelhelhiye umihoolho wa Apwiiya Nlhuku, inyuva ni achishaana inyu ashilhopwana ni ashithiyana. Nhovahiya chechiyo ukhalha mpatta inyu ni wo iyari inyu, chinokhuma isadaka cho uwiiha mpuha cha attu o Israeli. 15Mweto wo utulhi ni ikidari chikumihiye isadaka yo utheeshiya inokumihiya wa Apwiiya Nlhuku chiyo, awiiheke vamoka ni isadaka cho makhura a ashinama chinokumihiya wo mooro wiira chiteeshiye wooniha wiira chinokumihiya wa Apwiiya Nlhuku. Chechiyo chinookhalha chawinyu vamoka ni achishaana inyu, mahuku onkhaye thoko Apwiiya Nlhuku chikilhehenre aya.”
16Paahi, ashinna Musa nkayaakoherera rata mwaha unaacha ipuri imoka ikumihiye isadaka yo uthamiha uwonya, paahi nkayoona wiira ihopahiya. Paahi nkayaarushiya ni waathunalhelha chinene Naeleazari ni Naithamari, achishaana a Naharuni ahanlhe. Nkayaakoha, 17“Nlhatu waani wo ukhuurelha isadaka vakittu vahinorumelhelhiya ni Apwiiya Nlhuku? Yeyo isadaka itakatifu chinene, Apwiiya Nlhuku oovahilheni yeyo wiira ithamihe milhatu cho uwonya cha attu ni waathanihiya ni Apwiiya Nlhuku. 18Tho, ukhalhawaya iphome aya kiwiihiye u Nihema Nitakatifu, wo ikekhiaye mwaathananiye wiira nlhelhieke muntenjeni u Nihema Nitakatifu thoko chaalhehenre aka.”
19Naharuni nkayeerelha ashinna Musa, “Mwooneke, achishaana aka ahokumiha isadaka chaya cho uthamiha uwonya ni cho upahiya umihoolho wa Apwiiya Nlhuku, nansho inakhalhaka chiicho mwaha thoko ulha uhokipatta mii! Chani, Apwiiya Nlhuku aanokirumelhelha yakaari kaholhia isadaka yo uthamiha uwonya ilhe lhelho nna va?” 20Ashinna Musa yeeweke yayo malhove ayo, ahorumelhelha.
ទើបបានជ្រើសរើសហើយ៖
Alawi 10: MOT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.
Alawi 10
10
Uwonya wa Naadabu ni Naabihu
1Ni ayo Naadabu ni Abihu, achishaana a Naharuni, yahokusha kila mmoka inyipo awe yo upahera ubani, nkayaahelha mooro ni ubani, nkayaakumihera Apwiiya Nlhuku mooro uhinorumelhelhiya, wahaalheheriye ni Apwiiya Nlhuku. 2Paahi vavawo vavawo, mooro waakhuma wa Apwiiya Nlhuku, wahokhuruwa, nkawaapaha yayo ashimirawo ayo, nkayaakhwacha. 3Paahi vavawo ashinna Musa nkayeerelha Naharuni, “Wo ulha mwaha ulha Apwiiya Nlhuku ahowoonihani maana o alhe malhove yaahimmie aya alhe wiira,
‘Kinowiichoniha wiira mi ki ntakatifu,
variyari wo alhe arii vakhiviru ni mi alhe,
ni attu onkhaye anookithimicha mii!’ ”
Naharuni nkayaamaalha yii.
4Paahi ashinna Musa nkayeehana Namishaeli ni Naelisafani, achishaana a Nauzieli, athumwanaya aakani Naharuni, nkayeerelha awe athamihe mitembo cha achihima aya va Nihema Nitakatifu vawo, arweehe uchereshere nikambi. 5Paahi ahowaacha nkayaakusha mitembo cha achihima aya ni urweeha uchereshere nikambi, uno bado chinari ni ikuwo chaawanre aya, thoko ashinna Musa chaalhehenre aya.
6Yamalheke ashinna Musa nkayeerelha Naharuni ni achishaana aya, Eleazari ni Ithamari wiira, “Nhihiye uvacha ikharari chinyu ni mena nhaahulhache ikuwo chinyu. Mwapangaka chiicho nnookhwa ni wiithapaniha, ni waarusha Apwiiya Nlhuku. Nansho ashilhoko inyu yaani nlhoko wonkhaye wo attu o Israeli, onlheke wo nlhatu no ulha mooro ukurushilhe aya Apwiiya Nlhuku ulha. 7Nhikhume untenjeni, vathe wo Nihema Nitakatifu, mweeraka chiicho nnookhwa, ukhalhawaya inyuva nhohikiya makhura a Apwiiya Nlhuku.” Naharuni ni achishaana aya nkayaapangacha thoko ashinna Musa chaahimmie aya.
