Uttawa 39
39
Utottiya ikuwo cho Opochera ishaani
(Utt 28:1-14)
1Nabezaleli, Naoholiabu vamoka ni anamitheko akina ahototta ikuwo chorera cho uwara Naharuni vanovara aya ntheko wo opochera ishaani u Nihema Nitakatifu. Yaakooronshe wo ikuwo cho irangi yo kibuluu, yo zambarau, ni yo khwiilha, thoko Apwiiya Nlhuku chenre aya wo waalhehera ashinna Musa. 2Tho, ahottota ikuwo ukhunelha ikhakacha wo nttoche no uttaviya no idhahabu yorera no irangi yo kibuluu, yo zambarau, ni yo khwiilha vachulhu ikuwo yorera yoteelha. 3Nkayaathulhusha idhahabu ni uthikilhacha nttoche no uyevayeva wiira nittaviye vamoka ni ikuwo yorera yo irangi yo kibuluu, yo irangi yo zambarau, ni yo khwiilha, vachulhu ikuwo yorera yoteelha ittaviye wo uratiya chinene. 4Ikuwo yo ukhunelha ikhakacha iyo yaawariya wo uttukiya mikaanda miilhi vamakhathani ni ukumaana. 5Ahokoorosha ni nshipi waattaviye rata wiira uttukiye vamoka ni ukhalha ittu imoka ni ikuwo yo ukhunelha ikhakacha iyo. Yoyo waattaviye wo chechiyo chittu chiyo, idhahabu, ikuwo yorera yo irangi yo kibuluu, yo irangi yo zambarau, ni yo khwiilha, yoottaviya, vamoka ni ikuwo yorera yoteelha thoko Apwiiya Nlhuku chaalhehenre aya ashinna Musa. 6Yamalheke, yahokooroshacha malhuku o isadoniki ni uvarelhelhiha ni idhahabu, ni ukheria thoko nhuri machina a achishaana khumi ni elhi a Nayakhobo. 7Nkayeesha yayo malhuku ayo vachulhu mikaanda chaattukiya vamakhathani wiira eemelhelhe machina a achishaana a Nayakhobo khumi ni elhi, thoko Apwiiya Nlhuku chaalhehenre aya ashinna Musa.
Nrupa wo vakhakaachani
8Tho, ahototta nrupa wo vakhakaachani, wo ikuwo ni nttoche no irangi thoko chikooroshilhe aya ikuwo yo ukhunelha ikhakacha ilhe. 9Nrupa uyo waari wo ulhikaana ipatta chaya chonkhaye, urekama ni ukhanuwa waya nthatha nimoka, tho waari wo ukunjiya. 10Nrupa uyo waapambiye ni isafu ncheshe cho malhuku o nhakhu. Isafu imoka yaari yo o iakiki, itopazi ni almasi yo khwiilha. 11Isafu yo nayelhi yaari yo zamaradi, iyakuti yo kibuluu ni almasi. 12Isafu yo neraru yaari yo iyasintho, iakiki yo khwiilha ni amethesito. 13Yo necheshe yaari yo izabarajadi, ishohamu ni yaspi. Onkhaye ayo ahomiinelhiya mwaavarelhelhiya ni idhahabu mmo. 14Paahi aari malhuku khumi ni meelhi aakheriye machina a achishaana a Nayakhobo. Aakheriye thoko chinokheriya aya nhuri, kila nimoka nikheriyaka nchina no weemelhelha nihimo nimoka no achishaana khumi ni meelhi a Nayakhobo. 15Tho, ahokoorosha mikufu cho idhahabu yorera cho uwarihiya nrupa wo vakhakaachani valhe cho ukhalha thoko miripwe. 16Nkayaakoorosha ni cho uvarelha piilhi cho idhahabu yorera, ni apete elhi o idhahabu chiicho, ni utottelha apete ayo ikhona piilhi cho nchulhu cho nrupa uyo. 17Nkayaattukelhelha mikufu miilhi cho idhahabu chiyo vapeteni aawarihiye nrupa wo vakhakaachani chiyo. 18Ni mikaanda miilhi cho idhahabu chilhe ahottukelhelha chittu piilhi cho uvarelhelha chilhe ni uvaraaniha ikipande piilhi cho ikuwo yo ukhunelha ikhakacha chaari vamakhathani, wo uhoolho. 19Tho, ahokoorosha apete eelhi o idhahabu, nkayaawariha ikhona piilhi cho nhina nrupa wo vakhakaachani kharibu ni ikuwo yo ukhunelha ikhakacha. 20Nkayaakoorosha apete eelhi tho, o idhahabu ni uwariha uhoolho, ikhona piilhi cho vathi cho ikuwo yo ukhunelha ikhakacha, vanokumaana nshipi uttaviye rata ulhe. 21Nkayaattuka nrupa wo vakhakaachani vachulhu ikuwo yo ukhunelha ikhakacha wo miripwe miilhi cho irangi yo kibuluu, wiira uhithaphuwe, nansho ukhalhelheke nshipi uttaviye rata ulhe thoko Apwiiya Nlhuku chaalhehenre aya ashinna Musa.
