Uttawa 36
36
1“Paahi Nabezaleli ni Naoholiabu vamoka ni anamitheko akina onkhaye avaheriye ni Apwiiya Nlhuku machiri ni irusho cho uchuwelha iphiro cho uvara mitheko chonkhaye cho utheka Nihema Nitakatifu, avareke ntheko uyo wo ulhikaana ni malhove onkhaye alheheriye ni Apwiiya Nlhuku.”
Attu anoowiiha isadaka chinchi
2Paahi ashinna Musa aheehana Nabezaleli ni Naoholiabu vamoka ni kila ntu aavaheriye uchuwelha uvara ntheko ni Apwiiya Nlhuku, ni kila ntu aachivelhiye munrimani mwawe wiira avare ntheko mwanene. 3Yayo attu ayo yahopochera chittu chaakumihiye ni attu ukhalha isadaka wa Apwiiya Nlhuku wo ntheko wo uthekiya Nihema Nitakatifu. Attu ni ayo kila wichishu ahothepa ukumiha chittu. 4Paahi attu onkhaye o uchuwelha uvara ntheko wo utheka Nihema Nitakatifu ayo ahothama umithekoni waya nkayaarwelha ashinna Musa, 5ni weerelha wiira, “Attu anoothepa uwiiha chittu upwaha chinothanana ihu wo nlhatu wo ntheko wa Apwiiya Nlhuku, thoko chinilhehenre aya!”
6Paahi ashinna Musa aholhehera wiira, “Ntu riyoothe hiwiihe tho ittu wo uthepa ilhe ilheheriye wo ntheko wo uthekelha Nihema Nitakatifu!” Attu veewilhe aya nlhove nno, ahohiyacha ukumiha wo uthepa chittu chaalheheriye chiyo, 7ukhalhawaya chittu chaakumihilhe aya chiyo, chahothosha wo ntheko uyo, kwaani chahothepa ata chaathananiya chilhe.
Uthekiya Nihema Nitakatifu
8Attu onkhaye owooria uvara ntheko ahotheka Nihema Nitakatifu wo mapaziya khumi o ikuwo yorera yoteelha, ni uphwanelhihiya wo nttoche no mapururu o ikhondoro no irangi yo kibuluu, yo zambarau ni yo khwiilha, ni ufumiya ipicha cha amakerubi vachulhu. 9Urekama wo kila nipaziya waari miono makhumi ncheshe ni meelhi, makhuvi akhalhaka miono sita. Mapaziya onkhaye khumi ayo aholhikaana maphimelhiyo aya. 10Attu ayo aholhutaaniha mapaziya nthanu vamoka ukhalha ittu imoka ni makina nthanu ayo chiicho. 11Nkayaatottelha mikaanda cho kibuluu kila nlhuto no nipaziya nimoka, ni nkunjo wo nipaziya nno, ni upanga chiicho wo vathe, nlhuto no nayelhi nno. 12Ahottotelha mikaanda makhumi nthanu nipaziya nimoka, ni mikaanda makhumi nthanu mpindo wo nipaziya naari nijora no nayelhi nno, awehanaka nna ni nna. 13Yamalheke, ahokoorosha ivibaniyo cho uvarelhelha mapaziya makhumi nthanu cho idhahabu o ulhutaanihelha ivipande piilhi cho mapaziya alhe, paahi nihema nno nkanaakhalha ittu imoka. 14Yamalheke, ahokoorosha ikifuniko yo ukhunelha nihema wo mapaziya khumi ni moka no mapururu o ipuri. 15Kila nipaziya naari no urekama miono makhumi nthanu, makhuvi miono sita. Mapaziya onkhaye khumi ni moka aari o ulhikaana. 16Nkayaalhutaaniha mapaziya nthanu vamoka, ni mapaziya sita vamoka. 17Tho, ahotottelha mikaanda makhumi nthanu upindo wo nipaziya no mwisho no ikipande yo upacha, ni mikaanda makhumi nthanu upindo wo ikipande yo nayelhi. 