COLOSSAEKO 3
3
1Mhace neko Khrista zü rhü süta lize, mesoyo keta zhüko phute, sülü Khrista Jihova po uzalaco ba ketao. 2Ne kelü (ne mhatho) ko mesoyo ketakola thite, mu cejülü keta zhüko mori. 3Kekrelamori neko satate, mu nekerhüro Khrista yo no Jihova celü kevapü metate; 4Khrista uko kehüo mhüngo thi kevori ce, süce neko sheri zapozale kethilü mimhüngo thi tato. 5Süla nethi nepho mesa vate, cejülü kebace, keregü kerezhü, mesa kemo, thizü kemo kethiko, ukethükeho mhakesu kethi, keregü, kemeho, süko therü marhe kereshü zo tila. 6Mha süko la Jihova lüda jüzü kemo nuneko vota. 7Nekori pütühu sülü ta, mu sülü hü. 8Vele tsühi neko süko khave, thelü kereda, lekhu mi nümo kethi, Niepoo Po merho ti, mesakemo rethi, neko talü. 9Hunehu yo kemeda pohi, pü mhatholü thüma kevüo khi kevala. 10Mu thüma kesa thite, pü uthi kesü hü thi kesa lülü keyi mhaselü. 11Greek miri kremo, mori Jewmi sheri, yi kerü mori yirü kemo sheri, barbarian, Scythian mi, thejümi mu ukekha kedimi sheri kekreho; vele Khrista yo metü kemhate, mu metülü. 12Jihova keda keyi bi khi bemene yite, mesa mu kekhrüko, uralü phi kemezheko, ketsükeve, ulü kemeko kemo, menü nu, shügüsühe. 13Hunehu la mhalü ti, hunehu kejova, mhace thüma hu mi metsu ti ba lize, Khrista ne kejo va kesübi, sübi neko hunehu yo thi süte. 14Mhasüko metü pi kevaphi ti kekhrü, phakesapü vetsü tso keyi. 15Jihova celü thelü kereyi po ne melülü ba yite, neko cüpü sülü sükeyi la, themo püte, mu ne mi meza saite. 16Khrista jüpo nelü hü yite ketsü keve nephiti, metha mu hunehu tarho, tsale mu lithi rüpü tsaleko ne melülü kekhrü ba de tsale thipü Niepoo ce süte. 17Ne mhatho mori jülü she dipü thi sheri Jisu zalü thi zote, kethezü pü Jihova tsüte, pü u Po zoti la. 18Micemi neko nenopu neko khro tayite, Niepoo celü süo pü zotila. 19Mi nopu neko, necemi neko khrüyi te, mu uko metsu khu mezü ta hite. 20Natsiko mha metülü nekrü neko jüzü thite, kekrelamori Niepoo hio pünü zo tila. 21Mipo neko ne nuneko lüva kereda hite, molize uko umelü thepu mo tato. 22Mi thekümiko mha metülü ne niepomi füzü thiyi te, uthi upho zhorele bi, umhüngoce lebi mo, thüma nü medo kethiko bita mode, vele umelü pü lebi khi, Jihova mpe tilü. 23Ne mhakehopü thi sheri, nenüde thite, Niepoo lano zitilü, mu thüma lano zi mode. 24Niepoo celü zhokhro kalü ngoyi keto seba ketabi, kekrelamori neko Niepoo Khrista choyi thiba. 25Vele kekri keti mhatho kethiko kekri tilü mhangoyi to; mu thüma celü thechuthero ngoyi ho.
ទើបបានជ្រើសរើសហើយ៖
COLOSSAEKO 3: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.
COLOSSAEKO 3
3
1Mhace neko Khrista zü rhü süta lize, mesoyo keta zhüko phute, sülü Khrista Jihova po uzalaco ba ketao. 2Ne kelü (ne mhatho) ko mesoyo ketakola thite, mu cejülü keta zhüko mori. 3Kekrelamori neko satate, mu nekerhüro Khrista yo no Jihova celü kevapü metate; 4Khrista uko kehüo mhüngo thi kevori ce, süce neko sheri zapozale kethilü mimhüngo thi tato. 5Süla nethi nepho mesa vate, cejülü kebace, keregü kerezhü, mesa kemo, thizü kemo kethiko, ukethükeho mhakesu kethi, keregü, kemeho, süko therü marhe kereshü zo tila. 6Mha süko la Jihova lüda jüzü kemo nuneko vota. 7Nekori pütühu sülü ta, mu sülü hü. 8Vele tsühi neko süko khave, thelü kereda, lekhu mi nümo kethi, Niepoo Po merho ti, mesakemo rethi, neko talü. 9Hunehu yo kemeda pohi, pü mhatholü thüma kevüo khi kevala. 10Mu thüma kesa thite, pü uthi kesü hü thi kesa lülü keyi mhaselü. 11Greek miri kremo, mori Jewmi sheri, yi kerü mori yirü kemo sheri, barbarian, Scythian mi, thejümi mu ukekha kedimi sheri kekreho; vele Khrista yo metü kemhate, mu metülü. 12Jihova keda keyi bi khi bemene yite, mesa mu kekhrüko, uralü phi kemezheko, ketsükeve, ulü kemeko kemo, menü nu, shügüsühe. 13Hunehu la mhalü ti, hunehu kejova, mhace thüma hu mi metsu ti ba lize, Khrista ne kejo va kesübi, sübi neko hunehu yo thi süte. 14Mhasüko metü pi kevaphi ti kekhrü, phakesapü vetsü tso keyi. 15Jihova celü thelü kereyi po ne melülü ba yite, neko cüpü sülü sükeyi la, themo püte, mu ne mi meza saite. 16Khrista jüpo nelü hü yite ketsü keve nephiti, metha mu hunehu tarho, tsale mu lithi rüpü tsaleko ne melülü kekhrü ba de tsale thipü Niepoo ce süte. 17Ne mhatho mori jülü she dipü thi sheri Jisu zalü thi zote, kethezü pü Jihova tsüte, pü u Po zoti la. 18Micemi neko nenopu neko khro tayite, Niepoo celü süo pü zotila. 19Mi nopu neko, necemi neko khrüyi te, mu uko metsu khu mezü ta hite. 20Natsiko mha metülü nekrü neko jüzü thite, kekrelamori Niepoo hio pünü zo tila. 21Mipo neko ne nuneko lüva kereda hite, molize uko umelü thepu mo tato. 22Mi thekümiko mha metülü ne niepomi füzü thiyi te, uthi upho zhorele bi, umhüngoce lebi mo, thüma nü medo kethiko bita mode, vele umelü pü lebi khi, Jihova mpe tilü. 23Ne mhakehopü thi sheri, nenüde thite, Niepoo lano zitilü, mu thüma lano zi mode. 24Niepoo celü zhokhro kalü ngoyi keto seba ketabi, kekrelamori neko Niepoo Khrista choyi thiba. 25Vele kekri keti mhatho kethiko kekri tilü mhangoyi to; mu thüma celü thechuthero ngoyi ho.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.