Ikano wa attu opochera ishaani
8Apwiiya Nlhuku nkayeerelha Naharuni wiira, 9“Vanokelha inyu Nihema Nitakatifu, inyuva ni achishaana inyu nhiwurie idivai mena utheka uriyoothe, mweeraka chiicho nnookhwa. Yeyo phi nohalha ukhalha ikano yo mahuku o uhimalha mwi iyari inyu yonkhaye. 10Mmwalhaaniheke chittu chitakatifu ni chittu chihirii chitakatifu, chittu chinorumelhelhiya, ni chittu chihinorumelhelhiya wo iphiro cho waalhapelha Apwiiya Nlhuku. 11Mweettuchiheke attu o Israeli malheheriyo onkhaye aavahilhe aka ashinna Musa wiira ohimerieni.”
12Ashinna Musa nkayeerelha Naharuni ni achishaana aya yaahanlhe, Eleazari ni Ithamari wiira, “Nkushacheke iphepa ihanlhe ukhuma isadaka inokumiheriya Apwiiya Nlhuku wo mooro ilhe, nkoorosheke nkatte wo uhihelhiya ihengedure, nlhelhieke vamadhubahuni vawo, ukhalhawaya phiri itakatifu chinene. 13Nlhieke vakittu varii vatakatifu ukhalhawaya yeyo phi mpatta inyu ni iyari inyu, ukhuma isadaka chinokumiheriya aya Apwiiya Nlhuku wo mooro. Ukhalhawaya phi chiichammo chilheeheriye aka. 14Nansho inyuva ni achishaana inyu nkhuureke ikidari ni mphanja chinotheeshiya wooniha wiira chihokumihiya isadaka wa Apwiiya Nlhuku. Nkhuurelheke vakittu varumelhelhiye umihoolho wa Apwiiya Nlhuku, inyuva ni achishaana inyu ashilhopwana ni ashithiyana. Nhovahiya chechiyo ukhalha mpatta inyu ni wo iyari inyu, chinokhuma isadaka cho uwiiha mpuha cha attu o Israeli. 15Mweto wo utulhi ni ikidari chikumihiye isadaka yo utheeshiya inokumihiya wa Apwiiya Nlhuku chiyo, awiiheke vamoka ni isadaka cho makhura a ashinama chinokumihiya wo mooro wiira chiteeshiye wooniha wiira chinokumihiya wa Apwiiya Nlhuku. Chechiyo chinookhalha chawinyu vamoka ni achishaana inyu, mahuku onkhaye thoko Apwiiya Nlhuku chikilhehenre aya.”
16Paahi, ashinna Musa nkayaakoherera rata mwaha unaacha ipuri imoka ikumihiye isadaka yo uthamiha uwonya, paahi nkayoona wiira ihopahiya. Paahi nkayaarushiya ni waathunalhelha chinene Naeleazari ni Naithamari, achishaana a Naharuni ahanlhe. Nkayaakoha, 17“Nlhatu waani wo ukhuurelha isadaka vakittu vahinorumelhelhiya ni Apwiiya Nlhuku? Yeyo isadaka itakatifu chinene, Apwiiya Nlhuku oovahilheni yeyo wiira ithamihe milhatu cho uwonya cha attu ni waathanihiya ni Apwiiya Nlhuku. 18Tho, ukhalhawaya iphome aya kiwiihiye u Nihema Nitakatifu, wo ikekhiaye mwaathananiye wiira nlhelhieke muntenjeni u Nihema Nitakatifu thoko chaalhehenre aka.”
19Naharuni nkayeerelha ashinna Musa, “Mwooneke, achishaana aka ahokumiha isadaka chaya cho uthamiha uwonya ni cho upahiya umihoolho wa Apwiiya Nlhuku, nansho inakhalhaka chiicho mwaha thoko ulha uhokipatta mii! Chani, Apwiiya Nlhuku aanokirumelhelha yakaari kaholhia isadaka yo uthamiha uwonya ilhe lhelho nna va?” 20Ashinna Musa yeeweke yayo malhove ayo, ahorumelhelha.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.