PHILIPPIKO 2
2
Khrista ngokemezhe mu Pü kezho
1Süla Khrista yolü thelü hüketi dzü hu ri, thelü thokemelu dzü, mu lüsülüzhe lüno küpa huri, Ropü lüno kezüh püh kethi huri mu ngokemezhe huri neko dolü bayo. 2Nekelü kemhade kekhrü pühkhrü, kelürhüh de lüpüh thiyi yo a kenüo neyo tsühyito. 3Kengomu mori utho u lükerükrü de mhathitahi deri ne lü rünu sa no huniehu yi sü nece veku le lüyite. 4Silizo kehopühri netho ne rülelübi lü tahino, mi rülü ri lüyite. 5Jisu Khrista kelüo khi nelü süpü tayite. 6Püe Kemenupü bi zo ri kemeda lüno Kemenupü züh kethedü le lümo 7Sivele Pü tho Püthipüh thümanu thi mu mijümi thide Pü thi müdi. 8Mu Pü thikerünu püh thüma mhügo lü thüma zhorüle bidie kesalüri dzüzüh thi no cross yo ri sasü. 9Süla Kemenupü ri Pü thi mülesü mu püza thipüh metü pi thisüve. 10Kekrelamori tüyo ketako ri, cedzü ketako ri mu jükhro keta metüko ri Jisu zalü chütüketo na. 11Kehopüh ri Jisu Khrista hi Niepoo zo le lüketi u talü po tsode Kemenupü u Poo po zale püyi keto na.
Cedzü lü kevepüh thi zoyite
12Silizo a khrüko neko a mhüngoce dzüzüo lü kebalübi mo le a kedisano süceri dzüzü lü ba müfüyi mozosü, N kelakeyio la mi khriprüh mu rüsürüsa die mhathiyite. 13Kekrelamori Kemenupü npo Pü nü Pü medoko thizoketo na Pütho n kenhü süve. 14Süla panyoparo mu kepali tahino mha kehopüh ri thiyite. 15Siyi yo nie cejü hio lü müzikümo mu u lü kürüzho kütako dolü mesa mu mejokühomi thi Kemenupü nunie thi bayito. 16Nieko kürhühprei dzüo thüzühbei baküyi yolü Khrista zho nha apo anüyito, I kemechü püh na tata mo, mori püco kedi püh lü no mhathi ta kemo na. 17Ye mhanuü a kehü hio püh nie kemelü rütho püh thi die a za mükrüh to le mha sheri a nü mu nieko mütü zü a nü zoto. 18Süsübi nieko nü bayi mu a züh nieko nüyi zü.
Timothy mu Epaphroditus ni ketsüh kesü
19Niepo Jisu tho Timothy ketsüh meze püh nieko ce süketo meri ba, silize a pori nieko metü dzu sepüh a nü yiketo na. 20Nieko dzüve lü kethoketi pü kemha püh ri bamo zo. 21Kekrekoe Jisu Khrista la mo le u tho u meve la ta yo. 22Deri nieko Timothy se mve ba, püe a züh pükrü pünu bi dzüyikeve mhatho thi vori. 23Süna a rüle kedipüh bi toshi seyimütha I püketsüh sü keto lü ba. 24Mu I Niepoo mülü keti a tho zo ri mücho mo die nieko ce vota keto meri ba. 25Sizori, a sazüo, a züh die yitho thi mu Khrista thipahi thikezho, nieko dzüyi khi kevori yo mu a thathi ce a thekü kesüo Epaphroditus ketsüh püh nieko ce sü keto lü ba. 26Pü ri nieko menyü phi ba, siyo pü sükeyi dzü nieko po sekeva na ri sa pü lü kemezhe ba. 27Pü mhathi shü va ketho, pü sa ta nuzo, deri Kemenupüe pü phimezhe sü, mu pü lübi mole a po ri a thü shüsamo keto na a ri phimezhe sü. 28I ri pü ketsü sünsa die khükeho thi bate, süosü nieko po ri pü ngolasü no nieko nüyi mu a po ri a lünyi mütsayiketo na. 29Süla nieko ri Niepo yolü nenüsai die pü züyite, mu thüma hikemhami rhosüte. 30Kekrelamori nieko a yo thinsa die thihokebao püe thisüto le pü kehü püh kemethi lü sü, mu Khrista yithoo na sata nu zo keti na.
ទើបបានជ្រើសរើសហើយ៖
PHILIPPIKO 2: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.