Utottiya ikanzu
(Utt 28:31-43)
22Yamalheke ahototta ikanzu yo irangi yo kibuluu yo uwarelhiya ikuwo yo ukhunelha ikhakacha. 23Yeyo ikanzu iyo yahokhalha ni vakittu wo uviriha muru variyari, ni iyo yaheeshiya mminiko wo ufumiya wo ishiko aya iyo wiira ihaahuwe. 24Mminiko wo vathi wo ikanzu iyo wahofumiya mapambo o makomamanga o irangi yo kibuluu, o irangi yo zambarau, ni o irangi yo khwiilha, ni ikuwo yoottaviya yorera yoteelha. 25Yamalheke ahokoorosha injuga cho idhahabu, ni kila baada yo nikomamanga nimoka aheesha injuga vamminikoni wo ikanzu iyo. 26Paahi injuga ni makomamanga ayo ahottwaraana urukureria mminiko wo ikanzu iyo, thoko Apwiiya Nlhuku chaalhehenre aya ashinna Musa. 27Amalhihekeru vavawo, ahototta mikogo chi Naharuni ni achishaana aya wo ikuwo yorera yoteelha, 28mphumburu woteelha, ikofia chorera choteelha, isuruwali fupi cho ikuwo yorera yoteelha yottaviya, 29ni mishipi choteelha choorera choottaviya, cho irangi yo kibuluu, yo irangi yo zambarau, ni yo khwiilha, ni ufumiya rata thoko Apwiiya Nlhuku chaalhehenre aya ashinna Musa. 30Tho, ahokoorosha nipambo no ikibati yo idhahabu yorera no ittaji itakatifu ni ulhepa vachulhu vawo, “Nthimicho, ukhalhe wa Apwiiya Nlhuku.” 31Nkayaattuka uhoolho wo mphumburu uyo wo nripwe wo irangi yo kibuluu, thoko Apwiiya Nlhuku chaalhehenre aya ashinna Musa.
Umalhihiya wo ntheko
32Paahi ntheko wonkhaye wo Nihema Nitakatifu wahomalha. Aisraeli ahopanga chittu chonkhaye thoko Apwiiya Nlhuku chaalhehenre aya ashinna Musa. 33Nkayaawiiha Nihema Nitakatifu wa ashinna Musa vamoka ni chittu chaya chonkhaye, mikhoyi cho uvarelhelha nipaziya, ifuremu chaya, mapoopola, mikurio ni ikhalhelho chaya, 34ikifuniko yo marapalha o ikhondoro madume ni ikifuniko yo marapalha o ipuri yaahelhiye irangi yo khwiilha, nipaziya no Vakittu Vatakatifu, 35Nisanduku no Malhehano, mishaamu chaya cho uthathelha nsegasega, ikifuniko, yaari phi vaneehaniya nipuro no woonelhiya attu ikiriri. 36Tho, imeza ni chittu chaya chonkhaye, mikatte mitakatifu chikumihiye isadaka wa Nlhuku, 37iphata yo idhahabu yorera yo uthomeiya ikhandiri, ikhandiri ni ikaruma chaya chonkhaye, vamoka ni makhura o uhelhiya ikhandiri chiyo, 38madhubahu o idhahabu, makhura o uhikiya, ubani wo unukhelha, nipaziya no nlhako wo Nihema Nitakatifu, 39madhubahu o ishaaba ni mattavi aya o ishaaba, mishaamu chaya cho uthathelha ni ikaruma chaya chonkhaye, inyipo yulhupalhe ni ikhalhelho aya, 40mapaziya o ntenje, mikurio chaya ni ikhalhelho chaya, nipaziya no nlhako wo ntenje, ivibaniyo chaya cho uvarelhelha nipaziya ni ikhomo chaya, ikaruma chonkhaye chaathananiya uvarelhiya ntheko u Nihema Nitakatifu, 41ikuwo chonkhaye chaatottiye rata wo nlhatu wo uwariya ni Naharuni ni achishaana aya vanovara aya ntheko wo opochera ishaani Vakittu Vatakatifu. 42Aisraeli ahopanga kila ittu thoko Apwiiya Nlhuku chaalhehenre aya ashinna Musa. 43Ashinna Musa ahovira ni uweha kila ittu, nkayaachivelhiya wiira attu ahopanga kila ittu thoko Apwiiya Nlhuku chenre aya wo ulhehera. Paahi etu ashinna Musa ahaavahacha ibarakha.
ទើបបានជ្រើសរើសហើយ៖
Uttawa 39: MOT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.