18Yamalheke nkayaakoorosha mikaanda makhumi nthanu cho shaaba ni ulhutaaniha ivipande piilhi chilhe ukhalha nipaziya nimoka. 19Yamalheke yeyo, ahokoorosha ikifuniko yo nrapalha no wolhwaa no ikhondoro ilhopwana, ni vachulhu ikifuniko ikina yo nrapalha no wolhwaa no ipuri. 20Tho, nkayaakoorosha ifuremu cho weemeshera nihema cho imbau cho n'johoro. 21Kila ifuremu yaari yo urekama miono khumi ni nthanu ni makhuvi aya yaari moono mmoka ni nusu. 22Kila ifuremu yaari ni malhimi meelhi o ulhutaanihera. Ifuremu chonkhaye cho nihema nno chahokhalha ni malhimi ayo. 23Ifuremu chaakooroshiye chaari, makhumi meelhi mpata wo uchawa, 24ni ikhalhelho cho isiliva makhumi ncheshe, wuuthi wo kila ubau wiira chivarelhelhe malhimi meelhi ayo. 25Mpata wo nayelhi, yaani uchulhu wo nihema nno, ahokoorosha ifuremu makhumi meelhi chiicho, 26ni ikhalhelho chaya makhumi ncheshe cho isiliva wuuthi wo kila ifuremu. 27Mpata wo utulhi wo nihema, yaani uneelha nchuwa, ahokoorosha ifuremu sita 28Tho, ahokoorosha imbau piilhi cho ikhona cho utulhi wo nihema nno. 29Ifuremu piilhi cho mpararini chiyo chahohiyana wo vathi, nansho chaholhutaanihiya vaari ibangili yo upacha vawo. Ifuremu piilhi cho ikhona piilhi chiyo chaakooroshiye wo ulhikaana. 30Paahi ifuremu chiyo chaari nane ni ikhalhelho chaya cho isiliva chaari khumi ni sita, ikhalhelho piilhi wuuthi kila ifuremu. 31Tho, anamitheko ayo ahokoorosha mitambalapanya cho n'johoro, mitambalapanya nthanu cho mpata mmoka wo nihema, 32mitambalapanya nthanu cho mpata wo nayelhi wo nihema ni mitambalapanya nthanu cho ifuremu cho utulhi wo nihema, yaani uneelha nchuwa. 33Ahokoorosha tho n'gomba wo variyari waaphiyelha nusu yo nihema nno, waavira variyari nihema ukhuma uno mpaka uno. 34Ifuremu chonkhaye chiyo ahohikahika idhahabu, nkayaakooroshelha ibangili cho idhahabu cho uvarelhelha mishaamu chiyo, ni chiyo chahohikiya idhahabu.
35Ahokoorosha nipaziya no ikuwo yorera yoteelha yaaphwanelhihiye ni nttoche no irangi yo kibuluu, yo zambarau ni yo khwiilha. Nkanaafumiya ipicha cha amakerubi ni attu o wooria yoyo ntheko uyo rata vachulhu waya. 36Yamalheke, nkayaakoorosha mikurio micheshe cho n'johoro, nkayaahikahika idhahabu ni uttukelhelha ni ivibaniyo cho uvarelhelha nipaziya cho idhahabu. Tho, ahokoorosha ikhalhelho ncheshe cho isiliva. 37Yamalheke, tho ahokoorosha nipaziya wo ikuwo yorera yoteelha yaattaviye ni ntu o urata chinene no nlhako wo nihema, naaphwanelhihiye ni nttoche no irangi yo kibuluu, yo zambarau ni yo khwiilha, 38ni mikurio chaya nthanu ni ivibaniyo chaya cho uvarelhelha nipaziya, chaahinke aya idhahabu wo uchulhu mpaka vathi, nansho ikhalhelho chaya nthanu chaari cho ishaaba.
ទើបបានជ្រើសរើសហើយ៖
Uttawa 36: MOT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.
