MHATHOKO 23
23
1Paul Council thümako pe türü sü de poti, thümako mu sazüjürako, I tha ketso kematho mu kemezilü hü tazo Jihova mhüjülü. 2Anania, thevo kezho-opükhüce kebakoce po, püta vüsüno posü. 3Süsa Paul poti, Jihova po nvüsüte, no sazho kemegao; kekrelamori no asheco thiketola bala, thezho kemolü avüsüno no pobale? 4Pükhüce kethako poti, no Therü thevo kezhoo meli tome? 5Süsa Paul pode, asazüjürako, pü thevo kezhoo leti I sebamo; kekrelamori thopü meta ti nethüma kekhayo timiyo jü kesu pohi. 6Vele Paul Saducees kori püco ba mu Pharisees kori kekreco bati lüyi, süla pü füphra meto de kehulü poti, Thümako mu sazüjürako, I Pharisee mipü, mu apo sheri Pharisee mipü; kesami rhüla kesü kemeri keba hiola tha ashe kepoba. 7Pü süpo kesüce Sadduceeko mu Phariseeko dolü kelakre sürita, side makro keza kena thita. 8Kekrelamori Sadduceeko kelü kesami rhüla kesü bamo, mori tüyo choyimi sheri, mori rüpü zo sheri, vele Phariseeko süko melüyo. 9Uko dolü kebu metota, Pharisees lesikeseko kropü süthade poti, Hako thüma hioyo mha kesu ngoyimo, vele rüpü mori tüyo choyimi püce mhapo lize uko Therümi zü kezhe bahi khe. 10Uko dolü kelakre shu ketala, thipahe kezhoo mpeta, Paul cethüphapha va ri sehomo, süla thipaheko ketsüsü de kemuthi uko dolü Paul züyi tano posü, de püzü kezho micelü khotano posü. 11Süzi tüzülü Niepoo püce thade poti, Nnü yite, Paul, kekrelamori no Jerusalem lü azhopo thisü, sübi Rome lü sheri azhopo thisü mozesu.
Paul dokhri vaketo dorhü mekhrü rethi
12Tüso kebace, Jews miko humi kezü kropü thiyi de rephri reshu keti thipü bata, Paul dokhri va kemothe uko mhati mhakra hole zide. 13Uko thüma heda kezü mekhrü mhatho hihi thipü bata. 14Uko ta thevo kezhoo ce vo poti, hako reshu thipü bate Paul dokhri va kemothe hako mhapüri tiho. 15Tsühi, neko Council lü thipahe krapi kezhoo ce mhahu ketso menu sasü moze kesula leno sodo püzü kirite, pü cholü ta kiri tice hako pü dokhri va tomo. 16Paul lipü thepu mipü süko püfüla ba keta sesü, pü ta kezhomi celü khode süopü posü. 17Paul süo sekeyice, thejü fükebao cüpü püce süyi de poti, natsimi hio züpüvo thipahe krapi kezhoo ce süte, kekrelamori pü püce mhahu posü keto ba tila. 18Süla püzü tavo krapi kezhoo cesü, Paul acüsü de apo natsi hio züpüvo nce mhahupo süno bale. 19Süsa kezhoo pübe ceyi, de züpü thüma kedira vota, püce poti, mhakedipü ace posü keto bala? 20Püpoti, sodo Jews miko npo Paul züde kehulü vono ziti uko medo bale, uko püce mha ketso kemesa va ketola. 21Vele no uko medo zü hite, kekrelamori uko mi heda kelepü rizo thiba, uko reshu tipü bate, uko pü dokhri va kemothe mhati mhakra hole zino, uko dojüpü fü bate, uko nmedo ketso ketolü bate. 22Süsa kezhoo püpo tata, no azü kesü keti mha hiko pü mipü ceri po hite, sizi posü.
Paul ketsüpü Felix Angh ce kesü
23Kefümi mikena cüsü de poti, thipahemi kra kena mu gura pahe mi hethüna, mu rengu kepümi kra kena, tüzülükeba thecüce (sü) ta Caesarea lü khoto la dojü yite. 24Khonuko khapü Paul po ta ketola kesü yiye, side püpo tavo Felix Angh zü kesü ketola. 25Pü lesipü hibide thosü. 26Claudius Lysias lesi thopü Felix Angh kevethoo kelu kesü. 27Thüma hio Jews miko celü khiyi, uko pü dokhri vato kezüce, I thipaheko züvo pü kelayi, pü Roman miti se keyila. 28I püco dipüla sizi bata sheri seyi ketola püzü kehulü vo. 29I sekeyi püco oko zhoko la, vele mhapü lüri pü mejo keva mori sata keshü ngomo. 30Jews miko thümao riba keta seyi, rekri I pü ketsüpü nce süzüho, pümejo kebako pori ta nce vori de kedipü la bashi ti nmhüjülü posü ketola. Vebate. 31Thipahe ketsü kesüko tüzülü Paul züde tavo Antipatris tsoyi. 32Süsanha gura paheko po püzü vota, vele kekreko sala uko thilü (thipahe kebathi) vota. 33Uko ta Caesarea lü kevorice lesi thopü ketao khapü Angh tsüsü, mu Paul sheri khapü pü mhüjülü sü. 34Angh lesio phrisü, mu pü State dipülü vori sheri ketso. Pü sekeyi Cilicia mile zi. 35N mejo kebako vori keyi sa I nfü reni süto. Side pü khapü Herod jünyo keti keto celü meba.
ទើបបានជ្រើសរើសហើយ៖
MHATHOKO 23: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.
