Uchokholha 35
35
Nayakhobo anoothamelha Ubetheli
1Nihuku nimoka, Nlhuku aheerelha Nayakhobo, “Nchokholheke nkwaha, nthameke, nrweeke mwakhalheke Ubetheli. Wowo mwathatheke malhuku, mwakithekelheke vakittu wo ukivahera isadaka mii Nlhuku inyu, kookhumelhenlheni ikatema vaattawa inyu onninyu Naesau.” 2Paahi Nayakhobo nkayeerelhacha ashilhoko aya onkhaye yaarina aya wiira, “Nrihacheke isinyago cho milhuku chilheto chirina inyu, mwiittukurieke ni uwara ikuwo chinyu chikina. 3Namalhaka, nithameke nirweeke Ubetheli, kanthekelhe Nlhuku vakittu wo unvahera isadaka, Nlhuku aakilhonhe nihuku no uhuva waka, ni ukhalha ni mii uriwoothe waakenlhe aka.” 4Paahi nkayaakumihacha isinyago chonkhaye cho milhuku chilheto chaarina aya ni waavaha Nayakhobo, vamoka ni ichipuli chaawaranche aya mmaaruni. Nayakhobo ni ayo nkayaawuhelhacha wuuthi mwiri mulhupalhe vakhiviru ni Ushekemu.
5Nayakhobo ni achishaana aya vaari aya munkwahani, Nlhuku ahaahelha nrima wo woova anenchi o iwani chaatamana chonkhaye ata khayaalhikachilhe waattwarelhelha. 6Paahi Nayakhobo nkayaaphiya Uluzu yaani Ubetheli, ilhapo yo Ukanaani, vamoka ni attu onkhaye yaarina aya. 7Vavawo nkayaathatha malhuku utheka madhubahu ni wiihana El Betheli, maana aya “Nlhuku o Ubetheli,” ukhalhawaya vavawo phi vakittu Nlhuku vaakhumelhenlhe awe ikatema yaattawa aya onnaya, Naesau. 8Nadebora, amwethi aya Narabeka, ahorimelha, nkayaavithiya wuuthi mwiri mulhupalhe uhito wo Ubetheli. Paahi yoyo mwiri uyo nkaweehaniya, Alon bakuthi. Maana aya, “Mwiri mulhupalhe wo wunlhiya.”
9Nayakhobo vaahokolhia aya Upadan aramu, Nlhuku ahaakhumelhelha tho, nkaavaha ibarakha. 10Nlhuku, nkeerelha, “Nchina ninyu Yakhobo, nansho khanneehaniya tho nenno nchina nno, nansho vano nneehaniyeke Israeli.” Paahi Nayakhobo nkayeeehaniya Israeli. 11Tho, Nlhuku nkeerelha, “Mii phi Nlhuku o machiri onkhaye. Mwaayareke achishaana enchi. Uwaninyu unowa ukhuma nikosho, makosho ni mamwene. 12Ilhapo kaavahilhe aka Aburahimu ni Naisaka, kinouvahani inyuva vamoka ni iyari inyu inowa.” 13Paahi Nlhuku vaamalhinhe awe wolhumana Nayakhobo, ahaahiya. 14Nayakhobo nkayeesha nlhuku ukhalha nipoto no wuupuwelhiya vavawo vakittu vawo, nkayaaminelha idivai ni makhura o izeituni vachulhu, ukhalha isadaka wa Nlhuku. 15Paahi Nayakhobo nkayeehana vavawo vakittu vamulhumanne aya Nlhuku vawo, Betheli, maana aya “Inupa ya Nlhuku.”
Uyaria wa Nabenyamini ni ukhwa wa Naraheli
16Nayakhobo ni ashilhoko aya onkhaye nkayaathepa weeta nkwaha aya wo uthama Ubetheli. Vaari aya utayi, ahinaya uphiya Uefratha, Naraheli ahowereiya chinene nkuri, athananaka wiithaphulha. 17Ni ayo vaari aya eepulhelhaka uweria nkuri uyo, athiyana aayariha ayo aheerelha Naraheli wiira, “Nhoove, nhompatta mwaana nkina mwanlhopwana.” 18Nansho Naraheli vaari aya akhwaaka, ahommaha mwaana uyo nchina, Ben Oni, maana aya, “mwaana o wunlha waka.” Nansho athumwanawe nkayammaha nchina na Benyamini, maana aya “mwaana nohalha uvaheriya.”