Uttawa 36
36
1“Paahi Nabezaleli ni Naoholiabu vamoka ni anamitheko akina onkhaye avaheriye ni Apwiiya Nlhuku machiri ni irusho cho uchuwelha iphiro cho uvara mitheko chonkhaye cho utheka Nihema Nitakatifu, avareke ntheko uyo wo ulhikaana ni malhove onkhaye alheheriye ni Apwiiya Nlhuku.”
Attu anoowiiha isadaka chinchi
2Paahi ashinna Musa aheehana Nabezaleli ni Naoholiabu vamoka ni kila ntu aavaheriye uchuwelha uvara ntheko ni Apwiiya Nlhuku, ni kila ntu aachivelhiye munrimani mwawe wiira avare ntheko mwanene. 3Yayo attu ayo yahopochera chittu chaakumihiye ni attu ukhalha isadaka wa Apwiiya Nlhuku wo ntheko wo uthekiya Nihema Nitakatifu. Attu ni ayo kila wichishu ahothepa ukumiha chittu. 4Paahi attu onkhaye o uchuwelha uvara ntheko wo utheka Nihema Nitakatifu ayo ahothama umithekoni waya nkayaarwelha ashinna Musa, 5ni weerelha wiira, “Attu anoothepa uwiiha chittu upwaha chinothanana ihu wo nlhatu wo ntheko wa Apwiiya Nlhuku, thoko chinilhehenre aya!”
6Paahi ashinna Musa aholhehera wiira, “Ntu riyoothe hiwiihe tho ittu wo uthepa ilhe ilheheriye wo ntheko wo uthekelha Nihema Nitakatifu!” Attu veewilhe aya nlhove nno, ahohiyacha ukumiha wo uthepa chittu chaalheheriye chiyo, 7ukhalhawaya chittu chaakumihilhe aya chiyo, chahothosha wo ntheko uyo, kwaani chahothepa ata chaathananiya chilhe.
Uthekiya Nihema Nitakatifu
8Attu onkhaye owooria uvara ntheko ahotheka Nihema Nitakatifu wo mapaziya khumi o ikuwo yorera yoteelha, ni uphwanelhihiya wo nttoche no mapururu o ikhondoro no irangi yo kibuluu, yo zambarau ni yo khwiilha, ni ufumiya ipicha cha amakerubi vachulhu. 9Urekama wo kila nipaziya waari miono makhumi ncheshe ni meelhi, makhuvi akhalhaka miono sita. Mapaziya onkhaye khumi ayo aholhikaana maphimelhiyo aya. 10Attu ayo aholhutaaniha mapaziya nthanu vamoka ukhalha ittu imoka ni makina nthanu ayo chiicho. 11Nkayaatottelha mikaanda cho kibuluu kila nlhuto no nipaziya nimoka, ni nkunjo wo nipaziya nno, ni upanga chiicho wo vathe, nlhuto no nayelhi nno. 12Ahottotelha mikaanda makhumi nthanu nipaziya nimoka, ni mikaanda makhumi nthanu mpindo wo nipaziya naari nijora no nayelhi nno, awehanaka nna ni nna. 13Yamalheke, ahokoorosha ivibaniyo cho uvarelhelha mapaziya makhumi nthanu cho idhahabu o ulhutaanihelha ivipande piilhi cho mapaziya alhe, paahi nihema nno nkanaakhalha ittu imoka. 14Yamalheke, ahokoorosha ikifuniko yo ukhunelha nihema wo mapaziya khumi ni moka no mapururu o ipuri. 15Kila nipaziya naari no urekama miono makhumi nthanu, makhuvi miono sita. Mapaziya onkhaye khumi ni moka aari o ulhikaana. 16Nkayaalhutaaniha mapaziya nthanu vamoka, ni mapaziya sita vamoka. 17Tho, ahotottelha mikaanda makhumi nthanu upindo wo nipaziya no mwisho no ikipande yo upacha, ni mikaanda makhumi nthanu upindo wo ikipande yo nayelhi. 