MHATHOKO 14
14
Paul mu Barnabas ni Iconium lü kevo
1Sübide Paul mu Barnabasni ta Iconium lü kevoce uni ta Jews kereshücelü lü, de jü posü side Jews kori mu Greek kori kekro melüyi. 2Vele Jews melükemoko Gentiles kemelüko lü thimesu püsü usazüjürako metsusüta. 3Uni pütü kecho sülü bata thepu shude Niepoo jüpo mu ngokemezhe zhopo thi sü, ubepü zasiko mu ungo mhathoko thisü. 4Vele nadelü thümako kezata: humi Jews kro züta mu humi kemelü krolü vorita. 5Jews miko, Gentiles mu rüna kekha yo tikori kesa de uniyo mhatho kesu thi keto rhüta, uni meshu mu ketsü khipü va keto thita. 6Apostleko süko seyi ketala ta nadekolü vota, Lystra, Derbe, mu Lycaonia kolü mu sükhükolü vota. 7Uni sükolü Jüyikeve zhopo thi zo vota.
Paul mu Barnabas ni Lystra mu Derbe lü mhatho
8Lystra lü mipü püzu valü pheyho zode menu keyi mipü, vapüri chode tayo kemopü. 9Paul jüpo keba reni püpe zoba ta, Paul püpe türü kesüce pükemelü sürhoyi keto baketi ngoyi. 10Pü füphra meto de, “npheyo tosütha süte.” Siri pü rehü süthayi de chota yita. 11Thümako Paul mhatho thi kesü ngo, uko Lycaonia mifü phra meto de poti, “therümiko thüma hü thipü udolü vori bate” sita. 12Paul pü Mercurius rüo thi mu Barnabas pü Jupiter rüo thita. Kekrelamori Paul no jükepo-o thi tila. 13Süsa Jupiter kereshü thevoo uko mhüjü nadelü bayori thodoko mu menyepüko khipü kharülü vorita, side thümako zü kereshü thipü uni reshü to süta. 14Barnabas mu Paul apostleni süse kesüce uni füneko cekhrota, de tasü thümako dolü se vota. 15Uni poti, ne kezhomiko dito hibiti thita? Hani sheri neko bi thümazo uthi upho kebamizo, jüyikeve pü neko cekepo nekopo kemethu hikolü redeyi, de rhüketa Jihova tü mu cejü, jükezho, mu sükolü ketako metü thi kesüo ce vori tate. 16Voketa tükolü shuyeko khapü utho umedo chokolü ta vori zo. 17Sizizori zhopo kedithi pütho pü khavamo zo, mhakeve kethilü, tüyo tümerüpü uketsü, pütülü raseko mehü kesü, umelü thipü unü ketiko mu keticoko sheri kha uketsüko. 18Jü hiko posü zo sheri uko kethüyi mozota, de kereshü thipü uni reshü tole zota. 19Jews miko Antioch mu Iconium lü kevoriko thümako hüpü ukopo ketsüpü Paul vata, ketsüpü püzhe kevasa uko pü süsapü chozu vota, uko kelüce Paul satele lüba. 20Vele kemelü miko tavo pü hutuyi, süce pü tasüri de ta nadelü lüta; mu süsanha pü Barnabas züde ta Derbe lü vota.
Sala Antioch Suria lü vo keta
21Uni nade sülü zhopo thi kesüsa thüma kekro methasü, uni tala Lystra, Iconium mu Antioch lü vota. 22Süsa uni tavo sajiko thi kemetü mu thi kethepu sü, de ukopo kemelülü tha metü ba zono sü, kemezhe keti kekrolü ta Jihova kede kethilü vo ketola. 23Uni ta kevolü kehu pethi mehi kedasü, kechothi mu mevode, Niepoo zalü khapü uko melüsü. 24Uni ta Pisidia metülü püthüvo de ta Pamphylia lü vori. 25Uni Perga lü jü zhopo thi kesüsa ta Attalia lü kita. 26Sülü uni ru thopü ta Antioch lü kho salata, Niepoo kekhrülü mhathoko thikhrü keyi kola. 27Uni ta vori keyice kehuko vori kenguyi, sükoce Jihova uni züde mhatho kethiko popü mekasü, dipü bide kemelü cekha khripü Gentileko tsü sü sheri. 28Sülü uni pütü kecho sajiko zü bata.
ទើបបានជ្រើសរើសហើយ៖
MHATHOKO 14: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.