19Paahi Naraheli nkayaarimelha ni uvithiya vachereshere iphiro inokelha Uefratha, yaani Ubethlehemu. 20Nayakhobo nkayeesha nlhuku vachulhu nihiye ni Naraheli, ukhalha nipoto no wuupuwelhiya nirii mpaka lhelho nna. 21Nkayaathepa weeta nkwaha aya, nkayaamaka ukhopelhelhe ishanja yo Uederi.
Achishaana a Nayakhobo
(1Ikat 2:1-2)
22Ikatema Nayakhobo vaari aya akhalhaka mwiilhaponi mmo, mwaamwanaya, Robeni, ahonrupana Bilha, nivaasha nikina na athumwanawe. Nayakhobo veewilhe aya yoyo mwaha uyo, ahorushiya chinene. 23Achishaana a Nalea yaari Narobeni, mwaana o nttara. Akina yaari, Nasimeoni, Nalawi, Nayuda, Naisakari ni Nazabuloni. 24Achishaana ashilhopwana a Naraheli yaari Nayusufu ni Nabenyamini. 25Achishaana ashilhopwana aayariye ni Bilha, namitheko nthiyana a Naraheli yaari, Nadani ni Nanaftali. 26Achishaana ashilhopwana yaayariye ni Zilpa, namitheko nthiyana a Nalea yaari, Nagadi ni Naasheri. Yayo phi achishaana ashilhopwana a Nayakhobo, aayanre vaari aya Upadan aramu.
Ukhwa wa Naisaka
27Nayakhobo ahothama nkayaarwaa Umamre wa athumwanaya, Naisaka, Ukiriath arba, yaani Uhebroni. Vakittu Aburahimu ni Naisaka waakhanlhe aya ulhetoni. 28Naisaka vaari aya o iyaakha imia imoka ni makhumi nane, 29ahorimeelha anolhuvanlhe chinene. Achishaana aya, Naesau ni Nayakhobo nkayaavitha athumwanaya.
ទើបបានជ្រើសរើសហើយ៖
Uchokholha 35: MOT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.
Uchokholha 35
35
Nayakhobo anoothamelha Ubetheli
1Nihuku nimoka, Nlhuku aheerelha Nayakhobo, “Nchokholheke nkwaha, nthameke, nrweeke mwakhalheke Ubetheli. Wowo mwathatheke malhuku, mwakithekelheke vakittu wo ukivahera isadaka mii Nlhuku inyu, kookhumelhenlheni ikatema vaattawa inyu onninyu Naesau.” 2Paahi Nayakhobo nkayeerelhacha ashilhoko aya onkhaye yaarina aya wiira, “Nrihacheke isinyago cho milhuku chilheto chirina inyu, mwiittukurieke ni uwara ikuwo chinyu chikina. 3Namalhaka, nithameke nirweeke Ubetheli, kanthekelhe Nlhuku vakittu wo unvahera isadaka, Nlhuku aakilhonhe nihuku no uhuva waka, ni ukhalha ni mii uriwoothe waakenlhe aka.” 4Paahi nkayaakumihacha isinyago chonkhaye cho milhuku chilheto chaarina aya ni waavaha Nayakhobo, vamoka ni ichipuli chaawaranche aya mmaaruni. Nayakhobo ni ayo nkayaawuhelhacha wuuthi mwiri mulhupalhe vakhiviru ni Ushekemu.
5Nayakhobo ni achishaana aya vaari aya munkwahani, Nlhuku ahaahelha nrima wo woova anenchi o iwani chaatamana chonkhaye ata khayaalhikachilhe waattwarelhelha. 6Paahi Nayakhobo nkayaaphiya Uluzu yaani Ubetheli, ilhapo yo Ukanaani, vamoka ni attu onkhaye yaarina aya. 7Vavawo nkayaathatha malhuku utheka madhubahu ni wiihana El Betheli, maana aya “Nlhuku o Ubetheli,” ukhalhawaya vavawo phi vakittu Nlhuku vaakhumelhenlhe awe ikatema yaattawa aya onnaya, Naesau. 8Nadebora, amwethi aya Narabeka, ahorimelha, nkayaavithiya wuuthi mwiri mulhupalhe uhito wo Ubetheli. Paahi yoyo mwiri uyo nkaweehaniya, Alon bakuthi. Maana aya, “Mwiri mulhupalhe wo wunlhiya.”
