Uchokholha 33
33
Nayakhobo anokumaana ni Naesau
1Paahi yamalheke vavawo, Nayakhobo ahoweha, nkayoona Naesau awaaka vamoka ni attu imia ncheshe. Vavawo Nayakhobo ahaamianiha achishaana aya, a Nalea ni a Naraheli, ni achishaana a anamitheko ashithiyana elhi alhe. 2Nkeeshacha anamitheko ashithiyana ni achishaana aya uhoolho, Nalea ni achishaana aya variyari, Naraheli ni mwaamwanaya Yusufu, nkayaattwara utulhi. 3Amalhihekeru, nkayaaholhelha, nansho ahinaya uphiya va onnaya vawo, ahooroma mpaka vathi mikwaha saba wooniha iheshima. 4Paahi Naesau nkayaattimakacha ni weekamelha Nayakhobo, nkayaakumbatira, oyelhi nkayonlhacha. 5Naesau vaawenhe aya ni woona manyoopani ni achishaana, yahokoha, “Phi apani yalha attu mwaattukanne inyu alha?”
Nayakhobo nkayaakhulha, “Alha achishaana aka kivahilhe awe Nlhuku wo nnema wawe, akivahilhe mii namitheko inyu.”
6Yamalheke, anamitheko ashithiyana alhe nkayaachusheracha vamoka ni achishaana aya, nkayooromacha. 7Tho, Nalea nkayaawa vamoka ni achishaana aya, nkayooromacha. Nkaamalhihera Naraheli ni mwaamwanaya Yusufu, ni ayo nkayooromacha.
8Phi vavawo Naesau vakonhe aya, “Ulha nkutiro wa ashinama ukumanne aka mphironi ulha phi ishiyani?”
Nayakhobo nkayaakhulha, “Kaawinhe wiira nkoonelhe ikiriri munna.”
9Nansho Naesau nkayeera, “Kihanaa nhakhu mwinchi mwanhima aka. Nhakhu inyu uyo ukhalheke wawinyu mwaanene.”
10Nayakhobo nkayeera, “Mena! Yakhalhaka wo ikekhiaye nhokipochera, paahi etu kinoulhepelhani wiira, mpochereke izawadi chaka. Wo ikekhiaye, woona ikhove inyu iri thoko woona ikhove ya Nlhuku, chinre inyu wo ukipochera wo nrima woombone chiyo. 11Paahi kinoulhepelhani wiira, mpochereke izawadi kuwihenreakani chiyo, ukhalhawaya ata mii Nlhuku hokivaha nnema, ni mii kihanaa nhakhu mwinchi.” Nkayaakhanyereriha chinene, ni ayo nkayaapochera.
12Naesau nkayeera, “Haya! Ngwee etu nirweeke, mii kinooholhelha.”
13Nansho Nayakhobo nkayeerelha Naesau, “Munna, inyu nhochuwelha wiira, ashaana alha bado ashikani, ni mihuwo chi chinowaamwiha. Vavawo tho, mii phi nothananiya wiira kaawehewehe, naattawihachaka ashinama alha ata wo nihuku nimoka, onkhaye anookhwacha. 14Paahi kinoulhepelhani wiira, nholhelheke, ni mii kinouttwarani nrima, nrima, vakanivakani thoko ashinama alha chinohalha ya weeta, ni achishaana alha mpaka vanohalha aka uphiya uwaninyu Useiri uwo.”
15Vavawo Naesau nkayeera, “Nambaya etu kuhiyereni attu aka akina mwaattukane.”
Nansho Nayakhobo nkayeera, “Wo ishiyani wiira chiicho? Ihothosha voonelhiye aka ikiriri umihoolho winyu munna.” 16Paahi nenno nihuku nno Naesau nkayaachokholha nkwaha wo uhokolhia Useiri. 17Nansho Nayakhobo nkayaarwaa Usukothi, waathenke aya inupa ni marapatta a ashinama aya. Wo yoyo nlhatu uyo, vavawo vakittu vawo nkawehaniya, Sukothi maana aya “marapatta.”
18Ukhuma Upadan aramu, Nayakhobo ahophiya rata iwani yo Ushekemu, ilhapo yo Ukanaani, nkayaamaka vakhiviru ni iwani iyo. 19Vakittu vaamakilhe aya maheema vawo, ooponlhe wa achishaana a Nahamori, athumwanaya Nashekemu wo nchurukhu makhobilhi imia imoka. 20Wowo nkayaathatha malhuku utheka madhubahu ni wiihana El Elohe Israeli, maana aya “Nlhuku phi Nlhuku a attu o Israeli.”
