MHATHOKO 19
19
Paul Ephesus lü kevo
1Apollos Corinth lü kebace Paul ta jükezho khükolü vo, side tavo Ephesus lü kemelümi hu bade ngoyi. 2Pü ukoce poti, neko melü keyice Kemesa Rüpü ngoyi me? Uko puce poti, hako Kemesa Rüpü tayo ti seri sü mole. 3Pü posala kesü, neko sopü zalü jülo püyi la? Uko püce pode, hako John Jülo kepü zalüle. 4Süla Paul ukoce pode, John jülo kepü sü, thelü rede keyi jülo khasü, pü poti, mipü asa vori kezüo melü yite sidepo, süosü Jisu Khrista le. 5Uko süo sekeyice Niepoo Jisu zalü jülo püyi. 6Paul pübe chopü ukoyo kesüce, Kemesa Rüpü ukoyo vorita; mu uko saju kopo mu fü kesalü mhapo zita. 7Thepumi sülü kebako mi keri kena. 8Pü tekhri sü sülü ba synagogue lü thepu shude jüpo, Jihova kede kethi popü mihü. 9Thelü kekhri humi püzü kemelita mu methi kehulü choo po meshü ketala pü sülü kemelü miko zü tata, pü tüsonha Tyrannus hall lü mizü kemeli ba zota. 10Tütse kena sülü bata, süla Asia lü kebako metü Niepoo Jisu jü seyi, Jewko sheri mu Greek miko sheri. 11Paul beyolü Jihova mha ungo kekro kerekri thisü. 12Süla püyo keta hanki (füne) zori mori füne püvo püni kesü zori, khipüvo kethi miko ni kesüsa kethiko menüta mu therü kesüko tata yo.
Sceva nu thepuko
13Jews mi thüma kesuhu therü kesu huta, kesu rüpü miyo ketako ce poti, Niepoo Jisu zalü huyo, Paul zhopo thi ketao hako poyo. 14Sceva siti mipü pünu thepumi thüna ba, Jewmi, thevo kezhoo, uko sübi thita. 15Kesu rüpü ukofü kela kesü, Jisu I seba, Paul sheri I seba, vele no sopü? 16Mipüyo kesu rüpü kebao, prüsü ukoyo vota, (uko cheta), ukoce kuku, mu uko meniva, süla uko rezayi mu mechü tata (ufüne nrhüta)
17Theju süo Jews kori mu Greek miko sheri se kesüce, uko ngo thi mu mpeta; Ephesus lü kehüko metü se vota mu Niepoo Jisu zapo kemele shu süta. 18Melü keyiko tavori de uko phrasü, hijü thi ketako püvo uko mekasü. 19Kemedu ti lesiko pü cadu thi ketako khipü vorita, süko metü pü melü thüva thümako mhüjülü; mhama süko phri kesüce püma rakathi nye hepüngu (50, 000) mesüta. 20Hibide Jihova jü kushü mu ma mekro süta.
