EPHESUSMIKO 1
1
1U Jihova müdolü Jisu Khrista yitho thi küta Paul-e thopüh Jisu Khrista yolü jütho küba Ephesus lü kümüsako ce küsü. 2u Jihova u Po mu Nyepoo Jisu Khrista celü ngokümüzhe mu küzühküveo po neko züh bayi. 3Khrista tüyolü küvo Ropü thüjoko püh uko prü küsüo Nyepoo Jisu Khrista ne Po po thüjo küpü-o thiyi. 4Uko po pü kükhrülü kümüsa mu kürho dakümo thiyi kütona cedzü mejuküyi mhüdzü uko küdaküyi kümha. 5Pütho pünü pü müdo kümhade Jisu Khrista yolü uko thükü püh pü nu nuthonu thiyi küto na küsühtü püh mütate. 6Pü ngokümüzhe zapozale küthi-o swüyikütona uko khapüh pü kükhrüko thiyite. 7Püza yolü mu pü ngokümüzhe küzholü uko rhaküyi mu u küphoma vaküyi ngoyite. 8Side uko po thüdo küve mhase mu küsekülü lü mhaneyi u küswu külhü thiyi. 9Püthopünü pü müdo mu rhüpüh küta kümha uko po pü müdo kümükhrükümüvako seyite. 10Side pütü chiepüh kütako tsü küyice tüyo kütako mu cedzülü kütako mütü po Khrista yolü küzüh püh thiyi küto na. 11Pü müdzümüra rhüpüh küta pü mhase mu pü müdolü mha mütü thiyiyo küzho kümha uko po thüka gwüyite. 12Side uko Khrista mülü ra küyi kopo pü zapozale küthiyo swüyi kütona. 13Nüko püküthodzüo mu külaküyi dzüyiküveo seküyice pü mülüyite. Pü mülüküyi na popühküta Kümüsa Ropü mohor ri vüyite. 14U rhaküyi püh khriküva ceneko ngoyi de pü zapozale küthiyo swüyi kümothe, püe kalü-o na lhetü thive. 15Süna I ri nüko Nyepoo Jisu kümülüko mu kümüsako mütü khrü kütsü se küyice. 16A küchokolü nüko zapo mu mütü mode küthüzü khasü süh bayo zo. 17Sübide u Jihova Nyepoo Jisu Khrista zapozale Poo po thüdoküve Ropü mu mi seyiyo kümo se küyi pü mhase püh nüko prü küto na. 18Nüko mhase mhüyo po mhürho yide; pü ucü küyi kümüri mu kümüsako gwüyi küto zapozale küthi ceneko seyi küto na. 19Mu mülüküyiko yolü pü küku kümüre thizo kütsü thiküsü seyi kütona. 20Pü küku mhatho Khrista yolü thi küsü, küsalü pü phu mürhüh sü mu pü po vo tüyo thüthilü pü zaco ba küta. 21Püza poküzhoko yi, kükukoyi, kümütükoyi mu mi kükhayoküzhoko, tsüdo külhü lübi zomode thasa vokütoko ceyi thüza mütü mhu kürükrü-o thive. 22Mu püe mhamütü püh püphekhrosü vade püpo Kühu mütü piyothite. 23Kühu süo pümozo, püe süyo swüpü mu mhamütülü püe bayo.
ទើបបានជ្រើសរើសហើយ៖
EPHESUSMIKO 1: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.
EPHESUSMIKO 1
1
1U Jihova müdolü Jisu Khrista yitho thi küta Paul-e thopüh Jisu Khrista yolü jütho küba Ephesus lü kümüsako ce küsü. 2u Jihova u Po mu Nyepoo Jisu Khrista celü ngokümüzhe mu küzühküveo po neko züh bayi. 3Khrista tüyolü küvo Ropü thüjoko püh uko prü küsüo Nyepoo Jisu Khrista ne Po po thüjo küpü-o thiyi. 4Uko po pü kükhrülü kümüsa mu kürho dakümo thiyi kütona cedzü mejuküyi mhüdzü uko küdaküyi kümha. 5Pütho pünü pü müdo kümhade Jisu Khrista yolü uko thükü püh pü nu nuthonu thiyi küto na küsühtü püh mütate. 6Pü ngokümüzhe zapozale küthi-o swüyikütona uko khapüh pü kükhrüko thiyite. 7Püza yolü mu pü ngokümüzhe küzholü uko rhaküyi mu u küphoma vaküyi ngoyite. 8Side uko po thüdo küve mhase mu küsekülü lü mhaneyi u küswu külhü thiyi. 9Püthopünü pü müdo mu rhüpüh küta kümha uko po pü müdo kümükhrükümüvako seyite. 10Side pütü chiepüh kütako tsü küyice tüyo kütako mu cedzülü kütako mütü po Khrista yolü küzüh püh thiyi küto na. 11Pü müdzümüra rhüpüh küta pü mhase mu pü müdolü mha mütü thiyiyo küzho kümha uko po thüka gwüyite. 12Side uko Khrista mülü ra küyi kopo pü zapozale küthiyo swüyi kütona. 13Nüko püküthodzüo mu külaküyi dzüyiküveo seküyice pü mülüyite. Pü mülüküyi na popühküta Kümüsa Ropü mohor ri vüyite. 14U rhaküyi püh khriküva ceneko ngoyi de pü zapozale küthiyo swüyi kümothe, püe kalü-o na lhetü thive. 15Süna I ri nüko Nyepoo Jisu kümülüko mu kümüsako mütü khrü kütsü se küyice. 16A küchokolü nüko zapo mu mütü mode küthüzü khasü süh bayo zo. 17Sübide u Jihova Nyepoo Jisu Khrista zapozale Poo po thüdoküve Ropü mu mi seyiyo kümo se küyi pü mhase püh nüko prü küto na. 18Nüko mhase mhüyo po mhürho yide; pü ucü küyi kümüri mu kümüsako gwüyi küto zapozale küthi ceneko seyi küto na. 19Mu mülüküyiko yolü pü küku kümüre thizo kütsü thiküsü seyi kütona. 20Pü küku mhatho Khrista yolü thi küsü, küsalü pü phu mürhüh sü mu pü po vo tüyo thüthilü pü zaco ba küta. 21Püza poküzhoko yi, kükukoyi, kümütükoyi mu mi kükhayoküzhoko, tsüdo külhü lübi zomode thasa vokütoko ceyi thüza mütü mhu kürükrü-o thive. 22Mu püe mhamütü püh püphekhrosü vade püpo Kühu mütü piyothite. 23Kühu süo pümozo, püe süyo swüpü mu mhamütülü püe bayo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.