MHATHOKO 23
23
1Paul Council thümako pe türü sü de poti, thümako mu sazüjürako, I tha ketso kematho mu kemezilü hü tazo Jihova mhüjülü. 2Anania, thevo kezho-opükhüce kebakoce po, püta vüsüno posü. 3Süsa Paul poti, Jihova po nvüsüte, no sazho kemegao; kekrelamori no asheco thiketola bala, thezho kemolü avüsüno no pobale? 4Pükhüce kethako poti, no Therü thevo kezhoo meli tome? 5Süsa Paul pode, asazüjürako, pü thevo kezhoo leti I sebamo; kekrelamori thopü meta ti nethüma kekhayo timiyo jü kesu pohi. 6Vele Paul Saducees kori püco ba mu Pharisees kori kekreco bati lüyi, süla pü füphra meto de kehulü poti, Thümako mu sazüjürako, I Pharisee mipü, mu apo sheri Pharisee mipü; kesami rhüla kesü kemeri keba hiola tha ashe kepoba. 7Pü süpo kesüce Sadduceeko mu Phariseeko dolü kelakre sürita, side makro keza kena thita. 8Kekrelamori Sadduceeko kelü kesami rhüla kesü bamo, mori tüyo choyimi sheri, mori rüpü zo sheri, vele Phariseeko süko melüyo. 9Uko dolü kebu metota, Pharisees lesikeseko kropü süthade poti, Hako thüma hioyo mha kesu ngoyimo, vele rüpü mori tüyo choyimi püce mhapo lize uko Therümi zü kezhe bahi khe. 10Uko dolü kelakre shu ketala, thipahe kezhoo mpeta, Paul cethüphapha va ri sehomo, süla thipaheko ketsüsü de kemuthi uko dolü Paul züyi tano posü, de püzü kezho micelü khotano posü. 11Süzi tüzülü Niepoo püce thade poti, Nnü yite, Paul, kekrelamori no Jerusalem lü azhopo thisü, sübi Rome lü sheri azhopo thisü mozesu.
Paul dokhri vaketo dorhü mekhrü rethi
12Tüso kebace, Jews miko humi kezü kropü thiyi de rephri reshu keti thipü bata, Paul dokhri va kemothe uko mhati mhakra hole zide. 13Uko thüma heda kezü mekhrü mhatho hihi thipü bata. 14Uko ta thevo kezhoo ce vo poti, hako reshu thipü bate Paul dokhri va kemothe hako mhapüri tiho. 15Tsühi, neko Council lü thipahe krapi kezhoo ce mhahu ketso menu sasü moze kesula leno sodo püzü kirite, pü cholü ta kiri tice hako pü dokhri va tomo. 16Paul lipü thepu mipü süko püfüla ba keta sesü, pü ta kezhomi celü khode süopü posü. 17Paul süo sekeyice, thejü fükebao cüpü püce süyi de poti, natsimi hio züpüvo thipahe krapi kezhoo ce süte, kekrelamori pü püce mhahu posü keto ba tila. 18Süla püzü tavo krapi kezhoo cesü, Paul acüsü de apo natsi hio züpüvo nce mhahupo süno bale. 19Süsa kezhoo pübe ceyi, de züpü thüma kedira vota, püce poti, mhakedipü ace posü keto bala? 20Püpoti, sodo Jews miko npo Paul züde kehulü vono ziti uko medo bale, uko püce mha ketso kemesa va ketola. 21Vele no uko medo zü hite, kekrelamori uko mi heda kelepü rizo thiba, uko reshu tipü bate, uko pü dokhri va kemothe mhati mhakra hole zino, uko dojüpü fü bate, uko nmedo ketso ketolü bate. 22Süsa kezhoo püpo tata, no azü kesü keti mha hiko pü mipü ceri po hite, sizi posü.
Paul ketsüpü Felix Angh ce kesü
23Kefümi mikena cüsü de poti, thipahemi kra kena mu gura pahe mi hethüna, mu rengu kepümi kra kena, tüzülükeba thecüce (sü) ta Caesarea lü khoto la dojü yite. 24Khonuko khapü Paul po ta ketola kesü yiye, side püpo tavo Felix Angh zü kesü ketola. 25Pü lesipü hibide thosü. 26Claudius Lysias lesi thopü Felix Angh kevethoo kelu kesü. 27Thüma hio Jews miko celü khiyi, uko pü dokhri vato kezüce, I thipaheko züvo pü kelayi, pü Roman miti se keyila. 28I püco dipüla sizi bata sheri seyi ketola püzü kehulü vo. 29I sekeyi püco oko zhoko la, vele mhapü lüri pü mejo keva mori sata keshü ngomo. 30Jews miko thümao riba keta seyi, rekri I pü ketsüpü nce süzüho, pümejo kebako pori ta nce vori de kedipü la bashi ti nmhüjülü posü ketola. Vebate. 31Thipahe ketsü kesüko tüzülü Paul züde tavo Antipatris tsoyi. 32Süsanha gura paheko po püzü vota, vele kekreko sala uko thilü (thipahe kebathi) vota. 33Uko ta Caesarea lü kevorice lesi thopü ketao khapü Angh tsüsü, mu Paul sheri khapü pü mhüjülü sü. 34Angh lesio phrisü, mu pü State dipülü vori sheri ketso. Pü sekeyi Cilicia mile zi. 35N mejo kebako vori keyi sa I nfü reni süto. Side pü khapü Herod jünyo keti keto celü meba.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.