Kebu keti Ephesus lü süri keta
21Mha hiko thi kevasa, Paul Kemesa Rüpülü lükeyi, Macedonia mu Achaia cutha sü Jerusalem lü vo keto rhüta. I sülü vo kevasa Rome lüri vo moze su. 22Süla püzü keta mi kena ketsüpü Macedonia lüsü, Timothy mu Erastus ni, vele pü Asia lü pütühu thothü bata. 23Sümesü cesü süce mhakebü kebu damo, Choo la. 24Kekrelamori mipü püza Demetrius, raka rekremipü, Diana rüo thipü kereshücelü kesüla meve damo tari. 25Pü rekremiko cüpü puce süyi de poti, Kezhomiko, neko seba uko cene ngo keyi mhatho hiola. 26Süpi sheri neko metü kese kengo, Ephesus lü lebimo, vele Asia metülü, Paul hio thüma kekro thi rede keva, hikopü therü mole zite, uko bepü kethiko. 27Süla uko mhathoko kemethu thita keto kemechelü bate; sülebimo Diana kereshüce sheri mipo thalice va keto lü bate, pü züveko jü mesu vato, Asia lü sheri mu cejülü sheri reshü ketao. 28Uko mha süko se keyice uko lü reda shuta, de se metota, Ephesian mikola Diana sü zho shuwe. 29Nade metülü mhakebü phita, mu tavo Gaius mu Aristarchus ni Macedoniami Paul revülü zü vori kebani tüyi, uko metü kezü lüpü thi ta kehu thethilü lüta. 30Paul ta sülü voto kesüce kemelü miko püpo lü muta. 31Asia lü püzümi kemeleko thüma ketsüpü püce süde püpo kehuthi lü lühino sü. 32Humi mhapüpo, kekre miko kekre po side kehu sülü mha kebu shuta, mu metü khrüri kedipüla uko sülü vo kenguyita sheri püco seyi mota. 33Uko Alexander zitipü makro dolü züprari, Jews miko pü khapü mi mekasü; Alexander pübe chopü mice mhapo tolesü, thümako mhüjülü pümezi potole thayi. 34Vele uko püseti, pü Jew mipü, süla bavüdo kena mesü uko seta de Diana sü Ephesus mikola Kezhoo. 35Rüna kezholü kethoo miko kekha de poti, Ne Ephesus miko, Ephesus miko nadelü kehüko Diana therüpü kereshümi ziti sopü semo bata, marhe süo Jupiter thenyü yo retu kiri? 36Süo se kebala mipüri süo metsu keti kepo bamo, neko süla kemekre tate, kekri mhalü kemo mhatho thi hite. 37Kekrelamori neko thüma hiko zü vori, uko kehulü mizhü süketimi mo, mori neko rüpü sheri tha zhoshü bamo. 38Mhace Demetrius mu pürekreko mhahu panyo ti bali mha de kenyo to lize, thezho hepü meta zo, süla uko po hunehu yo panyo khipü vo shecoko ce umezi poyite. 39Vele neko mhace mhakekre ketso ba tisa thezho lüno kehulü kepo yito. 40Kekrelamori uko tha mhakebü keti la uko mejota keto kemeprü lü bate, püco kedi pülü makro kebu keta hio uko mezi poyi motato. 41Pü hibi po kevasa kehu khava.
ទើបបានជ្រើសរើសហើយ៖
MHATHOKO 19: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.
MHATHOKO 19
19
Paul Ephesus lü kevo
1Apollos Corinth lü kebace Paul ta jükezho khükolü vo, side tavo Ephesus lü kemelümi hu bade ngoyi. 2Pü ukoce poti, neko melü keyice Kemesa Rüpü ngoyi me? Uko puce poti, hako Kemesa Rüpü tayo ti seri sü mole. 3Pü posala kesü, neko sopü zalü jülo püyi la? Uko püce pode, hako John Jülo kepü zalüle. 4Süla Paul ukoce pode, John jülo kepü sü, thelü rede keyi jülo khasü, pü poti, mipü asa vori kezüo melü yite sidepo, süosü Jisu Khrista le. 5Uko süo sekeyice Niepoo Jisu zalü jülo püyi. 6Paul pübe chopü ukoyo kesüce, Kemesa Rüpü ukoyo vorita; mu uko saju kopo mu fü kesalü mhapo zita. 7Thepumi sülü kebako mi keri kena. 8Pü tekhri sü sülü ba synagogue lü thepu shude jüpo, Jihova kede kethi popü mihü. 9Thelü kekhri humi püzü kemelita mu methi kehulü choo po meshü ketala pü sülü kemelü miko zü tata, pü tüsonha Tyrannus hall lü mizü kemeli ba zota. 10Tütse kena sülü bata, süla Asia lü kebako metü Niepoo Jisu jü seyi, Jewko sheri mu Greek miko sheri. 11Paul beyolü Jihova mha ungo kekro kerekri thisü. 12Süla püyo keta hanki (füne) zori mori füne püvo püni kesü zori, khipüvo kethi miko ni kesüsa kethiko menüta mu therü kesüko tata yo.
