CORINTHMIKO KÜNAO 12
12
1Kümüha morive, sülü küprakümve pühri bamo tsüla, vele vemho Nyepoo khi amüka küsü posü to. 2Khrista ceco thüma püh tücie kürinda vo kütace zü tü hasüh-o lü kho, thümoo same samosü I shemo Nyepoo tho küsheo. 3I thüma si kütsü she thümoo same thümoo samo shi I shemo Nyepoo Jihova tho küsheo. 4Sino poshü kütsü khü kropüh she, thüma po poshü kütsü khü. 5Thüma hio sühlü I kümüha to: vele utho uceco kümühayi ho, a thathio lüzo kümosa. 6I kümüha nsa zori I kümülo mi bi ho, kükrelamole I küthoo poto. Vele I sülü a küthüyi te, sino mipo a küngo mu a khü küsheo pi alü mükho ta mo kütola. 7A po mha tha aka küsüko lü alü müzhori ta mo kütola tsahu püh püh athi lü süve Satan choyimi po amüthi süto no apo athi müzhori ta mo küto la. 8I Nyepoo ce vasüh cho, hio khiva no sideno. 9Vele pü ace po kütsü, “A ngokümüzhie sü n la tsühzo, a kükuo no küthathi thipü ve zhochüyi yo tsüla.” Süla I athathio lü kümüha tsü anüpüte, Khrista kükuo po ayo bayi to tsüla. 10Süla I Khrista lano thathi, thatha lü, mhakürü, kümüthikümünyi mu zhoswü pü kütsü anüte, süo I thathi kübace ku batayo tsüla. 11I nyoza te, nieko a kümu thipüh hilü süvae. I nieko celü thüchuh püyitsü müsüh, I mhathomharo mo vele apostle küzhothoko cieri tsüpü chiemo. 12Apostel kütho zasi tha nieko ka süte sügüsühü, zasiko mu ungomhathoko mu küku mhathoko lü. 13Nieko mha dipüh lü kühu kükreko cethathipüa? I apüh nieko müzhie thi kümoomho. Hihi la a küjo vasüte. 14Hei tsüo va hi nieko cie votoleno kürüde kütsü va süh-o taho. Mu I nieko müzhie thiho, kükrelamole I nieko mha phuzü mo nieko phuzü tsüzo; ununie po ukrünie ve müdo mole ukrünie po ununie ve müdoyo tsüla. 15I a nüsai no kütsisü to nieko la kütsi süto, I nieko khrü mükropü mu nieko a khrü mütsapü to me? 16Ala nieko püh thimo tsü lüyi, nieko po kütsü ado veno thüdo püh nieko tüyi tale siyo. 17I humi kütsü püh nieko ce küsüce nieko yo küprakümve hu ngoyi ta me? 18I Titus kütsü sü, uzümi püh sa kütsüsü. Titus nieko yo kütüpro ta me? Hani ropü pühlü mhathi mo me? Hani phecie kümhano ta mome? 19Hie hatho hayoyi küto lü yotho sino lü ba me? Ha Khrista yolü no Jihova mhüdzülü poyo. Ha mha kühopüh thiri nie thi mveyi küto la zo. 20I müprü küba a küvoce nieko a medo bi ba ngoyi mo mori nieko angopüh nieko müdo biyi mota sino kümüli, huhu ngo uro, lükhulüha, küzüküshü, uzhozhü külü, huhu tha, Sali thi, ko küka mu kübvü kütsü süh küta müprü. 21I laküvoice a Jihova po athi kürünu no apo hidzü phoma küva müsakümo, peü, mu küthünga mhathoko lü rüdeyi kümola apo uko kri zo küta müprü.
ទើបបានជ្រើសរើសហើយ៖
CORINTHMIKO KÜNAO 12: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.
CORINTHMIKO KÜNAO 12
12
1Kümüha morive, sülü küprakümve pühri bamo tsüla, vele vemho Nyepoo khi amüka küsü posü to. 2Khrista ceco thüma püh tücie kürinda vo kütace zü tü hasüh-o lü kho, thümoo same samosü I shemo Nyepoo tho küsheo. 3I thüma si kütsü she thümoo same thümoo samo shi I shemo Nyepoo Jihova tho küsheo. 4Sino poshü kütsü khü kropüh she, thüma po poshü kütsü khü. 5Thüma hio sühlü I kümüha to: vele utho uceco kümühayi ho, a thathio lüzo kümosa. 6I kümüha nsa zori I kümülo mi bi ho, kükrelamole I küthoo poto. Vele I sülü a küthüyi te, sino mipo a küngo mu a khü küsheo pi alü mükho ta mo kütola. 7A po mha tha aka küsüko lü alü müzhori ta mo kütola tsahu püh püh athi lü süve Satan choyimi po amüthi süto no apo athi müzhori ta mo küto la. 8I Nyepoo ce vasüh cho, hio khiva no sideno. 9Vele pü ace po kütsü, “A ngokümüzhie sü n la tsühzo, a kükuo no küthathi thipü ve zhochüyi yo tsüla.” Süla I athathio lü kümüha tsü anüpüte, Khrista kükuo po ayo bayi to tsüla. 10Süla I Khrista lano thathi, thatha lü, mhakürü, kümüthikümünyi mu zhoswü pü kütsü anüte, süo I thathi kübace ku batayo tsüla. 11I nyoza te, nieko a kümu thipüh hilü süvae. I nieko celü thüchuh püyitsü müsüh, I mhathomharo mo vele apostle küzhothoko cieri tsüpü chiemo. 12Apostel kütho zasi tha nieko ka süte sügüsühü, zasiko mu ungomhathoko mu küku mhathoko lü. 13Nieko mha dipüh lü kühu kükreko cethathipüa? I apüh nieko müzhie thi kümoomho. Hihi la a küjo vasüte. 14Hei tsüo va hi nieko cie votoleno kürüde kütsü va süh-o taho. Mu I nieko müzhie thiho, kükrelamole I nieko mha phuzü mo nieko phuzü tsüzo; ununie po ukrünie ve müdo mole ukrünie po ununie ve müdoyo tsüla. 15I a nüsai no kütsisü to nieko la kütsi süto, I nieko khrü mükropü mu nieko a khrü mütsapü to me? 16Ala nieko püh thimo tsü lüyi, nieko po kütsü ado veno thüdo püh nieko tüyi tale siyo. 17I humi kütsü püh nieko ce küsüce nieko yo küprakümve hu ngoyi ta me? 18I Titus kütsü sü, uzümi püh sa kütsüsü. Titus nieko yo kütüpro ta me? Hani ropü pühlü mhathi mo me? Hani phecie kümhano ta mome? 19Hie hatho hayoyi küto lü yotho sino lü ba me? Ha Khrista yolü no Jihova mhüdzülü poyo. Ha mha kühopüh thiri nie thi mveyi küto la zo. 20I müprü küba a küvoce nieko a medo bi ba ngoyi mo mori nieko angopüh nieko müdo biyi mota sino kümüli, huhu ngo uro, lükhulüha, küzüküshü, uzhozhü külü, huhu tha, Sali thi, ko küka mu kübvü kütsü süh küta müprü. 21I laküvoice a Jihova po athi kürünu no apo hidzü phoma küva müsakümo, peü, mu küthünga mhathoko lü rüdeyi kümola apo uko kri zo küta müprü.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.