ROMEMIKO 4
4
Abraham pü thaka thi kesü
1Uko süsa kedipü pota, uthi uphoco Abraham ukrü utsüpu-ola kedipü meve ba? 2Kekrelamori mhace Abraham mhathola püthi kemezi yi ta lize süla kemeko mori zapozale thita lize, Jihova mhüjülü mozo. 3Kethojülü kedipü poba? Abraham no Jihova melü, süla pükhi kemathomi le side poyo 4Tsühi mipü mhathola püzhokhro khapütsü süze süsü ngokemezhe lamo, thepo therü lamo vele pü ngoti mesü. 5Vele mipü mhatho thimo zori pü kemelüla mezikemokolü püthi kemeziyi ta lize, kemelüla kemezimi thite. 6David ri thejo kepü thümao jupo, mhatho thimo zori Jihova püpü mezile zita. 7Somi kejo kemuko vava, somi kephomako whuva sheri suko mthejo kepütho. 8Thüma somi Niepoo püyo kephoma mi zimo ta sheri sümi thejo kepütho. 9Thejo kepütho hihi popü yikerümi lebi yo süyome? Me popü yirükemomi yori süya? Upoti, Abraham kemelüla kemathomi le phriyite. 10Kedipü bide püsa phri yita? Püyi kerüce me? Püyi rükemolü ta? Püyi kerülü mo vele yirükemolü. 11Pü zasi ngokeyi yikerüpü kemelü kematho mohor vü pütsü, süce pü yirükemomi zolu püpo kemelümi po thi ketola; süko yirükemomi zo sheri: kematho süpü ukoyo sü ketola. 12Yikerüko po vele yikerüko lebimo, vele somi uko po Abraham kemelü cholü tayo sheri, sütüce pü yirü mozolu.
Jihova reshu kemelülü ngo keyi
13Kekrelamori reshujü kha püketsü, püpo cejü kalü-o thitole zi, süsü khapü Abraham, mori püshuye ketsü thezho-ola mo; vele kemelü yo matho keyi lazo. 14Kekrelamori mhace thezhola kalü thite zize, kemelü khipü kemechü thive; reshujü ri pü kemechü thisa vazo. 15Kekrelamori thezhola lekhuri vori, süla thezho kedira vajo keta bamo. 16Süla kemelüla ngokemezhe ngoyive, thelalü reshujü süpo pütsa metükoyo vo ketola; thezho keneko lebi yo zomo, vele Abraham kemelü kene metükoyo: püpo uko metü po thi ketola.
Thopü kemeta hibi, I thipü shuye kekro po thito
17Jihova mhüjülü u melü keta, pü kesami thi merhü süyo; mhapüri kedilü tsü kebakohi thisü. 18Melü rüshu zo sheri melü keyi kemeri, püpo shuye kekro po kethisü; pokesübi nshuye po süthito. 19Kemelü thathi tamozo, püthipüphola zono tsühi kesami bita sheri, pü tütse krapüta mori Sara nobu sheri saketabi mechü keta lüsü. 20Jihova reshujü lüpü püvedi (tsüle) melükemo thi tamo, vele kemelü kushü bazo: zapozale pü Jihova tsü bazo. 21Reshujü melütüde meji zovotso, Jihova pokesüo thiyi vezo sita. 22Sizi keyila püpü kemathomile zita. 23Jüko tsühi tho kesü pülebila zomo, 24Vele uko metüla, uko Niepo Jisu kesalü phumerhü kesü melü keyiko metü yo sizito. 25Uko kekri ketakola pü khasü, m uko pokemesa yiketola püphü merhülayi.
ទើបបានជ្រើសរើសហើយ៖
ROMEMIKO 4: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.
ROMEMIKO 4
4
Abraham pü thaka thi kesü
1Uko süsa kedipü pota, uthi uphoco Abraham ukrü utsüpu-ola kedipü meve ba? 2Kekrelamori mhace Abraham mhathola püthi kemezi yi ta lize süla kemeko mori zapozale thita lize, Jihova mhüjülü mozo. 3Kethojülü kedipü poba? Abraham no Jihova melü, süla pükhi kemathomi le side poyo 4Tsühi mipü mhathola püzhokhro khapütsü süze süsü ngokemezhe lamo, thepo therü lamo vele pü ngoti mesü. 5Vele mipü mhatho thimo zori pü kemelüla mezikemokolü püthi kemeziyi ta lize, kemelüla kemezimi thite. 6David ri thejo kepü thümao jupo, mhatho thimo zori Jihova püpü mezile zita. 7Somi kejo kemuko vava, somi kephomako whuva sheri suko mthejo kepütho. 8Thüma somi Niepoo püyo kephoma mi zimo ta sheri sümi thejo kepütho. 9Thejo kepütho hihi popü yikerümi lebi yo süyome? Me popü yirükemomi yori süya? Upoti, Abraham kemelüla kemathomi le phriyite. 10Kedipü bide püsa phri yita? Püyi kerüce me? Püyi rükemolü ta? Püyi kerülü mo vele yirükemolü. 11Pü zasi ngokeyi yikerüpü kemelü kematho mohor vü pütsü, süce pü yirükemomi zolu püpo kemelümi po thi ketola; süko yirükemomi zo sheri: kematho süpü ukoyo sü ketola. 12Yikerüko po vele yikerüko lebimo, vele somi uko po Abraham kemelü cholü tayo sheri, sütüce pü yirü mozolu.
Jihova reshu kemelülü ngo keyi
13Kekrelamori reshujü kha püketsü, püpo cejü kalü-o thitole zi, süsü khapü Abraham, mori püshuye ketsü thezho-ola mo; vele kemelü yo matho keyi lazo. 14Kekrelamori mhace thezhola kalü thite zize, kemelü khipü kemechü thive; reshujü ri pü kemechü thisa vazo. 15Kekrelamori thezhola lekhuri vori, süla thezho kedira vajo keta bamo. 16Süla kemelüla ngokemezhe ngoyive, thelalü reshujü süpo pütsa metükoyo vo ketola; thezho keneko lebi yo zomo, vele Abraham kemelü kene metükoyo: püpo uko metü po thi ketola.
Thopü kemeta hibi, I thipü shuye kekro po thito
17Jihova mhüjülü u melü keta, pü kesami thi merhü süyo; mhapüri kedilü tsü kebakohi thisü. 18Melü rüshu zo sheri melü keyi kemeri, püpo shuye kekro po kethisü; pokesübi nshuye po süthito. 19Kemelü thathi tamozo, püthipüphola zono tsühi kesami bita sheri, pü tütse krapüta mori Sara nobu sheri saketabi mechü keta lüsü. 20Jihova reshujü lüpü püvedi (tsüle) melükemo thi tamo, vele kemelü kushü bazo: zapozale pü Jihova tsü bazo. 21Reshujü melütüde meji zovotso, Jihova pokesüo thiyi vezo sita. 22Sizi keyila püpü kemathomile zita. 23Jüko tsühi tho kesü pülebila zomo, 24Vele uko metüla, uko Niepo Jisu kesalü phumerhü kesü melü keyiko metü yo sizito. 25Uko kekri ketakola pü khasü, m uko pokemesa yiketola püphü merhülayi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.