ទើបបានជ្រើសរើសហើយ៖
Uchokholha 33: MOT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.
Uchokholha 33
33
Nayakhobo anokumaana ni Naesau
1Paahi yamalheke vavawo, Nayakhobo ahoweha, nkayoona Naesau awaaka vamoka ni attu imia ncheshe. Vavawo Nayakhobo ahaamianiha achishaana aya, a Nalea ni a Naraheli, ni achishaana a anamitheko ashithiyana elhi alhe. 2Nkeeshacha anamitheko ashithiyana ni achishaana aya uhoolho, Nalea ni achishaana aya variyari, Naraheli ni mwaamwanaya Yusufu, nkayaattwara utulhi. 3Amalhihekeru, nkayaaholhelha, nansho ahinaya uphiya va onnaya vawo, ahooroma mpaka vathi mikwaha saba wooniha iheshima. 4Paahi Naesau nkayaattimakacha ni weekamelha Nayakhobo, nkayaakumbatira, oyelhi nkayonlhacha. 5Naesau vaawenhe aya ni woona manyoopani ni achishaana, yahokoha, “Phi apani yalha attu mwaattukanne inyu alha?”
Nayakhobo nkayaakhulha, “Alha achishaana aka kivahilhe awe Nlhuku wo nnema wawe, akivahilhe mii namitheko inyu.”
6Yamalheke, anamitheko ashithiyana alhe nkayaachusheracha vamoka ni achishaana aya, nkayooromacha. 7Tho, Nalea nkayaawa vamoka ni achishaana aya, nkayooromacha. Nkaamalhihera Naraheli ni mwaamwanaya Yusufu, ni ayo nkayooromacha.
8Phi vavawo Naesau vakonhe aya, “Ulha nkutiro wa ashinama ukumanne aka mphironi ulha phi ishiyani?”
Nayakhobo nkayaakhulha, “Kaawinhe wiira nkoonelhe ikiriri munna.”
9Nansho Naesau nkayeera, “Kihanaa nhakhu mwinchi mwanhima aka. Nhakhu inyu uyo ukhalheke wawinyu mwaanene.”
10Nayakhobo nkayeera, “Mena! Yakhalhaka wo ikekhiaye nhokipochera, paahi etu kinoulhepelhani wiira, mpochereke izawadi chaka. Wo ikekhiaye, woona ikhove inyu iri thoko woona ikhove ya Nlhuku, chinre inyu wo ukipochera wo nrima woombone chiyo. 11Paahi kinoulhepelhani wiira, mpochereke izawadi kuwihenreakani chiyo, ukhalhawaya ata mii Nlhuku hokivaha nnema, ni mii kihanaa nhakhu mwinchi.” Nkayaakhanyereriha chinene, ni ayo nkayaapochera.
12Naesau nkayeera, “Haya! Ngwee etu nirweeke, mii kinooholhelha.”
13Nansho Nayakhobo nkayeerelha Naesau, “Munna, inyu nhochuwelha wiira, ashaana alha bado ashikani, ni mihuwo chi chinowaamwiha. Vavawo tho, mii phi nothananiya wiira kaawehewehe, naattawihachaka ashinama alha ata wo nihuku nimoka, onkhaye anookhwacha. 14Paahi kinoulhepelhani wiira, nholhelheke, ni mii kinouttwarani nrima, nrima, vakanivakani thoko ashinama alha chinohalha ya weeta, ni achishaana alha mpaka vanohalha aka uphiya uwaninyu Useiri uwo.”
15Vavawo Naesau nkayeera, “Nambaya etu kuhiyereni attu aka akina mwaattukane.”
Nansho Nayakhobo nkayeera, “Wo ishiyani wiira chiicho? Ihothosha voonelhiye aka ikiriri umihoolho winyu munna.” 16Paahi nenno nihuku nno Naesau nkayaachokholha nkwaha wo uhokolhia Useiri. 17Nansho Nayakhobo nkayaarwaa Usukothi, waathenke aya inupa ni marapatta a ashinama aya. Wo yoyo nlhatu uyo, vavawo vakittu vawo nkawehaniya, Sukothi maana aya “marapatta.”
18Ukhuma Upadan aramu, Nayakhobo ahophiya rata iwani yo Ushekemu, ilhapo yo Ukanaani, nkayaamaka vakhiviru ni iwani iyo. 19Vakittu vaamakilhe aya maheema vawo, ooponlhe wa achishaana a Nahamori, athumwanaya Nashekemu wo nchurukhu makhobilhi imia imoka. 20Wowo nkayaathatha malhuku utheka madhubahu ni wiihana El Elohe Israeli, maana aya “Nlhuku phi Nlhuku a attu o Israeli.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.