PHILIPPIKO 2
2
Khrista ngokemezhe mu Pü kezho
1Süla Khrista yolü thelü hüketi dzü hu ri, thelü thokemelu dzü, mu lüsülüzhe lüno küpa huri, Ropü lüno kezüh püh kethi huri mu ngokemezhe huri neko dolü bayo. 2Nekelü kemhade kekhrü pühkhrü, kelürhüh de lüpüh thiyi yo a kenüo neyo tsühyito. 3Kengomu mori utho u lükerükrü de mhathitahi deri ne lü rünu sa no huniehu yi sü nece veku le lüyite. 4Silizo kehopühri netho ne rülelübi lü tahino, mi rülü ri lüyite. 5Jisu Khrista kelüo khi nelü süpü tayite. 6Püe Kemenupü bi zo ri kemeda lüno Kemenupü züh kethedü le lümo 7Sivele Pü tho Püthipüh thümanu thi mu mijümi thide Pü thi müdi. 8Mu Pü thikerünu püh thüma mhügo lü thüma zhorüle bidie kesalüri dzüzüh thi no cross yo ri sasü. 9Süla Kemenupü ri Pü thi mülesü mu püza thipüh metü pi thisüve. 10Kekrelamori tüyo ketako ri, cedzü ketako ri mu jükhro keta metüko ri Jisu zalü chütüketo na. 11Kehopüh ri Jisu Khrista hi Niepoo zo le lüketi u talü po tsode Kemenupü u Poo po zale püyi keto na.
Cedzü lü kevepüh thi zoyite
12Silizo a khrüko neko a mhüngoce dzüzüo lü kebalübi mo le a kedisano süceri dzüzü lü ba müfüyi mozosü, N kelakeyio la mi khriprüh mu rüsürüsa die mhathiyite. 13Kekrelamori Kemenupü npo Pü nü Pü medoko thizoketo na Pütho n kenhü süve. 14Süla panyoparo mu kepali tahino mha kehopüh ri thiyite. 15Siyi yo nie cejü hio lü müzikümo mu u lü kürüzho kütako dolü mesa mu mejokühomi thi Kemenupü nunie thi bayito. 16Nieko kürhühprei dzüo thüzühbei baküyi yolü Khrista zho nha apo anüyito, I kemechü püh na tata mo, mori püco kedi püh lü no mhathi ta kemo na. 17Ye mhanuü a kehü hio püh nie kemelü rütho püh thi die a za mükrüh to le mha sheri a nü mu nieko mütü zü a nü zoto. 18Süsübi nieko nü bayi mu a züh nieko nüyi zü.
Timothy mu Epaphroditus ni ketsüh kesü
19Niepo Jisu tho Timothy ketsüh meze püh nieko ce süketo meri ba, silize a pori nieko metü dzu sepüh a nü yiketo na. 20Nieko dzüve lü kethoketi pü kemha püh ri bamo zo. 21Kekrekoe Jisu Khrista la mo le u tho u meve la ta yo. 22Deri nieko Timothy se mve ba, püe a züh pükrü pünu bi dzüyikeve mhatho thi vori. 23Süna a rüle kedipüh bi toshi seyimütha I püketsüh sü keto lü ba. 24Mu I Niepoo mülü keti a tho zo ri mücho mo die nieko ce vota keto meri ba. 25Sizori, a sazüo, a züh die yitho thi mu Khrista thipahi thikezho, nieko dzüyi khi kevori yo mu a thathi ce a thekü kesüo Epaphroditus ketsüh püh nieko ce sü keto lü ba. 26Pü ri nieko menyü phi ba, siyo pü sükeyi dzü nieko po sekeva na ri sa pü lü kemezhe ba. 27Pü mhathi shü va ketho, pü sa ta nuzo, deri Kemenupüe pü phimezhe sü, mu pü lübi mole a po ri a thü shüsamo keto na a ri phimezhe sü. 28I ri pü ketsü sünsa die khükeho thi bate, süosü nieko po ri pü ngolasü no nieko nüyi mu a po ri a lünyi mütsayiketo na. 29Süla nieko ri Niepo yolü nenüsai die pü züyite, mu thüma hikemhami rhosüte. 30Kekrelamori nieko a yo thinsa die thihokebao püe thisüto le pü kehü püh kemethi lü sü, mu Khrista yithoo na sata nu zo keti na.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.