COLOSSAEKO 1
1
1Paul, Jisu Khrista la apostle kethi Jihova medolü, mu Timothy uko sazüo. 2Kemesako mu Khrista kemelü lü keta sazüjürakohi Colossae lü kebako ce kesü, ngokemezhe po neko züba keyi thite, Jihova ukopo mu uko Niepoo Jisu Khrista celü kevori. 3U kethezü kha Jihova uko Po mu uko Niepoo Jisu Khrista tsü sü yoho, neko la kecho thisü zi bayo. 4Hako Khrista Jisu celü ne kemelü se keyi, mu neko kemesako kekhrü khasü keba se keyico. 5Kekrelamori tülü nekola kemeri khapü kemeta, neko himhüjü seba keta jüyikeve kethojülü. 6Nekoce vorite, cejü metülü bi, mu use kene zhüyi keta, neko yo sheri sübi bate, neko süo se keyi yovi, sünha Jihova ngokemezhe ketholü seyite. 7Neko Epaphras, hako choyi mipü seba, pü neko la Khrista yitho melü keshü mipü, 8Pü Rüpü lü neko kekhrü kehalasü. 9Püco hiola hako sheri süo sekeyi tüsonha, nekola kechothi tümo bazo teho, mu mhase mhalü mu pü medolü ketsü mu rüpülü mhalü keyi khapü neko chu kesü menyü ba. 10Neko Niepoo medolü tayi keshü, mu mhatho keve use zhü chu keyi, mu Jihova celü mhase vekehü keyi. 11Keku metülü uthi kemeco kesü, pü keku zapozale lü, sügüsühe mu kerülü tha keyi unüzode. 12Kethezü kha upo tsü kesü, uthipü ukopo kevelü kalü thi mu ngokeyimi thi kesü kemesako. 13Sopü kezülü usüphra sü sheri, sülü kekuo belü, side uthi kedepü pü nu pükhrüo kedebalü kesü. 14Neko pü zalü rhakeyi ngoyi te, kephoma vakeyi sheri. 15Pü ngoyo kemo Jihova hü thipü, khonuko nurao. 16Kekrelamori püyo mhametü thisü, tülü kelako, mu cejülü ketako, kengo zhüri ngokemo zhüri; kede ba kene mori mipi kekha ti sheri thezho kerekrüko, mori kekuko, püyo mha metü thiyi, pülazo. 17Pü mha metü mhüjü ta, mu püyo mha metü dü mu gu püba. 18Pü sü upio zo, kehü; shüdü theralü ta, kesa dolü rhüla kesü kerathoo, mhametüko pü keta seyi ve ketola. 19Kekrelamori pü po medosü püyo mha metü chupüta (kehü metü chu püta). 20Mu Cross yo thüza khi vetho thisü, püyo mhametü zü kezüveyi, akepo, cejülü keta metü sheri mü tülü mha keta metü sheri. 21Mu neko, pütü huce ne melülü keretse mhathoko la püzü kemecu te, siri tsühi pü nekozü kezüve yite. 22Pü thi püpho pü mesasü neko thi kemesa mu mejo va keho mu pümhüjülü po mesu vamo keto. 23Mhace neko krokrü de kemelülü tasüyi lize, mu jüyikeve kemeri lü resarena tamo, neko sekeyi bi, zhopo thipü tükhro keta kehü metüce kesü, sülü I Paul athipü apo yitho mipü thite. 24Somi I neko la kemezhe kesülü rechü ba sheri athi apho Khrista la methi kesü, sülü thayo sheri, süo sü kehuce zo. 25Süla athipü yitho mipü thisü, Jihova mhatho keza kekre kesü nekola akhasü, Jihova füko thi tsosü ketola. 26Mha ketekhri thi kehepü metülü mu nuhü metü lü kevapü kemeta, vele tsühi süo khipü kemesako mese mengo sü bate. 27Jihova cesücene süko zapozale kethi ketekhri zhü khi Gentile miko mese sü bate, Khrista neko yo ketao, zapozale kemeri. 28Hako zhopo kethi, thüma kehopü pori menuyino sü, mu thüma kehopü sheri methosü mhase ketsü dolini kethilü; side thüma kehopü sheri thipü vetsütso ti thi Khrista Jisu ce sü ketola. 29Sü süla I sheri mhatho thi ba, unütha thi mhatho kethilü alü kushu zode süo thi tazo.