18Yamalheke nkayaakoorosha mikaanda makhumi nthanu cho shaaba ni ulhutaaniha ivipande piilhi chilhe ukhalha nipaziya nimoka. 19Yamalheke yeyo, ahokoorosha ikifuniko yo nrapalha no wolhwaa no ikhondoro ilhopwana, ni vachulhu ikifuniko ikina yo nrapalha no wolhwaa no ipuri. 20Tho, nkayaakoorosha ifuremu cho weemeshera nihema cho imbau cho n'johoro. 21Kila ifuremu yaari yo urekama miono khumi ni nthanu ni makhuvi aya yaari moono mmoka ni nusu. 22Kila ifuremu yaari ni malhimi meelhi o ulhutaanihera. Ifuremu chonkhaye cho nihema nno chahokhalha ni malhimi ayo. 23Ifuremu chaakooroshiye chaari, makhumi meelhi mpata wo uchawa, 24ni ikhalhelho cho isiliva makhumi ncheshe, wuuthi wo kila ubau wiira chivarelhelhe malhimi meelhi ayo. 25Mpata wo nayelhi, yaani uchulhu wo nihema nno, ahokoorosha ifuremu makhumi meelhi chiicho, 26ni ikhalhelho chaya makhumi ncheshe cho isiliva wuuthi wo kila ifuremu. 27Mpata wo utulhi wo nihema, yaani uneelha nchuwa, ahokoorosha ifuremu sita 28Tho, ahokoorosha imbau piilhi cho ikhona cho utulhi wo nihema nno. 29Ifuremu piilhi cho mpararini chiyo chahohiyana wo vathi, nansho chaholhutaanihiya vaari ibangili yo upacha vawo. Ifuremu piilhi cho ikhona piilhi chiyo chaakooroshiye wo ulhikaana. 30Paahi ifuremu chiyo chaari nane ni ikhalhelho chaya cho isiliva chaari khumi ni sita, ikhalhelho piilhi wuuthi kila ifuremu. 31Tho, anamitheko ayo ahokoorosha mitambalapanya cho n'johoro, mitambalapanya nthanu cho mpata mmoka wo nihema, 32mitambalapanya nthanu cho mpata wo nayelhi wo nihema ni mitambalapanya nthanu cho ifuremu cho utulhi wo nihema, yaani uneelha nchuwa. 33Ahokoorosha tho n'gomba wo variyari waaphiyelha nusu yo nihema nno, waavira variyari nihema ukhuma uno mpaka uno. 34Ifuremu chonkhaye chiyo ahohikahika idhahabu, nkayaakooroshelha ibangili cho idhahabu cho uvarelhelha mishaamu chiyo, ni chiyo chahohikiya idhahabu.
35Ahokoorosha nipaziya no ikuwo yorera yoteelha yaaphwanelhihiye ni nttoche no irangi yo kibuluu, yo zambarau ni yo khwiilha. Nkanaafumiya ipicha cha amakerubi ni attu o wooria yoyo ntheko uyo rata vachulhu waya. 36Yamalheke, nkayaakoorosha mikurio micheshe cho n'johoro, nkayaahikahika idhahabu ni uttukelhelha ni ivibaniyo cho uvarelhelha nipaziya cho idhahabu. Tho, ahokoorosha ikhalhelho ncheshe cho isiliva. 37Yamalheke, tho ahokoorosha nipaziya wo ikuwo yorera yoteelha yaattaviye ni ntu o urata chinene no nlhako wo nihema, naaphwanelhihiye ni nttoche no irangi yo kibuluu, yo zambarau ni yo khwiilha, 38ni mikurio chaya nthanu ni ivibaniyo chaya cho uvarelhelha nipaziya, chaahinke aya idhahabu wo uchulhu mpaka vathi, nansho ikhalhelho chaya nthanu chaari cho ishaaba.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.