Sceva nu thepuko
13Jews mi thüma kesuhu therü kesu huta, kesu rüpü miyo ketako ce poti, Niepoo Jisu zalü huyo, Paul zhopo thi ketao hako poyo. 14Sceva siti mipü pünu thepumi thüna ba, Jewmi, thevo kezhoo, uko sübi thita. 15Kesu rüpü ukofü kela kesü, Jisu I seba, Paul sheri I seba, vele no sopü? 16Mipüyo kesu rüpü kebao, prüsü ukoyo vota, (uko cheta), ukoce kuku, mu uko meniva, süla uko rezayi mu mechü tata (ufüne nrhüta)
17Theju süo Jews kori mu Greek miko sheri se kesüce, uko ngo thi mu mpeta; Ephesus lü kehüko metü se vota mu Niepoo Jisu zapo kemele shu süta. 18Melü keyiko tavori de uko phrasü, hijü thi ketako püvo uko mekasü. 19Kemedu ti lesiko pü cadu thi ketako khipü vorita, süko metü pü melü thüva thümako mhüjülü; mhama süko phri kesüce püma rakathi nye hepüngu (50, 000) mesüta. 20Hibide Jihova jü kushü mu ma mekro süta.
Kebu keti Ephesus lü süri keta
21Mha hiko thi kevasa, Paul Kemesa Rüpülü lükeyi, Macedonia mu Achaia cutha sü Jerusalem lü vo keto rhüta. I sülü vo kevasa Rome lüri vo moze su. 22Süla püzü keta mi kena ketsüpü Macedonia lüsü, Timothy mu Erastus ni, vele pü Asia lü pütühu thothü bata. 23Sümesü cesü süce mhakebü kebu damo, Choo la. 24Kekrelamori mipü püza Demetrius, raka rekremipü, Diana rüo thipü kereshücelü kesüla meve damo tari. 25Pü rekremiko cüpü puce süyi de poti, Kezhomiko, neko seba uko cene ngo keyi mhatho hiola. 26Süpi sheri neko metü kese kengo, Ephesus lü lebimo, vele Asia metülü, Paul hio thüma kekro thi rede keva, hikopü therü mole zite, uko bepü kethiko. 27Süla uko mhathoko kemethu thita keto kemechelü bate; sülebimo Diana kereshüce sheri mipo thalice va keto lü bate, pü züveko jü mesu vato, Asia lü sheri mu cejülü sheri reshü ketao. 28Uko mha süko se keyice uko lü reda shuta, de se metota, Ephesian mikola Diana sü zho shuwe. 29Nade metülü mhakebü phita, mu tavo Gaius mu Aristarchus ni Macedoniami Paul revülü zü vori kebani tüyi, uko metü kezü lüpü thi ta kehu thethilü lüta. 30Paul ta sülü voto kesüce kemelü miko püpo lü muta. 31Asia lü püzümi kemeleko thüma ketsüpü püce süde püpo kehuthi lü lühino sü. 32Humi mhapüpo, kekre miko kekre po side kehu sülü mha kebu shuta, mu metü khrüri kedipüla uko sülü vo kenguyita sheri püco seyi mota. 33Uko Alexander zitipü makro dolü züprari, Jews miko pü khapü mi mekasü; Alexander pübe chopü mice mhapo tolesü, thümako mhüjülü pümezi potole thayi. 34Vele uko püseti, pü Jew mipü, süla bavüdo kena mesü uko seta de Diana sü Ephesus mikola Kezhoo. 35Rüna kezholü kethoo miko kekha de poti, Ne Ephesus miko, Ephesus miko nadelü kehüko Diana therüpü kereshümi ziti sopü semo bata, marhe süo Jupiter thenyü yo retu kiri? 36Süo se kebala mipüri süo metsu keti kepo bamo, neko süla kemekre tate, kekri mhalü kemo mhatho thi hite. 37Kekrelamori neko thüma hiko zü vori, uko kehulü mizhü süketimi mo, mori neko rüpü sheri tha zhoshü bamo. 38Mhace Demetrius mu pürekreko mhahu panyo ti bali mha de kenyo to lize, thezho hepü meta zo, süla uko po hunehu yo panyo khipü vo shecoko ce umezi poyite. 39Vele neko mhace mhakekre ketso ba tisa thezho lüno kehulü kepo yito. 40Kekrelamori uko tha mhakebü keti la uko mejota keto kemeprü lü bate, püco kedi pülü makro kebu keta hio uko mezi poyi motato. 41Pü hibi po kevasa kehu khava.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.