Uttawa 39
39
Utottiya ikuwo cho Opochera ishaani
(Utt 28:1-14)
1Nabezaleli, Naoholiabu vamoka ni anamitheko akina ahototta ikuwo chorera cho uwara Naharuni vanovara aya ntheko wo opochera ishaani u Nihema Nitakatifu. Yaakooronshe wo ikuwo cho irangi yo kibuluu, yo zambarau, ni yo khwiilha, thoko Apwiiya Nlhuku chenre aya wo waalhehera ashinna Musa. 2Tho, ahottota ikuwo ukhunelha ikhakacha wo nttoche no uttaviya no idhahabu yorera no irangi yo kibuluu, yo zambarau, ni yo khwiilha vachulhu ikuwo yorera yoteelha. 3Nkayaathulhusha idhahabu ni uthikilhacha nttoche no uyevayeva wiira nittaviye vamoka ni ikuwo yorera yo irangi yo kibuluu, yo irangi yo zambarau, ni yo khwiilha, vachulhu ikuwo yorera yoteelha ittaviye wo uratiya chinene. 4Ikuwo yo ukhunelha ikhakacha iyo yaawariya wo uttukiya mikaanda miilhi vamakhathani ni ukumaana. 5Ahokoorosha ni nshipi waattaviye rata wiira uttukiye vamoka ni ukhalha ittu imoka ni ikuwo yo ukhunelha ikhakacha iyo. Yoyo waattaviye wo chechiyo chittu chiyo, idhahabu, ikuwo yorera yo irangi yo kibuluu, yo irangi yo zambarau, ni yo khwiilha, yoottaviya, vamoka ni ikuwo yorera yoteelha thoko Apwiiya Nlhuku chaalhehenre aya ashinna Musa. 6Yamalheke, yahokooroshacha malhuku o isadoniki ni uvarelhelhiha ni idhahabu, ni ukheria thoko nhuri machina a achishaana khumi ni elhi a Nayakhobo. 7Nkayeesha yayo malhuku ayo vachulhu mikaanda chaattukiya vamakhathani wiira eemelhelhe machina a achishaana a Nayakhobo khumi ni elhi, thoko Apwiiya Nlhuku chaalhehenre aya ashinna Musa.
Nrupa wo vakhakaachani
8Tho, ahototta nrupa wo vakhakaachani, wo ikuwo ni nttoche no irangi thoko chikooroshilhe aya ikuwo yo ukhunelha ikhakacha ilhe. 9Nrupa uyo waari wo ulhikaana ipatta chaya chonkhaye, urekama ni ukhanuwa waya nthatha nimoka, tho waari wo ukunjiya. 10Nrupa uyo waapambiye ni isafu ncheshe cho malhuku o nhakhu. Isafu imoka yaari yo o iakiki, itopazi ni almasi yo khwiilha. 11Isafu yo nayelhi yaari yo zamaradi, iyakuti yo kibuluu ni almasi. 12Isafu yo neraru yaari yo iyasintho, iakiki yo khwiilha ni amethesito. 13Yo necheshe yaari yo izabarajadi, ishohamu ni yaspi. Onkhaye ayo ahomiinelhiya mwaavarelhelhiya ni idhahabu mmo. 14Paahi aari malhuku khumi ni meelhi aakheriye machina a achishaana a Nayakhobo. Aakheriye thoko chinokheriya aya nhuri, kila nimoka nikheriyaka nchina no weemelhelha nihimo nimoka no achishaana khumi ni meelhi a Nayakhobo. 15Tho, ahokoorosha mikufu cho idhahabu yorera cho uwarihiya nrupa wo vakhakaachani valhe cho ukhalha thoko miripwe. 16Nkayaakoorosha ni cho uvarelha piilhi cho idhahabu yorera, ni apete elhi o idhahabu chiicho, ni utottelha apete ayo ikhona piilhi cho nchulhu cho nrupa uyo. 17Nkayaattukelhelha mikufu miilhi cho idhahabu chiyo vapeteni aawarihiye nrupa wo vakhakaachani chiyo. 18Ni mikaanda miilhi cho idhahabu chilhe ahottukelhelha chittu piilhi cho uvarelhelha chilhe ni uvaraaniha ikipande piilhi cho ikuwo yo ukhunelha ikhakacha chaari vamakhathani, wo uhoolho. 19Tho, ahokoorosha apete eelhi o idhahabu, nkayaawariha ikhona piilhi cho nhina nrupa wo vakhakaachani kharibu ni ikuwo yo ukhunelha ikhakacha. 20Nkayaakoorosha apete eelhi tho, o idhahabu ni uwariha uhoolho, ikhona piilhi cho vathi cho ikuwo yo ukhunelha ikhakacha, vanokumaana nshipi uttaviye rata ulhe. 21Nkayaattuka nrupa wo vakhakaachani vachulhu ikuwo yo ukhunelha ikhakacha wo miripwe miilhi cho irangi yo kibuluu, wiira uhithaphuwe, nansho ukhalhelheke nshipi uttaviye rata ulhe thoko Apwiiya Nlhuku chaalhehenre aya ashinna Musa.