ទើបបានជ្រើសរើសហើយ៖
COLOSSAEKO 1: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.
COLOSSAEKO 1
1
1Paul, Jisu Khrista la apostle kethi Jihova medolü, mu Timothy uko sazüo. 2Kemesako mu Khrista kemelü lü keta sazüjürakohi Colossae lü kebako ce kesü, ngokemezhe po neko züba keyi thite, Jihova ukopo mu uko Niepoo Jisu Khrista celü kevori. 3U kethezü kha Jihova uko Po mu uko Niepoo Jisu Khrista tsü sü yoho, neko la kecho thisü zi bayo. 4Hako Khrista Jisu celü ne kemelü se keyi, mu neko kemesako kekhrü khasü keba se keyico. 5Kekrelamori tülü nekola kemeri khapü kemeta, neko himhüjü seba keta jüyikeve kethojülü. 6Nekoce vorite, cejü metülü bi, mu use kene zhüyi keta, neko yo sheri sübi bate, neko süo se keyi yovi, sünha Jihova ngokemezhe ketholü seyite. 7Neko Epaphras, hako choyi mipü seba, pü neko la Khrista yitho melü keshü mipü, 8Pü Rüpü lü neko kekhrü kehalasü. 9Püco hiola hako sheri süo sekeyi tüsonha, nekola kechothi tümo bazo teho, mu mhase mhalü mu pü medolü ketsü mu rüpülü mhalü keyi khapü neko chu kesü menyü ba. 10Neko Niepoo medolü tayi keshü, mu mhatho keve use zhü chu keyi, mu Jihova celü mhase vekehü keyi. 11Keku metülü uthi kemeco kesü, pü keku zapozale lü, sügüsühe mu kerülü tha keyi unüzode. 12Kethezü kha upo tsü kesü, uthipü ukopo kevelü kalü thi mu ngokeyimi thi kesü kemesako. 13Sopü kezülü usüphra sü sheri, sülü kekuo belü, side uthi kedepü pü nu pükhrüo kedebalü kesü. 14Neko pü zalü rhakeyi ngoyi te, kephoma vakeyi sheri. 15Pü ngoyo kemo Jihova hü thipü, khonuko nurao. 16Kekrelamori püyo mhametü thisü, tülü kelako, mu cejülü ketako, kengo zhüri ngokemo zhüri; kede ba kene mori mipi kekha ti sheri thezho kerekrüko, mori kekuko, püyo mha metü thiyi, pülazo. 17Pü mha metü mhüjü ta, mu püyo mha metü dü mu gu püba. 18Pü sü upio zo, kehü; shüdü theralü ta, kesa dolü rhüla kesü kerathoo, mhametüko pü keta seyi ve ketola. 19Kekrelamori pü po medosü püyo mha metü chupüta (kehü metü chu püta). 20Mu Cross yo thüza khi vetho thisü, püyo mhametü zü kezüveyi, akepo, cejülü keta metü sheri mü tülü mha keta metü sheri. 21Mu neko, pütü huce ne melülü keretse mhathoko la püzü kemecu te, siri tsühi pü nekozü kezüve yite. 22Pü thi püpho pü mesasü neko thi kemesa mu mejo va keho mu pümhüjülü po mesu vamo keto. 23Mhace neko krokrü de kemelülü tasüyi lize, mu jüyikeve kemeri lü resarena tamo, neko sekeyi bi, zhopo thipü tükhro keta kehü metüce kesü, sülü I Paul athipü apo yitho mipü thite. 24Somi I neko la kemezhe kesülü rechü ba sheri athi apho Khrista la methi kesü, sülü thayo sheri, süo sü kehuce zo. 25Süla athipü yitho mipü thisü, Jihova mhatho keza kekre kesü nekola akhasü, Jihova füko thi tsosü ketola. 26Mha ketekhri thi kehepü metülü mu nuhü metü lü kevapü kemeta, vele tsühi süo khipü kemesako mese mengo sü bate. 27Jihova cesücene süko zapozale kethi ketekhri zhü khi Gentile miko mese sü bate, Khrista neko yo ketao, zapozale kemeri. 28Hako zhopo kethi, thüma kehopü pori menuyino sü, mu thüma kehopü sheri methosü mhase ketsü dolini kethilü; side thüma kehopü sheri thipü vetsütso ti thi Khrista Jisu ce sü ketola. 29Sü süla I sheri mhatho thi ba, unütha thi mhatho kethilü alü kushu zode süo thi tazo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.