MHATHOKO 14
14
Paul mu Barnabas ni Iconium lü kevo
1Sübide Paul mu Barnabasni ta Iconium lü kevoce uni ta Jews kereshücelü lü, de jü posü side Jews kori mu Greek kori kekro melüyi. 2Vele Jews melükemoko Gentiles kemelüko lü thimesu püsü usazüjürako metsusüta. 3Uni pütü kecho sülü bata thepu shude Niepoo jüpo mu ngokemezhe zhopo thi sü, ubepü zasiko mu ungo mhathoko thisü. 4Vele nadelü thümako kezata: humi Jews kro züta mu humi kemelü krolü vorita. 5Jews miko, Gentiles mu rüna kekha yo tikori kesa de uniyo mhatho kesu thi keto rhüta, uni meshu mu ketsü khipü va keto thita. 6Apostleko süko seyi ketala ta nadekolü vota, Lystra, Derbe, mu Lycaonia kolü mu sükhükolü vota. 7Uni sükolü Jüyikeve zhopo thi zo vota.
Paul mu Barnabas ni Lystra mu Derbe lü mhatho
8Lystra lü mipü püzu valü pheyho zode menu keyi mipü, vapüri chode tayo kemopü. 9Paul jüpo keba reni püpe zoba ta, Paul püpe türü kesüce pükemelü sürhoyi keto baketi ngoyi. 10Pü füphra meto de, “npheyo tosütha süte.” Siri pü rehü süthayi de chota yita. 11Thümako Paul mhatho thi kesü ngo, uko Lycaonia mifü phra meto de poti, “therümiko thüma hü thipü udolü vori bate” sita. 12Paul pü Mercurius rüo thi mu Barnabas pü Jupiter rüo thita. Kekrelamori Paul no jükepo-o thi tila. 13Süsa Jupiter kereshü thevoo uko mhüjü nadelü bayori thodoko mu menyepüko khipü kharülü vorita, side thümako zü kereshü thipü uni reshü to süta. 14Barnabas mu Paul apostleni süse kesüce uni füneko cekhrota, de tasü thümako dolü se vota. 15Uni poti, ne kezhomiko dito hibiti thita? Hani sheri neko bi thümazo uthi upho kebamizo, jüyikeve pü neko cekepo nekopo kemethu hikolü redeyi, de rhüketa Jihova tü mu cejü, jükezho, mu sükolü ketako metü thi kesüo ce vori tate. 16Voketa tükolü shuyeko khapü utho umedo chokolü ta vori zo. 17Sizizori zhopo kedithi pütho pü khavamo zo, mhakeve kethilü, tüyo tümerüpü uketsü, pütülü raseko mehü kesü, umelü thipü unü ketiko mu keticoko sheri kha uketsüko. 18Jü hiko posü zo sheri uko kethüyi mozota, de kereshü thipü uni reshü tole zota. 19Jews miko Antioch mu Iconium lü kevoriko thümako hüpü ukopo ketsüpü Paul vata, ketsüpü püzhe kevasa uko pü süsapü chozu vota, uko kelüce Paul satele lüba. 20Vele kemelü miko tavo pü hutuyi, süce pü tasüri de ta nadelü lüta; mu süsanha pü Barnabas züde ta Derbe lü vota.
Sala Antioch Suria lü vo keta
21Uni nade sülü zhopo thi kesüsa thüma kekro methasü, uni tala Lystra, Iconium mu Antioch lü vota. 22Süsa uni tavo sajiko thi kemetü mu thi kethepu sü, de ukopo kemelülü tha metü ba zono sü, kemezhe keti kekrolü ta Jihova kede kethilü vo ketola. 23Uni ta kevolü kehu pethi mehi kedasü, kechothi mu mevode, Niepoo zalü khapü uko melüsü. 24Uni ta Pisidia metülü püthüvo de ta Pamphylia lü vori. 25Uni Perga lü jü zhopo thi kesüsa ta Attalia lü kita. 26Sülü uni ru thopü ta Antioch lü kho salata, Niepoo kekhrülü mhathoko thikhrü keyi kola. 27Uni ta vori keyice kehuko vori kenguyi, sükoce Jihova uni züde mhatho kethiko popü mekasü, dipü bide kemelü cekha khripü Gentileko tsü sü sheri. 28Sülü uni pütü kecho sajiko zü bata.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.