9Nayakhobo vaahokolhia aya Upadan aramu, Nlhuku ahaakhumelhelha tho, nkaavaha ibarakha. 10Nlhuku, nkeerelha, “Nchina ninyu Yakhobo, nansho khanneehaniya tho nenno nchina nno, nansho vano nneehaniyeke Israeli.” Paahi Nayakhobo nkayeeehaniya Israeli. 11Tho, Nlhuku nkeerelha, “Mii phi Nlhuku o machiri onkhaye. Mwaayareke achishaana enchi. Uwaninyu unowa ukhuma nikosho, makosho ni mamwene. 12Ilhapo kaavahilhe aka Aburahimu ni Naisaka, kinouvahani inyuva vamoka ni iyari inyu inowa.” 13Paahi Nlhuku vaamalhinhe awe wolhumana Nayakhobo, ahaahiya. 14Nayakhobo nkayeesha nlhuku ukhalha nipoto no wuupuwelhiya vavawo vakittu vawo, nkayaaminelha idivai ni makhura o izeituni vachulhu, ukhalha isadaka wa Nlhuku. 15Paahi Nayakhobo nkayeehana vavawo vakittu vamulhumanne aya Nlhuku vawo, Betheli, maana aya “Inupa ya Nlhuku.”
Uyaria wa Nabenyamini ni ukhwa wa Naraheli
16Nayakhobo ni ashilhoko aya onkhaye nkayaathepa weeta nkwaha aya wo uthama Ubetheli. Vaari aya utayi, ahinaya uphiya Uefratha, Naraheli ahowereiya chinene nkuri, athananaka wiithaphulha. 17Ni ayo vaari aya eepulhelhaka uweria nkuri uyo, athiyana aayariha ayo aheerelha Naraheli wiira, “Nhoove, nhompatta mwaana nkina mwanlhopwana.” 18Nansho Naraheli vaari aya akhwaaka, ahommaha mwaana uyo nchina, Ben Oni, maana aya, “mwaana o wunlha waka.” Nansho athumwanawe nkayammaha nchina na Benyamini, maana aya “mwaana nohalha uvaheriya.”
19Paahi Naraheli nkayaarimelha ni uvithiya vachereshere iphiro inokelha Uefratha, yaani Ubethlehemu. 20Nayakhobo nkayeesha nlhuku vachulhu nihiye ni Naraheli, ukhalha nipoto no wuupuwelhiya nirii mpaka lhelho nna. 21Nkayaathepa weeta nkwaha aya, nkayaamaka ukhopelhelhe ishanja yo Uederi.
Achishaana a Nayakhobo
(1Ikat 2:1-2)
22Ikatema Nayakhobo vaari aya akhalhaka mwiilhaponi mmo, mwaamwanaya, Robeni, ahonrupana Bilha, nivaasha nikina na athumwanawe. Nayakhobo veewilhe aya yoyo mwaha uyo, ahorushiya chinene. 23Achishaana a Nalea yaari Narobeni, mwaana o nttara. Akina yaari, Nasimeoni, Nalawi, Nayuda, Naisakari ni Nazabuloni. 24Achishaana ashilhopwana a Naraheli yaari Nayusufu ni Nabenyamini. 25Achishaana ashilhopwana aayariye ni Bilha, namitheko nthiyana a Naraheli yaari, Nadani ni Nanaftali. 26Achishaana ashilhopwana yaayariye ni Zilpa, namitheko nthiyana a Nalea yaari, Nagadi ni Naasheri. Yayo phi achishaana ashilhopwana a Nayakhobo, aayanre vaari aya Upadan aramu.
Ukhwa wa Naisaka
27Nayakhobo ahothama nkayaarwaa Umamre wa athumwanaya, Naisaka, Ukiriath arba, yaani Uhebroni. Vakittu Aburahimu ni Naisaka waakhanlhe aya ulhetoni. 28Naisaka vaari aya o iyaakha imia imoka ni makhumi nane, 29ahorimeelha anolhuvanlhe chinene. Achishaana aya, Naesau ni Nayakhobo nkayaavitha athumwanaya.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.