Utottiya ikanzu
(Utt 28:31-43)
22Yamalheke ahototta ikanzu yo irangi yo kibuluu yo uwarelhiya ikuwo yo ukhunelha ikhakacha. 23Yeyo ikanzu iyo yahokhalha ni vakittu wo uviriha muru variyari, ni iyo yaheeshiya mminiko wo ufumiya wo ishiko aya iyo wiira ihaahuwe. 24Mminiko wo vathi wo ikanzu iyo wahofumiya mapambo o makomamanga o irangi yo kibuluu, o irangi yo zambarau, ni o irangi yo khwiilha, ni ikuwo yoottaviya yorera yoteelha. 25Yamalheke ahokoorosha injuga cho idhahabu, ni kila baada yo nikomamanga nimoka aheesha injuga vamminikoni wo ikanzu iyo. 26Paahi injuga ni makomamanga ayo ahottwaraana urukureria mminiko wo ikanzu iyo, thoko Apwiiya Nlhuku chaalhehenre aya ashinna Musa. 27Amalhihekeru vavawo, ahototta mikogo chi Naharuni ni achishaana aya wo ikuwo yorera yoteelha, 28mphumburu woteelha, ikofia chorera choteelha, isuruwali fupi cho ikuwo yorera yoteelha yottaviya, 29ni mishipi choteelha choorera choottaviya, cho irangi yo kibuluu, yo irangi yo zambarau, ni yo khwiilha, ni ufumiya rata thoko Apwiiya Nlhuku chaalhehenre aya ashinna Musa. 30Tho, ahokoorosha nipambo no ikibati yo idhahabu yorera no ittaji itakatifu ni ulhepa vachulhu vawo, “Nthimicho, ukhalhe wa Apwiiya Nlhuku.” 31Nkayaattuka uhoolho wo mphumburu uyo wo nripwe wo irangi yo kibuluu, thoko Apwiiya Nlhuku chaalhehenre aya ashinna Musa.
Umalhihiya wo ntheko
32Paahi ntheko wonkhaye wo Nihema Nitakatifu wahomalha. Aisraeli ahopanga chittu chonkhaye thoko Apwiiya Nlhuku chaalhehenre aya ashinna Musa. 33Nkayaawiiha Nihema Nitakatifu wa ashinna Musa vamoka ni chittu chaya chonkhaye, mikhoyi cho uvarelhelha nipaziya, ifuremu chaya, mapoopola, mikurio ni ikhalhelho chaya, 34ikifuniko yo marapalha o ikhondoro madume ni ikifuniko yo marapalha o ipuri yaahelhiye irangi yo khwiilha, nipaziya no Vakittu Vatakatifu, 35Nisanduku no Malhehano, mishaamu chaya cho uthathelha nsegasega, ikifuniko, yaari phi vaneehaniya nipuro no woonelhiya attu ikiriri. 36Tho, imeza ni chittu chaya chonkhaye, mikatte mitakatifu chikumihiye isadaka wa Nlhuku, 37iphata yo idhahabu yorera yo uthomeiya ikhandiri, ikhandiri ni ikaruma chaya chonkhaye, vamoka ni makhura o uhelhiya ikhandiri chiyo, 38madhubahu o idhahabu, makhura o uhikiya, ubani wo unukhelha, nipaziya no nlhako wo Nihema Nitakatifu, 39madhubahu o ishaaba ni mattavi aya o ishaaba, mishaamu chaya cho uthathelha ni ikaruma chaya chonkhaye, inyipo yulhupalhe ni ikhalhelho aya, 40mapaziya o ntenje, mikurio chaya ni ikhalhelho chaya, nipaziya no nlhako wo ntenje, ivibaniyo chaya cho uvarelhelha nipaziya ni ikhomo chaya, ikaruma chonkhaye chaathananiya uvarelhiya ntheko u Nihema Nitakatifu, 41ikuwo chonkhaye chaatottiye rata wo nlhatu wo uwariya ni Naharuni ni achishaana aya vanovara aya ntheko wo opochera ishaani Vakittu Vatakatifu. 42Aisraeli ahopanga kila ittu thoko Apwiiya Nlhuku chaalhehenre aya ashinna Musa. 43Ashinna Musa ahovira ni uweha kila ittu, nkayaachivelhiya wiira attu ahopanga kila ittu thoko Apwiiya Nlhuku chenre aya wo ulhehera. Paahi etu ashinna Musa ahaavahacha ibarakha.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.